水記

營業中

休息中

近幾年在香港要找到一碗好吃的牛腩粉面，真是不容易，大部分餐廳都做得很隨便，水準不高，收費並不便宜，像水記這樣的老字號，雖有老字號，但是依然保持這麼好的水準，實在是難得。希望水記能夠保持下去。

老字號大排檔、地方出奇乾淨企理、儘管諸多規矩如牛腩牛雜不能雙併、炸雲吞、魚皮不能外賣、油菜不跟蠔油、只有幼麵冇粗麵、冇淨食等等、但我個人認為他是我心中的「米之蓮食堂」可能你會覺得服務態度不好, 其實只要你和他們溝通、他們是十分親切的。個人推薦：每天只有一碗的牛沙瓜：湯底我覺得可以和數字牛腩、大埔X 記匹敵、但牛沙瓜真係冇得輸，第一次試食已經有感動落淚的感覺，牛魔王朋友們會懂我的牛胸油：爽肥牛脆骨： 牛筋質地但有雞軟骨的感覺炸雲吞：早去就有、即叫即炸開心Share : 家庭小店、充滿人情味、太子爺叫輝哥，電電佢🉑️能留牛沙瓜過你

呢排係上環返intern，當然就把握機會試下附近美食啦，我係牛魔王大家一早都知架啦，不過牛魔王都未必食過晒牛嘅所有部位呀！呢道有間專食新鮮牛雜嘅大排擋，叫做「水記」，佢有碗隱世牛沙瓜，每日只有兩碗，可遇不可求。今日放早lunch11點半食飯，一夠鐘我就衝過去，去到水記先岩岩好開檔。一坐低即刻問店員有無牛沙瓜，店員開雪櫃點頭話仲有一碗，諗都唔諗即刻要碗牛沙瓜河，滿懷期望咁等佢黎。牛沙瓜河一黎到，個陣油香味已經好吸引，牛沙瓜比想像中腍，外層只有一塊薄皮，咬落好似食緊豆腐咁軟滑，但內裡油香直迫口腔，原來傳說中嘅牛沙瓜係同金錢肚或牛柏葉咁唔同，完全無個種嚼勁，反而牛味就濃郁得多！牛沙瓜其實係牛第四個胃，非常細小，仲要咁美味，難怪平時咁罕見！水記嘅牛雜確實係新鮮，不過營業時間比較短，好多特色牛內臟，未到12點已經賣晒，有興趣嘅朋友可以黎碰下運氣！

the 牛腩is so good that made me come back the next day. in central, all restaurants are overpriced due to rent, but this place is in the wet market and on a slope so dirty and not a comfortable place for a meal. but the food is exceptionally good and the staff are surprisingly friendly. I ordered a coke and when she handed my a regular coke, I said I ordered a black tin, she looked at me and said OH, but didn't scream back nor gave me the look so I was touched! I hope Michelin will never discove

天時熱但都想嚟試下，坐低發現原來都好多OL都有嚟幫襯。中環嚟講三四十蚊食到一碗牛嘅河粉已經好唔錯，係無冷氣嘅，所以冬天嚟食會食得更舒服。叫咗碗牛腩河， 佢嘅牛腩係我少數見過切得最整齊。細細碗似屋企個碗咁，女仔食就ok男仔應該就唔夠。個湯底比外面個啲多咗陣甜味，所以係好食嘅，個牛腩煮到好軟棉棉咬得開。同外面嘅唔同佢嘅牛腩係偏瘦，啱晒我。除咗牛腩河佢仲有牛雜河/麵都想試下，不過會等太陽落山個段時間先嚟食。

中環街市係我最愛的街市，呢度的食材新鮮，很多特色小店，小餐廳，充滿人情味。水記就係我最愛的食店之一，因爲呢排天氣異常炎熱，所以我都係買外賣反office 慢慢吃。每次經過9記牛腩，都大排長龍，真不明白d 人點解偏愛9記，要數中環最好味的牛雜牛腩店，我覺得真的非水記莫屬！ 牛雜清潔得一絲不苟，牛腩又淋又入味，肥瘦適中，非常入味，加埋個湯底，真的大讚！現在呢d 甘有人情味的小店已經買少見少，真的要好好珍惜還有得吃！ 現在正值炎炎夏日，但水記員工都還是笑面迎人，工作認真，真的很不簡單呢！非常推薦呢閒牛雜店！ 很好味！因爲實在太好味，所以上面張相影得不夠好。

中環有一堆茶檔 呢間係食爽腩 每日售完即止 下午一點我棯都冇哂夏天可能好d 因爲坐街邊食係辛苦d爽腩爽口過一般牛腩 好似食緊牛腩同牛筋即混合版放lunch即刻衝去食 成功叫到最後兩碗 聽到後面個枱冇得食 我同同事仲爽過碗爽腩 😆 一行到去就聞到好香牛味 但係食完爽腩先知牛腩原來仲差幾條街 啲河粉都幾正 連碟菜心都特別好味 炸雲呑再脆啲會更好食 最正係流住汗坐係條街食河粉 成件事好local好有feel 15分鐘走得 快靚正 😌 推介: /5

向港友抱怨，哪里有超过华姐清汤腩的店啊？他推荐水记，那不是超级难吃的盛记大排档旁边？我已经对那附近的网红食店无任何兴趣，包括什么庸记、莲香楼和蛇王芬，反而大班楼才有水平。所以去吃水记的时候就没抱太大期望，果然走到水记门口，又看到贴明星照片的套路，本来不想吃了，但是一看锅里的牛腩成色，貌似有点水平哟，来一碗吧，不好吃就剩下买单走人以示抗议。小小一碗面，能闻到香气，汤色还算金黄透亮，先吖一口汤，偏咸，再多一点盐就没法入口的程度，但是，香啊，有牛肉味啊，估计这就是盐巴的魅力，把所有的味道有机结合……，再开一口爽腩，口感软糯…。最后吸面，很快见到碗底，可惜却没有再来一碗的冲动，面的口感差了点，不够脆弹。水记，值得再去吃。

食感一向很準！今次都無例外！係條細巷裏邊搵到此物只因天上有，人間難得幾回嚐的：牛沙瓜！第一次來買外賣，與同事都準備食爽腩，但是～無啦。老闆說昵啲嘢都好少貨嘅。所以，同事轉買牛雜雲吞面。我又問有無牛沙瓜，老闆後面的姐姐說偷偷的幫我看看，驚喜-還有一份！即刻落單！我準備影相，邊上嘅哥哥好好話可以幫我影，當然好啦！看來他經常被要求幫客影相，技術好好，影的好靚！返來打開食，哇哇哇！牛～沙～瓜～啦啦啦啦啦啦！怎麼會這麼清爽，乾淨，煮得嫩又有QQ嘅口感！整碗食完都沒有膩，原本胃口沒有很好的吃完之後反而精神氣爽！讚嘆老闆處理牛各個部位的一絲不苟的精神 👍！我相信這將是最精華的香港精神 LOVE 大愛 ❤️!總體來說，名聲在外是因為老闆實實在在的專業精神和對待食材的嚴謹態度，這份精神不僅賦予了一份美食之所以稱之為美食的精髓，更是香港日益減少的傳統廚藝的文化瑰寶！@舌尖上的香港

由元朗老遠一大早黎到, 等佢開輔, 一去到枱椅已經放好, 就係d湯未得, 比我地可以住低等. 之後越來越多人,怕叫五到心頭好, 唸住叫定先, 有個年青人話五駛急, 會有人黎落單, 點知落單時, 佢真係跟先後次序下單, 太公平了.規矩幾多架, 一人只能叫一碗限量板(即係牛沙瓜, 牛脆骨及爽腩, 牛脆骨又因份量少, 又一定要雙拼, 雙拼又五可以叫爽腩………..哈哈, 無他既, 目的係希望盡量多一些客人試到,太有性格, 我like 我地剛好三個人, 又係第一張柗, 所以可以叫齊三款限量板, 一人一碗, 所以到左我地都係share試.牛沙瓜-食落好滑, 質感似豬肚, 又爽又滑, 好入味牛脆骨-d骨好唸, 好入味.細個食過係較硬較脆的爽腩- 係比較瘦既牛腩, 但火喉剛好, 食落真的好爽口, 五會因為瘦而un湯底看上去好清, 但飲落味道好濃牛骨味, 好香牛味.麵底及粉底就一般當天係炸鯪魚球, 所以叫左炸云吞, 一般, 肉只有一點點,

十一時十五分，比水記開舖的時間還早到達，細問店員：「請問有無牛沙瓜呀？」店員翻看雪櫃，拿出一細碗,，點頭示意，歡喜地要了碗沙瓜河，就坐等吃，心裡面期待著這罕見的食材會帶有怎樣的滋味。IG: ayummyeats小知識：眾所周知，牛有四個胃，其實只不過牛胃體積大，可分為四個不同功能的組織(胃室)，所以才有四個胃的誤解。常見於菜餚的有牛肚「第一個胃」、金錢肚「第二個胃」、牛柏葉「第三個胃」，牛沙瓜則是「第四個胃」，乃最細小的部份，所以是食店中最罕見和矜貴的。數分鐘後傳說中的沙瓜河便呈現在眼前。清香牛湯撲鼻湧至，沙瓜份量慷慨地多，外觀上跟牛肚差不多，外層一塊薄皮，內裡油脂肉質皆豐厚。咬下去卻有與別不同的口感，薄皮帶爽、內裡質感軟腍煙韌，有嚼勁，咀嚼下來那少許的油脂散發出濃郁的牛味。味道上實與金錢肚，牛柏葉有少許差別，都是軟腍、爽口、有嚼勁，不過牛沙瓜口感層次上豐富些，帶有更濃郁的牛味。不過，不用分那麼細，大家都是胃。下次會試試牛脆骨(牛氣管) ，據聞其爽脆香口也是滋味無窮。IG: ayummyeats

新年過後，回復上班的日子，小人於中環出沒，餓得正荒的小人記得同事提及水記的牛腩不錯，一心到此。說實在的，座落在斜路的一間鐵皮店子，確實難找；之不過無必要華麗堂皇的舖面，只要食物好，小人旮旮旯旯都要尋到。本來想試一樣從未見過的牛沙瓜，但是日售罄，改叫了牛腩河。誰知道一試之下無得返轉頭！牛湯牛味超級精華，牛腩的爽腍度超班，河粉勁滑，何止無得輸，簡直是徹底的全壘打！雖然水記未在車胎人的推介系列出現，但就小人來說，這已經是小人心目中的米芝蓮牛腩！絕對是龍！希望下次可以一嚐牛沙瓜！

12:45pm黎到條隊尾唔知係邊，迷茫之際哥哥仔直接問我地幾多個，唔駛5分鐘就有位坐。未食就感覺到哥哥仔既友善，未食過「牛沙瓜」就請教佢係咩黎，好nice仲好不嫌其煩咁講清楚比我地識，但最後解完都話比我地知原來平日黎要11點先有機會食到，好可惜，只好等下次啦!我地叫左一個牛雜牛丸河同一個牛腩河，份量女仔好足夠，大食啲野男士可能會唔夠食，湯底好濃好夠味，河少亦好滑身。牛腩 - 好淋好入味牛丸 – 首先唔好以為佢係果啲深啡色好多fibre既新鮮手打牛肉，反而佢會似貢丸多啲，但都好彈牙同唔會好似機打咁滑到冇texture，不錯吃牛雜 – 每樣都好似係得一舊，好食既會覺得唔係好夠喉，但咁多款之中, 牛腸可算係最出色，乾淨冇味之餘又淋又入味，一絕，必吃 另外單點左個炸零吞同油菜炸雲吞 – 好脆，但我嫌佢個皮既鹼水味過重，唔係好食得鹼水既人要諗諗先，但係我地去到已經係最後2碟，可見亦係受歡迎之選油菜 – 米話佢平平，好嫩冇渣之外仲好夠淋，就算老人家食都唔成問題若你自問係牛魔王/鍾意食雜既，好推薦你去一試，但想試到少有既牛沙瓜同爽腩等就唔該11點好去到啦! 唔算多枱亦預左peak hr食完就要鬆人，

儘管大家說米芝蓮伏味甚濃，但佢就似名牌一樣，呢個系列唔靚，都大排人跟風潮聖，總是令人期待。我都一樣，睇左米記好一段時間，當中有伏有唔伏，咩都試過。但有一樣野我覺得永遠冇好既就係牛腩麵鋪。佢黎黎去去都係推1）九記牛腩，2）華記清湯腩，真心鍾意食港式牛腩點會去呢度，港島區又點只得佢地，我的首選必定係呢間中環水記。黎呢度，食爽腩同牛什就最好，牛味濃肉質又唔鞋，今次先介紹牛什麵。食清湯牛腩/什，最緊要係個湯底入唔入得口，出面好多都係落勁重味精，食完又鹹又口渴，根本唔係人食到的味道。呢間你會食到好濃郁的牛骨湯底，但睇落又好清好乾淨。係呢個凍冰冰的日子飲呢口湯，特別滋味！佢個麵條亦非常彈牙，浸住湯吸收左牛湯味又唔會變軟，非常好👍🏻係街食內臟其實好鬼驚，最怕唔乾淨，尤其係腸，呢間你會見到所有內臟新鮮又乾淨，仲要呢間的是肥牛腸，脂肪香又有彈牙口感，唔會係啤到霉，正野！細細碗牛什麵，你睇到既係簡單野，但食到既係全部係心機野，比起出面的味精牛，呢度的清湯牛更是出色百倍，只能說米記還欠你一個推介。

4點去到，話淨返一碗腩，河粉都賣曬。我即刻叫返個雙拼，我覺得佢既牛腩係清湯腩，無乜肥脂，但有啲un ，要咬幾耐下。無想像中咁多人話好味既感覺....不過雙拼黎講個份量係足夠既，起碼佢係俾一份你，唔係好似出面果啲半份半份當雙拼。不過啲雲吞好普通，都係果啲啦。收口位有啲硬。蝦係爽既，無乜豬肉餡，無乜調味。我朋友就話佢個湯底好正，不過我飲完係有啲口乾的。中環實在太多選擇，我應該唔會再去，試過就ok咖啦。。