水記

營業中

休息中

今日下午送貨上中環，內心深處有2個選擇！生記/水記。3:15：水記LA！好耐無食過兼拿著一大袋東西。一邊走一邊想沙瓜牛肺米多青！定牛膀沙瓜米呢！？整多碗炸魚皮就完美LA！..........到喇，望到餐牌話沙瓜無雙拼，算；沙瓜米多青唔該，點知答話沙瓜賣晒！咁......呀......脆骨牛腩米多青唔該，跟住答話脆骨賣晒！咁......牛腩牛根麵多青、一碗炸魚皮吖唔該！再嚟答話炸嘢賣晒！！！！！！何必呢！何......必......呢！！！！！！

我已經去過好幾次...在公司我好多時都係帶飯食,不過有野做出左去就會去試新野! 有一次來左水記,環境就麻麻(大排檔我冇咩要求),麻麻就係...條路好斜...不過第一次食左牛腩麵!魚皮! 重有酸蘿蔔任食~正!!! 牛腩麵好正~腩好軟好夠味!魚皮唔同外邊個d好多粉,佢d魚皮好脆!!幾次去都食唔同,試過食牛沙瓜麵店(牛胃)再加炸雲吞,食內臟的朋友可以一試,我就覺得勁夠味啦~不過炸雲吞竟有鹼水味...失色左小小...雲吞麵就麻麻,唔係我arm食的雲吞,今日又忍唔住去食...叫左牛雜麵~我最愛吃的牛肺,牛腸,真係好好食! 希望佢可以keep住水準啦~

昨日午餐食一碗牛腩河. 一喝湯底清清地, 無鹼水味, 已經合格. 唔識死加了一匙辣椒醬, 平時自詡食得辣都覺得辣, 反而污染了湯底. 這時阿姐剛把一樽冰凍的白醋醃酸蘿蔔放上枱面, 任君自取. 我加了幾匙蘿蔔混着河粉吃, 冰凍的蘿蔔既開胃, 又解辣. 最後連湯也喝光, 也不覺口渴, 應該沒有味精. 別看那碗河粉細細碗, 吃光了飽到吃晚飯時仍頂住.今日來一碗爽腩河.爽腩的確比昨日的牛腩爽口, 但會肥膩少許, 在湯面浮着幾點油. 今次學乖了不加辣椒醬, 多吃些酸蘿蔔. 又平又滿足的一餐.不得不佩服民間的智慧. 當我坐下, 才發覺為何在傾斜後巷的桌面竟然是水平的? 抄底一看, 才發現原來在摺枱的中間卡了一條木條, 使摺枱不能全開, 高低枱腳剛好配合傾斜的路面. 光是開這個眼界, 就叫這餐令人回味.

這裡的清湯腩夠腍，夠入味。肉丸同餛飩亦好好味。麪底無鹼水味，夠爽。價錢公道，雙倂也不用二十元。雖然後巷的環境不理想，但碗筷食物都很乾淨。眼看中環舊式攤檔越嚟越少，這樣有特色而歷史悠久的麪檔，有機會的話，應該試試。

呢間D面好抵食仲有D未聽過的牛內臟如沙瓜, 脆骨, 爽肚, 等次次lunch黎都冇沙瓜爽肚爽腩十零蚊碗, 又咁有水準, 邊度搵

2007年6月27日星期三。水記。呢度每天5點幾收鋪，所以今天另一半生日放假特別來這裏試有名的炸雲吞，不過好失望。炸雲吞已放了一段時間，一點都唔脆，唔好食，還說是家傳三寶之一。抵打！反而雲吞麵的雲吞好味多了，麵也算中上水準。這裏沒有浙醋，只有白醋，用來吃雲吞麵完全唔feel。

我每次都是來買外賣。中環Lunch食平麵不是水記, 沾記, 南記就是羅富記，我和同事都比較喜歡水記湯底的味道。牛腩有少少肥牛根夠林, 但要貴少少炸魚皮可以先試食再考慮要不要.店內有提供酸蘿白, 喜歡酸的朋友要留意外賣可以裝一些帶走辣椒油都幾好個湯底有牛味, 再配上蔥+言西就好香個人推介牛丸米多蔥($15+外賣$1)

我亞爺喺幾十年前已經喺灣仔開牛雜粉麵大排檔,到俾政府收番個牌嗰時我都只得十歲左右......好懷念... 最近有新加坡親戚來港,一定要帶佢哋食好嘢,於是來openrice 睇食評,睇中水記同九記,同老婆去試食先(咪失禮人嘛). 我同老婆去到约 16:00 唔駛等,我一到先叫了牛雜麵,老婆仲諗緊,我碗麵好快就到,飲啖湯食啖麵,嘩~~Ｄ麵好爽好彈....老婆聽到即問有冇鹼水味(佢唔鐘意)我話唔覺,佢即刻叫咗個牛腩麵,仲比咗兩件我,件牛腩好香牛味,唔肥(一般粉麵鋪用偏肥的,因為太瘦容易有渣,同肥牛糕有濃烈牛香.),但入口軟滑難得... Ｄ牛雜仲得,片牛肝唔似其它人賣嗰Ｄ入口粉晒一"劈"嘢咁,牛肺唔係黑麻麻的有小小粉红色,好"煙un" ...正!!其它肚、腸都恰到好處,老婆話試埋九記牛脯比較下,九記冇乜選擇果日得粗麵or 伊麵, 嘩~~好肥啊成碗牛油,Ｄ牛腩都好肥、好油同好大件,食落都好淋,Ｄ肉一絲絲散開,但係有Ｄ似湯渣咁,九記(太油啦)雖然出名好多,但同水記冇得比. 新加坡親戚都食到超額完成,個個都開心滿足. 咁多年來终於揾到食牛雜、牛腩麵嘅指定食店.

Ｃａｎａｄａ，我跟妳真的是有緣無份．．．那個ｏｆｆｉｃｅｒ拒絕了我，還給了我一個爛理由罵了他一頓之後，Ｉ　ａｓｋ　ｆｏｒ　Ｇｏｄ’ｓ　ｆｏｒｇｉｖｅｎｅｓｓ．．．　Ｉ　ｂｅｌｉｅｖｅ　Ｈｅ　ｗｉｌｌ　ｃｈｏｏｓｅ　ｔｈｅ　ｂｅｓｔ　ｆｏｒ　ｍｅ．．．　隨緣吧雖然心情已經回復正常．．．　但不想回家，我打電話給爸說我不回來吃飯．．．　那吃什麼好了？隨緣吧．．．　我走到一條小巷．．．　看到一個的大排檔．．．　好久沒光顧．．．　這檔沒試過．．．　名字叫水記要一碗牛根麵，還有炸魚皮牛根份量還不少．．．　味道蠻香，又不太鹹．．．　蠻爽口，但我喜歡韌一點的．．．　麵條普普通通．．．　怎麼比牛根還鹹．．．　魚皮炸得很香脆，但不夠味，要點醬油．．．

日日大魚大肉，下午跟同事去吃飯，出門時還口口聲聲就要吃得清淡一點。在途中卻忽然想吃炸魚皮，就一起來了這裡坐斜路膠橩。叫了「雜米‧炸魚皮」，來時卻變了「炸魚皮雜米」，當然碗內區區的幾條炸魚皮當然不夠喉，心有不甘，又來一碗，一於吃個夠本。當這裡的牛雜變得越來越普通，炸雲吞又一定腍又不脆的時候，炸魚皮變成獨沽之一味。將大大條門鱔鰭及鱔骨斬件上炸粉要炸透，雖然口感較硬，但脆口非常，說穿了還是新鮮之故，是朝朝現炸的效果，比吃平常的薄薄炸魚皮更盡興。一邊浸牛雜湯一邊吃炸魚皮，轉眼掃清一碗，連同事也提醒：「不是要吃得清淡一點嗎？」想吃就吃，也不懂怎樣回答。牛雜雖然也炆得腍又入味，但總覺其已大量的去油，已失牛雜的真正風味。連那樽醃蘿蔔，也變得酸多過甜。埋單26蚊，下次來，相信是為了吃炸魚皮。

3/4/2007 5:45pm, 本來想去九龍醬園對面食魚粥, 點知又係冇開門, 己經幾次冇開, 走去問魚檔, 老細話佢地揾夠唔開住, 等日後有間大Ｄ鋪。行吓行吓, 行咗去水記, 6:00pm仲未收, 叫碗牛腩魚蛋米(驚尿酸唔敢食咁多牛什)好! 新鮮腩, 牛味香濃, 林得剛好有咬口, 高水準; 湯底有強烈什雜汁味, 魚蛋是交來的行貨。埋單給21蚊(menu 單拼18雙拼21), 點知阿姐話唔洗咁多, 18蚊得啦------。老實, 招呼好, 親切感, 食物質數, 相比出了名的九記, 不敢恭維

對上一次食水記,已經係前年的事了...當時係因有意做關於大牌檔的project,所以去果度食...事隔年幾,白領的午飯時間,將士丹利街的大牌檔坐滿,熱鬧非常...繼續直上,水記冇咁多人,但仍然要坐在後巷...諗都冇諗又叫牛腩麵,份量依然唔多...麵爽口,比上次還好,因上次麵有鹼水,今次卻沒有...牛腩依然腍滑,黏著一點肥膏...可惜份量唔多,食完唔係咁飽...電線在頭上搭來搭去,呀姐呀叔忙過不停...假如頭頂上的街燈亮著,淺窄的吉士笠街會否有另一番景象?

在傾斜的吉士笠街,有間異常穩固的排檔"水記",斜足幾十年,一直只聞其名.相約友人鏞記午飯前打底,來碗牛什河,牛什做得很稔熟,炆得入味,牛腸肥美非常.炸門鱔雲吞,因為一早炸定,所以沒有那麼脆,如果用來放湯,並沒有分別.反正放下去,也是變淋.連湯吃喝清光,中環上班大軍開始壓境,放下銀兩,逃之夭夭.

上次吃沙瓜麵($17), 聽聞沙瓜即是牛胃, 食落口感有趣, 像扁平豬大腸, 咬下去像咬肥膏但又不肥膩. 麵有少少鹼水味, 可以接受, 不算攻鼻.今次吃雙拼牛脆骨和牛雜麵($17), 原本想要求心頂, 但沒有供應, 只好叫牛雜. 牛脆骨是C-shape cartilage連着一片肉, 幾有趣. 牛雜和其他店差不多.上次吃單拼十七元, 以為今次雙拼要二十元, 給老闆娘二十元, 她說: 十七蚊, 唔會收多你. 誠實商店, 雖然大排檔較小, 比起其他大型連鎖服務差的黑店可敬得多.大排檔在後行, 環境較差, 大熱天時較辛苦, 但店家裝了把大風扇專門吹向你, 已盡了力, 大家體諒一下. 反正來吃大排檔也不預計好環境, 有合理期望才對店家公平.沙瓜和牛脆骨, 在其他地方吃不到, 可以來一試.

牛筋面不夠入味,沒有紅醋.湯底無牛味.銅鑼灣的利苑最好,棒!