水記

營業中

休息中

幾日都無飯癮,放工又去食麵,lunch未到兩點,想食爽腩又無,只好叫碗門鱔雲吞麵,點知唔夠十分鐘,雲吞都無,有無咁利害呀?雲吞雖然細粒,一口咬晒,但唔似我地平時食既蝦味,幾特別,麵就一般,不過我好鐘意食佢d蘿蔔,我一口氣食左三份一樽,到我走人時,個阿姐要換樽新慨!不過我口癢,轉個角去九記食牛腩

好食呀,牛根入味,不過我自己like 再腍o個d啦但心淀就無咩味lor好想試脆骨不過13:00就賣哂...

香港都好少地方俾你斜斜地, 好似係纜車上面咁樣食野, 如果未試過就不妨去feel下佢.個牛雜粉都幾好食.

今天放補假，下午3:30到了水記，人不多，在斜路食麵幾特別。只要牛什麵，並沒有食牛心定，更沒機會試牛沙瓜。大腸帶有膏，肥美甘香，牛肚、牛腩夠淋，但榜和肺不會過火變霉，全部都好入味，可惜沒有軟骨。湯不會太咸，鹼水味本不算重。吃完麵，便吃酸蘿蔔，但忍不著又喝一口湯，出事了！湯的鹼水味變成極重>m<這便是本末倒置的結果^m^。唉！又一次自作孽！題外話：在我記憶中，水記是第一家有酸蘿蔔供應的牛什舖。請大家再提供其有酸蘿蔔供應的牛什舖。

又唔脆又韌，冇味道...牛雜麵非常一般，失望!

上個星期特登黎食呢間野,點知搵極都搵唔到,到最後o係條巷仔發現佢...真係好隱蔽!叫沙瓜...老細話冇跟住老細介紹我食腸頭(好似係咁叫)咁既然老細介紹就即管試下啦~~另外叫左心淀拼牛根米加多個炸魚皮...本想叫多個炸雲吞,但賣晒~個腸頭原來都幾肥下,不過食落幾香,幾好食...雖然話食得太肥唔好..不過好食一次半次都冇咩所謂啦而心淀都唔錯,好有咬口,不過個人鍾意腸頭多d...牛根雖然唔會話太特別,但係入口又唔會話太淋果d~做得幾好丫....炸魚皮...感覺同平時果d有d唔同...應該係話冇咁脆口...呢度呢d係比較實dd,但係好香幾有魚味...我鍾意!!!今次食唔到炸雲吞,下次再黎希望食到啦~臨走老細問返個腸頭好唔好食,仲話一副牛雜只做到3碗左右...咁少?!唔知喇...好食咪得囉~ 佢仲話如果想食沙瓜,叫我第2朝去食過,會留番碗俾我,不過可惜我唔係成日會去果頭食野...

剛剛在中環閒盪, 都諗唔到食乜行行下發現原來水記(大牌檔)之前都想黎試, 但條街都唔知係邊, 今次誤打誤撞又搵到今日鬼死咁好太陽, 一坐低已經有兩個考驗1) 好似焗桑拿咁, 考你耐力2) 間野係斜路, 考你平衡力，維持俯瞰30度黎食睇下有乜野食先?? 依.......牛沙瓜.....牛心定........牛脆骨??!!膽粗粗.......一於來個牛沙瓜面後來同老闆傾先知, 原來牛沙瓜係牛胃，佢話一副雜得一個胃，整得兩碗到，賣哂就冇，我都係最後一碗，心諗好在有得試食落質感似牛肚, 爽口, 但面頭又好似腸咁有一層薄既肥肉, 食落口的確有陣腸既味道, 又滲出淡淡既牛肉味, 幾特別, 正!面就普通d, 湯底都算清甜, 隱約有股牛肉味在內。另外要講既就係炸魚皮, 佢地每日新鮮炸用一碗碗載住, 寫住：淨買炸魚皮不賣，相當有性格佢既魚皮係有D連骨，唔似出面有D薄過張紙食落脆口，仲有魚味，絕對唔係普通交黎既行貨同場仲有炸雲吞．．．．可惜食唔到咁多同仲有提供酸蘿蔔中和面既鹼味，但我平日多數當小食，仲要係咁食TIM但佢地既食落我就覺得冇灣仔永華面家既咁好食一貫性格小店，老闆同夥計都好好，見我晒一有張隔離

例牌的星期二例會，比平日早了半個鐘有多完成，見咁形勢當然唔去捱明日河便當，一個人走左食個快午餐。睇到美食焚化爐的水記食評，令我都心郁郁，冒著三十幾度的高溫來食麵。一點半來到都有四、五個客人，仲有三幾個OL添，可見香港地也真有識食者。去到檔口問有咩好食，老細已經即刻講：「無牛沙瓜，只得牛心淀！」看來唔知幾時開始牛沙瓜變成了一時風尚，搞到人人來都問。﹝其實都有第二度有牛沙瓜食的，不過此乃後話。﹞見有牛脆骨，就要了脆骨牛手淀雙拼麵，當然亦例牌要碟炸魚皮。牛脆骨其實是牛的氣管，有脆口的軟骨，有軟軟的組織及普通牛肉黏在周遭，一次過可以有三種口感，又係唔係度度食得到的。據老細講要火侯掌握得好至做得好食，炆得太耐會爛晒，時間太短又會唔腍，佢就炆得剛剛好，有興趣的可以一試；牛心淀唔韌又幾有口感，不過呢味野唔索汁，無咩個性，未吃過的都可以一試。炸魚皮仍舊出色，與炸雲吞是這裡兩種必叫的小吃。當然少不了那瓶酸蘿蔔，我和同檯的小姐兩個都食左成半樽！埋單28蚊，幾滿足。來這裡都不只要吃牛沙瓜的，脆骨同心淀都幾特別呢！

原本相約kc,西門及ray兄等人往桃花源午膳,但見時辰未到,心癢難止,在中環下車.誰不知12:30左右,牛沙瓜已沒有~~唉,唯有將就將就,先來一碗牛心頂加牛軟骨幼麵,但麵還未上檯,已經忍不住再叫一份炸雲吞.(但我可是約了kc等人1:00pm食蝦子柚皮)牛心頂加牛軟骨幼麵,份量好足,麵夠爽,牛心頂好淋,好易咬,牛軟骨比較入味,好爽脆,我將酸蘿蔔夾帶一齊食,好得意,酸甜味混雜爽脆既牛軟骨一齊咬,大家下次試試,不過我唔保證合你意炸雲吞一份7,8隻,點知我後面把牛角風扇太勁,竟然將d雲吞吹起.......T_T可能剛剛炸起的關係,好脆,又無乜油,幾好,但好熱氣,返到屋企生'非之'........好慘,我仲要食野ar!

上個星期六, 我同男朋友去左水記試下佢d野食。我叫左一碗牛腩河, 我男朋友叫左一碗牛什米。除此之外, 仲有一碗炸魚皮同炸雲吞。等我逐樣講下啦1) 牛腩, 炆得好"諗", 好好食。(2) 牛什, 好入味, 牛肚好"諗", 同埋d牛腸好肥美。(3) 河粉, 好滑, 好好味。(4) d湯好濃、好正。(5) 炸魚皮, 好爽脆, 好香。(6) 炸雲吞, 唔知係唔係炸左一段時間, 唔係好脆呀。(7) 價錢超值, 14蚊一碗麵, 魚皮同雲吞都係8蚊, 仲食得好飽tim。大熱天時, 最好食麵架啦。雖然水記o既環境麻麻, 不過尚算ok, 不妨一試啦。

兩個人去到時已經五點零鐘，老細開始收拾緊咁樣。一坐低，即時order左牛腩米加魚皮同埋淨雲吞。本來想食肥腩，可惜因為臨近收舖，得返瘦腩。牛腩炆得唔錯，淋得0黎都有返d咬口，不過唔係肥腩始終爭d。炸魚皮好味，比起平時食開果d，似乎口感更豐富。浸在湯中，外皮淋淋地，中間煙煙韌韌，又不失香口。門鱔雲吞都非常唔錯，一碗有成八、九粒，加入左門鱔做餡，果然幾鮮味，零舍不同！埋單只$34，幾抵食！老細亦好好人，有傾有講。我地走0既時候約五點半，有位哥仔急急腳咁0黎到，可惜已經熄左爐，佢只好失望而回。問過老細，佢話呢度開十一點，五點零鐘咁上下就熄爐。各位想幫襯0既就留意時間喇！

約了朋友中午吃九記, 早到了沒事做, 想起KC兄和惡男兄大讚中環水記的牛雜, 便嘗試找找偏辟的水記. 多得惡男兄早前教路, 不消五分鐘便找到了! (呵呵~ 還記得惡男說過用了一小時才找到! )大熱天時坐在街邊巷仔吃麵, 說實的, 不太好受, 但勝在風味十足~ 叫了一碗十七元的腩雜河. 吃著, 心裡是有點兒失望. 我覺得牛雜這東西一定是要味濃才好吃的…但水記的不太入味…失望. 可能是吃不慣吧~ 灣仔的華南粉麵好得多了.

一連幾天都在威靈頓街渡過，天天過海，為的是吃水記的西瓜，車錢花掉了不少，可惜連瓜皮都未見過，不是無貨，就是賣玩啦！偶是不到黃河心不死，今天提早十二點起床，希望食到尾糊。每次來到，偶都是要求多多，不是要多肥就是加這些、減這些，為了打發偶這掃帚星，這回他死撩．爛撩，結果又真的被他撩出各西瓜來，真夠有趣說！賣牛雜、牛腩都是臭皮四、怪性格的，九記晚市最旺時打佯情潔吃飯，水記開到七點收爐，又，西瓜不雙拼、不淨賣炸魚皮，沒有富臨、稻菊的白鴿眼，在這裡，管你是富商或草根，都得按本子用膳，人人平等就是了。老闆死撩．爛撩出來的西瓜，偶還以為是什麼神秘的東東，原來是豬肚一塊！端上來的是豬肚麵呀！難不成．．．肉檔的牛肉釗拿錯了豬肉榮的豬肚當西瓜辦？暫不理啦，醫肚要緊，哈！這豬肚扮的真像牛胃，除了沒有豬騷味外，更帶有淡淡的牛肉味，底部爽口，中間肥肥黏黏的，感覺像吃著牛腸般，這肥豬肚扮牛倒是扮的極像，一般人定會被騙，可是卻逃不過偶的食眼，既然扮的那麼似，偶也不打算拆穿他的西洋鏡了，看看何時心情好，再來被他騙多次，嘿！嘿！早前說過來過多次，對，每次叫的都是雜麵，最欣賞的自然是大腸，肥美的無話好說，其他部位大都又淋

-_-"

睇左之前兩位的評語, 咁橋今期便利的飲食男女又有講, 終於慕名試一次. 但我同同事無親身支持, 而係叫外賣的. 起初我地都怕佢唔會做埋送外賣, 點知老細好好人, 都肯做. 正!!我地夾夾埋埋都試左牛心椗, 牛雜, 門鱔雲吞,魚皮同埋魚旦. 最可惜老細話今日無牛沙瓜(失望, 睇完KC兄的食評, 真係好想試下). 而且個老細好好人, 仲送左一樽酸蘿蔔俾我地食添.牛心椗好爽口, 牛雜好入味, 可能係外賣關係, d雲吞同魚皮就淋左少少, 不過d雲吞最衰係無酸甜醬點來食, 如果唔係就更正啦!!!下次有機會一定要試下牛沙瓜先^^ 仲有, 聽打去落order的同事講, 老細同老闆娘都好好人呢!!