東記上海麵

營業中

休息中

東記豬扒麵,已經食咗超過30年, 由臨時街市到而家 ,味道一直冇變, 都係咁好食 , 甚至好食過菜欄介紹嗰間世貿 日本豬扒飯( 幫襯過成2舊水, 只係有得自己磨下芝麻呢啲gimmick ,塊豬扒淡而無味)今次試下東記新舖頭, 睇下o唔ok .臨近過年,今日唔算多人, 舖內裝修好retro, 而且有梳化卡位 ,起碼比起新街市舒服好多.同以往一樣 ,嗌咗個雙拼( 牛腩+豬扒河粉), 牛腩d花椒八角入味, 豬扒一樣酥脆, 同新街市一樣好味.再試多個新嘢食, 酥炸墨魚, 墨魚味香 外脆內軟, 絕對不是麵粉貨色,分量唔少!食咗兩樣嘢已經好飽, 叫唔到其他嘢食

《東記上海麵 - 大埔》成日都聽到身邊既人話大埔好多好野食😂但作為大埔人既我，反而成日都走出去外區食野居多🤪不過大埔真係個人情味濃既地方，與其話好多好野食，不如話好多街坊及懷舊小店係我由細食到大啦😉要私心推介我經常食既美食真係出十個post 都講唔完😂其中要細數既一定有呢間東記上海麵😎由中學放lunch 跑過去新街市舊店霸位食，到而家大左都會間中去食番個炸雞翼油麵，風味依然🤓最主要食個情懷🤭前幾日同媽咪喺大埔墟買過年野，途經佢位於大埔墟既新店，門面裝修同舊店都好唔同，新店個格調比較年輕有動力，原來新店係老闆個仔打理，所以加入左個人元素喺裝修度😎不過食既野都係傳統果幾味，當日我同媽咪兩個人食，叫咗兩個麵同埋兩款小食💁🏻‍♀️炸雲吞 $32平時好少喺呢間餐廳度叫炸雲吞，不過呢個屋企人好鍾意食，炸雲吞好脆，入面嘅餡熱辣辣要小心啲食，一客有六粒都幾抵食💁🏻‍♀️酥炸墨魚條 $36墨魚條用咗墨魚滑製作，食落爽口彈牙，不過我就唔太鍾意入邊有雜豆😂但係媽咪話幾好食就算啦💁🏻‍♀️炸豬扒上海撈粗麵 $50炸豬扒麵係呢間餐廳嘅名物，好多人特登入大埔食佢㗎，而我就最鍾意佢嗰個豬扒骨，本身豬扒醃製過好入味，食到少

成日都聽到人介紹大埔街市嘅豬扒好正好好食，但我一直都無去過 因為真係唔就腳‼️不過今日發現原來廣福道開咗間分店即刻搵位泊車🚗入去食店內充滿傳統懷舊色彩✨人流不絕！呢度嘅炸豬扒、炸雞翼、炸墨魚條都係馳名的，我哋就決定統統叫哂呢度嘅炸物做得好出色🐷炸豬扒勁大塊，炸得夠乾身，肉質有彈性🐥炸雞翼每一隻都脹卜卜，咬開嫩滑有肉汁🦑炸墨魚條口感非常爽彈，仲有好多墨魚粒嘅口感忍唔住叫埋炸菜肉雲吞雲吞皮夠薄，炸到好香脆，中間嘅餡料又唔會太多，最怕食太大舊肉嘅餡呢個份量岩岩好🍜唔係好多地方有上海麵食，所以好有新鮮感❤️麵質好Q彈的，食落有啲粉感，同米線嘅質感好唔同，我都幾鍾意食呢款Q彈上海麵男朋友竟然叫左竹荀肉絲，一嚟到，味道非常刺激，我個人真係接受唔到呢個味道🫣但佢就話好好食～～相信竹荀應該唔係個個人都可以接受‼️

大埔出名多好嘢食，其中炸豬扒上海麵可以話係必食之一，間中都會去食，之前係熟食市場，環境無咁乾淨之餘，亦坐得唔太舒服，近排知道「東記」入咗舖，就梗係要翻尋味。新舖位於廣福道，環境企理好多，亦坐得好舒服；一場黎到，當然要食招牌豬扒雞翼麵，再加個原汁牛腩。炸豬扒雞翼麵 :豬扒同雞翼都係即叫即炸，上檯時熱辣辣，入咗舖份量無減少到，豬扒同雞翼都係大大件，炸豬扒外皮唔厚，食落好多肉汁，切開四件食得好方便；雞翼炸得脆卜卜，一d都唔乾身，入口有微微蒜香味，食落相當惹味。原汁牛腩 :牛腩炆得好淋好入味，一碗份量都好多，食完牛腩後，仲有好多腩汁可以加落上海麵度，超正！

睇ʏᴏᴜᴛᴜʙᴇ介紹得多 ，一直都未有拜訪終於等到機會，一於入去試下好唔好食東記係大埔除咗係熟食市場屹立多年去年年尾衝出街市，係廣福道開咗新分店分店裝修行港式懷舊路線，好乾淨同光猛 望一望餐牌，睇落款式多同價錢合理難怪咁多人都黎食，要係門外等一等位先入座 我地就叫左東記既名物—炸豬扒同炸雞翼🔺炸豬扒拼榨菜肉絲米線 $44炸豬扒大大塊，炸得好酥脆同好鬼香口(邪惡仔) 榨菜肉絲份量多 兩者配埋都唔錯，份量贏哂 性價比高ヾ(´ε｀*)ゝ🔺炸雞翼米線 $44單拼同雙拼價錢一樣，但份量會相對少咗炸雞翼單拼有成5隻，仲要幾大隻炸得好香口好多汁，夠惹味 米線就正正常常、但雞翼真係好好食🔺酥炸墨魚條 $36不得不提東記既炸物好出色炸得好香脆，而且足料咬入去係滿滿墨魚粒下次必定會再ᴇɴᴄᴏʀᴇ!!!🔺炸雲吞 $32一份有6粒，同樣炸得岩岩好炸皮好薄，配埋泰式辣醬食一流🔺西柚梳打 & 青檸梳打 各$11兩杯大大杯 解渴清爽 酸酸甜甜，比飲汽水健康

📌東記上海麵豬扒麵同雞翼麵係東記嘅招牌菜，最近佢地開咗分店，以後又有多一個地方食到佢地嘅豬扒麵喇🥳新店裝修加入綠色鐵閘、經典紙皮石等懷舊元素，食麵之餘不妨打吓卡📸✴️雞翼淨食Jumbo size嘅雞翼係我最愛，外皮炸得脆卜卜，帶點蒜香又幾惹味🤤大大隻嘅雞翼多肉又juicy，到店必試✴️雪菜肉絲 豬扒 菜飯豬扒都係東記嘅招牌，豬扒大塊又厚身，雙拼都係同樣價錢 選配雪菜肉絲，幾啱送飯而佢地嘅菜飯都唔錯，菜粒夠多而且好夠味✴️豬扒 炸醬 上海粗麵啖啖肉嘅豬扒同上海粗麵都都好夾加咗炸醬，有肉碎同爽脆口感嘅榨菜，味道辣辣地，加少少佢地嘅秘製辣椒油更加正

終於食到喇！之前想食好耐 試過去到大埔佢冇開😭今次去咗廣福道新店環境乾淨企理 好食！兼樣樣食物都份量十足單拼豬扒成隻碟咁大 脆卜卜好抵食！🔸豬扒菜飯（$58）單拼勁大塊、長過隻碟！外層脆卜卜，豬扒厚肉多汁，完全唔會乾，好食！菜飯濕潤飽滿、少少咸味，菜量多所以好爽口。🔸豬扒雞翼米線（$44）+湘味酸辣湯（$2）+雪菜肉絲（$10）炸物個皮好脆好香！雙拼係半塊豬扒但都大過我隻手，好厚但我哩塊偏瘦。雞翼大隻又juicy，而且醃得入味（哩樣好緊要！）。米線都好食，係滑同彈牙個隻，湯夠酸唔會好辣，同米線好夾！🔸手拍青瓜（$20）可以叫原味及麻辣。好好味！酸酸地、香蒜味、好爽口！每一片都入哂味！🔸菜心（$18）又係份量好多！菜好翠綠新鮮一啲渣都冇！可揀腩汁或蠔油。

地址－大埔廣福道144號地舖店舖名稱—東記上海麵環境／設施－地方唔算大，大多數都係二人座位特色－炸豬扒 炸雞翼 炸墨魚條人均價格－$50-70評分－8/10細細個已經喺大埔墟街市食過，中學嘅時候佢喺舊街市，仲要係冇冷氣情況之下，之後新街市開咗佢搬咗上去，有冷氣，增加更加多人食，而家去開埋分店，係一個兒時嘅回憶，炸豬扒方面佢仍然可以保持多汁，雞翼方面唔會感覺好乾爭爭，墨魚條尤其出色，買個面抵食非常之開心，但一定要糖食，切記外賣，因為試過外賣返屋企嘅時候，已經林晒完全冇箇中口味嘅感覺，佢個湯底可以配一個叫做辣湯底，非常惹味，如果你食得辣嘅話，可以一試

平時搭車經過這裡門口都有好多人等位，今天同朋友行過見到唔係好多人等，梗係要入去試吓這裡出名嘅炸豬扒麵啦，餐廳裝修都好有特色，好有在街市中嘅感覺！這裡最出名嘅應該就係招牌炸物麵，有不同組合選擇，見到差不多大部分食客都會點嘅就係炸豬扒，當然都要一碗，加埋牛腩配上海粗麵，而另一個就係炸雞翼竹筍肉絲菜飯，全部落單即炸所以都要等待，反正都係點埋小食酥炸墨魚條同炸雲吞！酥炸墨魚條炸得十分香脆，外面炸得金黃，咬開入面十分彈牙爽口，裡面還有墨魚粒，真係夠晒口感！炸雲吞一樣炸得香脆，入口時十分卜卜脆，雲吞內一樣有彈口蝦肉，十分好味！兩個主食都跟住上枱，炸豬扒拼牛腩上海粗麵，大大塊切件炸豬扒同軟熟入味牛腩麵分上，豬扒厚身肉質軟熟，牛腩同樣入味軟熟，加埋個煙韌彈牙嘅上海粗麵真係十分好味！炸雞翼竹筍肉絲菜飯，大大隻香脆炸雞翼，咬開時外面十分香脆，裡面肉質嫩滑，而竹筍份量十足，入口夠晒爽口入味，加埋個菜飯真係十分滿足！配埋杯檸七，真係好有當年讀書時食豬扒麵嘅感覺！

我諗東記上海麵對於大埔人嚟講唔會陌生 出名食豬扒麵 以前得街市熟食中心一間分店 而家就開咗間喺附近廣福道地舖 裝修同衛生會較好炸豬扒牛腩上海粗麵加腩汁炸豬扒大大塊 帶少少蒜蓉香味 牛腩炆得非常淋又入味 上海粗麵有咬口炸雞翼牛筋上海粗麵配湖辣酸辣汁一上枱畀佢既份量嚇親 只係52蚊嘅雙拼麵竟然有四隻大大隻嘅炸雞翼 雞翼外皮香脆 而且大隻厚肉又入味 牛筋炆到非常淋 好有骨膠原嘅感覺炸雲吞我不嬲都好鍾意食炸雲吞 貪佢炸完嘅雲吞皮超級脆 呢度炸雲吞都唔例外 外皮超脆帶有少少菜肉做餡炸墨魚春捲呢個都幾有驚喜 墨魚春捲本身都幾足料 食到有啲墨魚粒 而且幾彈牙 炸完之後更加香口 值得一試東記上海麵大埔廣福道144號地舖

上星期到了大埔郊遊，特意預留晚上嘗試這一間在大埔頗有名氣的麵店，嘗試過後果然名不虛傳酥炸墨魚條，小食先上枱，以感受到小店的誠意，墨魚條新鮮炸起，入口香脆重墨魚味，配搭泰式辣醬非常惹味墨魚丸配炸雞翼上海麵，雞翼同樣新鮮炸起，入口香脆，而且非常大隻，另外上海麵入口軟綿，配搭腩汁湯底非常滿足朋友點了雪菜肉絲炸豬扒生麵，生麵比起普通餐廳粗身彈牙，同樣感到滿意，而且餐廳的主打炸豬扒同樣驚喜，入口肉質彈牙，外層炸衣酥脆，果然名不虛傳

講到大埔墟街市，大家都知係食炸豬排炸雞翼上海麵。不過之前如果要食，就得日頭下晝，因為街市夜晚就變叫送食飯。但係宜家就唔同啦，因為東記喺廣福道已經開左鋪。鋪就開左一段時間，我地都係近排先去食。不過街市既東記，我地都好奈冇食，今晚一於食足幾個送。所以我地叫左豬排雪茶肉絲上海麵、雞翼炸醬上海麵仲有酥炸墨魚條😋😋😋😋兩個麵都差唔多同一時間到❤️❤️炸雞翼，每隻都大大隻，仲要有四隻咁多。炸豬排亦都唔野少，如果唔係剪開左一舊舊，仲大過隻碗😍😍😍炸雞翼外皮炸脆，肉嫩滑。我感覺似係先醃好雞翼，整熟，再上炸漿先炸。雞翼肉嫩滑有調味，外皮香脆，炸漿亦都有佢地既秘製調味。雞翼大大隻，味道咸香，脆皮包裹到雞翼唔會甩，又夠鬆脆。好似雞翼咁，豬排既脆皮一樣鬆脆。豬排有一定厚度，肉係實淨有咬口，重要既係食唔到俾化學野拿過既味至於調味，我本人就唔清楚，但一齊食既人係由細食東記到大既人，一食就知係東記既味。碗上既炸醬同雪菜肉絲又係份量多，堆到成個山仔咁高雪菜肉絲當然唔係菜餐廳既行野，雪菜一條條好似肉絲咁大條，咸香有菜味。肉絲同雪絲撈埋都係咸香，配埋上海麵，有食緊懷舊菜既感覺🥰🥰🥰炸醬就比想像中有d唔同，似將雪菜榨菜肉絲整碎

星期日周圍去，去到大埔行下食下亂打亂撞食左間又平又抵食上海麵🥰🥰🤭🤭見到裝修幾靚，懷舊感覺。點了炸雪吞，雲吞皮炸了後好香口，加入小小菜肉餡料。點小小甜酸醬。好味炸菜豬扒上海麵加湘味酸辣，味道唔算辣，豬扒炸粉薄，厚身，外脆內軟，完全無油膩感覺上海麵較淋身配上炸菜一淋一爽，感覺又變得不一樣🤭雞翼牛筋上海麵-雞翼size大，嫩滑，咬時爆汁，回想都好想再食🫣🫣牛筋都出色，分量多，忟得好淋，不錯酥炸墨魚條，外脆彈牙，點小小酸甜汁正晒咸檸7，咸檸大半個，解渴清熱😍😍正

近期發現廣福道有間東記上海麵午市店外特別人多，一直都諗會唔會係大埔墟熟食中心無人不識嘅東記？終於有一晚入去堂食晚餐試下！果然係食炸豬扒同炸雞翼配上海麵。一問之下，原來係東記太子爺開嘅分店！廣福道店嘅環境當然比熟食中心企理又坐得舒服改良同時都保留左木色摺枱及富有香港原味道嘅裝潢親切感滿分💯除左招牌炸豬扒同炸雞翼外仲增添左好多款餸及配料可選擇搭配不再單調但煩惱絲增加，因為樣樣都想食首先炸豬扒同炸雞翼依舊出色，多汁又香脆好多大埔人都一份咁買番屋企加料另一重點係…好大碗好大份餸好抵食特別係炸豬扒，厚肉大件有口感此外初嘗麻辣牛筋，雖則係小食，但都好大碗麻辣味適中唔會過咸過辣，牛筋靭度可以，個人鐘意再淋少少每碗都附上靚菜一兩條～有誠意仲有仲有唔好錯過枱上調味架嘅辣醬，食過你就知味道勁好味～～～ 好香好惹味！！ 我加完一羹又一羹！以前係熟食中心東記無食過…走左好多年寶

大埔新街市嘅東記豬扒麵一直都去大埔名物，每次入去除咗食魚蛋粉外，就一定係食豬扒麵🍜平時街市嗰間次次去親都幾乎爆曬棚，點知發現原來已經靜靜雞地開咗其他分店，新店嘅環境比起街市亦舒適和乾淨得多最鍾意食嘅當然一定係佢嘅豬扒麵然後配筍和雪菜肉絲，雪菜肉絲嘅份量絕對唔馬虎，筍亦很清爽，豬扒依然能保持一貫水準，沒有太多油和很鬆脆，但飲品方面我認為仍可以改善，例如凍檸茶的茶底和檸檬都有改善空間，希望日後可以再喺唔同嘅地區開分店啦。