東記上海麵

營業中

休息中

如果有經開大埔嘅話，都會見到呢度長期好多人排隊，呢度就係大埔名物之一嘅東記上海麵，出名係大大件，炸物好食，平靚正。無論佢嘅外觀同入邊都係設計到好有懷舊嘅感覺。叫了一個雙拼雞翼雲吞上海麵同埋墨魚條豬扒河粉雞翼有四隻，雞翼很大隻，粉漿很薄很脆，有少少鹹，亦都很juicy ，炸得好好食。墨魚條，只有兩條，咬落去有一粒粒嘅口感，好彈牙，有墨魚味，做得好好食。炸豬扒，一大塊，味道一般，未去到乾身，但又唔係好Juice。冇傳說中講到咁好食。雲吞正常。發現到大部份跟餐的飲品都是加$10，但凍檸樂，凍檸七，都只不過係加$11。兩者只係相差$1。感覺上叫凍檸樂抵啲。平均都係每人$57 ，食到好飽，性價比好高。