東記上海麵

營業中

休息中

自從肥妹仔轉左響大埔返工之後，放工有陣時都會去附近嘅地方食晚餐。今日經過呢一間東記上海麵，見到價錢好相宜，而且好多人食，決定入去試吓。墨魚條榨菜，上海粗面酸辣湯底$46肥媽叫咗墨魚條上海粗麵，墨魚條外皮炸到酥脆，個酸辣湯底一啲都唔會太刺激，好適合肥妹仔同肥媽呢一啲唔食得好辣嘅人！上海麵煙煙韌韌，唔會好淋，正。牛筋生面 $42肥爸就叫咗個牛筋麵，因為肥爸啲牙唔好，唔食得好硬嘅嘢，呢一個牛筋就最適合。肥妹仔食咗一舊，炆到好軟熟，牛腩汁好出色。炸豬扒走湯加拌面汁 $50見到枱枱都叫炸豬扒，無理由唔叫呱？肥妹仔就叫咗呢一個炸豬扒撈麵，佢個撈麵醬其實就係麻醬加酸汁，好開胃。炸豬扒冇嘢好講，真係好出色！炸粉唔會好厚，豬扒好入味，肥妹仔好驚嗰種肉質好淋，呢隻有咬口，掂。手拍 青瓜 $20正常發揮，青瓜好爽脆。炸雲吞$32外皮炸到脆卜卜，點埋甜酸醬，好好食。