明廚

營業中

休息中

👍🏻招牌油鹽焗火焰A級奄仔蟹🦀️一隻開邊A級奄仔蟹放左一大煲嘅粗鹹上 店員將酒倒在煲邊 再用火焰燒 非常適合打卡📷 A級奄仔蟹非常大隻 好多蟹膏🦀️ 非常高質😋蟹殼充滿焦香味 而且蟹肉非常鮮甜 加上油鹽焗嘅味道 超級好味🤤 值得推薦比大家👍🏻 油浸野生筍殼魚整條野生筍殼魚用上油浸嘅方法處理 令到魚皮非常脆口 又同時保持到魚肉嘅幼嫩 好好味😋👍🏻 蒜蓉粉絲蒸日本扇貝日本扇貝好新鮮 好大隻 食落口啖啖肉 而去鮮味十足 加上用左蒜蓉粉絲嘅煮法 整道菜非常吸引🤗👍🏻 椒鹽鮮魷🦑熱辣辣嘅椒鹽鮮魷以鮮魷製成 外皮十分脆口 口感酥脆 鮮香味十足 食到停唔到口注意事項⚠️- 餐廳受街坊歡迎 想食就記得預約啦

朋友同我都好鍾意食蟹，尤其是去奄仔鞋，今日就同朋友喺旺角一間餐廳度食一晚滋味海鮮餐上海街火焰蟹，招牌油鹽焗火焰A級奄仔來自蟹菲律賓，用上餐廳自家調配既玫瑰露再打起火，火焰效果澎湃！奄仔蟹既膏好軟糯綿滑帶濃濃膏香。蟹肉幾鮮甜夠紮實。油浸野生筍殼魚，老闆推介泰國野生的，粉漿夠薄所以炸到非常脆身！什ftt至炸到細骨到食到！肉厚鮮嫩，廚師功價十足控制得好好，內層魚肉唔會過熟。蒜蓉粉絲蒸日本元貝，蒜蓉調味剛好，又濃又香！粉絲入味味道超正！元貝大大隻非常厚身，肉質鮮味質感幾綿密。

要搵食去旺角真係無錯咩菜式都有總會搵到啱心水的，而我和媽咪今日就搵到明廚，佢係一間中菜館，環境潔淨，鑊氣小炒。我地就叫左幾味來嘆下⬇️⬇️⬇️🔯 火焰油鹽焗A級奄仔 ～ 一座低侍應就即介紹呢味奄仔有10兩重，我地見咁正即order ，因為呢個要45分鐘先有得食的。嘩！上枱時已經見到好多膏的奄仔在鹽上焗熟，侍應再倒入酒加火添， 即時火光紅紅，酒香滲入蟹肉， 蟹肉鮮甜美味蟹膏好濃郁。🔯 油浸野生大筍殼魚 ～ 約一斤半重的筍殼魚，外邊脆脆，內裡肉質鮮嫩毫無腥味，口感清甜綿密，入口即化愛吃魚人士絕對唔可以錯過。🔯 日本芥末牛柳粒 ～ 香滑軟嫩的牛柳粒口感豐富，加上每粒都沾滿芥末沙律醬，芥末香而不攻鼻。🔯 豆豉鯪魚油麥菜 ～ 我自己不嬲都好喜歡食呢碟的，因為油麥菜好爽口配上濃濃的豆豉鯪魚超夾。呢間質素好高適合家庭聚會，因當晚就見到人地慶生，下次我都會帶成家人來再食過。

呢間菜館比較舊式，環境一定唔係最好，價值亦唔算平，但係食物好有水準🤤我已經食過幾次，佢嘅小炒夠鑊氣，而且小菜嘅款式夠多‼️全部餸都係即叫即整😋•脆皮牛坑腩 ($128)我每次都會叫脆皮牛坑腩，牛坑腩口感煙韌又有啲爽脆，外皮亦炸到好脆😋朋友今次第一次試，話無諗過牛坑腩可以咁整，食落有驚喜🤭•沙嗲粉絲滑牛煲 (108)牛肉都真係幾滑，上枱個煲仲要滾緊😋送飯一流！•椒鹽九肚魚 ($108)九肚魚就正正常常😂無太大特別

「上海街火焰蟹」明廚- 高質招牌油鹽焗火焰A級奄仔蟹驚喜中餐館！位於食晚飯 呢間叫明廚既中餐館位於旺角鬧市，交通方便八達，餐館內環境裝修四正乾淨，燈光光猛，座位空間度適中。食物種類和款式都相當豐富，海鮮、肉類、蔬菜，小炒和湯品樣樣齊。招牌油鹽焗火焰A級奄仔蟹 $438來自菲律賓奄仔蟹，重約10両，爆膏！ 上枱後，服務員會先將花雕、玫瑰露均勻地倒入鍋中，然後點火加熱，更能迫岀奄仔蟹的鮮味。不論蟹肉或是蟹膏，都甘香鮮甜濃郁，蟹膏入口隨隨溶化，齒頰留香；蟹肉肉質新鮮鮮甜，質感札實肉汁豐富。油浸野生筍殼魚 餐廳用上泰國野生筍殼魚，比一般筍殼魚肉厚，肉質更鮮味嫩滑，油浸過後，外層炸至香脆，口感更豐富，外酥內嫩，完全沒有油膩感！ 豉椒炒花甲 $168花甲隻隻飽滿脹卜卜，餐館盡量揀選花甲公為主，務求肉質更彈牙，咀嚼時花甲內全無沙粒，令食客食得更滋味！大廚會先烚熟花甲，然後去半殼，再用豉椒鑊氣炒熟，非常惹味！瑤柱蝦乾粉絲什菜煲 $98以煲上熱度可持續保持，什菜煲非常足料，整煲滿鋪瑤柱、蝦乾、雲耳、冬菇、金菇、八爪魚、粉絲、西蘭花、菜心、白菜，應有盡有，非常滿足餐館不論食材、味道賣相同樣高質，色香味俱

💡滋味火焰A級奄仔蟹同朋友行完街，就搵野食，朋友知我鐘意食海鮮，但又驚大排檔唔乾淨，所以就介入左呢間，店面雖小，但整體整齊乾淨。而且仲有好多海鮮選擇，岩曬同朋友慢慢chill。🍽招牌油鹽焗火焰A級奄仔蟹🦀黎到已經見到有好多蟹膏，令係流曬口水，店員先將花雕加玫瑰露均勻地倒入鍋中，之後再點火，好有霸氣，哈哈。啲酒會提升蟹嘅鮮味，令蟹膏鮮味更加濃郁，膏呈金黃色，食落去蟹肉扎實鮮甜，真係好香。注意由於即叫即整，所以需時比較耐少少。🍽油浸野生筍殼魚🐠第一次食呢隻魚，估唔到有咁大條，將成條魚炸咗之後再淋上油同蔥絲，所以切下去仲嗦嗦聲，炸得勁香脆。雖然經過油浸，但做到完全不油膩，肉厚鮮嫩，好滑。🍽冰鎮花甲花甲是新鮮的，經飛咗半殼，入口內沒沙，以姜蔥蒜、辣椒、芫荽、醋等調成的醬汁中浸泡，個醬汁好好食，而且花甲好大粒且實用，索曬醬汁，酸辣適中，值得推介。🍽啫啫通菜煲上到枱仲熱辣辣，「揸揸」聲，入面有好多蝦米及肉碎，拎黎撈飯食一流。

平時同朋友外出食飯都好少揀食中菜, 但今晚同媽咪食生日飯嘅呢間小炒, 竟然令我回味, 連自己都要bookmark encore。就近朗豪坊不遠, 門面小小, 內裡座位亦唔多, 有別於一般大酒樓, 不過隔幾間舖位都仲有幾檯食客同獨立包房, 啱哂三五知己一聚, 而包房設最低消費四千。入座先送上前菜--花生($10), 唔開茶只供熱水可免茶位 ($5/位)呢度嘅小炒款式多, 而我最中意食嘅蟹仲係明碼實碼逐隻計, 唔洗擔心海鮮價。【油鹽焗火焰A級奄仔蟹】HK$438以瓦煲放咗少量鹽, 放上開邊奄仔蟹, 店員將秘調過嘅酒淋係蟹嘅周邊, 再點火。火焰一起, 滿足到相機食先! 奄仔蟹超爆膏, 金黃色蟹膏極為甘香鮮味, 剛才嘅酒加上蟹殼表面嘅鹽, 令蟹肉更為鮮甜惹味, 超推介!!【油浸筍殼魚】HK$380店員指所供應嘅筍殼魚來自野生嘅淡水魚, 雖說油浸, 但竟沒有預期中油淋淋, 筍殼魚開邊經油炸, 油溫掌握得唔錯, 先可以令整條魚炸後超脆而不油, 炸皮薄脆, 魚很厚肉, 骨比較少, 魚質很鮮嫩有魚鮮味, 點上秘製過嘅甜甜地豉油, 提鮮美味。 另外order咗兩款煲仔菜, 熱辣辣滋滋聲上檯, 香噴噴令人

今日同朋友去左間超大驚喜既中餐館食晚飯 呢間叫明廚既中餐館位於旺角鬧市, 交通非常方便~~內裏環境裝修四正, 燈光光猛, 座位都幾寬闊, 唔會坐得迫~~食物種類就真係超級豐富!!! 仲多選擇過酒樓淨係餐牌都有好多版, 海鮮, 肉類, 蔬菜樣樣有~~火焰油鹽焗A級奄仔 $438/隻睇到餐牌介紹奄仔蟹就覺得好吸引喇, 忍唔住叫要黎食~~呢隻菲律賓奄仔蟹約10兩重~~ 一上枱職員就黎個火焰表演先..... 真係未食先興奮經過火灸燒一燒更能帶出蟹肉既鮮味食奄仔蟹最期待就係見到好多好多蟹膏果然冇令我失望, 整隻蟹滿滿金黃色既蟹膏, 味道鮮香質感軟棉啖啖蟹膏係口裏面溶化, 齒頰留香油浸野生大筍殼魚 $380筍殼魚有一斤6兩, 好大條囉, 第一次食咁大條既筍殼魚餐廳用上泰國野生筍殼魚, 呢款筍殼魚比一般筍殼魚大, 肉質更鮮嫩~~外脆內滑既魚肉啖啖肉, 口感豐富, 極之美味，完全冇油膩感絕對對得住個價錢, 物有所值職員幫助將魚切件~~西蘭花炒龍躉球 $178龍躉球件數都幾多, 而且每件都係厚切, 啖啖都超厚肉喔~~魚皮爽彈充滿骨膠原, 魚肉結實鮮嫩沙嗲金菇粉絲牛肉煲 $108好惹味既一個煲丫!! 送飯

成日經過呢間小店都以為係食普通小菜點知同事食完係咁大讚火焰蟹 等我都去試下先職員好熱情介紹佢地嘅招牌菜 咁我就跟推介叫啦 見到真係枱枱都叫火焰蟹同油浸筍殼 未食已經好期待金湯雞煲翅魚翅另上睇得到真係好足料 兩個人每人分到兩碗 雞湯好鮮甜仲有一梳梳翅 238好抵食油浸野生筍殼魚勁大條勁厚肉 好少食到一斤半咁大嘅筍殼炸到金黃色好香脆 但魚肉依然嫩滑加埋店家秘製醬汁 又鮮又惹味一啲都唔油油鹽焗火焰A級奄仔蟹呢個真係不得了大力推介 色香味俱全淋上玫瑰露點火 一邊燒一邊打卡一邊聞到勁香超過八両重嘅奄仔蟹爆曬膏好甘香蟹肉結實鮮甜 果然係招牌名菜冇介紹錯啫啫通菜煲夠晒鑊氣 惹味得嚟又唔太咸 調味走健康路線仲有好多野都想食 下次約多啲人再嚟過先

印象中的上海街砵蘭街，除了近朗豪坊一帶外，都是比較龍蛇混雜，若不是友人帶路，絕對想不到此處會有海鮮菜館。明廚海鮮菜館雖然裝修比較平民，但海鮮菜式很別出心裁。冰鎮花甲王 食花甲或蜆最怕遇到有沙，此花甲處理得宜，沒有遇到有沙情況。新鮮花甲本來就已經鮮甜味美，再加上微鹹酸辣冰凍的涼拌汁，就更加提升其味道。蒜頭豆豉炒番薯葉見到介紹此番薯葉為水耕菜，入口的確比一般番薯葉滑溜，簡單以蒜頭豆豉辣椒同炒就已經很好。油浸野生荀殼魚荀殼沒有一般淡水魚的泥味和草腥味，此野生荀殼比平常所見的更為大條及肉厚，魚肉鮮甜，雪白滑溜。御膳金湯雞煲翅雞湯非常鮮甜濃杰，就算翻滾後，湯面依然有一層薄薄的雞油。日本牙㨂翅寫著足有七両，上枱時才將翅放入雞湯中，一煲雞湯翅可以分到四至五碗。招牌油鹽焗火焰A級奄仔蟹最期待的火焰奄仔蟹是最後一道菜，奄仔蟹分開兩半，插入粗鹽中，點火燒至酒精揮發。奄仔蟹大隻爆膏，酒香四溢，蟹肉吸收鹽味，不用任何醬料，味道已經非常吸引。

都幾近朗豪坊，可以行完街之後黎食野，多款大份鑊氣中菜同海鮮料理，如果多人食就可以試到多啲菜式🌟「上海街火焰蟹」招牌油鹽焗火焰A級奄仔蟹 $438呢度嘅其中一個招牌菜式，A級奄仔蟹睇落都會比較多蟹膏，上菜之後會有店員拎住杯酒淋落個煲度，然後就會點火。啲酒會提升蟹嘅鮮味，蟹膏鮮味濃郁，即叫即整所以等嘅時間都會耐少少🌟油浸野生筍殼魚 $380將成條魚炸咗之後再淋上油同蔥絲，炸完之後外脆內滑，肉質比較實，點少少豉油食就可以，唔會過於油膩🌟即炸菠蘿生炒骨 $98成日都叫嘅小菜，即叫即煮，咬落外皮仲好脆，仲有啲菠蘿同青椒🌟沙嗲金菇粉絲牛肉煲 $108係成個鐵煲咁上菜，即煮即出熱辣辣，就咁食會有少少鹹，好啱送飯，牛肉嘅份量都算多🌟金銀蛋時蔬 有唔同嘅蔬菜可以揀，要咗番薯葉，有鹹蛋、皮蛋同肉碎煮，都幾好食

有次同朋友旺角朗豪坊行街後要食晚飯醫肚,就來到附近明廚食。.餐廳地方寬敞整潔舒適。..【涼拌花甲皇】 $168 花甲是新鮮的,入口內沒沙,以姜蔥蒜、辣椒、芫荽、醋等調成的醬汁中浸泡,令花甲提鮮更鮮更甜開胃,食到舐舐脷,越吃越想食。.【爆汁紅燒炸乳鴿皇】 $78將乳鴿炸得剛好,能乳鴿本身的肉香鎖住,外脆香口肉嫩,肉質厚特嫩細滑,不鞋口, 醃得好入味,沒乾淨淨口感,佐酒不錯小菜。.【飽汁雞腳煲】 $88濃濃的鮑魚汁被雞腳吸盡,唔爛夠軟腍又入味,味道好之餘又健康, 底下有小白菜呢,也是佐酒不錯的小菜!.【油浸野生筍殼魚】$380 店精挑約斤半泰國野生筍殼魚,以傳統油浸做法炮製,更能嚐盡鮮味。浸炸後外脆內嫩,細皮嫩肉,幼滑無比如豆腐又鮮甜,沾上秘製醬汁,更美味,令人回味無窮。.「上海街火焰蟹」【火焰A級野生菲律賓奄仔蟹】$438每隻約10兩重店員倒下酒倒入鍋,之後點火,出現紅色火光熊熊火焰,只維持好短暫,要影相要把握好時機呀！這大大隻野生菲律賓奄仔蟹,以油鹽焗後變得色澤鮮紅的蟹,蟹聞落香氣撲鼻,已經流晒口水,急不及待搶來食。蟹膏充滿鹹鮮濃郁,滑軟綿口感,沖擊的味蕾,而蟹肉好有鮮味,口感極佳,還

這間位於旺角的明廚，晚市主打海鮮小菜，有自家魚缸，海鮮每日取貨，所以十分新鮮。上海街火焰蟹由菲律賓入口的野生奄仔蟹，每隻約九兩重，用招牌油鹽焗熟，上枱時再淋上酒及點火，燒至帶焦香，蟹膏豐富，而且鮮味無窮。油浸野生筍殼魚筍殼魚表面薄薄一層粉漿，炸至金黃香脆，但魚肉雪白，保持嫩滑，加上自家製的豉油汁，更能突顯魚肉鮮甜味。黃金鮮魷魷魚炸至金黃香脆，表面有咸蛋王香味，但不算油膩，外脆肉彈。即炸菠蘿生炒骨生炒骨不會過酸，入口啖啖肉，炸漿亦不會太厚。椒絲腐乳唐生菜生菜爽脆，帶腐乳咸香。

窩夫與蝦子餅某日身在旺角鬧市，心血來潮想吃海鮮，發現原來上海街也有水準非常高的海鮮。走進明廚，想要點餐靈感的話，不妨看看收銀處後面的牆。打開餐牌，明廚的「四大名菜」太吸引了，窩夫想吃奄仔蟹，蝦子餅則想吃筍殼魚。點菜後，窩夫一邊等一邊吃花生，花生香脆又不會太鹹，忍不住手不停夾來吃。由豉椒炒紐西蘭蟶子皇(一份四隻$198)打頭陣，蟶子皇大大隻夠厚肉，豉椒炒不會太濕，味道剛剛好，沒有蓋過蟶子皇本身的鮮甜味。油浸野生筍殼魚($380)上桌後讓客人的相機食先。影完相之後，店員將筍殼魚切開並淋上醬汁，切下去便看到白雪雪的魚肉，經溫油浸熟的魚肉特別嫩滑，蝦子餅說比石班更鮮更好吃，最難得的是油浸卻能做到完全不油膩。避風塘釀茄瓜($128)一客有六大件，外層炸至金黃色，香脆不油膩，裡面的茄瓜軟綿綿，釀了雪白彈牙的墨魚膠，口感豐富。因為要趁熱吃筍殼魚，所以稍為放了一會才吃，吃時裡面還熱呢。「避風塘」除了大量炸蒜外，還有蔥段、豆豉和辣椒，味道有層次，蒜香帶微辣，滲出淡淡豆豉香味，出色之作。招牌油鹽焗火焰A級奄仔蟹($438)壓軸出場，店員先將花雕加玫瑰露均勻地倒入鍋中。然後點火，氣勢十足，引來鄰桌客人的目光

朋友帶我去吃海鮮兼小炒，原以為會像在大排檔一樣，卻有意想不到的驚喜。店面雖小，但整體整齊乾淨，服務亦不錯，食物製作也很講究。 🐠油浸野生筍殼魚此魚被稱為 “淡水魚界的石斑”，大大條，用油浸方式製作，炸成金黃色，外皮酥脆，不掛油，放久後口感也依然香脆可口，好吃得停不下來。而且魚身肉厚，肉質鮮嫩，口感可比豆腐，一樣鮮嫩爽滑。醬汁也是特別調製，鹹淡適中，更加帶出魚的鮮味。 🦀招牌油鹽焗火焰A級奄仔蟹選用泰國的A級奄仔蟹，約有8兩重。每一隻都是新鮮製作，蟹會被慢慢地凍死，再用鹽焗的方式製作，整個過程需時30分鐘至1小時，相當考功夫。而且用來燃點火焰的酒，是用上幾種不同的酒炮製而成，絕非只是用來裝飾，更多的是用來提昇蟹的鮮味，十分講究。整體來說，奄仔蟹肉厚多膏，膏呈金黃色，用鹽焗的方式令蟹更加入味和增添鹹香。 🍳咸蛋蒸肉餅肉肥瘦比例剛剛好，肉質不但不會太結實，而且彈牙，新鮮沒有雪藏的味道。配上鹹蛋黃，十分好下飯。 🍲金銀蛋時菜選配白菜仔，上湯味濃鮮甜，份量多，白菜仔鮮甜爽脆。