影片
更多
2023-04-26
1084 瀏覽
餐廳位於旺角上海街，與朗豪坊只係一街之隔，地點都算幾方便。主打海鮮及粵菜，尤其有幾款特別推介嘅海鮮都幾吸引，包括我都有點選嘅火焰奄仔蟹及野生大荀殼魚，另外，避風塘炒泰國瀨尿蝦及鹽焗野生花螺都係重點推介菜式。招牌油鹽焗火焰A級奄仔蟹 ($438): 視覺效果一流，雖然奄仔蟹一早已鹽焗好，但最終加上料酒再點火，燒大概一分鐘，香味四溢之餘，仲非常搶Fo......奄仔蟹出名多膏，呢款仲要大大隻爆曬膏，火炙後非常鮮香，蟹膏及蟹肉均鮮甜，肉質亦夠爽實。油浸野生大荀殼魚 ($380): 話係油浸不如用「生炸」一詞，荀殼魚並不常見，我都係第一次食，查找資料後發覺其貌雖一般，體型圓厚但外觀好比鯰魚。重約一斤半，荀殼魚魚肉較厚身，但魚骨相對較少，經油炸後，外脆內嫩，魚肉幼嫩鮮甜，魚頭連半點腥味都無，兩個人食呢條魚都食到半飽。順德生煎白鱔 ($198): 白鱔有十多件，全為白鱔嘅中後段，並唔係頭頭尾尾，自己去街市買都要一百幾十蚊唔係講笑。白鱔外層微脆，肉質爽滑，夠新鮮，亦唔需要太複雜嘅調味，味道鮮甜，原汁原味！
招牌油鹽焗火焰A級奄仔蟹 ($438): 視覺效果一流，雖然奄仔蟹一早已鹽焗好，但最終加上料酒再點火，燒大概一分鐘，香味四溢之餘，仲非常搶Fo......
奄仔蟹出名多膏，呢款仲要大大隻爆曬膏，火炙後非常鮮香，蟹膏及蟹肉均鮮甜，肉質亦夠爽實。
油浸野生大荀殼魚 ($380): 話係油浸不如用「生炸」一詞，荀殼魚並不常見，我都係第一次食，查找資料後發覺其貌雖一般，體型圓厚但外觀好比鯰魚。重約一斤半，荀殼魚魚肉較厚身，但魚骨相對較少，經油炸後，外脆內嫩，魚肉幼嫩鮮甜，魚頭連半點腥味都無，兩個人食呢條魚都食到半飽。
順德生煎白鱔 ($198): 白鱔有十多件，全為白鱔嘅中後段，並唔係頭頭尾尾，自己去街市買都要一百幾十蚊唔係講笑。白鱔外層微脆，肉質爽滑，夠新鮮，亦唔需要太複雜嘅調味，味道鮮甜，原汁原味！
張貼
