文東記

營業中

休息中

✨ 必食推薦✨ ✅ 美味白切雞肉質超嫩滑！雞皮爽脆唔肥膩 ✅ 冷泡荔枝金萱烏龍 +$15荔枝香+茶香完美融合！清新解膩必點 ✅ 油飯粒粒分明夠香口，配白切雞絕配 🤔 中規中矩▫️咕嚕肉：外脆但醬汁偏油 ▫️脆皮豆腐：普通冇驚喜 #銅鑼灣美食 #港式餐廳 #白切雞控 後記： 雖然價錢略高， 但銅鑼灣地段算合理～ 最驚喜係飲品質素💖

🐣被譽為新加坡第一海南雞!好耐無食過中餐，呢間文東記既海南白切雞真係好滑，價錢亦夠大眾化雞既肉質食落好軟嫩，同雞皮既比例亦恰當食雞要食埋啲汁，有特色辣醬，都幾開胃又惹味；黑醬油就令雞肉味道再昇華另外仲有薑蓉全部配油飯黎食好和美滑蛋蝦仁 雞蛋炒得好金黃色 好軟滑震騰騰既蛋汁流到成隻碟都係啲蛋夠爽口 撈飯食幾女五香蝦棗係香港比較少見，有腐皮包住蝦棗。其實即係將蝦肉打成膠直接炸熟，有啲似喺泰國菜館食到既蝦餅！金銀蛋莧菜好大碟，好多汁又夠鮮甜有埋鹹蛋、皮蛋蟲草花燉豬脊骨湯有好多松草，蟲草花香氣撲鼻，飲完成個人都出汗，好養生呀

🙋🏻‍♂️餓底探員去咗銅鑼灣調查呢間海南雞，餐廳係新加坡40多年老字號品牌，被譽為新加坡第一海南雞，除咗招牌白切雞，仲有多款小菜，小食同燉湯供應，最近喺香港開設海外分店，去銅鑼灣就可以食到喇🍤蝦多士 $76🙋🏻‍♂️表示蝦多士炸到金黃，外脆內軟，咬落充滿蝦肉鮮甜味道，香脆可口🍽️二人套餐 $328🐤美味白切雞(半隻)🙋🏻‍♂️表示白切雞全部去咗骨，雞皮爽脆，肉質嫩滑，味道鮮香，配上軟糯油飯，吸收咗雞湯精華，食落香口惹味，仲配上三款自家特色醬料，搭配白切雞或拌飯都好適合🍖咕嚕肉🙋🏻‍♂️表示咕嚕肉炸到酥脆，肉質鬆軟多汁，配上橙紅色糖醋醬汁，味道酸酸甜甜，非常開胃🥬蔘芭通菜🙋🏻‍♂️表示通菜清新爽脆，配上星馬一帶常用嘅蔘芭醬，味道辛辣又帶鹹香，令通菜增添惹味氣息🥣是日精選燉湯 $38 (套餐追加)🙋🏻‍♂️表示是日燉湯係茶樹菇燉豬脊骨湯，湯料豐富，燉湯味道清甜，充滿濃郁茶樹菇菌香氣，滋潤養生🍋特飲 $15 (套餐追加)🙋🏻‍♂️表示手打檸檬茶飲落茶味甘香，酸甜開胃📈吃貨指數😋好味度 8.5/10🔙返啅度 8.5/10

最近有間新加坡過江龍進駐銅鑼灣，超過40年歷史嘅海南雞飯老字號，主打正宗新加坡菜，招牌菜為白切雞，嫩滑爽口，皮薄唔肥。而搭配嘅三款醬汁，包括辣醬、黑醬油同薑蓉亦係餐廳自調，可帶出肉鮮甜味。油飯採用泰國香米，煙韌軟糯，粒粒分明，淡淡雞油香，配雞好match。私心推介呢度嘅咕嚕肉，入口香脆，甜酸比例適中，越食越開胃。脆皮豆腐外皮金黃色，薄身，酥脆可口，內裏滑溜，豆味出。五香蝦棗外層夠脆，餡料十足，帶咬口、湯品無味精，飲落暖胃，感覺健康。再唔夠可叫埋炒飯同菜，食物質素OK，價格親民，服務態度友善，經過值得一試。

銅鑼灣登龍街呢邊真係開咗好多新餐廳，有行過呢邊嘅朋友都知道真係超多嘢食。今次揀咗呢間新加坡過江龍，必食嘅白切雞飯。點左個F餐；🐓美味白切雞+油飯（1碗），可以轉白飯白切雞好新鮮，雞肉好嫩滑，啲雞皮最正，雞皮覺得嚟又爽口😚，完全冇油脂！配菜仲有酸蘿蔔、酸青瓜同埋椰菜🥬，食落爽口又開胃。而醬汁方面：有薑蓉、甜辣醬同埋甜豉油。🍲蟲草花燉豬脊骨湯一早已經好想飲啲呢度的湯，真係好足料又鮮甜。🧃+$15 有自家製飲品：自家製薏米水或冷泡桂花烏龍茶大推個薏米水💯💯💯真係幾正好足料！好濃嘅薏米味！仲有個咕嚕肉好想試，留返下次再嚟先！

係新加坡開業40幾年，曾獲得米芝蓮推介嘅文東記，係香港銅鑼灣開咗新分店。平時都鍾意食雞飯，所以特登都去試吓味道同新加坡有乜分別。招牌美味白切雞，同其他品牌一樣用咗文昌雞。雞皮顏色偏白，唔會好似三黃雞咁肥，有雞味，嫩滑，搭配辣醬、黑油及薑蓉，令味道提昇。最正係佢地嘅油飯，粒粒分名清爽，雞油味香，就咁樣都可以食到一碗。又叫咗招牌菜脆皮豆腐同蝦多士。豆腐入面好Creamy，居然咁正。蝦多士蝦膠勁外勁大塊。總括嚟講味道都幾還原到新加坡嗰邊。鍾意食雞飯嘅絕對要過嚟試一下。

🔹️Lunch到銅鑼灣 “文東記” 用餐🥢 店舖環境舒適衛生, 光線充足🌟 食物新鮮美味😋 店員親切有禮🧑‍💼👩🏻‍💼 價錢合宜💰💫午市二人雞飯套餐🍱🔸️美味白切雞(半隻)🐔白切雞肉質皮爽肉嫩, 肥瘦適中, 配合醬汁三寶, 一絕👍👍 配菜以醃紅蘿蔔、白蘿蔔和青蘿蔔,十分開胃, 跟油飯兩碗, 油飯油而又膩, 粒粒分明😋🔸️咕嚕肉🧆咕嚕肉肉質軟嫩, 細細粒較容易入口, 以酸蕎頭、洋蔥和紅椒炒, 口感酸甜可口, 越食越滋味🤤🔸️蒜蓉炒芥蘭🥬芥蘭葉色深綠、口感爽脆、十分鮮嫩, 加上以蒜蓉炒, 令味道更加惹味🥢🔸️茶樹菇豬脊骨燉湯🍵茶樹菇香味濃厚, 加上豬脊骨令味道更加昇華, 有助健脾、和胃、袪濕, 健康無味精👍

新加坡國民美食饗宴‼️😀去咗銅鑼灣食飯😁又登龍街文東記😋新加坡國民美食👨🏻‍🍳新加坡國民美食的理念🇸🇬體驗地道的小炒魅力🤗美味白切雞🐔白切雞這道菜的雞肉色澤鮮亮，肉質鮮嫩，搭配特製的醬油與薑蒜醬，讓每一口都充滿了香氣。雞肉的滑嫩度令人驚艷，切開後的肉汁四溢，讓人感受到那份新鮮與美味。這道白切雞不僅是新加坡的經典之選，更是文東記的招牌菜品😀咕嚕肉🍖咕嚕肉菜的外皮酥脆，內裡的肉質鮮嫩。酸甜的醬汁包裹著每一塊肉，口感豐富，讓人一試成主顧。咕嚕肉的調味恰到好處，不過於甜膩，讓人能夠享受到肉的鮮美與醬汁的完美結合😃蒜蓉蔘芭通菜🥬通菜以清新的口感為主。通菜的鮮脆與蒜蓉的香氣相得益彰，讓整道菜充滿了健康的味道。每一口都讓人感受到蔬菜的自然鮮美，搭配主食非常合適，為整餐增添了清新😁滑蛋蝦仁🍤蝦仁鮮美，與滑蛋的搭配形成了完美的對比。蛋液滑順，與蝦仁的甜味相互交融，每一口都讓人感受到無比的享受。這道菜的調味輕盈，讓人能夠品味到食材本身的鮮美😃對新加坡美食的熱愛與用心。餐廳的環境舒適宜人，服務熱情周到，讓人倍感賓至如歸，十分推薦必食白切雞🥰

今日夜晚，我去咗位於灣仔附近嘅文東記食飯，依間餐廳主打白切雞，雖然開咗冇耐，但我見到都有唔少捧場客人。白切雞作為餐廳嘅招牌菜，雞肉本身嘅質素都幾好，肉質彈牙，雞皮下面亦都唔會有過多皮下脂肪，加上調味調得唔錯，成功突顯到雞肉香。蝦多士炸得好香脆，唔會炸得太過油膩，蝦肉爽口彈牙，有少少鮮甜味。除咗白切雞之外，餐廳仲有提供一系列嘅小菜，例如咕嚕肉，蝦仁炒蛋等等。依一啲嘅小菜價錢亦都唔貴，份量亦都幾多。除咗小菜之外，餐廳仲有提供燉湯，燉湯款式都有幾款，但我自己就冇叫。整體嚟講，餐廳嘅食物價錢定價唔貴。食物方面，我覺得白切雞就幾有特色。

近日喺銅鑼灣見到有間新餐廳，係新加坡好出名的海南雞老字號，佢哋嘅白切雞仲拎埋米芝蓮添，吸引到我都嚟試試先！.呢度有午市套餐，有招牌白切雞配油飯/白飯及一份主食，我哋叫了以下2份套餐：〈美味白切雞 + 咕嚕肉(半份) 配油飯〉及〈美味白切雞 + 白𤆥芥蘭(半份) 配油飯〉.我哋首先試咗啖油飯，大家都好驚喜！油飯超好食！好香雞油味，但完全唔油膩；每粒飯都好彈牙，唔會煲到過淋或過硬，非常出色！😋.白切雞 —果然係招牌菜！👍🏻 雞皮好爽口、雞肉嫩滑。伴碟有酸蘿蔔及青瓜。酸蘿蔔醃得好食，酸度啱啱好，好開胃；青瓜爽脆。.配搭白切雞有3款醬汁：黑醬油 — 甜甜的，配白切雞好味辣醬 — 幾辣但好惹味薑蓉 — 做到好幼滑，口感好正呢3款醬汁配白切雞都好match，令味道更提升，係呢道菜嘅靈魂。.咕嚕肉 —一樣有驚喜！🤩 外表炸到好脆，入面啲肉係好爽口。酸甜度好適中，好開胃好好食。.芥蘭 —每條都好爽，無苦澀味，配甜豉油幾好食。.午市套餐份量都唔少，食到好飽，而且食物質素高，值得再嚟幫襯👍🏻

🥢🥢一邊聽到勁有鑊氣嘅炒物已經好期待！佢哋嘅招牌雞飯唔單止係食物，更加係一種文化，將新加坡地道嘅風味帶到香港，不愧係遍佈新加坡同泰國45間分店嘅名物！🥢🥢⭐️大推白切雞（$108）用嘅係文昌雞，例牌都有雞脾同雞胸，雞皮爽得嚟好薄又滑，無咩油脂咁；連雞胸都勁嫩滑，可以點薑蓉、酸辣醬、甜醬油 ；配菜亦有淹漬過兼切成薄片嘅酸紅蘿蔔、青瓜、椰菜，清新得嚟充滿南洋風情⭐️仲有咕嚕肉（$98）惹味到爆！粉漿唔厚，落埋車厘茄、洋蔥、蕎頭炒香，咬落仲食到肉質嘅嫩；每一啖都充滿咗甜酸嘅平衡，口感層次豐富，真係好有驚喜。金銀蛋莧菜（$98）調味啱啱好 ，爆香過嘅蒜令莧菜更香，唔會好似出面啲茶記過鹹。⭐️最特別係佢哋的茶樹菇燉豬骨湯$58@ ，原盅上，成晚賣剩2碗都俾我哋食到，太好彩！湯底透徹清甜，仲有茶樹菇嘅獨特香氣～📌文東記 銅鑼灣登龍街18號V Point地下4號舖==============================Follow @nnthrive #筷筷和你搵好西=============================#食在銅鑼灣 #新加坡菜 #白切雞 #happyhour#yahoofood

📍新加坡過江龍嘅嘅文東記嚟咗香港，主打海南雞飯，開啟銅鑼灣登龍街超方便去食！我哋兩個人試咗佢嘅海南雞二人餐($328)，會包半隻招牌無骨海南雞、咕嚕肉、炒通菜/脆皮豆腐同油飯。另外加$58會有兩碗燉湯，今日係茶樹菇燉豬脊骨湯，冇味精夠滋補，底下都有好多料。海南雞去晒骨，食落啖啖肉仲好香雞味，就算雞胸肉都好滑，連雞皮都係彈牙。咕嚕肉就細細粒，唔似平時食開手炒咕嚕肉嗰隻大大件，同會比較酸口。脆皮豆腐用咗嫩豆腐，出邊嘅脆皮薄身唔油膩，加埋沙律醬做小食啱啱好。

登龍街都有開咗唔少新嘅舖頭，今次小編就試吓新加坡過江龍，新加坡第一海南雞之稱「文東記」原來佢晚市有套餐，一個價錢就已經可以食到招牌嘅白切雞，咕嚕肉，仲有森巴通菜，最後一定要有靈魂中嘅雞油飯，仲有叫咗個招牌蝦多士同紅棗桂圓茶和自家制薏米水招牌白切雞：肉質都非常軟嫩，再配上薑蔥蓉+黑醬油+酸甜辣椒醬，開胃又惹味，令雞肉味道昇華，三款醬油都是由文東記自家提制雞油飯：採用來自泰國香米，吸收曬雞湯精華，香氣十足，而不油膩，d飯仲粒粒分明森巴通菜：炒得好有鑊氣，如果唔食森巴嘅朋友仔，可轉蒜蓉炒通菜。咕嚕肉：做得好鬆脆，而且甜同酸比例做得好好，好開胃蝦多士：將多士加入蝦膠，再油炸至金黃色，香脆口感，咬落非常彈牙，好足料紅棗桂圓茶和自家制薏米水：紅棗桂圓茶口感甜美，紅棗濃郁香氣及桂圓的清甜相互交融；自家制薏米水，小編特別推介，呢一杯薏米水小編特別推介，呢一杯薏米水呢全部都係已經隔咗晒啲一粒粒薏米，但係都好大浸味味薏米味，好足料

放工約咗老友兩個去銅鑼灣行街同埋Dinner，醒起新加坡過江龍「文東記」係登龍街開咗，一於就揀呢間試試佢！打開餐牌見到有個「二人雞套餐」幾抵食，另外單點仲燉湯，加埋飲品，好滿足豐富嘅一餐。套餐包括「美味白切雞半隻」，份量好足，仲有酸菜伴碟，雖然係半碟，但係酸菜一樣好味，唔會好鹹，好平衡的味道，白切雞點埋三色醬，好正啊！套餐，咕嚕肉，佢哋嘅咕嚕肉粒相對細粒，可以一口就食到，唔錯，送飯一流。套餐可以選擇招牌「脆皮豆腐」，豆腐厚切，而且外脆內軟。我揀咗油飯，我朋友揀咗白飯，可以自由選擇。另外單點咗兩個燉湯「茶樹菇燉豬脊骨湯」，幾清甜，冇味精足料飲落舒服。另外餐牌見到呢款自家製薏米水，被吸引了，薏米打溶晒，好夠味，熱辣辣天氣飲埋佢就好舒服啦。

大家都係新加坡過江龍嚟比較，文東記整體水準好味過天天海南雞飯🐑海南雞雖然白賴晒，但好有雞味，皮與肉之間仲有層啫喱，肉好嫩滑，浸雞浸得剛好🐑咕嚕肉上枱好脆身，熱到焫口，如果酸度可以多番啲就更正，同埋個碟底稍嫌多咗啲汁🐑蝦棗好香脆，除咗蝦肉之外，應該加咗少少肥豬肉增添肉香，另外又有芋頭粒及馬蹄，口感複雜得嚟又幾好味喎🐑蔘芭通菜，有鹹魚碎、蒜蓉及辣椒，炒得鹹香辣，超惹味🐑油飯好掂，用雞湯煮，夠晒味，又粒粒分明