影片
以上資料只供參考, 請與餐廳確認詳情
在銅鑼灣以前好難搵到性價比高的家常便飯，今日打算喺登龍街搵食，就比我見到一間主打海南雞的飯店，原來大有來頭，是來自新加坡過江龍「文東記」，被譽為「新加坡第一海南雞」，同時在新加坡擁有40多年歷史的海南雞飯老字號，主打正宗新加坡混合中式菜式，而且相當抵食👍今日我同朋友就食咗基本上每台必食的二人套餐只需要 $ 328 就可以品嚐到必食白切雞半隻、咕嚕肉、菜或者豆腐和油飯兩碗😋▪️美味白切雞（半隻）必食白切雞，雞皮香脆肉質軟嫩，中間仲有一層精華啫喱，上自家製嘅三款醬汁分別係黑醬油、香辣醬和薑蓉，開胃有嘢味，完全將雞肉味道昇華▪️油飯(兩碗)美味的白切雞當然要配返個雞油飯，餐廳採用了煙韌軟糯的泰國香米，並吸收了雞湯精華，雞油香氣十足，油香而不膩，而且粒粒分明，真係超級好食▪️咕嚕肉（全份）咕嚕肉入口香脆肉質爽口，而且比坊間的細粒，可以一啖一口，而且甜同酸比例合適，配上指洋蔥和蕎頭，好開胃▪️ 蔘芭通菜（全份）食飯必須有菜，嫩口的通菜加上傳統新加坡蔘芭醬，超級惹味▪️脆皮豆腐（6件） $ 88外皮酥脆，內部保持了軟嫩口感，一入口保留住豆腐好滑的口味，而且充滿豆香，而且炸皮都非常薄，真係外脆內嫰▪️蟲草花燉豬脊骨湯（兩盅）+ $58燉湯都係試，套餐只要加$58就可以有兩盅，味道香濃，感覺非常滋潤
繼續閱讀
一般去完旅行，喺香港食反差唔多類型嘅食物，都特別喜歡比較味道嘅還原度。但主要都係日本，韓國，泰菜，我只係去過一次新加坡，對嗰邊食物印象，除咗咖央多，叻沙，就只有海南雞。但係嗰邊嘅海南雞的確令人念念不忘，今次竟然有過江龍嚟左，我就第一時間過嚟比較一下。 🍖見到呢度海南雞白色嘅雞皮，就已經感覺嚟啱咗地方。我鍾意呢一種做法，因為佢係用水煮，煮好之後，冰鎮(應該係，除非唔係)，所以唔會肥，但係皮下嗰一層薄薄嘅透明啫喱又超好味，啲雞肉亦都會好嫩。果然還原度真係好高。我尤其鍾意佢嘅伴碟同埋醬汁。醃蘿蔔同酸瓜，好入味，而且超爽口。傑傑地嘅醬油，辣椒醬同埋超夠味姜茸，三樣嘢點齊放入口最好味。 🍖我哋點嘅係套餐，仲選擇咗咕嚕肉同埋馬拉盞炒通菜。咕嚕肉切成細粒，每粒比起傳統港式大概細粒一半但係個粉漿仍然唔會太厚，仲係非常外脆內軟，最令我覺得特別嘅係佢用咗酸蕎頭同車釐茄一齊炒，所以佢嘅酸甜效果，就未必係來自白醋，而係蕎頭本身，然後食蕎頭亦都會帶出酸爽口感，雙得益彰。通菜炒得好油亮，但係唔係油膩，少少辣辣地之餘，又食到蝦米嘅口感。 🍖最後梗係唔少得要講吓佢嘅燉湯，蟲草花湯好鮮甜，飲得出時間嘅味道，仲有我哋叫咗薏米水，好似仲飲咗少少斑蘭嘅味道，好有新加坡感覺。不得不講埋我哋額外點嘅蝦多士，多士香脆，蝦肉又爽彈，係好香口嘅開胃菜。
繼續閱讀
雖然一直都未機會去新加坡 但唔緊要 依家唔洗急著飛去新加坡都食到我想食嘅 被新加坡譽為第一海南雞😎 🔖二人雞飯套餐 HKD328幾抵食嘅二人套餐，正常食量嘅二人都夠食有餘，可以品嘗一頓豐富嘅晚餐▸白切雞半隻嫩滑味香嘅靚靚海南雞，入口雞味香，而且好嫩易咬，即使雞胸都唔鞋，雞髀就更加唔使講啦。無論配黑豉油定薑蓉都好正，配埋油飯簡直一絕。油飯好香濃，香味係口中迴盪▸咕嚕肉切得細細粒、炸得香脆嘅咕嚕肉，易食之餘仲更加香口，令人食指大動，食個不停。醬汁唔會過多，啱啱好沾係咕嚕肉上，所以食時都唔怕整到成個碗都係醬汁，影響其他食物嘅味道▸蔘芭通菜蔘芭醬係東南亞嘅一種辣椒醬，製作時除咗有辣椒、香料外，更會落蝦米，味道惹味之外，更帶一啲鹹香。拎嚟炒通菜，簡直係吸收精華，令通菜更鮮、鹹、香🔖蟲草花燉豬骨湯 HKD+38無味精嘅燉湯，好清甜，入口感受到湯料嘅味道，蟲草花嘅甘甜、杞子淡淡嘅甜味同豬骨湯嘅鮮甜味，共冶一爐
繼續閱讀
「文東記」其招牌菜白切雞，在新加坡，無論是當地居民或是旅客，均讚不絕口。現在香港首間分店登陸銅鑼灣，當然要同朋友一齊去食好西啦！ 餐廳設計簡約，燈光鮮明，店員以友好的態度迎接客人。晚飯時候，餐廳瞬間已坐滿了客人。😋餐廳使用QR code點餐，是日選擇：1️⃣美味白切雞（半隻）🍽光滑的雞肉，雞肉鮮嫩，三款不同的醬汁，帶來不同的味道。2️⃣蝦多士🍽金黄酥脆的外層，咬下去時很脆口，大人小朋友都會喜愛。3️⃣脆皮豆腐🍽經油炸後，內裡的豆腐仍保持滑嫩，沒有油膩感。4️⃣蟲草花燉豬背脊骨湯🍽湯味醇厚，淡淡香氣，滋補養生。
繼續閱讀
星加坡老字號襲港！望到啲相都流口水，今日終於早少少收工，逃避咗晚市嘅熱潮就去開飯！！！✨美味白切雞半隻餐廳嘅雞一上枱就感受到雞油嘅充份，雞皮剔透，肉質嫩滑。基本上冇過分嘅調味，反而可以因應自己鍾意嘅醬汁去點配！真心覺得例牌唔夠兩個人食，既然招牌就嗌咗半隻。✨蝦仁炒蛋份量都幾多，炒蛋滑捋捋蝦仁爽彈，加咗少量嘅韭黃，把成碟小菜嘅精髓帶咗出嚟。✨燉湯餐廳有三款燉湯可以揀，相信全部都好夠火候，推薦大家叫返一碗！今日我就揀咗蟲草花燉豬脊骨，一上枱就聞到好清香嘅蟲草香氣，飲落湯頭清甜濃郁。✨森巴通菜通菜翠綠炒得爽嫩，加入咗森巴醬就更加惹味。✨香印金萱烏龍打開個樽蓋就聞到好香嘅香印味，茶味清新解膩。
繼續閱讀