慈素小聚

營業中

休息中

做素食做到咁有心又咁出色～ 仲要咁抵食，真係非常難得。越嚟越多人知，記得要預先book位呢😍🥢鮮竹牛肉球全晚最驚喜之一。味道&口感做到天衣無縫。入口仲有彈彈陳皮味道，再配喼汁，超好味。應該要變為招牌菜！必選之一🥢北京片皮鴨做得好精緻，食落口感都算幾似。餅皮夠煙韌，加埋三色椒增加口感層次同美感，味道唔錯🥢素食三文魚拼盤噴煙效果超華麗~ 打卡一流。素鮑魚和素三文魚口感超軟彈～ 加埋醬油和芥辣，其實都分唔到係素食🥢茄汁配三重奏芝士天使麵多重芝士🧀夠濃。天使麵配埋自家製茄汁，好味👍🏻🥢琵琶豆腐炸出黎外脆內軟，色香味俱全～

放工享用新派素食✳️周三放工，約了同事安少到「慈素小聚」試下新派素食。餐廳環境清新雅緻，是品味新派素食的好地方。😋我們首先品嚐了**兩盎黑松露鮮蘑菇忌廉湯**（每盎$78）。湯的香氣撲鼻，黑松露的獨特風味與鮮蘑菇的鮮甜完美結合。🤩接著，**日式半煎炸餃子🥟**（$48）外脆內嫩，餡料鮮美，搭配喼汁是絕配。🌟接下來的**香煎腐皮卷**（$58）也是不容錯過。薄脆的腐皮包裹著各種時蔬，口感層次分明。隨後，我們再點了**日式長春卷**（$58），一啖啖脆卜卜，真滿足😋。我們也愛吃香口素食，再點了一份**琵琶豆腐**（五件$）~$88，豆腐經過精心調理，外酥內滑，搭配特製醬汁，令人回味無窮。🌟最後，我們點了**兩杯海鹽焦糖latte**（每杯$38），香濃的咖啡與焦糖的甜味相配，為這頓素食盛宴畫上完美句號。

今晚5點半就到，素食館乾淨企理，由於仲未到放工時間，成間舖只有我哋一枱客。🥗牛油果什菜沙律牛油果夾埋車厘咖真係好匹配，沙律菜新鮮爽甜，廚師用意大利黑醋做醬汁，成個感覺好開胃醒神！👍👍🥪雙色厚切多士果然厚厚的多士，椰子芒果醬不太甜，伴椰絲使口感更豐富。香芋濃味撲鼻，面頭布滿酥脆杏片，很吸睛！👀👀🌿香草忌廉天使麵配素豬扒豬扒脆口似吉列，味道極仿真！天使麵用磨菇和忌廉燴煮，菇🍄味特濃。🥥椰汁雪耳無花果湯一枝枝咬落卜卜脆的椰子加埋杏仁，使湯味甘甜又濃郁滋潤！🪕琵琶豆腐外脆內爽，陳皮味濃！很香口！😋🥜花生鹹蛋湯圓最後order甜品，鹹蛋花生cross over乃一絕，咬一口讓你滿口豐盛，湯圓軟綿綿，大滿足！我們吃到7 pm已經座無虛設，今時今日原來真係咁多找素食客！😄🤗兩人找數四百多元，經濟抵食！✌🏼✌🏼#kindness gather vegetarian #素食#慈素小聚

見到有食評介紹呢度嘅日式素🫑🥦🥒🥑🦪手卷好有特色，係素食🥒🥦🥕新主意， 所以再訪一回。餐廳位置超旺中帶靜， 响正K11對面， 好方便。🍭苜蓿芽手卷🫛🫑，香煎腐皮卷，日式芥辣蝴蝶蝦，素食串燒配秘制沙爹醬原來除咗中式同日式🇯🇵點心， 餐廳嘅頭盤選擇好多喎， 最驚喜嘅係芥辣蝴蝶蝦， 素蝦質地真係有Q彈感， 配芥辣醬仲好惹味，素串燒就有焦香感， 口感有層次， 唔重豆味， 有質素👍。🍭四川擔擔麵🍜，沙爹牛肉飯🍛擔擔麵湯底濃香有花生🥜味，麵質爽滑滋味， 好掛汁， 全素嘅好處就係冇肉臊味， 好清新🫧。 沙爹牛肉飯嘅素牛有咬勁， 有特色🌟。🍭胚芽奶茶🥤, 花生鹹蛋湯丸🍯奶茶同甜品甜度剛好，唔會超甜，貫徹健康清新嘅主義。

近年每個人都追求健康，改食素的朋友越來越多，今次朋友約我到這間他常常來幫襯的餐廳。午市套餐(+$10 配特飲) 🥢主食：雪菜肉絲米粉🍜和素滷肉飯🍛。雪菜肉絲米粉搭配層次豐富的湯底，濃郁而不失清爽。素滷肉飯則香氣撲鼻，口感紮實，調味恰到好處。🥣湯品：鮮粟米忌廉濃湯(奶) 和椰子雪耳無花果燉湯。點心：鮮竹蒸牛肉球和琵琶豆腐。素牛肉球，內裡有陳皮味，肉質柔軟多汁，搭配的 喼汁提升了整體風味，令人食指大動。琵琶豆腐，外皮鬆脆，豆腐保持嫩滑。🍹飲品：菠蘿🍍氣泡特飲和西瓜🍉氣泡特飲。菠蘿特飲酸甜適中，清新爽口；西瓜特飲甜美清爽，果香濃郁。兩款特飲為這次用餐增添了獨特的風味。另外點選了：京都片皮鴨🦆素食片皮鴨創意十足，薄餅柔軟，搭配的醬料甜而不膩，蔬菜新鮮爽脆，整體口感層次豐富。素食串燒🍡拼盤配秘製沙爹醬(蔬菜) 和日式芥辣🦋蝴蝶蝦(蜂蜜)炸素蝦🍤和串燒蔬菜拼盤展示了素食的多樣性。炸素蝦外表金黃酥脆，內裡鮮嫩。烤蔬菜則搭配濃郁醬料，黃瓜和甜椒清爽可口，完美平衡了油炸食物的油膩感。這次素食🌿餐廳的體驗讓人耳目一新，每道菜品都展現了高超的廚藝和創意，值得推薦給所有素食愛好者。#香港美食#尖沙咀#素食#素

鐘意食素的友人推介我食這間位於尖沙咀高層的素食餐廳🍃餐廳裝修簡單明亮，有落地玻璃窗可以很舒服地望住外面食飯主打粵式的素菜打開菜單，原來仲有西式、日式、泰式可以選擇，真是特別☘️有好多創新素菜款式可以食最特別就是牛肉球🌱第一次食感覺真是很像牛肉球味道相似度88%口感較粘且煙韌，想像之中好食🍞台式叉燒刈包必點的選擇，刈包比想像中大份而且軟綿「肉餡」是素魚柳和叉燒粒十足配上叉燒醬，味道幾可亂真🍜越南湯河粉湯頭很濃郁河粉夠身，還有芽菜做配菜青檸、辣椒粒和香葉浸入湯中酸酸辣辣好開胃🍲香菇竹笙菜胆翅湯真是有很多素胆翅還有大大香菇和竹笙夠熱，飲完成個人暖晒🍝意大利香草忌廉天使麵（奶） (配素豬排）天使麵煮得剛剛好加入忌廉的口感也很搭，素豬排炸得夠香脆加上雜菌入口好香🥟煎餃這個餃子很特別的皮很薄，餡料當然是素炸得香脆可口食物同性價比高，值得，很愉快

今日和媽咪來到這間素食小廚食特色素菜。呢間餐廳好有氣氛，窗外有小星星⭐️⭐️，燈罩表面亦都有花邊作裝飾，非常靚靚。梳化是綠色的，與素食餐廳嘅顏色十分襯。今日我們叫的素菜，都好似肉類。我們叫了一個燒賣，山竹牛肉，北京片皮鴨，肉餅飯，手卷壽司和酸辣湯。我覺得這個肉餅飯超級好味，我和媽媽都全部吃晒，北京填鴨仿真度亦都好似真肉類。而且菜單上面呢都有在肉餅飯上寫到（奶）🥛提醒食客食物包含住什麼食材，好貼心。餐廳服務非常好，waitress 都樂意提供菜式的簡介。今日服務我們嘅小姐非常之有禮貌👩🏻。而且餐廳裡有好多外國人，餐廳到晚上7時就開始滿，好旺場。Today, I came to this vegetarian restaurant with my mom to enjoy some special vegetarian dishes. The restaurant has a great atmosphere, with little stars ⭐️⭐️ outside the window and beautifully decorated lampshades with lace. The

記得以前睇過一個飲食節目，專門介紹齋菜，整得逼真口感似乎都唔錯。抱住試吓嘅心態今日嚟咗食齋菜。同我想像中嘅好唔同，原本諗起齋菜都係好似好清好寡。但估唔到而家啲齋菜店可以有好多花款。完全刷新我嘅認知。素食三文魚拼盤三文魚係用蒟蒻做，但啲味道同口感同真三文魚一模一樣，完全唔會覺得係素食，反而有種清新嘅感覺。酥皮Pizza呢個Pizza真係勁正！酥皮底加上超多芝士，咬一口就感受到芝士嘅濃郁味道，底部酥脆，仲可以配上自己鍾意嘅配料日式芥辣蝴蝶蝦呢道菜用素材料整出嚟嘅蝦，口感逼真，淨係食落去就好似真係食緊蝦咁。芥辣醬更添一份香辣味素食串燒拼盤呢個拼盤配有秘製沙嗲醬，沙嗲醬香濃，串燒嘅味道好入味。越南法包三文治呢個三文治用嘅材料新鮮，口感清脆，配上特製醬汁，食落去好開胃，仲有一啲香草味！胚芽奶茶最後，試咗胚芽奶茶，味道香滑，唔會太甜，十分適合配合餐點。

朋友介紹的素食餐廳，慈善小聚開在尖沙咀，交通非常方便。環境清悠，卡位闊落坐得舒服！呢度素食有多種國家的菜式，中式、西式、日式都可以選擇。中午有優惠午市套餐，$88 可以食到一個套餐，包括一個點心、湯和主食，加$10仲可以要特飲！椰汁雪耳無花果燉湯開蓋聞到超級香的味道，底汁好鮮甜，而且好足料，清潤滋補非常高質。粟米濃湯佐翡翠苗（奶）翡翠苗吸收咗粟米湯嘅精華，多汁脆爽而且冇渣。牛肉球唔講系素，我以為真係牛肉球，仲竟然有陳皮香港味，口感仲做到好似半熟牛肉果種濕潤口感。台式滷肉飯呢個絕對係最好食，初初見到咁大舊肥豬肉，我仲驚咗三秒，諗到系素，可以大啖大啖咬肥肉! 食入口真係有肉感，而且肥瘦分明！勁！慈素小聚 (尖沙咀)尖沙咀麼地道30號Mody House 8樓

素食店位置非常方便，嚟開尖沙咀一帶可以試吓。素食餐單有心思，有中西fusion，又有「點心」、「魚生」，本身唔係素食者，都唔會覺得唔啱食。椰汁雪耳無花果燉湯一人一碗燉湯，椰汁味及菇味濃郁，好滋潤。鮮竹蒸牛肉球「點心」十分可愛，賣相同牛肉球無異，可沾上喼汁。粟米濃湯佐翡翠苗濃湯蓋過菜苗本身有嘅青草味，賣相好靚，而且配搭相當不錯。意大利香草忌廉天使麵配素豬扒素豬扒係炸嘅，天使麵汁料好香，內有好多磨菇。梅菜肉餅飯茶樓常見菜式，味道同口感都得好逼真，唔講都唔記得自己食緊素。🧸評分：🧸🧸🧸🧸 4/5

今天要介紹的餐廳係位於尖沙咀麼地道，係一間主打新式素菜嘅餐廳。餐廳素食款式非常之多，有中式、西式甚至日式都有。餐廳装修簡約以綠色和白色為主調,座位未致於寬,但服務員招呼友善，值得一讚。秘製茄汁搭配三重奏芝士天使麵 ＄118三款芝士都有唔同既香味，令到個天使麵好香芝士味，天使麵配上茄汁同埋蘑菇，令到天使麵食落更有層次比較但個麵就比較濕。台式叉燒刈包刈包有兩件，刈包中問夾有一塊炸素魚扒，素叉燒粒，加埋叉燒汁，令到食落嘅時候味道和口感都好似食緊真嘅叉燒包一樣。椒鹽白靈芝菇＄88白靈芝菇唔算太大粒但菇既香味十足。煮法就好似椒鹽鮮魷一樣同埋加咗一啲椒粒，面頭可以再撒上少少鹽更加好食。黑松露蘿蔔糕：呢個蘿蔔糕好足了，除咗外層炸得酥脆，糕入面係食到有蘿蔔絲，可以甜醬辣醬或黑松露醬一齊食，更加好食。香芒夭婦羅炸豆腐：炸豆腐有六粒，外皮香脆但依然保留到裏面既豆腐都仲係嫩滑，豆腐外面淋上芒果汁，食落一鹹一甜幾特別。慈素小聚尖沙咀麼地道30號Mody House 8樓港鐵尖沙咀/尖東站 N1 出口， 步行約1分鐘

餐廳：慈素小聚地點：尖沙咀麼地道菜式：素食餐牌：點心，小食，主食，湯，沙律，意粉，麵飯，薄餅，飲品，甜品。選擇多元化，寫明有蛋奶等，方便敏感素食人仕。牛油果雜菜沙律 $98牛油果雜菜沙律超大兜，係雜菜沙律底加上新鮮牛油果段同車厘茄切半，用大量香甜黑醋同油調味。味道唔寡，甜甜哋好開胃。香芒天婦羅炸豆腐 $88香芒天婦羅炸豆腐一客6件，賣相似炸大蝦。炸皮薄脆，入面係嫩滑豆腐，而外面加左滿滿芒果汁，味道係天然芒果甜，食落清新香甜，口感外脆内滑！另上一碟芒果汁，唔夠再加！呢道菜非常美味！粟米濃湯佐翡翠苗 $98翡翠苗加喺粟米濃湯度原來係咁正，脆嫩菜苗配甜甜哋嘅粟米湯，味道都夾。粟米湯有好多粟米粒，翡翠苗伴有燈籠椒，添少少新鮮感。雙色厚切多士 $58雙色厚切多士一客兩大件，分別係梛芒同香芋味，熱辣辣上枱。多士非常厚切，口感極度鬆軟！香芋味好香甜，加上大量脆口杏仁片令口感更香口！梛芒係香甜芒果醬同大量梛絲，呢款食落更香甜，係非常滿足既！附上刀叉比你食用。紐約芝士蛋糕 $58呢款甜品係新野，自家製紐約芝士蛋糕，身為芝士蛋糕控一定要試！紐約芝士蛋糕份量好大件，口感軟滑綿密夠濃厚，面頭加上少少金箔，好名

上到嚟尖沙咀呢間樓上素菜餐館，發現原來素食都可以咁受歡迎，座無虛席，好彩我哋預先訂咗枱咋！打開菜單，中式、西式、日式、泰式嘅餸菜都齊全，咁樣素食者點都唔會食厭喇。🤍粟米濃湯佐翡翠苗（奶）應該冇人唔鐘意粟米濃湯吧！原來仲可以咁樣搭配一道菜，粒粒粟米仲有爽脆嘅翡翠苗好清甜🤍椰汁雪耳無花果燉湯48hkd 就有一個滋潤燉湯，好抵呀！ 冇油但又香又甜，秋冬真係要飲多啲🤍香芒天婦羅炸豆腐嫩滑嘅即炸豆腐配香甜嘅芒果醬，有啲似食緊甜品 🤍牛肉球像真度100% ，味道相似度90% 。同真正嘅牛肉比，口感係比較粘連煙韌，比想像之中好食🤍片皮鴨少咗原有嘅脂肪同肥膩感，取而代之嘅係豆香味同爽甜嘅三色椒，口感唔太似片皮鴨但參考咗佢嘅食法，趣緻度爆燈🤍梅菜肉餅飯 同牛肉球一樣，素肉咬落係煙韌口感，味道同平時嘅梅菜肉餅幾乎一樣，本身調味已經好好送飯

bookmark咗呢間超耐，完全因為個 🦆「京都片皮鴨」而嚟，個人覺得齋鴨都係大家認知嘅口感啦，但呢片皮鴨setting令佢非常IG-able，可以一試。🐟「素食三文魚拼盤」有蒟蒻三文魚同鮑魚，鮑魚係爽脆啲，三文魚真係有少少油脂感，點完WASABI同豉油真係超似，好好味～🍄「椒鹽白靈芝菇」香口惹味，有少少似炸魷魚鬚，但係咬落JUICY，少少辣。🦐「日式芥辣蝴蝶蝦」食得出佢MIX咗幾樣野，一啖入面有唔同口感，蜂蜜芥茉醬唔錯。令我最驚喜嘅係🥩「甜梅菜肉餅飯」，真係有肉餅口感同味道！撈飯一流必點！幾多飲品選擇，推介🍹「西瓜氣泡特飲」，兩個人食五碟菜OK飽，我會為咗個肉餅再返嚟。

朋友係一位素食者，今日佢帶我到尖沙咀一間 新派素食菜館食飯， 喺我心目中素食館多數好似齋館咁 比較老派裝修， 一入到去好驚喜間餐廳好靚優雅舒適😍。 點完嘢食啲食物質素更驚喜， 除咗好食仲好靚好精緻， 睇得出廚師嘅心機， 用心製作 👍素食三文魚拼盤：必叫系列， 呢款上菜時真係幾可亂真， 成碟三文魚嘅款食落仲有三文魚味 ，仲會配埋 wasabi同豉油， 擺盤超靚， 仙氣十足👍黑松露蘿蔔糕： 外層炸得酥脆， 入面唔係得舊粉 係食到有蘿蔔絲， 仲有三款醬料 配意食用 ， 甜醬辣醬 仲有濃嘅黑松露， 真材實料。香芒天婦羅炸豆腐：香脆嘅外皮加上內裏包住嫩滑嘅豆腐已經好美味， 上面仲淋上香濃嘅芒果汁，清新香甜。花生鹹蛋湯丸： 最後 一定要叫返個花生鹹蛋湯圓， 呢款大推呀， 第一次食花生湯圓入面加上鹹蛋黃，鹹蛋黃鹹香味慢慢滲出， 仲食到 入面加咗啲糖粒口感層次豐富👍