御膳

營業中

休息中

今個月我同男朋友都各有各忙，所以今年提早食做節飯XD男朋友之前同一班朋友黎過御膳食，覺得幾好所以今次同我黎~佢一早就book左位同揀左今晚食咩~我地叫個二人套餐3（$972）香芒沙律大蝦球兩件，望落色彩繽紛，男朋友話d蝦好新鮮，我就鍾意底下酸甜嘅沙律~東星二食（椒鹽骨，起肉炒球）男朋友係釣魚發燒友，對食魚嘅要求好高，佢勁鍾意呢個東星椒鹽骨~而我就比較like啖啖肉嘅東星炒球！什菌豆腐大蜆湯，平時男朋友同我出街食中餐好少飲湯，因為佢覺得媽媽煲嘅湯先係湯，但呢到嘅湯一飲就知冇加味精同埋落足料煲，味道極鮮甜，正！白胡椒爆炒南非鮑魚2隻，白胡椒帶出鮑魚嘅味道，炒到啱啱好熟唔會太韌~蒜蓉粉絲蒸蟶子皇2隻，大大隻嘅蟶子比大量蒜蓉蓋住，食落好入味！而我就最鍾意食最底嘅粉絲，因為d粉絲吸收曬蒜蓉同蟶子嘅精華XD士多啤梨骨，酸酸甜甜夠開胃~經典富瑤炒飯，入面有南非鮑魚、瑤柱 、金華火腿等配料，而且炒得夠粒粒分明，唔會太油膩！我平時唔多食飯都食左兩碗！碧綠炒花枝，菜夠翠綠，花枝肉夠厚，唔錯~甜品係芒果布丁，但男朋友唔好甜食，所以我一個人食曬兩杯，味道都ok~~呢到食物質素好高，值得推介比大家！

工廠大廈做食肆已經不是什麼新鮮事物，反而能夠留住客人再回頭幫襯才顯得是真功夫，官塘工廈的「御膳」，賣的就是食材新鮮和上乘的烹調技巧，套用星爺一句：「絕對不是浪得虛名」👍🏻來這裡晚飯一定要提早預訂，而倆老始終喜歡有水準的海鮮中菜，我們今晚一行四人已經是一個月前訂枱，由於我們早到了而之前的客人還未離開，服務員客氣的讓我們等候一會，心想若然今晚walk-in 就一定碰上釘子了😬這𥚃的格局絕非富麗堂皇，而是光猛自然舒服，倆老反而説食得更舒服自在，畢竟他們享受的始終是味道的真締，而非只以包裝為主🤔這𥚃有多款套餐供客人選擇，會因應季節時令有所改變，正正是「不時不食」，先上枱的是「香芒沙律大蝦球」，這開胃前菜賣相精美，鮮黃色的芒果肉伴隨著大大隻蝦球，馬上放進咀裏，香甜的芒果肉和蝦肉十分匹配，再嚐嚐沙律更是開胃醒神，這度前菜已經絕不簡單😍接著是「蒜蓉粉絲蒸蟶子王」4人份量，唔使爭，大大隻蟶子唔係得個殼架，你睇下啲肉幾咁厚同肥大，蒜蓉蔥花同埋適量嘅辣椒🌶️，未放落口已經香氣撲鼻，啖啖肉，仲有粉絲吸收埋啲精華，真係連汁都食埋👍🏻「大肉蟹」可以㨂不同做法，分別是花雕雞油蛋白蒸，避風塘炒，薑沖炒，胡椒炒，四川香

好友幫我慶祝的生日飯局一浪接一浪，今晚三位好同事帶我去一間工廈隱世海鮮私房菜，好期待呀我真係好鍾意食海鮮，尤其係蟹，真係未食已經覺得興奮飯店好隱閉，一定要靠口碑先可以知道有呢間飯店的存在，當我食緊隻蟹時，已經知道我的好同事們絕對無揀錯地方，真係好耐無食過咁好味嘅海鮮la, 我覺得味道和新鮮度，比之在鯉魚門有過之而無不及香芒沙律大蝦球~新鮮大蝦酥炸，外脆內肉質彈牙爽脆，淋上酸酸甜甜的芒果汁, 再缀以士多啤梨，好清新可口青，紅蘋果，杧果切粒mixed沙律醬墊底，好一道開胃的前菜呀大肉蟹~可選花雕雞油蛋白蒸， 避風塘炒， 薑蔥炒 胡椒炒，四川香辣炒我揀左胡椒炒，嘩隻蟹又大隻又多肉，個蟹蓋仲好多膏好彩我生日無人敢同我爭胡椒味濃而不辣，完全沒有蓋過蟹肉的鮮甜味，還有提鮮的作用，肉質嫩滑juicy, 超級美味當然我亦分到一隻大蟹鉗，超多肉但我顧住食已忘記拍照蒜蓉粉絲蒸蟶子皇~食緊蟹嘅同時，蟶子皇又上碟，好忙！唯有暫時放底食到一半嘅蟹鉗熱騰騰的蟶子皇一上桌已吸引哂所有人的目光，Wow好大隻呀！真係見到都流哂口水整整一隻蟶子皇被生蒜，熟蒜， 蔥粒和辣椒絲密密麻麻的重重包圍住，所有的精華滲透入蟶子皇和粉

提到私房菜, 一般都會覺得好隱蔽, 唔係個個會搵到路 。 今次我同老公提早做節, 佢同事介紹一間係觀塘工業區內唔起眼既私房菜-御膳。首先係工業區坐類似貨lift上去, 原來係之前上山藝堂同一座大廈。 入到去簡潔企理, 應有既家具有哂, 完全係實用為主, 沒有絲毫奢華嬌情。 我地已經預先order了二人餐, 多帶個3歲小孩會會無任歡迎。 前菜: 麻辣手撕雞因為我倆太肚餓, 見到心愛既手撕雞便狼吞虎嚥。 青瓜絲清涼 配上嫩滑雞肉和雞肉, 好惹味, 胃口大開。 拌左辣醬所以小朋友要等下個菜喇。戲肉: 大肉蟹侍應介紹有7種煮法, 鍾情避風塘, 胡椒和麻辣既我地因為小朋友唔會辣所以叫左花鵰蒸蛋白既煮法。 眼界大開, 蛋白沾滿濃濃的酒香, 食到蛋白時會有酒香味。 因為已高溫煮過所以酒精都揮發了。 而大肉蟹殼內包滿蟹肉,一d虛位都冇。 我未買過同食過咁滿蟹肉既大肉蟹。 廚師除了煮功一流, 買貨眼光都好高明。士多啤梨骨平時唔多食肉既小朋, 今次食哂3條骨。 每塊骨都有甜甜既士多啤梨汁, 好正。蒜蓉蒸龍躉4塊厚實既龍躉片, 連皮蒸好滑身。 魚肉飽滿帶甘香。 上面鋪了滿滿既蒜泥, 而魚下面就有粉絲。 很r

所謂「好頭好尾」，年頭吃得好，年尾當然也要吃得好。雖未到冬至，但大家一定在冬至前夕忙翻了，還是早一點吃吧，加上上月原本慶祝大家的生日都沒有空慶祝，今晚就好好一聚。香芒沙律大蝦球配色一流，視覺享受滿分。新鮮大蝦裹上炸粉酥炸，蝦肉外脆內彈，再淋上芒果汁，以士多啤梨點綴大蝦上頭，底下則墊上沙律，熱騰騰的的炸蝦與冰涼的沙律融合，酸甜清新風味讓人胃口大開。白胡椒爆炒南非鮑魚處理細心，將內臟清理好，並洗得乾乾淨淨，鮑魚爆炒熟度恰到好處，簡單的白胡椒提出鮑魚的鮮美，爽口彈牙，非常對胃。朋友們大讚蒜蓉粉絲蒸蟶子王「無得輸」，蟶子王新鮮肥美不用多說，每隻蟶子王均被蒜蓉覆蓋得密密麻麻，使蒜蓉精髓滲透蟶子王與粉絲當中，入味極了，惹得朋友們口水直流。平日來御膳吃肉蟹都吃避風塘口味，朋友M說懂吃鮮活的大肉蟹應該花雕雞油蛋白蒸，那是最可嚐到大肉蟹原汁原味煮法，今晚就聽朋友M的建議花雕雞油蛋白蒸大肉蟹。大肉蟹肥嫩極致，並運用花雕酒芳引出蟹肉鮮腴甘甜，雞油讓蛋白倍增細滑感，花雕雞油蛋白蒸大肉蟹獲得大家一致好評，稱心如意。生煎東星斑12兩即使是養魚，不過東星斑經生煎後，魚皮脆不可擋，魚肉細緻軟嫩，骨刺不多，然後東星斑灑

說實在 本貓的母親大人煮飯有一手正因如此 貓家很少成家出外食中菜機緣巧合之下 聽聞這間隱世私房菜一查 成個菜單都是家人喜愛的菜式早就決定找天來試試 剛巧老爸放假就預訂龍蝦餐 以豪華海鮮孝敬倆老-🥢花龍蝦餐（4位用）$1308-🌶麻辣滷水拼盤（例牌）共有三款 滷水牛肚豬大腸及手撕雞牛肚豬大腸滷得軟爛入味 帶麻辣香份量頗多 喜歡麻辣手撕雞辣得過癮老爸讚青瓜絲清新爽脆 能中和辣度-🥣什菌大蜆豆腐湯整窩上檯蜆又大又多 每人可分兩碗大蜆鮮冬菇搭上豆腐莞茜 很難不鮮大廚媽子說沒味精 淡淡清甜的味道-🥢蒜蓉粉絲蒸蟶子王每人一隻大蟶子王 配角粉絲吸滿精華個人喜歡原汁原味 撥走蒜泥更顯鮮度咬落爽口而不韌 來貨新鮮才有此鮮味-🥢花龍蝦（5-6兩，兩隻）主角出場賣相好吸引 每人半隻花龍蝦妹妹愛惹味選了以芝士焗 配上脆炸麵花龍蝦雖被芝士蓋著 仍看到花紋很美原本擔心芝士蓋過龍蝦味 但比想像好芝士香氣不濃 龍蝦味好出可能因新鮮龍蝦肉非常爽口彈牙 媽子食得好開心-🐟金銀蒜蒸龍躉腩愛吃魚的人應該都愛龍𧄌 我不例外魚味濃且有口感 腩位肥美去骨易食-🍓士多啤梨骨海鮮餐中的唯一肉食 炸粉香脆而不厚味道酸甜得宜 食肉獸妹妹食

好久沒有family day了，我的吃貨姐姐找了個聚餐好地方❤️最愛吃龍蝦的我一下就從多款餐單中點了花龍蝦餐😍(4位用)首先來的：什菌大蜆豆腐湯湯味道非常清甜，連平常不愛喝湯的我也喝了一碗半一鍋湯內有6隻蜆左右，每隻蜆足足有手掌心般大且味道鮮美👏🏻👏🏻麻辣鹵水拼盤+手撕雞吃辣人士會喜愛的，鹵水及麻辣的味道配合得很好大腸、金錢肚都很入味而且口感適合沒牙力人士😂(正好我在箍牙)蒜蓉粉絲蒸蟶子王尺寸配得上蟶子王的稱號👍🏻味道鮮甜，咬下去十分爽口，用料新鮮只是建議拿走舖在面的蒜蓉及其他配料，更能吃得出鮮味太多配料反而蓋過了本身的味道花龍蝦5-6兩伴芝士麵花龍蝦在色澤、花紋賣相吸引咬下去爽口彈牙，味道是淡淡清新的龍蝦味我最愛的反而是底下的芝士麵芝士香而不膩，不是濃香黏稠的芝士更像是芝士mix上湯的質地吃下去罪惡感沒那麼大😂 麵是炸過的麵底，不過淋上了汁就沒有脆卜卜的口感，不知道炸的用意在？士多啤梨骨入口酸味比甜味多，是開胃菜本身炸過的排骨在沾滿士多啤梨醬後仍然保持脆的口感，十分神奇只是選用的果醬略嫌不夠士多啤梨味金銀蒜蒸龍躉腩對於不愛吃魚的我 這道菜是出奇的好龍躉腩味道鮮美原因來自於肥美的魚油神奇

聽朋友介紹，觀塘的御膳私房菜，以海鮮為主打，味道不輸鯉魚門，所以約齊一班飯腳，特來一試。麻辣手撕雞，辣中有麻，雞肉夾雜青瓜絲，多份爽口感，是個醒神前菜。中菜的湯水佔重要一環，這客什菌豆腐大蜆湯，用上滑滑的百福滑豆腐，大大隻的靚蜆，配合鮮魚湯底及冬菇絲，味道可想而知。😋😋魚以深海大魚為上品，這個花雕蛋白蒸龍躉球，龍躉肉厚，肉質一梳梳的；酒香隨蛋白進入味蕾，味道不錯。薑蔥炒大肉蟹，原隻上枱，色、香、味俱全，見到已經食指大動，薑蔥爆得超香，目測肉蟹有一斤重以上，肉厚鮮甜，入口還是熱的，完全滿足到對食蟹的慾望。金絲翡翠鳳尾蝦，賣相別緻精巧，有火腿絲吊味，味道鮮美。蝦夠大隻，要分幾口來吃。蒜蓉粉絲蒸蟶子皇，巨型蟶子用蒜蓉、粉絲一起蒸，粉絲吸滿了蒜蓉蟶子汁，超好味。蒜片牛柳粒，牛肉剛剛熟，肉味濃郁，一點不會韌。炸過的蒜片超香口，跟牛肉十分夾，吃完想再吃，欲罷不能。蟹油銀芽炒麵，十分乾身，全無油膩，帶芝麻香味，不會過咸，麵條爽口彈牙，不知不覺會多夾兩把。是日甜品，芒果布甸多花奶 😄😄以往海鮮都只聯想到鯉魚門，現在多一個價格更吸引的選擇，小市民福音。🤗🤗

我非常著重我和老公的拍拖紀念日，今年是22週年了，每年都會找間特別既餐廳慶祝，多數以西餐廳為主，但我知老公其實鍾意食海鮮同有鑊氣既中菜，要滿足老公兩樣喜愛，於是係openrice尋找，好好彩，俾我揾到位於觀塘既私房菜~御膳，見D食評同食物相片都幾好，最重要係有海鮮，以中菜為主，所以一個月前已預約定。週年紀念終於到了，我和老公懷着興奮心情去御膳，甫入內，裝潢簡簡單單，走平實路線，乾淨企理。這提供多款中菜菜色及海鮮，也有多款套餐給客人選擇，而客人十居其九都係揀套餐，貪其菜色多樣化，唔駛煩，當然我兩口子也不例外，要了一個二人餐，極為豐富。侍應先遞上什菌豆腐大蜆湯 每喝一口都鮮味十足，大蜆軟滑超甜，好喝到連湯渣都食光。之後係香芒沙律大蝦球賣相極佳，蝦球炸得爽脆，芒果味道鮮味，沙律非常清新醒胃。第三道係蒜蓉粉絲蒸蟶子皇蟶子嫩滑，蒜蓉惹味，粉絲軟腍而且吸收了蟶子既鮮味及豉油精華，超正。第四道係白胡椒爆炒南非鮑魚鮑魚大隻，質感腍滑 ; 白胡椒香濃卻鮮味，兩者很配，誰也搶不了誰的風頭。美食停不了，緊接係東星二食(養魚)起肉炒球魚既肉質豐厚且滑流鮮甜，配合菇菌及蔬菜一起炒，零舍好味。椒鹽骨炸得酥脆，惹

長輩們鍾情中餐, 但家庭聚會餐餐都去酒樓, 食得多都會悶掛, 今日就帶佢哋嚟到呢間位於觀塘工廈嘅樓上私房菜 - 御膳。一家人點咗個5人套餐, 餸菜極為豐富！第一道香芒沙律大蝦球, 爽脆大蝦伴上新鮮沙律菜、香甜芒果、鮮果, 喚醒味蕾！緊接前菜, 一大鍋魚頭湯送上, 奶白色魚湯味道天然, 唔會過度調味, 加上滑一滑嘅嫩豆腐, 互相襯托。富貴金龍咁大條斑用嚟炸會不會有點奢侈, 兩款炸法一邊魚球, 一邊魚片, 我就鐘意後者多D, 魚片連皮, 食落更香口酥脆。大肉蟹 (胡椒炒)蟹肉新鮮唔黐殼, 蟹鉗大到好似食緊雞髀咁, 正！蒜蓉粉絲蒸蟶子皇又大又厚肉嘅聖子, 蒸得啱啱好, 肉質保持爽嫩。大蜆燉蛋蒸水蛋就食得多, 但燉蛋通常係甜食, 今次呢個加上大蜆嘅燉蛋, 充滿鹹鮮味, 有新意！士多啤梨骨肉質非常柔軟, 骨與肉之間嘅筋腱同脂肪充滿油香, 配上濃味甜酸醬汁, 送飯一流。金華玉樹雞呢半邊雞, 淨係起曬骨呢一點, 就已經攞曬分！ 每件雞配上鹹中帶甜嘅火腿, 啖啖鹹香嫩滑。上湯浸時菜蔬菜翠綠新鮮, 上湯味道偏重。蟹油銀芽炒面食到尾升都有驚喜！呢個可能係我食過最好味嘅炒麵。麵條炒得夠乾爽, 入口焦香味突出

我之前看食評都已經對‘御膳’印象深刻，所以今晚趁著有空便來到了。這裡是開飯啦入圍食肆，品質有保證。麻辣手撕雞一份，雞絲、青瓜絲加上麻辣汁，是一道開胃的前菜。什菌豆腐大蜆湯，大蜆鮮甜，配上豆腐和什菌，味道可口，可惜每人一碗。花雕蛋白蒸龍躉球，花雕的酒味已經滲入了龍躉片內，魚肉的嫩，蛋白的滑，加上花雕酒香，清爽又鮮甜，令人回味無窮。大肉蟹可選花雕雞油蛋白蒸、避風塘炒、薑蔥、胡椒炒、四川香辣炒。我要了胡椒炒，胡椒味道未算特出，不過肉蟹足足有一斤重，非常新鮮，肉質鮮甜，可能要用薑蔥炒味道更加好。金絲翡翠鳳尾蝦2只，鳳尾蝦夠爽口，清淡中帶著一點清新。蒜蓉粉絲蒸蟶子皇2只，金銀蒜非常野味，蟶子肉質爽脆鮮甜，廚師👨‍🍳的火候，掌握得很到位，蒜片牛柳粒，蒜片炸過，配上牛柳粒，味道適中，是我喜歡的一道菜色。蟹油銀芽炒麵，這個炒麵份量都很多，足夠二人份量，如果油少點會更好。是日甜品：芒果布丁🍮，我喜歡不加淡奶，這樣才可以吃到芒果🥭的味道。

要係觀塘工業區開餐，有時係幾令人頭痛嘅事，實在太多選擇!  好彩友人係呢頭返工，不時帶我去呢度食，果度食!  今晚上到黎呢度食私房菜門口無招牌名，要認住門牌號碼，以深木色作裝飾，牆上有2部電視，走平實路線有散叫，亦有多種款式套餐供應，今晚叫左呢個二人套餐 (2)麻辣手撕雞撕成雞絲，加埋爽口多汁青瓜絲一齊食，麻辣度十足，作為凍盤前菜幾醒胃什菌豆腐大蜆湯每碗都有1隻大蜆及豆腐，湯底飲得出魚湯嘅鮮甜味，大蜆無沙，豆腐超滑，熱度十足，好飲呀.................幾想可以飲多碗呀!!大肉蟹 (可選花雕雞油蛋白蒸，避風塘炒，薑蔥，胡椒炒，四川香辣炒)，好明顯呢碟係薑蔥炒，肉蟹體型係屬於大隻佬級，二人分享絶對夠食，放上枱後香氣四溢，忍唔住先食D蔥，好甜喎..........蟹鉗D肉幾咁澎湃...................肉質幾甜醬汁調味令到蟹肉多一份滋味白胡椒香爆南非鮑魚兩隻已經起埋殼，一夾就食到，味道幾香白胡椒味，有別於一般清蒸/薑蔥爆煮法; 口感相當彈牙!流沙黃金蝦3隻放上枱面後已經聞到咸蛋黃嘅香味，蝦殼全掛上流沙，連個頭都可以食埋; 蝦肉又係相當彈牙，絶唔係霉肉貨色!士多啤梨

今次同同事嚟咗觀塘御膳私房菜，叫咗一個四人套餐，之前都知道佢嘅海鮮菜式好食，十分期待。香芒沙拉大蝦球配菜夠新鮮，味道酸甜，蝦球亦都好食，夠晒開胃避風塘炒肉蟹蟹嘅份量夠晒大，大量嘅炸蒜令到味道非常惹味，火喉十足生煎東星斑size適中，皮脆肉嫩，非常好味蒜蓉粉絲蒸蟶子皇四隻首先蟶子皇好大隻呀，食落口非常Q彈，而且新鮮，下面啲粉絲又索晒啲味，正白胡椒爆炒南非鮑魚大隻厚肉， 有白胡椒嘅惹味，第一次食咁樣嘅鮑魚，幾特別江南百花雞半隻好少食到呢個菜，上面係蝦膠，下面係雞肉，食落口又滑又鮮上湯浸菜唔錯，夠健康招牌御膳炒飯炒到十分香口而且足料，飯粒分明水準之作最後黎個芒果布甸夠晒滿足今餐