御膳

營業中

休息中

（前言：除非太好或太差，否則看圖就好，節省大家閱讀時間。評價以菜式為單位，好餐廳也有壞菜式。）工業大厦，環境就不說了，又要超值又要好味還要環境嗎？不可能吧。要預先Whatsapp預訂菜式，但不必交訂。因為是第二次來，把套餐中的菜式稍微改了一下。這次為了小朋友老人家改了胡椒鮑魚做啫啫煲，又改了玉樹雞。餐廳都很爽快，感覺得到誠意。這次所有菜式都很不錯。主力推薦肉蟹。上次試過花雕蒸跟薑葱炒，明顯薑葱更有蟹味，這次預訂就決定全薑葱，強力推介。其他菜式都不錯，蟶子新鮮，蜆夠大，金銀蒜蒸龍躉腩魚肉熟度剛好不會太老太實，士多啤梨骨肉質軟熟，炒飯飯粒乾身入味。鮑魚彈牙但味道比較一般，甜品對比主食略為失色欠驚喜。人均大約400免加一開瓶。食物質素絕對超值，但對環境有要求的話可能不太合適。

這間私房菜館已經來了好幾次，每次來都有驚喜! 今次因為提早團年兼賀老爸生日，不作他想來了這店光顧。 今次因應老爸的要求，保留了部份滿意的菜式，也新加了一些菜式。砂窩大魚頭豆腐湯湯色奶白，帶著淡淡的魚味，如果味道再濃郁一點就更好。麻辣鹵水拼盆 豬大腸，豬肚：豬大腸和豬肚鹵得入味, 質地較腍；雞絲青瓜: 味道仍舊麻辣, 吃得兩老舌頭發麻！富貴金龍選了老虎斑，魚肉起肉炸，色澤金黃；兩種炸法各有千秋，吃起來香脆可口。白胡椒爆炒鮑魚仍舊美味! 白胡椒汁多香少辣, 鮮鮑魚雖不太厚身, 但爽口彈牙!黃金蝦都保持水準，炸得香口，蝦肉彈牙。蒜蓉粉絲蒸蟶子蟶子很大隻, 生熟剛剛好；原隻蒸的, 蟶子肉質嫩滑又彈牙, 原汁原味! 士多啤梨骨酸甜的士多啤梨汁, 加上大大件肉排，十分匹配。招牌炒飯份量大而材料多，內有粒粒鮑魚，飯粒不會富貴太乾，就算已經吃得很飽，都忍不住要吃一碗。今次又是飽得捧著肚離開。 。

朋友介紹話觀塘開咗間好出色嘅私房菜，今日就等佢帶我嚟試試新野啦！私房菜位於觀塘工業區嘅樓上鋪，如果冇朋友介紹嚟真係唔知道會有間咁好嘅中菜我哋一早預訂左個二人餐，呢間餐廳最好嘅就係無論幾多個人嚟到一定搵到適合你嘅套餐，因為佢每一味餸個份量都係根據人數而定嘅前菜先來左一份手撕雞，典型嘅川菜手撕雞，味道有少少麻辣香，唔食得辣嘅朋友都話OK滷水鵝，呢度嘅滷水鵝係偏肥嘅，我唔知有冇人覺得好油膩啦，我自己就覺得唔肥啲肉就唔會嫩，最多咬走啲皮嘅啫野菌大蛽豆腐湯見唔見到佢個湯有幾清，裏面嘅大顯直情係大大隻，個湯煲得好鮮甜蛋白蒸龍躉球水蛋蒸得好滑，係家嘅味道，龍躉球又啖啖肉，怕魚腥嘅我都話好味避風塘炒大肉蟹兩個人竟然係成隻大肉蟹上碟，每一個部位都有肉，蒜頭仲要揸到脆卜卜，淨係啲炸蒜都夠餸兩碗飯，最愛嘅一味餸呀嚟到呢度一定要嗌鳳尾蝦同埋蒸蟶子，喺呢度真係要讚一讚個聖子，鮮甜得來大大隻啖啖肉，食得出係真係新鮮野，蟶子蒸得啱啱好一下咬得開蒜片牛柳粒唔知大家食蒜片牛柳粒最鍾意係邊個部份呢？我最鍾意就係上面嗰塊蒜頭片，好好味呀食到最後一味餸真係好飽啦，其實我係完全想將個炒麵打包㗎，因為冇諗過佢主菜已經咁好，連最尾

臨近新年年尾，所以同同事食返餐團年飯，經介紹下得知觀塘有高質私房菜，所以一行15人決定黎試下。首先先上兩盤「麻辣滷水拼盤」麻辣味十足！唔會得死辣，仲有花椒既麻香。配上大腸，金錢肚及手撕雞！內臟無異味。絕對會食慾大增，作為頭盤絕對不失禮。再飲返個「砂鍋大魚頭豆腐湯」奶白色既湯水，代表足料而且煲得夠耐，飲落去有魚鮮甜味道，而且飲完唔會口渴，所以相信無落味精。「白胡椒爆炒南非鮑魚」絕對係成晚最好食既一道菜！濃郁既胡椒汁配上大大隻既鮑魚，加上十足既火候又唔會過火，食完回味無窮。「富貴金龍」姐係蒜蓉蒸龍躉龍躉肥美，蒜蓉夠多又唔會搶左魚既鮮味，啖啖肉得黎又有龍躉獨特既鮮味，絕對水準之作。「流沙黃金蝦」鹹蛋黃蓉唔夠香，有d太鹹，但好在蝦新鮮保救到，不過不失。「蒜蓉粉絲蒸特大聖子皇」呢個菜既靈魂精髓在於粉絲，粉絲絕對張呢道菜昇華，而且聖子大隻新鮮無沙，配上極多蒜蓉，食完把口臭三日都值！「大蜆燉蛋」第一次食呢個組口既菜，連埋蜆殼去燉蛋，蛋都ok滑，蜆夠大隻新鮮而且無沙，所以都唔錯。「士多啤梨骨」濃濃既士多啤梨汁配上大件排骨，而且唔會乾肉同鞋，非常開胃。「招牌御膳炒飯」炒飯真材實料，加上夠乾身同有鑊氣，飽

經常都聽朋友說觀塘工廈有很多好的餐廳， 這次終於有時間可以一試。(是說這家私房菜算很好找)手撕雞作為頭盤上桌，味道有點麻辣，我平常吃的手撕雞很少有麻辣口味的，作為開胃菜其實也不錯。大蜆豆腐湯好好味! 好鮮! 豆腐好滑! 可惜一人只得一碗，亦不能refill......蟹可以自己揀煮法，我們選了避風塘炒蟹。一上桌有嚇一跳，那麼大的一盤兩個人要怎麼吃。蒜炸得很香，顏色很金黃。蟹鉗部份好巨型，啖啖肉，好正好入味。白胡椒炒鮑魚，是我從來沒吃過的口味，好特別，鮑魚彈牙。流沙黃金蝦，是大大隻海蝦。我向來對金沙東東比較偏愛，所以這蝦味道我很喜歡。士多啤梨骨，好有果jam味。比平時食的生炒骨甜少少，醬汁味道很濃，食到好淡的士多啤梨香味，送飯我覺得一流。

今日一班朋友又去搵食，我地今次去位於官塘工廈的私房菜，步入店舖，沒有華麗的裝潢，沒有什麼特別佈置，看來只是普通的飯店。但整晚的菜餚都好好味，首先來個砂鍋魚頭豆腐湯，魚味濃郁，非常清甜。富貴金龍好特別， 原來是用班躉，一半用普通方法炸，一半加蛋黃炸，味道唔錯。最好味是胡椒炒蟹，有胡椒辣味，但不太辣，味道剛剛好。而士多啤梨骨及御膳招牌炒飯，也是值得一試。每道菜都有水準，而價錢亦相當公道，沒有收開瓶費，也沒有加一收費。下次可以再來試試其他菜

朋友食完觀塘敬業街敬運工業大廈的御膳讚不絕口，令我忍不住預早訂了位及揀了個套餐$930。餐廳裝修簡單別致。麻辣手撕雞手撕雞配上青瓜絲，一軟一爽的，口感非常配合。加上少許麻辣的味道，吃下去更加滋味。什菌豆腐大蜆湯湯的味道很鮮，完全吸收了大蜆的精華。而且除了大蜆外，湯中還有豆腐和什菌其他配料，可以說是一道簡單但十分好喝的湯。花雕雞油蛋白蒸大肉蟹先說說肉蟹，蟹很大隻，完全是啖啖肉。蟹的肉身很爽，而且很新鮮，不需什麼花巧，就咁清蒸已經很好吃。而蛋白蒸得剛剛好，配上花雕及雞油，蛋白的味道也得以提升。白胡椒香爆南非鮑魚廚師十分細心，將鮑魚的內臟及殼去掉。鮑魚很新鮮所以肉身非常爽，而且炒得剛剛好，配合胡椒的香味令人吃得津津有味。流沙黃金蝦蝦身很大隻，配合鹹蛋黃一起炒，未吃已聞到濃濃的蛋黃香。吃下去時每個味蕾都充滿蝦的鮮味及蛋黃的濃味，最後我們直情連殼也吃掉。士多啤梨骨沙拉骨食得多，士多啤梨骨還是頭一次吃。軟熟的肉，配上濃厚的士多啤梨汁，而且一咬下肉身已離骨，吃下去非常方便。汕頭鹵水鵝(例牌）鹵水浸得鵝身很入味，而且鵝肉很軟淋。雖然吃了很多肉，還是忍不住一吃再吃，因為鹵水的味道真的很出色。蟹油銀芽炒麵

隱世工廈私房菜三五知己難得約到出黎食飯當然想食好啲，今次覓食覓到開係觀塘工廈嘅私房菜！御膳，簡言之，就係帝王世族所享用之飲食。叫得【御膳】真係唔講得笑．．．就睇下是咪名符其實先！首先餐廳地點係有小小難搵嘅，上到餐廳環境私隱度極高，真係最啱我地呢啲大聲講大聲笑最怕嘈到人！哈哈！有好多個菜單揀，唔同菜單盲唔同價錢，總有一款啱你地！ 菜單包括有＜玖＞樣：大蜆什菌豆腐湯：只能用鮮甜黎形容，湯料有大蜆﹑什菌同豆腐。唔好以為大蜆細細隻無肉食，蜆無揸流攤絕對交足功課大大隻同要有好多隻！飲完一碗大家再添，一人有兩碗有多添。香芒沙律大蝦球：賣相已經100分，色彩繽紛大蝦球，配埋芒果同埋沙律，頭盤黎講無得輸！避風塘炒大肉蟹：店員有提出幾個味道比我地揀，最後我地就揀咗最有風味嘅避風塘炒。實在太太太太太好味，辣辣地愈食愈開胃，而且師傅一早已經幫忙整碎部分蟹殼，食得好方便仲啖啖肉。味道媲美大排檔，推薦！生煎東星班：平時食魚真係99%都係食蒸，生煎東星班本身驚無哂個鮮魚味同太乾身，點知煎魚原來都可以煎到咁好食，鮮魚味鎖哂係魚皮底下。 汕頭鹵水鵝：肥瘦脂肪比例係剛剛好，而且切片厚度剛剛好，點埋醬汁真係知道咩叫最佳配

今日約左媽咪食飯😀 最尾為咗就媽咪反工地方就揀咗係觀塘食。觀塘一向比我嘅感覺係沒有什麼食連鎖快餐比較多而且酒樓也比較多的。於是我就係OpenRice度睇觀塘有咩好食 最後見到御膳這間餐廳都幾多人話食 就決定是這間餐廳。不過他的位置比較偏僻，找了很耐才找到是在工業區某個位置 經過一輪嘅搜索最後終於找到😂我們大約6點三到 ，由於沒有book 到位侍應小姐安排坐佢要搭枱的圓枱。這個時候店內沒有任何客人可能我們太早吧於是我們叫了三樣餸 我們叫了一個魚頭豆腐鍋、士多啤梨骨、蒜蓉炒時菜 。 我認為這間餐廳比了一個很大的驚喜我 由於鋪頭沒有什麼裝修比較簡陋我心想應該不會不會太出色 唔知魚豆腐鍋原味非常濃郁湯不會太鹹或沒有味道調教出鋼號的味道。最值得一讚是士多啤梨骨是我食過那麼多次最出色的一間餐廳😆😆不會太甜不會太酸。這餐晚飯非常開心

同朋友慶祝生日，約埋三五知己你試吓中式私房菜。呢間觀塘私房菜網上面都好多好評所以特登約埋呢度食啦。呢度都有好多唔同嘅餐俾人揀，有4位用，2位用、12位用...總之就有好多選擇，不過一定要提早book位，呢個就係私房菜嘅特色，因為食材係需要提早預備㗎。呢個係冷盤，全部都係麻辣，不過食落又唔係非常之辣，有少少花椒八角嘅麻味，中間係雞絲青瓜，唔食麻辣嘅就可以試吓呢個啦。我本人覺得呢個幾好食，其實都係冷盤，泰式雞翼尖最好食，有少少泰式醬但又唔會太辣，有少少甜，加埋小小凍，其實都幾醒胃。另外桂花番茄幾入味，蕃茄我覺得呢個煮法幾新鮮可以一試。魚頭湯其實都幾鮮，不過略嫌味精重，所以飲完都有少少口渴。避風塘炒蟹炸蒜就好夠辣，不過隻蟹就唔夠新鮮，蟹味唔夠，肉質唔夠鮮甜，所以都係食避風塘味為主😙好中式酒樓嘅一道菜，聖子略嫌蒸得比較老，但伴碟嘅粉絲索晒味就非常之好食啦。個汁係唔錯嘅，但係濃味得滯就遮住咗龍躉嘅鮮味啦，所以其實如果唔知係龍躉嘅話都食唔出。呢道菜其實好考功夫，個流沙黃金癡晒喺蝦殼，好入味好好食，師傅將鹹蛋壓到好碎，所以咬落去嘅時候有流沙感覺。果汁甜甜地，但食唔出係士多啤梨，不過撈埋啲排骨一齊食就

朋友圈側聞御膳嘅中菜好得，八掛一下點得法，一聽位置響工業大廈，再聽價錢唔係特別平，唸深一層，咁都話得嘅證明係真材實料吧🤔先吃為快，二人訂位隔日就可以安排，慕名而來點了二人套餐🥢🍚，貪佢大魚大肉又有鮑魚蟶子，一心試多幾款菜色考佢牌🤪新鮮芒果醬汁鮮甜沒帶一點酸，絕對是廚房用心取材，蝦仁🦐是我前所未有吃過的爽口彈牙，一放入口，甜酸汁掛著煎封過的蝦仁， 我倆都沒有說話，只有互相豎起拇指👍鮮甜蜆湯，加入豆腐什菌，濃濃奶白色，簡單嘅材料不簡單嘅味道，就是最好喝😋😋😋東星斑兩食:第一食是椒鹽骨腩，食盡成條魚，椒鹽小辣鹹香，魚骨上粉不會太厚，炸起香脆冇黐骨，脆面下的肉質甜滑溜，廚師果然有料到👨‍🍳 第二食係起肉炒球，啖啖肉唔使挑，感覺特別痛快，走油快炒，嫩滑爽甜，將魚嘅鮮味發揮得最好👍👍👍蒜蓉粉絲蒸蟶子，二人餐嘅好處係份量唔使多，卻能同時品嚐多道菜式，蟶子大大隻，配合蒜蓉粉絲同蒸，除了外殼，食盡成隻蟶子精華，食材新鮮就是王道👑👑👑新鮮鮑魚本身沒有什麼味道，用惹味白胡椒粉爆炒，極具鑊氣，鮑魚扣得軟硬適中，胡椒不會太辣，薄薄汁料掛著，越要咀嚼越滋味😋😋😋炒飯是一般家庭將隔夜飯處置最好方法之一，配料百搭，但

本人係海鮮控，但兩個人要食海鮮，搵地方的確有啲難度。於是嚟咗觀塘工廈御膳食二人海鮮套餐。御膳沒有華麗嘅裝潢，好似喺舊式嘅酒家一樣。我地選擇海鮮套餐4～ 什菌豆腐大蜆湯 湯呈奶白色，略有胡椒調味，魚鮮味好濃仲有隻大蜆添。本身已經想叫野飲，好彩俾我見到like 佢地嘅Facebook同share, 送一支大嘅樽裝可樂。涼盤：麻辣手撕雞麻辣手撕雞加埋爽口嘅青瓜作開胃前菜的確唔錯。薑蔥炒大肉蟹一上碟已經聞得出佢嘅鑊氣，蔥炒得好惹味！蟹肉鮮甜厚肉，蟹鉗超大一隻。蒜蓉蒸蟶子皇用勁蒜蒸完嘅粉絲超惹味，吸晒d 精華。蟶子皇鮮甜爽口，真係勁吸引。金絲翡翠鳳尾蝦原碟蒸，蝦肉爽口彈牙、金華火腿味濃。用左冬菇節瓜墊底。花雕蛋白蒸龍躉球花雕嘅酒味喺蒸嘅過程已經蒸發，剩番酒嘅甜味。蛋白非常滑，龍躉嘅皮同肉都好Q彈。蒜片牛柳粒 牛柳粒略嫌細咗啲，但炒得超有獲氣。佐飯一流。連埋蒜片食非常惹味。蟹油炒麵麵炒得好乾身，條條分明。但蟹油味就唔算濃。最後甜品就有雲呢拿布丁，都幾滑下。呢個2人海鮮套餐真係食到好飽好飽，埋單$942

朋友介紹觀塘敬業街敬運工業大廈的御膳不錯，所以預早訂了位及揀了個套餐$930。餐廳裝修以木色𤔡主，很是別致。套餐是訂位時已揀好，所以來到不用煩惱揀什麼食，隻是享受就可以了。麻辣手撕雞先上的是麻辣手撕雞，麻辣手撕雞裏面有青瓜絲及雞絲，入口麻辣帶青瓜的爽口，小麻辣味是任何人都適合食的辣，所以這個就算不食辣的也可以試。什菌豆腐大蜆湯湯裏面的蜆大大隻，及有冬菇芫茜，豆腐，豆腐很滑，湯㡳帶著海鮮及配料的濃味，十分清甜。大肉蟹一隻餐廳都很爲客人的口味著想，這個主角大肉蟹，有多款煮法，可選花雕雞油蛋白蒸，(薑蔥)避風塘炒，薑沖，胡椒炒，四川香辣炒。我們揀了薑蔥炒大肉蟹 。大肉蟹上枱帶著微微鑊氣及蟹的香，橙紅的大肉蟹及青綠的蔥，見到真是令人垂涎，先試嚇那青綠的蔥，味道帶著大肉蟹的精華，很是惹味。大肉蟹很大隻，蟹夠新鮮，大量薑蔥令大肉蟹更是惹味鮮甜，十分推薦。白胡椒香爆南非鮑魚兩隻私房菜的拌碟，也不亞於高級的法國餐廳，精美的拌碟配著大大隻的鮑魚，忍不住啦，南非鮑魚去了殼及內臟，都算大隻，非常新鮮，帶少少胡椒味，口感帶爽，胡椒味與鮑魚的味道非常夾，令鮑魚味更鮮甜。流沙黃金蝦流沙黃金蝦，入口先感覺到黃金蝦面

.先講講呢間私房菜係海鮮方面真係做得好出式👍🏻味道根據唔同菜完美控制係 好野味 同好鮮味（可見師傅功力）呢間適合升職 加薪 擺大壽 都絕對唔會失禮睇隻鮑魚用料咁足 都唔會平咖啦人均300-490（菜單睇圖）有咩要求都以問問店員睇下滿唔滿足到你.講野食 （係每樣都好正 好正 好正）入座後店員好細心咁問：依家開始上菜？先上 ⭐️什菌豆腐大蜆湯👍🏻幾鮮味既白湯 完全冇腥味👍🏻一碗有一隻大蜆.⭐️香芒沙律大蝦球👍🏻前菜黎講 好開胃👍🏻上面係香脆爽口彈牙既大蝦👍🏻下面係凍既水果沙律.之後就主菜啦用新鮮既⭐️東星班做出2味（椒鹽骨，起肉炒球）‼️椒鹽骨 呢個勁野味👍🏻外面香脆 入面東星魚肉軟滑（可睇圖）但始終係骨 肉量唔多👍🏻因為魚肉‼️起肉炒球 呢個勁係鮮味 魚肉更滑😍我諗新鮮野味既東星班 味道唔洗多講.😍😍白胡椒爆炒南非鮑魚😍😍👍🏻呢個勁大隻 鮑魚本身冇味 主要係白胡椒醬既野味👍🏻火候控制好好 令口感一絕問問店員個醬有冇得買....🤦🏻‍♀️答案係冇既.....sad.⭐️蒜蓉粉絲蒸蟶子皇👍🏻呢隻蟶子又係勁大隻 完全冇沙 冇殻碎👍🏻鮮蟶子爽口 同滿滿既蒜蓉醬既野味‼️‼️但最好食既 係底下吸哂汁既粉絲‼️‼️.⭐️碧

魚頭湯--簡單而香濃；拼盆--不過不失；薑葱蟹--新鮮多肉鑊氣夠；菊子魚--精彩，難度甚高，好有特色，酥脆味美；白胡椒爆炒南非鮑魚--少少辣，惹味，鮑魚不細隻喎；踏雪金巢--是晚主角，蛋白香，配合上面酥炸食物，好夾，好美味，一試難忘；士多啤梨骨--色澤鮮明，肉汁豐富；經典富瑤炒飯--份量多到18人先食得晒，好味嘅；西蘭花炒花枝--中規中矩；菠蘿鳥(水果拼盤)--造型令，生果新鮮