得閒飲茶 (MONTEREY Place)

營業中

休息中

去將軍澳探朋友，順便行吓Donki朋友推介呢度有一間點心好好食，一去到不得了🤩望住個景好靚，望住大橋環境好清幽🤩✨桂花觀音桂花本身都好鍾意加埋鐵觀音清香🌼配襯點心適合😁✨焗叉燒包$38叉燒包嘅外皮好香口，有甜甜脆脆的酥頂，加埋入邊蜜汁叉燒餡好夾✨鵪鶉蛋松露燒賣 $55呢個見到個個都嗌，平時唔多地方有得食。真係幾好食🤤鵪鶉蛋入邊係流心的😍加埋松露好配襯✅特別又有驚喜。呢個本人覺得係必叫😆✨蒜蓉粉絲蒸鮮魷 $48鮮魷新鮮彈牙🦑加埋蒜蓉好惹味個粉絲索晒啲汁✨韭菜金錢蟹盒$55呢個一上枱熱辣辣，韭菜味非常之突出同埋炸到好香口！最估唔到係入邊食到一梳梳的蟹肉🦀十分足料👍🏻✨小籠包$48皮薄但唔會一夾就穿，入邊多肉汁👌🏻✨牛肉球 $38多汁啖啖肉🥰肉質彈牙😍點埋喼汁正✨XO醬炒腸粉 $78炒得好香口😊XO醬辣辣地好惹味❤️真係樣樣點心都好高質👏🏻同埋上枱熱辣辣🔥如果住喺附近應該會成日同屋企人嚟飲茶😋因為環境同埋點心都好好👍🏻

這家位於將軍澳海旁的新派中菜正對跨灣大橋美橋。今回有幸坐得室外最靚景的位置，望著大橋亮燈，享受著輕柔的海風，十分寫意啊！望著這個美景彷彿能洗盡一天的疲憊。喜歡飲茶，這裡的茶選擇頗多，亦以獨立的壺盛載，可以每人選不同的茶。這回分別試了碧螺春和桂花觀音，兩款茗茶都飄來清香，當中以碧螺春的餘韻更勝一籌。窩貼蝦多士金黃香脆，配牛油果醬和鮮果沙律醬，當中鮮果沙律醬調得酸甜美味多果肉，溫度亦夠低，與熱騰的多士同吃能降溫兼解膩，超讚！焗叉燒包面層焗至微脆，內裡叉燒蜜甜，惜這回叉燒偏肥了一點。牛肉球超大粒，少肥肉，不錯。蝦餃大粒，蝦肉足料、紮實爽彈，讚！鵪鶉蛋松露燒賣，鵪鶉蛋是流心的，真材實料，少肥肉，松露味濃。蒜蓉粉絲蒸鮮魷相對普通一點。韮菜金錢蟹盒和紫菜鮮蝦腐皮卷兩項炸物，炸得酥脆可口，雖然邪惡，卻值得給它們quota。服務勤快，有熱誠。各方面皆不錯，回頭之選。

去環保大道放完狗過嚟搵野食最後揀左飲夜茶！DHYC位於將軍澳海旁，面向住海景，海風吹送加埋餐廳本身雖然半開放式但都有足夠嘅冷氣，所以好舒服茶葉選擇好多，我地揀左碧螺春鵪鶉蛋松露燒賣（$55)有得食鵪鶉蛋燒賣嘅地方真係買少見少呢度除咗有鵪鶉蛋燒賣之餘，佢仲加上松露，而且佢嘅鵪鶉蛋仲係處於一個流心嘅狀態，真係好出色！韭菜金錢蟹盒（$55)炸雲吞皮金黃香脆；蟹肉味道唔算好突出，但係適當地蓋過咗韭菜嘅草青味，唔食鍾意韭菜嘅我都可以接受到蒜蓉粉絲蒸鮮魷（$48)鮮魷爽甜，下面擺咗大量嘅粉絲，粉絲索咗先有嘅醬汁，係呢個點心嘅靈魂牛肉球（$38)正常發揮招牌小籠包（$48)皮薄多汁！餡肉大大粒好嫩滑，一口爆汁！ 焗叉燒包（$38)外皮金黃好似菠蘿包咁，入面有滿滿嘅叉燒餡，外酥內濃XO醬炒腸粉（$78)XO醬又香又辣，配上本身冇乜味道嘅腸粉好夾加上有芽菜令到口感豐富啲推薦！

依家飲食業經營環境嚴峻，發覺好多比較好的店也選擇結束營運，我今日再次嚟到將軍澳南呢邊， 發覺有好多中式菜館已經關門了，真的可惜。今次唯有再次揀返呢間比較好嘅食肆，坐低咗，環境依舊好好，我哋分別揀咗自己鍾意飲嘅茶。 點心都分別叫做煎韭菜餃，叉燒包， 小籠包，鵪鶉松露燒賣，XO醬炒腸粉。 -煎韭菜餃呢個做得幾出色，韭菜餃的外皮煎到金黃色，而且香脆，識落口仲有肉汁。-焗叉燒包出嚟嘅時候，焗到熱辣辣，而且味道恰到好處-小籠包小籠包咬落口啲肉汁都出晒嚟，肉質鮮嫩，而且有味道，整體都算高質-鵪鶉蛋露燒賣呢個鵪鶉蛋燒賣都幾特別，又唔會太肥膩，份量啱啱好-XO醬炒腸粉用XO醬炒腸粉，味道適中嘢味， 整體都不錯，因為我唔食得辣，所以如果冇咁辣會好啲。

將軍澳中式打卡靚餐廳《DHYC Dimsum Restaurant 》位於將軍澳海旁，面向住無敵大海景既超靚中式點心餐廳👍🏻，茶：碧螺春&龍井，兩者比較下，龍井味比較香，碧螺春飲落比較甘甜。另外餐廳有唔同茶可供選擇，包括特級普洱、鐵觀音、烏龍等等。點心：蝦餃 / 鵪鶉蛋松露燒賣 / 蒜蓉粉絲蒸鮮魷 / 牛肉球 / 招牌小籠包；蝦餃皮好煙韌，燒賣既鵪鶉蛋好香，蒜蓉粉絲既酸辣汁配上粉絲好惹味，鮮魷彈牙，牛肉球多少少喼汁就好🤪，小籠包肉汁鮮👍🏻，煎焗炸點：焗叉燒包 / 蘿蔔絲酥餅 / 鮮蝦脆米網腸粉；焗叉燒包係驚喜之作，用咗菠蘿包既包皮，加上即焗即出，香噴噴好食😋；而蘿蔔絲糕餅朋友好喜歡，內脆外軟，蘿蔔絲夠清甜；值得讚賞既係腸粉，唔會食一啖然後散曬，一啖一小口，師傅功夫一流，總結，對住大海景食野特別寫意，雖然係夏天季節，但有少少風好清涼，店員態度有禮，雖然遲咗小小，但都有禮貌安排入座，然後介紹餐單。值得一提，呢間餐廳係歡迎毛孩去，用餐時隔離枱帶咗兩隻好可愛既狗仔，如果有養寵物既朋友都可以帶埋寵物去嗰度打卡食嘢，一定會好開心🤓。

將軍澳海景粵式點心🥧室內都享受到戶外既氣息，就算落雨都唔怕！餐廳容許攜帶寵物🐱🐶餐廳環境有別於一般茶樓,反傳統cafe簡約風,坐擁無敵大海景,日頭可以伴隨柔和陽光海風,夜晚可以睇住寧靜夜景,好適合放假休息飲下茶，嘆下～原來DHYC Dimsum係入選米芝蓮推介60年中菜老字 號「益新美食館」的副線,所以食物質素有返咁上下😎👍🏻大飽口福!餐廳每樣點心都即叫即蒸即炸！上菜每一碟都係新鮮滾熱辣👍🏻好正！⭐️鵪鶉蛋松露燒賣 燒賣內餡飽滿多汁,咬落去鵪鶉蛋溢滿口中,配上淡雅的松露香氣,層次豐富,淡而有味!⭐️韭菜金錢蟹盒 平時酒樓食呢啲..多數都淋曬,唔好食!呢間真係即叫即炸!!!炸得超級脆!!!外皮金黃酥脆包住鮮甜的蟹肉及濃味韭菜,好好食🥹!⭐️懷舊灌湯餃 真心值得一試!超級正‼️外皮薄如紙,一咬即穿,濃郁湯汁即刻流出黎,爆晒汁…記得一定要趁熱食！⭐️柱侯金錢肚 金錢肚滑嫩多汁,咀嚼間層層纖維紋理清晰可見,好味👍🏻⭐️焗叉燒包一啖咬開後飽滿多汁的叉燒肉餡,香甜鹹香交織,令人會忍唔住連續食曬三個🙈⭐️手打墨魚餅 ⭐️紫菜鮮蝦腐皮卷 ⭐️懷舊雞包仔⭐️芝士蒜蓉蝦春卷

新式即叫即蒸點心店，環境清幽，可以望住海景飲夜茶，不單有美食，更有視覺享受！有別於一般傳統茶樓，除了熱茶外，有多款冷泡茶選擇，桂花觀音同碧螺春，茶香四溢，入口清幽香淳，回甘味濃，值得一試！鵪鶉蛋松露燒賣 $55燒賣表面有松露，中間是流心的鵪鶉蛋，味道有驚喜懷舊灌湯餃（2件） $68灌湯餃大大隻，充滿湯汁，餡料充足，加上薑絲和醋，更鮮味韭菜金錢蟹盒 $55韮菜金錢蟹盒香口酥脆，中間有香氣十足的韭菜及蟹肉懷舊雞包仔 $42餡料有菜肉、雞、薑汁等等，肉汁鮮味柱侯金錢肚 $45金錢肚口感爽口帶點嚼勁，味道香濃鮮竹卷（3件） $32腐皮和蝦肉混合之下，外皮軟糯，蝦肉鮮美嫩滑焗叉燒包(3個） $38叉燒包外層焗至酥鬆，咬下去軟熟，中間是香甜的叉燒粒紫菜鮮蝦腐皮卷 $42腐皮卷金黃脆口，一口有香口的紫菜及彈牙的蝦肉，推薦！茶位 $15/位整體用餐體驗非常享受，感覺較傳統茶樓清新健康，唔會太重咸太油膩，食完都唔會有負擔感，值得回顧

將軍澳開左間新派創意點心 叫得閒飲茶 DHYC 有啲仲cross over下啲西式食材 幾有特色🍞焗叉燒包 $38菠蘿皮幾酥脆 叉燒粒肥瘦適中 醬汁又多🦀韭菜金錢蟹盒 $55呢個出面都比較少食到 炸過既雲吞皮包著蟹肉韭菜 鮮蟹肉質地結實🦑蒜蓉粉絲蒸鮮魷 $48粉絲索曬汁 好惹味 魷魚新鮮爽口🥢鵪鶉蛋松露燒賣 $55好有驚喜呢個燒賣 因為即使蒸完後 粒鵪鶉蛋仲系流心😍而且面頭鋪滿松露醬 味道濃郁🦐蝦餃 $42幾飽滿 蝦肉好多 口感彈牙 加埋筍尖 層次豐富🥟懷舊灌湯餃 $68好耐冇食啦🤤每隻都脹卜卜 入面好多湯汁又鮮味除左蝦仁 仲有一梳梳瑤柱絲🥰🐮牛肉球 $38💭點心精緻 而且某啲座位仲可以望到海景 估吾到食中菜都可以咁chill👏🏼

位於將軍澳澳南海岸呢間❣︎DHYC❣︎中文譯作❣︎得閒飲茶❣︎係60多年粵菜老字號米芝蓮推介嘅益新美食館新副線，喺到飲茶嘆住無敵海景，仲可以帶竉物來添，呢到座位好闊落，陣陣海風吹過，一路嘆茶一路望海🤤寫意到不得了👍🏻呢到啲點心重好好食，超推薦比大家🫶🏻❣︎ 鵪鶉蛋松露燒賣 ❣︎$55🌟必食推介😋鵪鶉蛋做到有流心效果😍超讚👍🏻👍🏻燒賣肉汁豐富，再加上香濃嘅黑松露味，比較少有。❣︎窩貼蝦多士❣︎(5件）$88即叫即炸😍金黃香脆，脆而不膩，記得沾埋佢跟嘅鮮果沙律醬來食，更解膩。❣︎韮菜金錢蟹盒❣︎$55呢到功夫菜真係要試😋雲吞皮夠薄👍🏻炸得金黃香脆，蟹肉鮮甜👍🏻❣︎蝦餃❣︎(4件）$42皮薄Q軟，鮮蝦彈牙。❣︎XO醬炒腸粉❣︎$78腸粉又香又滑，仲有蛋絲同蔥花做點啜，XO醬鹹辣鮮香，非常惹味。❣︎焗义燒包❣︎(3個)$38🌟必食推介😋外層係用酥皮焗成👍🏻包皮鬆軟可口，配埋內餡嘅蜜汁叉燒，鹹甜鹹甜超滋味🤤❣︎小籠包❣︎(3件)$48皮薄餡鮮，個皮唔會一夾就穿。❣︎蒜蓉粉絲蒸鮮魷❣︎$48魷魚鮮香美味，索晒啲醬汁嘅粉絲，原汁原味。❣︎茶位❣︎$15如果唔揀其他款式嘅茶，本身跟嘅茶係陳皮普洱，醇厚濃郁👍🏻陣陣嘅果皮香🤤清香甘爽。

「得閒飲茶」 同朋友又好 屋企人又好得閒就要約飲下茶最緊環搵到點心好食 環境又好坐嘅地方聚一聚位於將軍澳南海濱的DHYC (得閒飲茶)可以望住海飲茶食點心 都真係幾chill當然 最緊要都係點心質素呢到嘅手工點心同炒野 都真係有水準有驚喜🥢鵪鶉蛋松露燒賣👉🏻佢係我暫時食過最好食嘅鵪鶉蛋燒賣 中間嘅鵪鶉蛋係流心㗎 松露味好香濃 必點🥢韭菜金錢蟹盒👉🏻要讚餡料好豐富 而且佢嘅外皮好酥脆 食落口唔會有油淋淋嘅滴油感🥢焗叉燒包👉🏻我好鍾意食呢種叉燒包 所以都食過好多 呢個叉燒包係好食嘅 熱辣辣香酥嘅外皮 包住裡面食到一粒粒嘅叉燒 非常足料🥢懷舊灌湯餃👉🏻要稱佢為有自信嘅灌湯餃 多數食到灌湯餃都係一盅嘅 但呢到嘅灌湯餃係正宗嘅原隻蒸起再倒入碗食 裡面超多湯但外皮一啲都唔厚唔硬 真心利害🥢蟹肉大良炒鮮奶👉🏻用北海道牛乳嘅炒鮮奶 牛乳味特別香 🥢星洲炒米👉🏻佢嘅炒米粉都好食 係偏乾身有點煙韌口感嘅 唔會好油 而且啲蝦都大隻 真係每樣點心/炒野都睇得出細節位嘅用心 而且大部份食落都唔會感覺好油膩 茶款選擇亦都好多種 冷泡/熱泡都有仲可以飲住酒食點心添.

首先入到去已經好多蚊飛黎飛去，諗住餐廳有少少蚊飛都可接受，始終係半戶外開曬門窗。入座之前見到餐廳外面個餐牌都幾多野食，個staff都好熱情招呼話有乜有乜，點知坐低scan QR code落單嘅時候就要乜冇乜，咩都售罄，最離譜係d炒粉麵飯都售罄，所以最後就叫左點心同小食就算。d食物上枱啦，諗住食嘅時候先發覺d餐具好污糟，完全係比人用過，上面有曬食物殘渣，枱面又有螞蟻, 到呢個時候個用餐體驗已經好差。d炸野味道係ok，但其餘d炒蘿蔔糕呀蟹肉大良炒鮮奶就好難食，食物價錢貴得黎d質素完全對唔住個價錢。$148一個蟹肉大良炒鮮奶，蟹肉都見唔到一條，仲要一食落係令人反胃嗰種。XO醬炒蘿蔔糕係一pat野又油。D茶仲淡過酒樓d茶，但收那你每位$15茶位費，仲要冇得揀飲咩。你想揀其他茶，可以呀，比多幾十蚊。真心唔明點解呢間餐廳可以有咁多好評，完全冇下次，食完係搞人個人冇曬胃口，但係又好似冇乜點食過野嗰種唔滿足。

將軍澳嘅海景fusion茶樓，好難得見到點心嘅地方會有酒吧區，一入到去見到隔籬枱飲緊紅酒，但係食緊點心，跟住望住個夜景海景都幾chill佢有幾個特色菜都好值得推介，叫做韭菜金錢蟹盒（$55），其他地方真係食唔到，係一個超脆嘅炸雲吞入面有包住韭菜蟹肉，外皮真係超級脆。另外仲有個芝士蒜蓉蝦春卷（$48），腸粉包住春卷再加埋係大大隻蝦又係入面，仲有少少芝士蒜蓉嘅味道，同以前食開嘅鮮蝦炸春卷好唔同。跟住仲有個鵪鶉蛋松露燒賣（$55），同舊式嘅鵪鶉蛋燒賣好唔同平時啲鵪鶉蛋燒賣鵪鶉蛋會喺上面，但係佢呢一個鵪鶉蛋會喺中間，上面係用松露點綴。最重要嘅係鵪鶉蛋係流心㗎。仲有啲特別嘢就好似，蒜蓉粉絲蒸鮮魷（$48），呢個都幾有特色。額外都仲叫咗山竹牛肉、蝦餃、叉燒包。total叫咗7個點心，大約人均消費$200一位，但係就可以望住無敵海景，吹住風，鍾意嘅話仲可以叫杯酒飲。

週末同女女飲個夜茶，當慶祝母親節。將軍澳得閒飲茶對住海景，真係好歎。🍵好多茶種類選擇，我們飲🌷🌹玫瑰烏龍。韭菜金錢蟹盒炸得金黃香脆，滿滿的韭菜。焗叉燒包阿女勁中意，外脆內多餡。鵪鶉蛋松露燒賣有特色，黑松露味道濃郁，裡面的鵪鶉蛋係流心❤️小籠包阿女最愛，每次必叫。蒜蓉粉絲蒸鮮魷非常新鮮，魷魚好彈牙。牛肉球(3件)大大粒有份量👍蝦餃晶瑩剔透，足料。😍鮮蝦脆米網腸粉腸粉滑溜溜，裡面的米網脆口，層次豐富。

將軍澳海旁出名多野食，仲有無敵海景，今晚就揀左呢間點心鋪，睇住靚景食點心。鵪鶉蛋松露燒賣 $55燒賣本身有菇香，加上黑松露醬令味道更濃郁更有層次，最有驚喜嘅係燒賣中間有一粒流心鵪鶉蛋，一咬仲有少少爆漿，火喉控制得岩岩好，唔會蒸到粒鵪鶉蛋過熟太實焗叉燒包 $38包質甜甜地口感十分鬆軟，叉燒醬餡咸甜平衡，好惹味招牌小籠包 $48好驚喜❤️好少係點心店甚至酒樓食到高質嘅小籠包👍🏻小籠包皮薄，湯汁滿滿，肉餡豬肉味比較濃郁，蘸少少醋同薑絲一齊食，非常滿足滑蛋炒蝦球 $138無論蛋同蝦球份量都好多🦐蝦球非常彈口爽脆，而且鮮味十足，滑蛋滑嘟嘟，加左鮮嫩嘅韭黃令滑蛋增添清甜嘅味道福建炒飯 $148炒飯同樣非常足料，每一啖都有齊蝦球、帶子同雞肉，而且仲有一絲絲瑤柱絲，最重要嘅係炒飯底，炒飯粒粒分明，蛋香十足，淋上醬汁拌埋一齊食超正📌DHYC Dimsum Restaurant (將軍澳)將軍澳澳南海岸唐俊街23號MONTEREY Place 1樓2A號舖評語食物性價比高店員友善景觀無得輸🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #

D 間餐廳環境一流，坐位又舒服， 又可以望住跨灣大橋個景， so chill , 我哋－家人食下野傾下計就過咗2個半鐘， 值得推介焗叉燒包： 上枱熱辣辣， 個皮好脆， －咬d 餡流晒出嚟， 細細件， 食完都仲有空間食其他嘢蘿蔔絲酥餅： 香口，咬落一條條蘿蔔絲， 個皮好鬆脆, 完全做到外脆內軟既效果韮菜金錢蟹盒： 幾有創意， 炸到金黃色， 韮菜餡超多窩貼蝦多士： d 個小朋友好鍾意食， 脆卜卜懐舊灌湯餃： 灌湯餃原個蒸，入面全部都係湯， 又足料鵪鶉蛋松露燒賣： 黑松露味濃， 內𠕇鵪鶉蛋， 一咬落去口感唔錯， 層次豐富 柱侯金錢肚： 淋身， 易咬， 蘿蔔仲好入味牛肉球： 大大粒