記返起上次過嚟澳南是上一年的事情， 現在已經開咗好幾間新的西餐廳。 見倒呢間法國餐廳冇乜負評， 於是決定試吓！ 今日係平日， 所以人不太多，餐廳環境幽雅而且寧靜，我哋坐低咗就分別叫咗兩個午餐， 分別是牛腹扒和油封鴨腿。 前菜有餐湯和沙律， 🍽️餐湯 是日餐湯係薯仔餐湯，有大蒜味而且夠熱， 味道都不錯。 🍽️香煎”牛腹扒” 配薯條， 牛扒叫半成熟， 溫度保存得不錯，牛扒咬落有汁，而且熟度剛剛好，不錯不錯。 🍽️ 油封鴨腿 呢個菜係油封鴨腿配意大利飯，呢個鴨腿嘅肉質都幾鮮嫩又有咬口， 配合埋啲意大利飯都幾匹配。 另外，叫咗兩杯latte， 可以慢慢欣賞海景，是一個不錯的選擇！

呢間地中海菜位於澳南海邊餐廳， 面對着將軍澳大橋和海景，環境清幽舒服，餐廳亦有地中海裝修， 今日平日中午冇乜人， 於是過嚟食個lunch， chill 吓。 🍽️薯仔餐湯 餐湯以薯仔打成茸，加左牛油忌廉， 味道濃郁，香滑👍 🍽️Salad 沙律有大蝦肉，青瓜條配合車厘茄和沙律菜，混合沙律醬，味道酸酸甜甜， 很開胃。 🍽️ 烤燈籠椒、車厘茄、白酒蒜蓉汁 呢個意粉都幾特別，算是素菜，沒有肉類， 燈籠椒配合車厘茄，再加上蒜蓉汁，落味道不錯，口感特別。 🍽️ 日乾式煞成肉眼扒 點了五成熟牛扒，熟度適中，牛扒表面有少少燒焦， 一上枱已經聞到一浸炭燒的香味，牛扒入口有汁，感覺不錯。

在網上尋找，位於九龍城樂富區有一間評論不錯的餐廳，位於樂富廣場的海鱻城， 今天同朋友一齊過嚟試試， 我哋6:30到達，餐廳不算大，食客不算多。 坐低咗一陣，一位戴眼鏡的經理便走過來不停推銷海鮮，說今天的海鮮好新鮮，好靚， 淨係不停一輪嘴咁喺度Shell啲貴價海鮮， 我哋心諗冇所謂啦，反正都打算來試吓啲海鮮，都想試吓，最後分別叫咗一條東星班， 油鹽焗奄仔蟹， 椒鹽賴尿蝦，椒鹽鮑魚， 同埋一個炒菜心。 想講一講的是，佢價錢都唔算平，賴尿蝦到差不多$300 －只，叫幾隻都已經過千蚊， 又唔算大，食落冇乜肉，味道正常，沒有驚喜，一點也不值得！ 還有東星班和椒鹽鮑魚，都是正常貨色， 只有油鹽焗奄仔蟹算較為出色。 未試過的朋友，總體嚟講不算差，但係個價錢就偏貴唔成正比. 自己想食咩海鮮就自己決定， 唔好俾人sell 到， sell得你嘅全部都係貴價嘢.

今日約咗個老友，幾年冇見想搵個大排檔坐低飲下酒吹吓水，於是朋友介紹話呢間啲燒鵝到不錯，有室內室外座位可以選擇，於是我就過去試一下， 首先去到環境真係一般般，又嘈又多人食煙， 最後揀咗一個室內坐低。 我哋分別叫咗佢嘅招牌至尊燒鵝例牌，小炒王，還有椒鹽鮮魷，和西蘭花炒斑片， 首先真係要讚一讚佢嘅燒鵝真係幾出色，雖然係燒鵝比較肥，但係佢燒出嚟嘅皮香脆，肉質有口感，還有配以特別的酸梅醬汁，同出面嗰啲完全唔同， 好夾梅味好重，真係好唔錯。 值得一試再試 不過佢其他嘅菜式就真係一般般，冇咩太大驚喜！ 如果大家想試嘅話，而又唔怕環境一般般的話， 就主要都係食燒鵝好了！

疫情之後，終於有機會再次朝聖澳洲牛奶公司， 今日係平日冇咁多人，排咗一陣隊就有位， 但係裏面都係熱熱鬧鬧人來人往， 侍應阿叔都係保持咁嘅態度。 照舊都係叫咗個包片火腿通，配炒滑蛋牛油多士， 熱奶茶。 呢個光速餐等咗2分鐘就已經到達， 首先講嘅係包片火腿通， 雞湯味濃郁，火腿就正正常常，食落口感也不錯。 不過另外想讚一讚嘅係個多士配炒滑蛋， 個多士依然保持熱熱辣辣而且脆口， 個滑蛋就正常依舊。 奶茶中規中矩沒有太大驚喜，食咗10分鐘已經有壓力，自己自動離開了。 下次有緣再見。

住開彩虹，都知道彩虹邨有一間人細嘅海先菜館叫做金碧酒樓， 因為老闆娘都係住我哋屋苑，所以屋苑啲人成日都推介。 今日一於試吓呢間隱世名店， 過到去坐低咗，環境懷舊有氣氛， 清潔乾淨程度都可以。 阿媽今次想豉汁蒸鱔，因為呢個菜都算係呢度嘅招牌菜，仲有叫咗豉油王大海蝦，炒飯同埋炒菜。 首先要讚吓佢個鱔真係整得好好味，很適中，豉汁味濃而且鱔肉香滑，嗰啲汁攞嚟撈飯真係冇得頂！ 仲有個豉油王海大蝦，啲蝦炸到又香又脆，豉油王炒落味道野味香口，值得推介。 呢啲懷舊小店真係要幫襯吓，值得保留！

今日約咗朋友食飯，好耐冇見, 打算搵個地方環境好靜靜地傾吓偈, 上網見到呢間餐廳好像不錯, 又有outdoor. 不過位置好像不太方便，諗住試吓. 呢度可以帶寵物, pet friendly, 有些客人可以帶寵物過嚟休息一下。 上到嚟環境不錯, 我就叫咗一個意大利麵鮮茄忌廉大蝦意粉, 意粉份量都算足，蝦也彈牙爽口，味道算可以， 我一個人吃曬都很飽。 另外飲品方面， 我叫咗熱飲， 黑糖薑茶味道濃烈，很重薑味，飲落都算辣，近排咁凍，飲落個身暖笠笠

今晚家庭聚會， 朋友特別介紹咗呢間位於鯉魚門的豪門海鮮酒家， 我們一行九人六點都得， 我們就在酒家對面的海鮮檔裏買海鮮， 分別買了鮑魚，蝦，深海大老虎斑， 聖子和花甲。 首先，清蒸游水蝦，新鮮爽口有蝦味。 之後就黎個油鹽水煮蜆，蜆夠大又有肉，味道不錯。 另外還有薑蔥炒鮑魚片， 鮑魚切到一片片，然後用薑和蔥爆炒，香口夠鑊氣又野味， 之後條深海大老虎斑就炒兩味，分別是炒斑球和炆魚骨，兩個都整得不錯，夠香有嘢味。 最後就係個聖子，豉椒炒蟶子配米粉底，豉汁夠濃和野味。 你間酒家整體質素不錯！ 可以再試

最近坑口東港城，開咗間人氣燒肉店, 主打有太空錯輸送食物, 環境望落都唔錯, 於是今日過去試一試個午餐， 一入到去環境光猛，有落地玻璃， 淨間餐廳以太為主題， 天花有星星燈。 我哋點咗一個宮崎縣A4和牛西冷, 還有一個雞肉午餐， 送餐的方式是有一個輸送帶， 食物放在一個太空艙裏面，經過輸送帶運送到枱旁邊， 都幾得意。 首先看看食物質素， 黃牛望下去都幾新鮮，吾會有啲暗的顏色，望落去好似切咗太耐， 跟餐配過沙律，湯、還有白飯。 另外個雞肉餐就中規中矩，都正正常常。 個A4西冷牛燒落都不錯， 雪花夠平均，入口溶化， 呢度啲服務都可以， 店員會有詳細講解。

今日心血來潮， 突然間很想吃牛扒，於是想起了翠華， 便打電話落外賣， 叫咗個牛扒飯，配黑椒汁， 跟餐羅宋湯， 同服務員姐姐講多飯多汁， 他們有求必應， 說可以可以， 仲要不需要加錢， 拿了回家，份量也不錯。 先講羅宋湯都幾足料， 有好多蔬菜，又有酸，又有辣味，不錯不錯。 另外牛扒飯份量也不小， 牛扒比左2大塊，牛扒的熟程度剛剛好， 不會很柴，而且咬落都有些少牛肉味。 黑椒汁，用牛油烹調而成，野味無比， 總括嚟講水準不錯，可以再試！