最近睇好多人都食🌋火山排骨～好吸引！我好鍾意食泰國菜，所以星期日我地一家都去咗食miluthai 尖沙咀分店，卡位坐得好舒服，亦有戶外座位，食完我同屋企人都話一致話會再encore!🙌🏻 🌋火山排骨 呢個係餐廳招牌菜式，超震撼份量，差啲食唔晒🤣排骨軟腍鬆化，可以揀甜辣汁同埋酸辣汁，我哋揀咗甜辣，酸酸甜甜好好食，仲好貼心有手套同埋濕紙巾，仲有個小垃圾桶可以擺骨👍🏻 🔥火焰燒雞 一上枱店員會淋酒再點火，未食已經好吸睛，視覺效果滿分💯打完卡之後店員會幫手切雞，雞皮好香，入邊雞肉嫩滑亦夠味，亦有附上秘製酸辣醬汁，點完味道更加好 🍍菠蘿海鮮炒飯🦑🦐 炒飯開邊菠蘿裝住，上邊有滿滿腰果同埋肉鬆，配料亦都10分豐富有魷魚、蝦、蜆等等海鮮，配上酸酸甜甜嘅菠蘿，好快清晒 🦀青咖喱軟殼蟹配蒜蓉包 呢個真係勁出色，有香濃椰汁味又唔會太辣，軟殼蟹份量好多，配料有豆角、西蘭花、茄子等。仲附上脆脆蒜蓉包，仲有牛油香，麵包吸上青咖喱汁，好好味 🫓薄餅 夠脆同埋有層次，唔會成手油立立 🥤龍眼冰&菠蘿梳打 龍眼冰有滿滿果肉，唔會太甜，菠蘿梳打好fresh，但甜度可以稍降

平時出街都會飲珍珠奶茶，小朋友起隔離都會嘈住要飲，唯有偷偷地飲，好似做賊咁🤣 有媽媽朋友推薦Mother Pearl 全新「圓貝媽寶」KID MENU系列，有小朋友都啱飲嘅珍珠奶茶🧋仲係自家製植物奶、無咖啡因、健康糖，即刻要去試吓呀～ 我哋試咗以下幾款： 🐑Baa Baa Black Pearl 爸爸羊 藍藻｜牛油果｜香水檸檬｜菠蘿｜椰子奶｜椰子花蜜｜排毒炭黑珠 牛油果同椰子奶都幾夾，仲有菠蘿香 🐽Peppa George 佐治小豬 藍藻｜海鹽雲呢拿米蓋｜杏仁奶｜士多啤梨｜椰子花蜜｜排毒炭黑珠 呢款好清新，因為有士多啤梨再配搭雲呢拿 ⁠🐲Dragon Trainer 馴龍騎士 杏仁奶｜藍莓｜紅火龍果｜香蕉｜羅漢果糖｜奇亞籽｜排毒炭黑珠 好鍾意呢款加入咁多生果好fresh 好健康 ⁠🍪Cookie Monster 曲奇怪獸 麻糬｜可可碎｜朱古力米蓋｜杏仁奶｜純素朱古力醬｜特濃朱古力麻糬曲奇｜香蕉｜排毒炭黑珠 又有朱古力醬又有曲奇，又有可可碎好邪惡，同埋比較杰身好好飲

假日去咗relax b&m cafe，地下有室內外用餐區，室外自帶小花園好有度假風🏖️，而室內裝飾都係以動物主題。一家人可以食個all day breakfast ，嘆杯啡☕️，食物味道仲唔錯👍🏻一路食一路可以同三隻貓貓互動。 全日早餐🍳 非常有誠意，有牛角窩夫、茄汁豆、豬肉腸、炒蛋、蔬菜薯餅、炒菇、火龍果，真係超級豐盛～全部都熱辣辣，最欣賞係有牛角窩夫同蔬菜薯餅，出邊all day breakfast 一定無咁重成本，食得出誠意之作👍🏻 肉醬意大利粉🍝（牛肉） 意粉軟硬程度適中，份量唔少，肉醬濃郁美味，每條麵條都裹上肉醬好好味🤤 芒果🥭乳酪沙冰&雜莓🍓乳酪沙冰 兩杯都好大杯好fresh，水果mix乳酪就是最好配搭🩷食住all day Breakfast同埋意粉，飲呢兩杯冰涼消暑嘅飲品，好寫意😉 另外一提食完仲可以上中層，有貓室有十幾隻貓貓🐱同你玩，最上層就係日式天台，可以望到海景㗎，黎到不妨上去打卡，感覺好chill～🫶🏻

同朋友黎到位於佐敦嘅蝦蝦燒，環境乾淨企理，每台都有一個燒烤爐、拎食物碟、垃圾桶，好整潔👍🏻 張枱側邊仲可以見到生猛嘅大頭蝦喺水裏面游，夾大頭蝦🦐都幾好玩～ 除咗任食大頭蝦之外仲有各類海鮮，例如生蠔、扇貝、鮑魚、原條魚、大蜆等等，真係講得出嘅海鮮都有😆 啲大頭蝦真係好新鮮，仲有每台人頭一串燒鱔，肥美有油香，生蠔🦪同埋扇貝我哋就加咗蒜蓉牛油，超正！鮑魚肉質又彈牙，海鮮人士嘅天堂～ 除咗海鮮之外，仲有唔同嘅肉類，例如羊架、腸類、雞翼、牛肉串、漢堡扒、多春魚等等，其中雞翼好出色好嫩滑🫶🏻 如果想食菜類亦有好多選擇，例如雞髀菇、翠玉瓜、菠蘿🍍、蒜蓉包等等，有陣時食咁多肉類，食返呢啲真係唔錯，特別鍾意雞髀菇燒完好多汁😍 呢度仲有唔同嘅汽水同埋酒類，唔係普通啤酒🍻，佢仲有喜力、真露同hoegaarden任飲，餐廳真係十分大方呢，最後仲有唔同口味嘅雪糕，為完美嘅一餐畫上句號！

朋友帶我去呢間餐廳食飯，原來喺九龍木球會對面，門口好靚~有啲小清新嘅感覺，臨走嘅時候亦都見到有兩台客人帶咗狗狗在露天地方食飯好chill🫶🏻入到裏便就頗有情調，另一番景象，情侶談心，或者一眾好友聊天亦適合👍🏻 脆炸魷魚配墨魚汁沙律醬🦑 份量不少，每一條魷魚都好大條，所以咬下去好有口感，一上枱熱辣辣，點上墨魚汁沙律醬更惹味，好快就清晒了👍🏻 無花果風乾火腿 pizza🍕 呢個真係超級推薦，餅底薄脆，上邊鋪上滿滿的芝士🧀配上鹹香的火腿和火箭菜，一口咬下去，又有無花果中和膩感，實在太好食😋 松露野菌烤茄子千層麵🍆 千層麵賣相好吸引，面頭仲有炙烤過的芝士，千層麵入邊有超級多菇配軟軟的茄子，入口每一啖都有濃濃嘅菇味，感覺好健康，但又好好食😌 +$40有餐包、餐湯、飲品及甜品 餐包係蒜蓉包，烤得十分香脆，抹上蒜蓉牛油🧈是日餐湯係西蘭花湯，湯嘅質感不稀不杰剛剛好，濃濃西蘭花香味🥦 飲品加了$20轉士多啤梨梳打🍓有一粒粒士多啤梨籽嘅，唔太甜，亦都夠氣，另外亦散叫了一杯蜜桃梳打，亦都好清新 甜品可以選擇芝士蛋糕或雪糕，我哋選擇咗芝士蛋糕，口感幼滑芝士味濃郁，跟餐甜品來講非常有誠意❣️ 法式焦糖燉蛋🥚 免頭有一層焦糖薄脆，內裏的燉蛋口感嫩滑，不太甜，為一餐飯畫上完美嘅句號🙂

我哋星期日一家人去西貢chill下，發現呢間位於WM Hotel既M square，好適合家庭聚會餐廳，樓底高，仲有落地大玻璃窗，滲入陣陣陽光☀️環境好闊落感覺relax 有多種娛樂設施，例如模擬golf、桌球機、球賽直播等等🫶🏻 下次去西貢一定會再黎，無論係一家人黎定係拍拖飲杯野都好岩🥰 Bolognese Futtuccine with Onsen eggs 🍝 闊面軟硬程度適中，茄味香濃，免治牛肉肉醬，小朋友好鍾意食❣️ Portobello beef burgers 🍔 漢堡扒厚肉，配上多汁嘅大啡菇，黑松露忌廉醬好惹味、配上洋蔥同芝士口感好豐富，可以配薯條🍟或沙律，仲好貼心切開四份 BBQ chicken pizza 🍕 雞柳、燈籠椒、紅洋蔥再配上甜甜嘅燒烤醬十分夾，亦都落咗大量嘅mozzarella cheese， pizza份量亦都十足，熱辣辣香噴噴😻 Honeycomb pancakes🥞 好有蛋香😍有疏乎厘嘅口感入口好輕盈，配上牛油、忌廉、楓糖、焦糖脆脆同雜果，完美組合

最近大熱嘅麻糬波波店，平時經過放工時間要排隊，超熱門❣️今次特登揀咗平日晏晝時間去買～我本身係極度麻糬同包包愛好者，呢度好多款式嘅包包、曲奇餅、麻糬波波、蛋糕等，啱晒我 ✨麻薯QQ 球 有超多種口味，揀咗朱古力oreo、開心果、紫菜肉鬆等等，最愛開心果味，上面仲有開心果粒粒增加口感，全部麻糬QQ球都煙煙韌韌🩷 ✨麻糬曲奇 一盒有四塊，好足料，因為拎起黎重手，咬落唔會太乾入邊係麻糬，整返熱超正🍪 ✨肉鬆怪獸波波 口感好好，外面包裹咗一層紫菜肉鬆，入邊係軟軟嘅麵包包住芝士麻糬，口感超豐富 ✨曲奇禮盒 包裝好靚，可以揀九款唔同嘅手製曲奇，包括咖啡、M&M、竹炭芝士等～送禮自用一流🫶🏻 ✨港式絲襪奶茶 香港人必飲嘅奶茶，呢度又整得唔錯喎，濃濃嘅茶香，口感絲滑😉 ✨朱古力麻糬麵包&紫薯麻糬麵包 返屋企整返熱，朱古力爆曬漿～紫薯蓉唔太甜啱啱好☺️入邊麻糬煙煙韌韌麵包軟熟🍞 ✨粒粒香芋牛乳卷&特濃牛奶卷 蛋糕唔會太乾，香芋牛乳卷cream都係香芋味，蓁蓁好鍾意食～兩款都唔太甜好味🧁

太古城中心周不時都會去行下街，一直都起商場入邊食埋飯，今次試下附近東達中心AGE Cuisine Express ☺️ 我哋叫了一個set dinner同一個pizza再加一個甜品。set dinner 已包餐湯、主菜、飲品同甜品，價錢十分抵食！😍 🌟燒美國prime級牛扒dinner set$248 今日是雜菜湯，酸酸的好開胃，而且入面蔬菜都不少✨ 牛扒叫了5成熟🥩切開都幾靚仔🫶🏻牛肉唔韌，有肉汁同牛味，加少少海鹽已經好夠味，唔洗點汁🤣配菜方面有瓜有蘿蔔同埋椰菜仔👍🏻薯條以伴菜來說份量好多，好滿足😌 跟餐甜品估唔到咁有誠意，賣相好靚🥰有兩件brownie同tiramisu，伴碟仲有爆炸糖、棉花糖、士多啤梨🍓 同藍莓🫐味道都好好👍🏻 北京烤鴨pizza $186 一上枱熱辣辣，pizza鋪滿鴨肶肉水牛芝士🧀再加上青瓜、蕃茄乾好夾😝餅底都好食好薄好脆，邊邊都唔乾仲好大份！ 傳統意大利芝士蘋果撻$68 芝士加埋新鮮蘋果片加酥皮的組合唔會唔好食掛😉 呢餐飯好滿意👍🏻性價比極高🤗如果我公司喺附近一定會成日嚟食lunch

我地一家一向都好鍾意食日式放題，所以週末去咗荃灣嘅御滿屋食日式放題😋貪小朋友同埋大人都啱食，裝修新淨～地方闊落 等緊嘅時候可以去自助區拎前菜、小食同埋爆谷等🍿每樣食材都好新鮮好好味❣️ 有唔同嘅飲品，果汁酒🍹、粒粒涼粉飲、各式汽水🥤、梅酒清酒🍶都有 當然唔少得小朋友最愛嘅甜品，有甜品櫃不同嘅甜品之外，仲有無限任食北海道8.0特濃牛奶軟雪糕🍦、movenpick雪糕、雪米糍、韓國雪條等等😍 我哋揀咗經濟實惠嘅A餐，但都有77款不同料理，有唔同嘅刺身、壽司🍣、一品料理、串燒🍢、天婦羅🍤等等！要讚吓佢啲炸物，全部都炸得啱啱好熱辣辣，例如椰汁🥥流心球（入邊仲有西米同椰汁味）同榴槤炸彈👍🏻 有啲菜色好特別：牛肉薄燒、薑蔥炒蟹、鮑汁燴花膠、連羊腩煲都有🤭 大人細路都飽飽心滿意足地離開😆

今日一行四大一小去orange Elephant食飯，呢間餐廳已經開咗好耐，去九龍城食泰國菜一定會諗起佢～因為坐得舒服，同埋價錢相宜😆 青檸梳打&龍眼冰 兩款都大大杯，青檸梳打唔會太甜，濃濃嘅青檸味又夠氣。龍眼冰有粒粒龍眼果肉，朋友話好好飲😍 牛油薄餅 嗌嚟俾小朋友食，佢好鍾意🤭餅皮唔會太硬有牛油香🧈 串燒拼盤 分別有雞牛豬各兩串，肉質嫩滑，加埋沙嗲醬一流，好惹味🤭 小食拼盤 有春卷、魚餅、蝦餅同埋葉包雞，樣樣都好好味，特別鍾意春卷好多餡料，又唔會炸到好乾👍🏻 冬陰功 要讚吓呢個冬陰功好夠味，酸同埋辣啱啱好👍🏻仲有唔少蝦，但我哋叫咗大，四個人都飲唔晒😂 青檸香茅明爐烏頭🐟 呢度好貼心嘅係俾咗一兜醬汁你另外加，烏頭都幾大條，魚肉嫩滑，香茅青檸調味亦都足夠👍🏻 蛋網海鮮金邊粉 金邊粉嘅醬汁酸酸甜甜好開胃，有魷魚青口等，金邊粉都好彈牙，呢個必叫😋 椰子海鮮焗飯 外型好吸睛，係用椰青裝住😍粒粒飯都包裹住椰汁，仲有唔少嘅海鮮：魷魚、魚、青口等等，飯入邊仲混入咗椰青肉，增加咬口🤪 總括來講真係好滿意，嗌咗咁多嘢人均只係二百多，同埋帶小朋友去都好啱，有提供BB凳，下次食泰國菜都會再黎～