朋友介紹 帶咗我地去左旺角嘅牛站火鍋打邊爐 佢話呢間好抵食之餘仲有好多野食揀 而且質素都ok 一入到去就見到 自助區有大量醬料可以選擇 仲有唔同嘅餐前小食 全部都好吸引 唔少得特色火鍋料 超長蟹柳平時買都好貴 飲品櫃勁多選擇啊！ 冷泡茶、啤酒、果酒、汽水等等都一應俱全 推薦 ⭐️特上牛小排 ⭐️竹笙墨魚滑 ⭐️炸乳鴿 ⭐️羽衣甘藍 ⭐️珍珠奶茶 ⭐️仙草芋圓 👍🏻食材好高質 值得推薦 我地揀左椰子雞湯底 之後仲加左椰子水代替湯底 所以一路打邊爐湯底都唔會變淡！ 任食嘅配料全部上菜都好快 而且無漏單嘅情況 最推薦佢地嘅竹笙墨魚滑！！ 平時好少見 竹笙索晒啲湯汁之後非常好味 另外甜品都有好多選擇 除咗有唔同牌子嘅雪糕雪條 仲有Tiramisu、大福、台式仙草芋 記得留肚食甜品！

天氣好凍 決定要去食韓燒！ 我哋就去咗旺角瓊華中心呢度 因為呢度可以無限任食泡菜爐邊蛋同埋芝士粟米！！ 我覺得爐邊蛋簡直係韓燒嘅其中一項主菜 另外呢度嘅配菜好多都可以任食 而且每次嚟到都有唔同嘅款式 佢嘅泡菜都好啱我嘅口味 甜甜地又唔會太酸 - 特級牛助骨 原條有成十吋長 視覺十分震撼 醃料味道帶甜 肉質軟稔 - 韓牛貝身肉 油脂分佈極佳 輕輕燒一陣就將啲油香逼哂出嚟 - 炑八厚切五花腩 韓燒豬肉一定唔少得！ 五花腩就係我嘅最愛 - 芝士熔岩飯 勁多芝士加上炒飯 店員會協助攪拌 趁熱食仲有芝士拉絲 - 夾心棉花糖配朱古力威化餅 平時去BBQ 都一定會買棉花糖 依家連韓燒都有得食！ 較細火就唔會燒燶 配埋餅乾一齊食又係另一番風味 - 馬格利生米酒 馬格利酒係類似韓國米酒 顏色偏白的 飲落甜甜地好順口 帶有微微嘅奶味 幾啱女仔飲 為左爐邊蛋 下次一定會再嚟！

喺香港食牛扒 除咗去西餐廳之外 其實去港式扒房食鐵板牛扒都係一個選擇 金翠餐廳就係主打鐵板牛扒 我地叫左一份肉眼扒 另外仲叫左一份其他地方比較少見嘅羊膝 兩份都係以鐵板奉上 保持溫度！ 上枱嘅時候店員會為你淋上黑椒汁或者蒜蓉汁 醬汁林上嘅一刻會有嘖嘖嘅聲音 絕對係回憶嘅感覺 🔸美國（有骨）肉眼牛扒 $288 食嘅時候其實都無骨 肉眼扒又大又厚 足足覆蓋整塊鐵板 所以店員淋上醬汁後會另外再上一份醬汁 肉眼肉質軟淋 係最大眾化嘅選擇 🔸香煎羊膝腿 ＄155 羊膝一般都會用嚟炆燉或者烤焗 但原來仲可以香煎同鐵板上 算係比較少見 羊膝羊味十足 尤其係連骨位就更加嫩滑肉味濃 兩份扒餐都會配上餐包、餐湯同埋餐飲 食完真係大滿足 我哋去到嘅時候，啱啱仲有下午茶 所以我哋都叫咗一份奶油豬同埋炸雞髀 都算幾抵食

深水埗大埔道附近一帶想搵任食嘅火鍋店選擇唔算好多 最近就新開開咗呢一間任食雞煲同埋火鍋嘅餐廳 一於就去試吓 一坐低就先有前菜 有成四款咁多 芥末八爪魚、帶子裙邊、麻辣魚皮、中華沙律 口感爽脆，啱哂開胃 之後店員就送上烏雞燉湯 藥膳味超濃郁，味道回甘 每碗都有湯料，用料十足 之後就係震撼眼球嘅巨型海鮮船 滿滿嘅海鮮加上芝士粉 底層鋪滿咗粉絲同埋烏冬 食完都已經好滿足 海鮮嘅種類都有好多 蝦、蠔、蜆、帶子等等 配上芝士粉呢個食法都幾新穎 食完海鮮船之後就有雞煲 雞肉經過走油，煮滾好快就食得 味道麻麻辣辣，份量十足 食完雞煲就可以轉湯底打邊爐 呢度嘅湯底都係非常之有特色 我就揀咗佢哋自家製嘅南瓜魚湯 然後當然唔少得要食佢嘅手切牛肉 牛肉厚度十足，食落有口感 其餘嘅火鍋配料就係自助任取 整體嚟講如果近近地又想食海鮮、雞煲 仲要打埋邊爐 兼且仲要係任飲任食 呢度的確係一個唔錯嘅選擇

估唔到旺角都有一間咁有日式風情嘅天婦羅炸物餐廳 我哋去到大約七點已經排晒長龍 餐廳分上下兩層 下層係吧枱位 地方比較狹窄 但係氣氛好好 上層就係坐榻榻米 環境舒適，空間感較大 適合幾個朋友一齊嚟坐低傾偈食野 餐廳主打天婦羅 虎蝦天婦羅丼 當中有好多不同嘅配菜 好豐富 天婦羅炸衣夠薄夠脆 另外都可以自選天婦羅便當 連流心蛋都有 除咗白飯同埋烏冬可以選擇之外 仲可以加錢選配呢一個特色嘅香蔥牛油飯 十分邪惡 除咗天婦羅之外 仲有炸物 推薦大家一定要食雞皮餃子 外層卜卜脆，入面肉嫩多汁

天氣涼涼地，晚餐首選一定係打邊爐！ 我地就去左尖沙咀嘅香香宮煮！ 呢間新分店地點都好方便 我地專登為左佢地嘅湯底而嚟，揀左必食嘅秘製花膠雞濃湯鍋。 用料佢地選用三黃雞，皮脆肉軟、脂肪豐滿，再配上厚身花膠，湯底充滿骨膠原，非常滋補。 配料方面 佢地嘅花花公主牛魔王拼盤（細）份量好足！ 兩個人叫一份一定夠食 拼盤包括有頂級安格斯牛肉、手切本地牛肉、新鮮牛展、頂級雪花肥牛、牛黃喉、牛肉粒同埋牛舌花 叫拼盤就可以一次過品嚐多個牛肉部位 頂級安格斯牛肉同埋頂級雪花肥雪花分布均勻 肉質軟熟得來又唔會覺得好油 新鮮牛展肉味濃郁 牛黃喉口感爽脆 我地仲叫左一份伊比利亞橡果豬肉片 豬肉片入口即溶口感十分好 而最具特色嘅就係佢哋嘅炸響鈴拼盤 除咗有原味之外，仲有黃金炸響鈴 黃金炸響鈴帶香濃咸蛋黃味 就咁食或者浸湯都一樣咁好味 黑松露芝心墨魚丸有多重享受入口第一下先有黑松露嘅香氣 之後就有墨魚嘅爽口 咬落去仲有流心芝士 推薦大家一定要試下 蟹皇餃帶蟹皇甘香不膩，齒頰留香 而且每隻都好飽滿！ 另外呢度打邊爐仲可以叫生啤！ 真係超正 地址：尖沙咀金巴利道35號金巴利中心地下A號舖

今日又去咗人氣烤魚店 ─ 烤魚工房 佢地嘅口味正宗、地道 而且都好抵食 所以都好好多人排哂隊 依家仲有宵夜套餐 午市又有任食配菜，超抵 ▫️鮮青椒味江團魚 我地叫咗小麻小辣！ 烤魚面鋪滿辣椒花椒，非常震撼，越食越過癮 江團魚接近無骨，啱哂本身因為怕魚骨而唔食魚嘅人 魚皮烤得香脆，魚肉嫩滑 味道可以媲美深圳探魚烤魚 兩個人食一條份量就啱啱好 ▫鴨血 配料我地加咗鴨血，份量都幾多，抵食 ▫烤茄子▫烤鮮魷魚 用料新鮮 口味驚艷 ▫錫紙花甲 呢個係必食！$49 但有好多花甲 每一個花甲殼都有兩粒肉 下面仲有金菇同粉絲，索哂啲汁好好食 ▫️蔥油拌麵 蔥油好香，唔夠飽食一個就啱晒 ▫️水果茶▫️冰爽葡萄紅柚 勁大杯，而且真材實材 水果茶真係有好多水果！

冬天就到啦，最好就係去打邊爐 雖然火鍋店周圍都係，但係可以帶埋狗仔一齊去打邊爐嘅地方實在太少喇 最近我就搵到九龍城呢一間盈鍋，佢哋只要每人最低消費$500就可以包房打邊爐，帶埋狗仔都無問題架 佢哋嘅房有唔同嘅大小，無論你係兩個人定係10幾個人，佢哋都有適合嘅房間 呢度除咗適合帶狗仔嚟 仲可以帶埋小朋友一齊嚟 佢哋地下嗰層有一個小小嘅兒童遊樂角 可以俾小朋友玩樂 十分貼心 至於食物方面，我哋揀咗卜卜蜆湯底 蜆肉都肥美鮮甜，而且數量好多 鮮甜嘅湯底配上所有嘅配料都好好味 尤其是佢嘅海鮮拼盤 海鮮新鮮不特止，而且同湯底非常夾 佢哋除咗火鍋之外，仲有刺身可以食 我哋就嗌咗一個簡單嘅刺身拼盤 估唔到佢嘅希靈魚係咁鮮甜 連平時唔食希靈魚嘅朋友都覺得好好味

餐廳以白色為主色調，清新明亮 令人感覺可以放鬆 咖啡拉花精緻 兩杯熱Latte 都有唔同拉花 而且兩杯都係複雜嘅圖案 好有心思 咖啡豆味道偏nutty 打奶嘅程度亦都啱啱好，溫度都唔錯 食物質素都唔錯 虎蝦青醬意大利粉 味道清新，除咗青醬之外仲加入咗蕃茄同埋蘆筍 感覺好健康 青醬香氣馥郁獨特 加上大大隻虎蝦，好豐富 牛肉芝士漢堡配薯條 牛肉漢堡有超厚嘅漢堡扒加上半溶嘅芝士 質素比部份嘅漢堡包專門店更加好 漢堡扒咬落唔會太乾，仲可以保留肉汁 味都唔錯 而且薯條嘅份量係超多

呢間位於地庫嘅餐廳 提供3小時晚市任食海鮮雞煲 佢地有雞煲、醉雞可以揀 雞可以無限添加 我哋揀咗醉雞鍋 有勁多藥材 但係味道一啲都唔苦，而係甜嘅 入座後店員又會問你揀凍蟹定螺 個人覺得凍蟹比較吸引！ 每檯都有一份海鮮拼盤 提供鮑魚、蚌、蜆、海蝦等等 有部份海鮮可以任食 (蠔、蝦、鱔片等等） 另外每位又有刺身、炸物拼盤 魚生係超厚切架 食完雞煲之後就可以轉湯底 我哋就揀咗佢哋嘅特色 招牌蕃茄牛尾湯 湯底超級濃郁，睇得出好足料 食牛肉就啱哂 至於配料方面 除左任食海鮮之外 推薦大家一定要試佢哋嘅蝦滑 爽口彈牙！！ 比平時自己買嗰啲仲好食