得閒飲茶 (MONTEREY Place)

營業中

休息中

將軍澳中式打卡靚餐廳《DHYC Dimsum Restaurant 》位於將軍澳海旁，面向住無敵大海景既超靚中式點心餐廳👍🏻，茶：碧螺春&龍井，兩者比較下，龍井味比較香，碧螺春飲落比較甘甜。另外餐廳有唔同茶可供選擇，包括特級普洱、鐵觀音、烏龍等等。點心：蝦餃 / 鵪鶉蛋松露燒賣 / 蒜蓉粉絲蒸鮮魷 / 牛肉球 / 招牌小籠包；蝦餃皮好煙韌，燒賣既鵪鶉蛋好香，蒜蓉粉絲既酸辣汁配上粉絲好惹味，鮮魷彈牙，牛肉球多少少喼汁就好🤪，小籠包肉汁鮮👍🏻，煎焗炸點：焗叉燒包 / 蘿蔔絲酥餅 / 鮮蝦脆米網腸粉；焗叉燒包係驚喜之作，用咗菠蘿包既包皮，加上即焗即出，香噴噴好食😋；而蘿蔔絲糕餅朋友好喜歡，內脆外軟，蘿蔔絲夠清甜；值得讚賞既係腸粉，唔會食一啖然後散曬，一啖一小口，師傅功夫一流，總結，對住大海景食野特別寫意，雖然係夏天季節，但有少少風好清涼，店員態度有禮，雖然遲咗小小，但都有禮貌安排入座，然後介紹餐單。值得一提，呢間餐廳係歡迎毛孩去，用餐時隔離枱帶咗兩隻好可愛既狗仔，如果有養寵物既朋友都可以帶埋寵物去嗰度打卡食嘢，一定會好開心🤓。