川味雞烤魚大王 (大河道)

營業中

休息中

尼排成日係荃灣，每次經過都會索到一陣濃濃的麻辣香，滾呀!!! 滾呀的味道，實在讓我垂涎三尺。餐廳位於荃灣大河道91號天保大廈地下F1號舖的店舖。今日決定來吃，雖然是平日， 但都見到不少人在排隊等位。首先點了個前菜，口水雞＄６８（例）份量也算不少，又麻又辣，雞肉皮薄很嫰滑，配上口水汁及花生，挺正宗的重慶風味。涼拌皮蛋，醬汁與皮蛋非常搭。新鮮大大條的鲩魚, 配料有芽菜、酸菜、芫茜、辣椒、白蘿蔔等。剁椒烤鲩魚，鲩魚煎得特別香脆。雖然魚很大條，但是沒有魚腥味，怕吃魚的朋友可以一試。三款不同辣度選擇：有BB辣、中辣、大辣選擇,適合不同人士口味!!

嘢係好食，，但啲waitress 態度好差地，小食好d.食得吾夠開心就不如吾好食。。幾好食都係假。。我吾期望每次有上乖既招待，，但吾好黑人面la...所以我都吾會再去

因為朋友附近番工，所以有時搵佢內飯都差唔多10點，咁基本上宵夜淨係呢條街先多選擇。簡單d講魚係好食過雞煲，煎完先加落去煲既既烤魚煲滾左魚肉都唔會散，主要係大骨多。配料豆腐都落得唔少，湯亦都甜後尾有fd join埋，就嗌多個雞煲比佢地食，不過雞煲相比之下偏咸，辣係幾香，但食多舊真係咸 煲起杰身得濟個汁，仲要偏咸，有d失望。所以後尾轉左個花雕清湯黎食其他配料，費事食得咁唔健康啦，反而呢個未煲已經勁香。配料嗌左墨魚滑，響鈴同手切牛。墨魚滑用清湯煮食到本身鮮味，而且食到佢手打口感；響鈴就似來貨黎，唔太似即炸；而手切牛既肉色都好新鮮，食落去肉味都好濃。下次唔食串燒可以考慮下，主要因為貪佢冷氣夠大

今晚一行三人放工到荃灣附近醫肚突然聞到一陣雞煲香味才發現原來我們很沒吃過雞煲所以決定一於大吃大喝一番！無需等位, 我們被安排到正舖旁邊的幅舖, 裝潢需比正舖普通, 但地方比較寬敞這家可以食川式魚煲, 但我們看到重慶雞煲這幾個字三雙眼熱發了光, 太愛吃辣了!先來喝枝啤酒, 青島純生$16支最抵飲重慶麻辣雞煲 第一次來吃所以我們初嚐中辣看到砂煲還未開蓋令人更期待湯底杰身味道濃郁, 麻味重, 口腔那麻痺感好過癮雞件肉嫩滑入味我們點了半隻雞三個人食份量剛好, 還可以多點火鍋食材食完雞後實在急不及待把竹笙放進煲內, 吸盡湯汁, 口感腍而爽, 實在是無得輸隨後把珊瑚蚌焯一焯，珊瑚蚌一縮便可以食, 口感爽彈無比還有餃類及火鍋不能缺的午餐肉一片片薄切午餐肉, 浸過一陣子湯後, 質感更腍更入味而不太咸最後就是大家一至認為新奇的自製蓮藕餃子大大粒蓮藕餃, 內有豬肉碎與蓮藕粒混合, 邊咬一口都近爽很有新鮮感而且有肉的鮮甜味, 夠juicy

今晚好友飯聚，朋友提議吃雞煲。於是選擇了位於荃灣地鐵站附近，約十分鐵路程的雞煲火鍋。有兩個鋪位，位置充足，不用等位。涼拌雲耳$25在等雞煲時，先上冷盤，涼拌雲耳爽口的雲耳伴入黑醋及辣油，酸辣味非常醒胃！重慶麻辣雞煲（半隻 $148）它們家的雞煲，湯汁非常濃稠，而且湯汁非常多。 味道亦非常濃郁，中辣的辣味亦足夠。雞件肉質滑嫩，雞件掛上濃稠湯汁，味道非常足夠！青島純生 $16*2既然吃火鍋，當然要來一口冰涼透心的啤酒啦！三五知己邊飲邊吃，一大樂事。蒙古羊肉片 $68我最喜歡吃羊肉，所以每次火鍋都必叫。這家羊肉，羊有淡淡羊酥味！嗜羊者會喜歡。羊肉每片亦如手掌大片，放到口裡，充滿口感，確是大滿足！蓮藕餃 $38第一次吃蓮藕餃，感覺新鮮，蓮藕餃內有蓮藕顆粒、豬肉碎，吃下去層次分明，爽口。為是晚最好吃的一道菜。響鈴 $32火鍋良伴絕對少不了炸響鈴，響鈴酥脆，吸入湯汁，口感界乎脆、軟之間，令人一吃再吃。

已經黎到3月了，但夜晚都仲係涼涼地咁，對於我呢啲雞煲控黎講就最好不過了，因為又可以攞正牌去食雞煲。記得之前住荃灣嘅朋友介紹呢間川味雞·烤魚大王，今晚就去試一試先。地點喺荃灣大河道，一落巴士行幾步就到，非常方便呀。一坐低即刻攞張點菜紙睇睇先，我比隔離檯嘅雞煲吸引左，揀左原隻麻辣雞煲，跟手叫老婆大人揀下食咩啦，點知佢話想食鉗魚煲，但我其實想叫佢揀雞煲其他配料咋。既然係咁，雞煲？魚煲？why not both就叫晒兩樣啦，因為真係好肚餓呀先黎雞煲，一打開蓋，不得了，好香呀。即刻夾件雞入口先，雞尚算滑，又入味，仲啖啖肉，啱晒我呢個食肉獸。當然唔少得，火鍋必吃食品--響鈴啦，老婆大人覺得好咸，但我就覺得好惹味了食左陣，魚煲都上檯了大大條鉗魚，又係啖啖肉，奶白色嘅湯，同雞煲嘅汁有種強烈對比。鉗魚唔算多骨，啱晒我地兩公婆仲叫左支竹同白菜餃叫到成檯野食，隔離檯都忍唔住望左我地幾次，但我想講，放心喎，我同老婆大人都唔係大蹝鬼，實食得晒。最後當然唔少得叫番罐可樂啦食到最後，我地真係清晒檯面嘅野食，兩個捧住個肚走呀，下次一於試下佢個沙巴龍躉煲先

一向喜歡雞煲，今晚過荃灣買東西，路過川味雞煲，正好有位，於是雞煲引起就進去了，好彩入得快，我們坐下之後再來多枱客人就滿座了😆我們2個食肉獸真的吃起上來每人可以食幾隻雞，所以二話不說先來重慶麻辣雞煲(全隻)$218，然後見到幾枱客人都在吃烤魚，烤魚也十分吸引，所以另外點了原條鉗魚(大)$218，不過座位有限，爐只有一個，只可以分開上，先食雞煲，再食烤魚😋其他配料也很吸引，不過已經點了2個煲，先不要衝動，否則吃不下就浪費食物😝飲品款式，可樂怪表示食雞煲一定配可樂雞煲出場，我們點的是BB辣，待滾起時店員幫忙開蓋，打開一看，超濃醬汁，感覺像很辣似的，兩口子立即起動！全隻雞煲份量比我們到其他店吃的多，醬汁也比較杰，單看色澤就知道很入味雞肉嫩滑，醬汁惹味，平常雞煲總是越吃越辣，也試過有些店是越吃越苦的，川味雞比較特別，因為吃到尾聲也保持著BB辣，我算是可以吃中辣的人，但不喜歡吃到出汗，所以這種BB辣對我來說剛剛好，不會出汗，也由始至終在舌頭溫和地滲出辣味，可以自在地享用整個雞煲雞煲接近尾聲時我們加了響鈴，但由於醬汁會越滾越杰，滾到尾聲時偏咸，適合重口味之人響鈴輕輕一浸就上色，可想而知醬汁多濃郁，對

今晚本來去試下呢烤魚店7:30pm 到，要等位，見只有一個電話booking 兩位, 我地2號飛，應該唔會等好耐啫，不久有枱，咦🤔佢叫booked 5 位，繼續等啦，又有位，有個男人出來又叫booked 4位，ok, 再等，有4人枱，佢地打話問1號，唔知係咪唔嚟啦，咁都到我地啦，佢竟然叫3號飛4位，咁我地咪問佢點解唔係到我地，佢話係4人枱，但成間鋪都係4人枱啦，我地咪一世都等唔到😡😡😡，如果係4人枱唔比2人坐，又何必打電話比1號飛的人呢？我地等咗25mins, 3號飛先嚟咗5分鐘，揀客都唔好咁過分啦😡😡😡😡😡最後我地轉身走，仲有個女人話唔緊要，呢D就係今時今日香港的服務態度？商譽係何等重要，但你地咁去對待客人，又點會有客肯嚟😡😡😡

聖誕節行完水塘就去左呢間個fd想試好耐既烤魚6點未到所以唔洗排就入得2個女仔眼闊肚窄 望到樣樣都想食想試個男職員好好咁提我地條魚要等耐啲可以落左單先叫左小半條鯇魚 小辣等左10分鐘到條魚就上得入面有好多配菜 有娃娃菜芽菜個d係底  掛住吹水煮耐左肉質都ok仲叫涼拌青瓜夫妻肺片等等一共6樣野一人一支野飲賣單2個人400頭btw中意食辣可以試下中辣 小辣我地都覺得唔太多喉

好少去荃灣，但最近上網睇，荃灣開左好多食店，今日約朋友去試一試，經過一間食店傳來香味，原來是另類打邊爐。決定入內一試⋯⋯雞煲已經食過好多，今次點了烤魚，有4種不同湯底和辣度選擇，我們選了重慶麻辣烤魚，小辣，原條魽魚是煎炸過，放在特製的麻辣湯底裏，加上酸菜、羅白、大豆芽等配菜，用爐滾住食，魚肉彈牙，味道鮮甜不太辣😋食完魚，湯底用來打邊爐，我們點了肥牛、黑毛豬肉片、響鈴、肉丸雙拼和鮮蝦雲吞，用料都Ok，特別推薦是自家製的鮮蝦雲吞和響鈴👍

收到朋友通知. 佢終於生得啦! 生之前放幾個星期假, 覺得太悶所以約左我地出黎食飯之後先知原來係食烤魚既專門店, 咦咁咪即係辣野? 生之前唔係唔食得嫁咩...烤魚我地特意叫左小辣, 成條魚上好壯觀! 事前已經用刀界開, 同埋已經煮熟左, 所以一滾就可以食, 魚唔算好多骨, 但肉質一D唔鞋, D辣唔係好勁, 我地師奶仔都食到,  加左豆豉令成條魚好惹味! 蘿蔔就辣到死...越煮得耐就越辣, 食得辣果幾個朋友好鐘意食牛肚又係辣既...係麻辣, 所以只係有小小麻, 都幾彈牙好味, 而且好大碟, 起碼有平時酒樓既牛雜3倍咁多!

自從新公司喺荃灣，就多咗係呢區搵食呢間係新同事帶我嚟，話呢間嘅魚烤得不錯再用嚟打邊爐當天因為只有2人關係，所以就試了<小半條鯇魚>$172  湯底跟煮法選了剁椒烤魚(指天椒) 辣度就選了小辣魚本身已經醃過，本身魚都幾夠味，再加埋辣湯底更不得了，而鍋內仲有大量配菜(酸菜、芽菜、芫茜、蘿蔔...等)魚肉都幾滑身，滾極都唔會話好老好鞋，而且無草青跟腥味當天仲叫了<手切特級安格斯肥牛> $148/細<桂花蚌>$98<手打墨魚滑>$68<娃娃菜>26

今日比起琴日更凍，又要去食熱辣辣既野，食得多火鍋都悶呀，就食下比較少有既烤魚，今餐叫左小鯇魚，味道就揀左剁椒味，魚肉肉質好鮮嫩，好怕食到腥味同老左硬既肉，另外叫左彈牙既魚滑，嫩嫩既安格斯牛肉，爽爽既桂花蚌，同娃娃菜埋尾，滿足！

朋友是晚再接再勵到百貨公司執平貨，可惜最後空手而回～🙈🙊當我費神在想想晚餐食什麼時，朋友卻建議食我鮮有食的烤魚。離港鐵站不遠處有間專門食烤魚的店舖，好不熱鬧！魽魚售罄，於是便點了鯇魚。魚有分特大、大及小的Size！我們只得兩個人，無疑叫小半條就足夠！辣度亦有分大、中、小及無辣。酸菜小半條烤鯇魚 - 其實都幾大條！鯇魚夠新鮮，所以沒有丁點腥味。魚肉食落鮮甜不嚡口。耐熱度也不錯，長開GAS爐烤著，魚身沒有變焦及痴底！而且伴有娃娃菜、芽菜、白蘿蔔片、蕃茄仔，感覺健康！皇帝菜 - 口感柔軟爽口！而且很少地方有供應，$26的價錢當然唔執輸叫番個清清腸胃佯作健康！自家製鮮蝦水餃 - 看似平平無奇，不過食落才知皮薄餡料多～內含蝦肉及木耳，均告爽口味美！手切特級安格斯肥牛(細) - 薄切帶點晶瑩剔透，肉質柔軟，肉味甚濃亦帶油花！食一碟實在有點不太夠喉.....茴味雞翼 - 煎得皮脆金黃，肉質嫩滑外香料味道甚濃。再滲上蔥花及香脆的芝麻，更為惹味無比！

秋意漸濃，食火鍋，雞煲絕對係最近不二之選，可以暖笠笠嘛~ 不過朋友覺得老調重彈，了無新意，不如食下川味烤魚，食食烤魚嚐鮮都唔錯。由於我地只係2個女生，所以只叫小半條鯇魚 就足夠，不過原來份量都頗驚人，可以2，3個人食。鐵爐不斷有火持續加熱，所以過程中會愈食愈濃味。配菜非常豐富，娃娃菜，芽菜，酸菜，蕃茄圍繞住鯇魚，經多種鮮甜蔬菜泡煮後，魚變得更香鮮多汁。魚肉並冇黏住爐底，反而魚皮尚有焦脆感。朋友從來未食過皇帝菜，我見呢度難得可以叫，梗係叫啦，而且只係26蚊，一大盤，好抵叫，皇帝菜夠爽，朋友話第一次食都覺得菜味特別不可言喻，哈哈。蜂巢豆腐小孔吸索魚湯後，非常美味。鮮蝦水餃皮薄脹卜卜，蝦肉爽彈，香筍，木耳新鮮，整粒水餃肉餡滑嫩無比。安格斯牛肉油花分佈平均，肉質軟嫩，牛肉香氣濃郁，唔使點任何醬汁已經好好味，牛肉味回蕩於口腔中。茴味雞翼認真「回味」，辛香香料均勻塗抹係雞翼上，加上蔥花，芝麻灑係雞翼上，香脆滋味。