影片
更多
2017-03-23
1100 瀏覽
已經黎到3月了，但夜晚都仲係涼涼地咁，對於我呢啲雞煲控黎講就最好不過了，因為又可以攞正牌去食雞煲。記得之前住荃灣嘅朋友介紹呢間川味雞·烤魚大王，今晚就去試一試先。地點喺荃灣大河道，一落巴士行幾步就到，非常方便呀。一坐低即刻攞張點菜紙睇睇先，我比隔離檯嘅雞煲吸引左，揀左原隻麻辣雞煲，跟手叫老婆大人揀下食咩啦，點知佢話想食鉗魚煲，但我其實想叫佢揀雞煲其他配料咋。既然係咁，雞煲？魚煲？why not both就叫晒兩樣啦，因為真係好肚餓呀先黎雞煲，一打開蓋，不得了，好香呀。即刻夾件雞入口先，雞尚算滑，又入味，仲啖啖肉，啱晒我呢個食肉獸。當然唔少得，火鍋必吃食品--響鈴啦，老婆大人覺得好咸，但我就覺得好惹味了食左陣，魚煲都上檯了大大條鉗魚，又係啖啖肉，奶白色嘅湯，同雞煲嘅汁有種強烈對比。鉗魚唔算多骨，啱晒我地兩公婆仲叫左支竹同白菜餃叫到成檯野食，隔離檯都忍唔住望左我地幾次，但我想講，放心喎，我同老婆大人都唔係大蹝鬼，實食得晒。最後當然唔少得叫番罐可樂啦食到最後，我地真係清晒檯面嘅野食，兩個捧住個肚走呀，下次一於試下佢個沙巴龍躉煲先
地點喺荃灣大河道，一落巴士行幾步就到，非常方便呀。
一坐低即刻攞張點菜紙睇睇先，我比隔離檯嘅雞煲吸引左，揀左原隻麻辣雞煲，跟手叫老婆大人揀下食咩啦，點知佢話想食鉗魚煲，但我其實想叫佢揀雞煲其他配料咋。
既然係咁，雞煲？魚煲？why not both
就叫晒兩樣啦，因為真係好肚餓呀
先黎雞煲，一打開蓋，不得了，好香呀。
即刻夾件雞入口先，雞尚算滑，又入味，仲啖啖肉，啱晒我呢個食肉獸。
當然唔少得，火鍋必吃食品--響鈴啦，老婆大人覺得好咸，但我就覺得好惹味了
食左陣，魚煲都上檯了大大條鉗魚，又係啖啖肉，奶白色嘅湯，同雞煲嘅汁有種強烈對比。
鉗魚唔算多骨，啱晒我地兩公婆
仲叫左支竹同白菜餃
叫到成檯野食，隔離檯都忍唔住望左我地幾次，但我想講，放心喎，我同老婆大人都唔係大蹝鬼，實食得晒。最後當然唔少得叫番罐可樂啦
食到最後，我地真係清晒檯面嘅野食，兩個捧住個肚走呀，下次一於試下佢個沙巴龍躉煲先
張貼
