尚青商號 (已搬遷) 新店位置

灣仔又新開左間台灣野, 大食妹一直好想去試吓, 可惜實在太遠, 食晏時間就過唔到去啦惟有收工同同事去食<基隆甜不辣>食台灣野又點可以唔嗌基隆甜不辣呢金黃脆卜卜嘅外皮, 裏面係魚香十足, 又帶點甜味嘅甜不辣尚青商號嘅甜不辣食落啖啖肉, 而且口感煙韌, 大食妹推介<台式鹽酥雞>台式鹽酥雞相對味道就較為普通, 鹽酥雞外皮好酥脆, 細細粒share就最方便啦但係加左蒜蓉嘅鹽酥雞, 大食妹就覺得有啲畫蛇添足<台式蔥油拌麵>台式蔥油拌麵麵條係粗身嘅, 比較有咬口蔥油醬料都調得唔錯, 超香<麻辣鴨血煲配冬粉>麻辣鴨血煲配冬粉同煲上, 而且有火熱住, 最啱鍾意DIY嘅朋友麻辣鴨血份量好多, 裏面仲有凍豆腐、貢丸同冬粉, 配撘麻麻辣辣嘅湯底, 好惹味

之前一直想去，但每次去到都大排長龍今日開鋪就到，所以唔使排好耐就可以入去環境裝修都幾好，雖然地方細細每枱之間有距離但服務態度差一入去一個金髮女待應態度極差好似唔想做生意一樣每一句說話都有呼喝的感覺叫兩個小食一個主菜食物上枱，等待應行幾趟都未有餐具提供三樣食品味道一般，好普通中上都談不上牛肉湯麵，湯底唔夠味鹽酥雞同甜不辣味道相對有點淡只有蒜蓉帶不出味道可讚的是雞無雪味飲品茉茶奶綠，完全淡而無味另一杯阿薩爾奶茶叫做有少少茶味總括來說，不值得排隊不會再想再去

朋友介紹話呢間台灣野好食，於是就揀咗平日晏晝黎食。去到差唔多一點，都幾多人排隊，我要企到樓梯尾。等咗半個鐘終於有得入，都唔算太耐。入座個陣會幫你落埋單，所以食物都好快就上到。我嗌咗個酒香椒麻牛肉絲拌麵，賣相唔錯，麻辣味都幾重，食食下個嘴唇都覺得好麻，感覺幾正。之後仲嗌咗小食share台灣腸，有少少甜配埋蒜蓉都唔錯。朋友就叫咗個鴨血煲，上菜個陣連埋個爐係下面，再落冬粉慢慢煮到入味。So far黎講幾再唔錯，如果再黎附近會encore!

呢間台式餐廳最近都高人氣, 平日晚飯時間都見唔少人排隊.今次決定閒日18:05就上去試下. (點知都要等入座!!!!)  餐廳共有2 層, 樓下好似一般台式飲品店, 行過都唔覺.行上一條木樓梯, 抵2樓堂食區.目測座位唔多, 大約4-50個位.另外地方好迫好窄, 唔適合肥人或帶背囊人士.餐廳裝潢以復古台式老店為主,  木檯櫈加水泥地, 畀人一種好RAW嘅感覺.牆上裝飾都係繼續台式.連隔板都幾有特色.紹興牛燥飯($60)未食已經聞到好香牛味. 食落仲有D酒香同肉香, 牛味好足 (甚至係有D腥), 比起一般肉燥飯更惹味!椒鹽炸大腸($48)好香脆好惹味!即炸熱辣辣,  5星推介!!凍冬瓜茶($20)比起一般冬瓜茶淡, 溝水太多, 無味.台式鹽酥排骨飯($60)豬排大塊. 因為遲上枱, 只好狼吞, 唔知乜味.19:10 離開時排隊人龍排滿樓梯, 約20人.

尚青係出名嘅排隊店，是日星期日，6:00pm到埗，剛剛第一輪晚飯嘅入座，等咗多過半個鐘，先至到我哋入去食。其實要排隊我都預咗，不過間鋪真係冇乜冷氣，排隊熱到出晒汗，到坐低都唔覺得真係涼。我嗰日叫咗鴨血煲，$78，好足料，好多舊鴨血，仲有少少貢丸，豆腐，配冬粉。真心覺得抵，香港買一盒盒嗰啲鴨血$50-$60得兩、三塊鴨血，尚青講緊係佢嘅三倍。我覺得最出色嘅係豆腐，佢嘅豆腐有少少煙韌，同香港食到嘅好唔同。佢成個鴨血煲都算幾辣，好夠香。

今日lunch一位同事請我食farewell lunch，經過呢間新開既餐廳，於是入去試下。呢間食台灣菜，好多人排隊，我地排左差唔多一個鐘先有位，限時食一個鐘。我地揀左紅燒半筋半肉手工寬麵同台式鹽酥排骨飯share食。台式鹽酥排骨飯有半隻溏心蛋，是日小菜係黑木耳同醃蘿蔔。白飯比較腍身，濕濕地，排骨炸得唔太脆，都係腍腍地，普通。紅燒半筋半肉手工寬麵跟油條、酸菜、黑木耳。麵比飯好食啲，但寬麵有啲會痴埋一舊，好彩牛肉軟腍，唔錯。兩個餐都係飲凍冬瓜茶，略甜。

下晝繁忙時間真係會等好耐，今日排咗半個鐘終於有得食😢$74一份鴨麻辣血煲（我揀咗配冬粉），以食開譚仔三小辣嘅人嚟講呢度嘅麻辣湯可以再辣啲。鴨血真係好夠，成個煲都係，幾乎冇乜位放冬粉。等太耐太肚餓所以我一路煮冬粉一路食豆腐同貢丸先（各兩舊），豆腐好索湯所以好正，吸收曬呢煲嘢嘅精華。貢丸就一細塊，而且細細片所以加埋其實都冇一粒，亦冇咩特別。另外推介下，想叫小食嘅話台式腸（$30）幾好食，啲蒜都好香，係個幾好嘅選擇。

雖然尚青商號已經開咗一排，但係午餐時段人龍不減😅 今次終於趁平日夜晚成功食到！6:20pm 到達，唔使等位🤩 其實入面位置都唔少，亦坐得舒服👍晚市冇套餐，長期糧尾嘅我 (🥲) 嗌咗最平嘅香菇魯肉飯 ($48, 須加一)🤣 隨飯附兩款小食，係醃蘿蔔同雲耳，天氣熱幾醒胃😋 而魯肉飯睇落份量唔大，不過食落滿滿魯肉，仲有溏心蛋正呀🥰 所以食完都幾飽，幸福感爆棚🔝喺灣仔竟然可以50幾蚊食到咁豐富嘅晚餐🤤 重點係我6:45pm 走嘅時候已經見到開始有人排隊🤣

💛💜💚❤️🥘🍜🥤 麻辣鴨血煲配冬粉 店鋪裝修有特色，好像到了台灣的舊店一樣。乾淨整潔。下午六時許已有人排隊，由上層排到樓下。有一半菜色都有「牛」，其他有分滷水，炸物，飯類或麪類。 麻辣鴨血煲，份量足，有大概八件鴨血，入味，幼滑無渣，兩小件蜂巢豆腐，小量娃娃菜，貢丸兩粒，冬粉一束。如果能加多一點菜，會更好。 味道偏鹹，但夠麻，不只有辣，還帶香。 Spicy Duck Blood Pot with glass noodle The taste of the pot is great, not just chilly but also full with herbs & spices. A bit too salty, but acceptable. About 8 pieces of silky duck blood, 2 pieces of cube beam curbs, little bit vegetables, and two Taiwan pork ball. You amy add the glass noodle in it. The portion is

Maggie和她老公Steven離開三星後, 在灣仔開設的尚青商號, 裝修和擺設更有台味, 再加上同聲同氣, 吸引很多年青食客光顧. 點了三星也有的埔里花雕半筋半肉麵, 先有酒香, 再來是天然的來自甘蔗的甜香, 再然後是牛骨咸香, 味道層次豐富, 再加上吸引能力甚高而口感爽實的闊麵, 還有煮得恰到好處的牛肋條與牛筋, 比起在三星水準更高. 麻辣鴨血我欣賞的地方有兩點, 其一是夾起來不會散開, 吃起來還有實在的口感. 其二是調配的麻辣汁除了麻辣外也帶藥材甘香, 層次同樣比一般的豐富.

今日街上氣溫已經很高，進店後發覺怎麼一點涼快感覺也沒有的？食品一般，店內溫度高，但店員態度冷漠，不應該服務業應有的。場內冷氣可以用冇乜嚟形容，邊吃邊汗叠汗，有如汗蒸幕。唯一可取，個鹵大腸還不錯。

尚青商號都算係近日比較多人討論既餐廳啦，終於係一個比較得閒既日子過黎試下！-3點黎到都有人排隊啦 前面大概有十個人左右 餐廳都幾貼心 樓梯排隊位置有部冷氣 唔會身水身汗咁等 加分！而且好彩餐廳限時一小時用餐時間 所以大概半個鐘倒就有位啦～ 《鹽酥雞》炸得非常香脆 雖然唔算好juicy 不過雞件都算有肉 唔會成粒都係炸粉 而且滿滿既生蒜簡直係我既至愛！《紅燒半肉半筋牛肉麵》食過以前間鋪既朋友應該都知道牛肉麵一直都算佢地招牌菜 黎到新店都keep到水準 湯底清甜 牛肉都淋身有牛味 牛筋係我鍾意既口感 唔會一夾就散 放入口妹兩下就化開 唔錯 而手工寛面略嫌無入到個湯既味道 同埋油炸鬼淋咗唔夠脆《麻辣鴨血煲》因為無晒酒精粒 所以廚房幫我地煮埋個冬粉 都等咗幾耐 可能因為好多人嗌啦 一上枱 個麻辣湯底超香 係有層次感既湯頭 唔係一味濃味果種（少啲辣油更好）鴨血入味 滑 唔鬆散 都okay呀 整體成個煲都幾好 當然唔係全香港最好食 但一定唔會失望 《冬瓜檸檬》可以走甜既選擇唔多 反正無得走 咁就求其簡咗呢杯應該都幾甜既野 無想像中咁甜 有種淡淡古早味 唔會太濃烈 幾好味 fresh！-總結 灣仔過

💛近期大熱嘅台式餐廳 — 尚青商號▫️依間人氣大熱嘅台式餐廳係由傅佩嘉同佢嘅先生開嘅，餐廳裝修設計係好文青feel，下層專門賣便當同台式飲品🍱上層經營餐廳以及售賣台灣特色食材。之前新開張嘅時候已經想去，不過一直都收藏咗冇去，今日終於可以去試吓佢地嘅招牌麻辣鴨血煲啦🤩星期六去到排隊大約等咗20分鐘左右，由2樓排到去地下😂▫️麻辣鴨血煲($78)可選冬粉/蓬萊米飯，配上貢丸、蜂巢豆腐+是日小菜(今日係蓮藕)麻辣湯底都夠辣🔥鴨血份量都幾多！起碼有七舊左右，好似食極都仲有咁！😱食落都ok，起碼唔係街市一磚磚買嗰種咁，不過未夠Q彈，湯底最後會越煮越濃杰，冬粉亦都會索晒湯底嘅味。呢個價錢真係好抵食，上網睇到如果係午市套餐嘅話重更加平，$74包埋一杯飲品～▫️紅燒半筋半肉麵($78)顧名思義即是一半牛筋一半牛腩。麵底係可以揀幼面/手工寬麵。為食兔就簡左粗面。湯底用咗大量牛骨來熬製，味道好香甜，而牛腩質感好軟淋，粗麵咬落亦好有彈性。▫️台式鹽酥雞($54)略嫌唔係好夠熱炸皮有啲多、唔夠薄，但份量都幾多。▫️地址：尚青商號 (灣仔)灣仔蘭杜街4號文熙大廈地鋪

近排見到IG呢間餐廳很紅，話必需要排隊先可以試到，咁就趁平日過埋個lunch hour先試。去到既時候已經2:30，完全唔駛等位，但入面都有7成滿，呢個鐘數都算多人。lunch set由早上11點半開始至下午3點，選擇類別多，有湯面、乾面、飯同麻辣鴨血煲，價錢由$46至$76不等，除有指定伴菜外，lunch set包一杯免費飲品，凍冬瓜茶或者冷/熱紅茶。我地分別叫咗必點既紅燒牛肉面同麻辣鴨血煲，再追加一客鹽酥雞。先上麻辣鴨血煲，佢用一個小鐵鍋，下面有個小蠟燭熱住，香氣陣陣。鴨血煲可以跟飯或者冬粉，咁食得呢個，跟冬粉會惹味d。紅紅既湯底有至少7-8舊鴨血、2舊凍豆腐、切開一半既貢丸同少少菜，份量也不少。鴨血不是太煙韌嗰款，食落都有質感。至於其他配料也中規中矩。紅燒牛肉面我地揀咗濶面，類似刀削麵之類口感，而個湯有少少辣，加埋d酸菜更好。牛肉份量不少，有3-4舊，唔算好淋，但可以再入味啲。至於鹽酥雞反而有驚喜，即炸脆口重蒜蓉味！以呢個價錢亨用lunch, 算係抵食😬

天黑黑老細要我去灣仔稅局交文件🙈算佢有良心話俾多少少時間我食嘢，我就去咗灣仔嘅尚青商號🤩✨少少感受：💛食物🔹古早味手工芋圓甜湯✅有四色芋圓、仙草、紅豆同花奶✅紅豆好甜🤤✅仙草比出面台式飲品店嘅挺身少少🟢芋圓味道就唔算太濃🤫🔹台式百頁豆腐✅炸得唔錯，夠熱同埋唔會好油膩✅有大量生蒜🧄調味，辣辣哋幾好味😋❤️餐廳環境✅我去嘅時候就過咗lunch hour高峰時間，唔洗排隊🤩所以都唔會坐得好逼✅好有台式小店feel🧡店員✅態度幾好，咁啱唔記得拎餐具比我都好有禮貌即刻拎返比我