尚青商號 (已搬遷) 新店位置

尚青商號都算係近日比較多人討論既餐廳啦，終於係一個比較得閒既日子過黎試下！-3點黎到都有人排隊啦 前面大概有十個人左右 餐廳都幾貼心 樓梯排隊位置有部冷氣 唔會身水身汗咁等 加分！而且好彩餐廳限時一小時用餐時間 所以大概半個鐘倒就有位啦～ 《鹽酥雞》炸得非常香脆 雖然唔算好juicy 不過雞件都算有肉 唔會成粒都係炸粉 而且滿滿既生蒜簡直係我既至愛！《紅燒半肉半筋牛肉麵》食過以前間鋪既朋友應該都知道牛肉麵一直都算佢地招牌菜 黎到新店都keep到水準 湯底清甜 牛肉都淋身有牛味 牛筋係我鍾意既口感 唔會一夾就散 放入口妹兩下就化開 唔錯 而手工寛面略嫌無入到個湯既味道 同埋油炸鬼淋咗唔夠脆《麻辣鴨血煲》因為無晒酒精粒 所以廚房幫我地煮埋個冬粉 都等咗幾耐 可能因為好多人嗌啦 一上枱 個麻辣湯底超香 係有層次感既湯頭 唔係一味濃味果種（少啲辣油更好）鴨血入味 滑 唔鬆散 都okay呀 整體成個煲都幾好 當然唔係全香港最好食 但一定唔會失望 《冬瓜檸檬》可以走甜既選擇唔多 反正無得走 咁就求其簡咗呢杯應該都幾甜既野 無想像中咁甜 有種淡淡古早味 唔會太濃烈 幾好味 fresh！-總結 灣仔過