尚青商號 (已搬遷) 新店位置

下晝繁忙時間真係會等好耐，今日排咗半個鐘終於有得食😢$74一份鴨麻辣血煲（我揀咗配冬粉），以食開譚仔三小辣嘅人嚟講呢度嘅麻辣湯可以再辣啲。鴨血真係好夠，成個煲都係，幾乎冇乜位放冬粉。等太耐太肚餓所以我一路煮冬粉一路食豆腐同貢丸先（各兩舊），豆腐好索湯所以好正，吸收曬呢煲嘢嘅精華。貢丸就一細塊，而且細細片所以加埋其實都冇一粒，亦冇咩特別。另外推介下，想叫小食嘅話台式腸（$30）幾好食，啲蒜都好香，係個幾好嘅選擇。