尚青商號 (已搬遷) 新店位置

琴日咁啱係灣仔，就睇下有咩食，心血來潮想食鴨血，就比我搵到黎間台式餐廳。一如到門口裝修都好特別，地下一層平時會售賣午餐便當。我哋6點3去到，一上到去佢哋問我介唔介意坐bar枱，我哋都冇乜所謂。佢同我哋講用餐時間一個鐘，起初我都覺得得好少，後來我終於明。因為之後keep住有人排隊，起碼有六、七台客。所以大家星期六日最好6:00就嚟啦第一樣嘢嚟嘅係手工冬菇木耳雞肉餃，一碟有10隻，另外有兩個小菜，包括木耳和醃蘿蔔。餃子仲有個蒜蓉醬，真係皮薄餡靚，一隻餃子入邊有滿滿嘅餡料，配上醬汁真係冇得頂。完全唔係平時超市買嘅水餃。沒有過分吹捧，木耳冬菇同雞肉呢個組合都幾夾，木耳爽口，冬菇有香味，如果鍾意食餃子嘅人真係要試吓！跟住嚟嘅嘢食係雜錦炸物拼盤，入面包括有甜不辣、四季豆、百葉豆腐同雞翼兩隻。甜不辣正常發揮但係我搵唔到醬汁，就咁食好似有啲乾。值得一講係佢嘅雞翼，平時食台式雞扒，一大塊好容易好膩，但係炸雞翼份量啱啱好，而且雞翼好多汁。唔會話炸粉好厚。豆腐就正正常常都嫩滑最後就到麻辣鴨血煲。佢可以揀配飯或者配冬粉，我哋梗係揀冬粉啦！佢會同我哋講等1分鐘之後加冬粉。入邊都好多鴨血，我諗有5至6舊。仲有少少

每次去食都一定會一開門去拎位 食完之後就會見到一條長長既人龍🥲點解可以甘多人排隊？ 全因為店鋪雖小 但用心製作 裝修簡潔舒適已經食左好幾次 試左佢招牌台灣牛肉麵🐂🍜台式滷肉飯🍛麻辣鴨血煲配冬粉🌶🍲仲有各款小食 最最最令人深刻既莫過於台灣鹽酥雞🐔牛肉麵湯底濃郁而麵條qq 尤其花雕湯底 有油香既餘韻😳 牛肉牛肥半瘦 唔乾唔會過肥 可以比你一次有2種享受😎滷肉飯份量都幾多 滿滿既滷肉鋪係飯面 但豬油既感覺令我有點卻步🥲麻辣鴨血 味道一流 份量都ok 但鴨血質感有點遜色 唔夠堅挺 有點過軟 有改善空間🙈而配上冬粉好吸味 正正!!!😋鹽酥雞😙😙雖然係小食 但份量好大碟 好抵食 炸得好酥脆 而炸粉不會過厚 再配上好多好多蒜粒 口再臭都要食😂😂😋encore 左好幾次😝😝

每次經過都見排晒長龍 今日終於的起心肝去試星期五lunch time時間大約等咗半個鐘餐廳職員唔算多 負責收銀嘅要帶埋位座位唔算闊落 完全聽到隔離枱對話 雖然環境唔算特別適合傾偈 但係食物質素一流用餐時間一個鐘 手機點餐 🍴台式鹽酥排骨飯🍴台式鹽酥系列一向都係我最愛排骨大大件 外皮非常香脆 仲有半隻溏心蛋同埋幾款配菜魯肉飯底夠油香 但又唔會好油膩喎🍴紅燒半筋半肉手工寬麵🍴手工寬麵煙煙銀銀好味 筋肉都好淋不得不提係啲配菜 尤其係個酸菜 真係好味🍴檸檬柚子氣泡🍴🍴芋香奶茶 少甜少冰🍴冇要到餐飲 +$15轉特飲芋香奶茶真係超級好飲 甜度調校得十分好 又香又滑相反檸檬柚子氣泡有啲淡只收現金 有加一服務費

💛黃店📜”尚青商號 (灣仔)📍地址:灣仔蘭杜街4號文熙大廈地鋪🤍分店地區: 灣仔📝評價💬📢 之前都試過呢一間嘅外賣🤣今次有機會堂食真係好難得😳唔似佢都要等好耐位🥺🥺不過今次有時間💛💛食咗熱辣辣嘅鹽酥排骨脆卜卜😍😍好新鮮💛💛最特別係麻辣鴨血鍋😍真係心心眼咗好耐😍😍夠麻都夠辣 中午食都真係好熱🤣🤣🤣 配冬粉係最夾 鴨血大大舊👍🏻👍🏻牛肉麵既牛肉都好大份 好足料👍🏻👍🏻湯底都幾入味 冇咩味精味☺️午餐仲有配小菜 一個盤放曬好有儀式感💛🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰💰🏵回購指數:❤️❤️❤️❤️

叫咗兩個小食，等咗超過半個鐘都未有（落單711，取餐750），問幾時有職員Fran話整緊，但之後原來食物出了，又唔得閒攞俾我，最後等咗咁耐既外賣就邊咗食凍野。以前可以用外賣平台叫定自取，宜家又唔得，真係無下次

💛終於嚟到呢間想食好耐嘅台灣嘢啦!但星期日晏就時間好多人，都等咗幾耐先有位，用餐時間一小時~✨麻辣牛肉麵 $74可選幼麵/手工寬麵，我地都係揀寬麵，食落又真係幾有咬口嘅😛我就係食呢款，記得冇想像中咁辣的而牛肋肉份量幾多，係好腍嗰種，好食配菜竟然有油炸鬼，係脆到索索聲個隻🤪·✨紅燒半筋半肉麵 $78可選幼麵/手工寬麵牛筋都好腍，好大條，黏黏地、豐富骨膠原☺️牛肉就同上面一樣係牛肋肉😚·✨基隆甜不辣 $52呢個又幾有驚喜噃😌，係炸甜不辣，影完相都仲幾熱下，食落表面微微脆身，入面就好煙韌咁份量算多，但冇諗過咁多蒜🙈·✨茉香奶綠 $24少冰走甜，冇咩特別，因為冇乜味😅·🌟整體都幾高質🤤，價錢就都係咁上下啦😌

依個台灣野 係灣仔尾 金鐘果頭 係返鐘金pp果頭既打工仔長期排隊既食lunch 首選之一經過幾次 食lunch未到12點已經排灑長龍今日決定唔排隊啦 直接買外賣算點知連買外賣都要等成半個鐘😨最後我地叫左2個燥肉飯同櫻花蝦肉燥撈麵再加左個鹽酥雞做小食個外賣袋好鬼得意以46$既外賣黎講 性價比真係幾高仲連埋一杯烏龍茶肉燥都幾多 幾入味 仲有半隻超好味既溫泉蛋至於個鹽酥雞係跟餐加32$既小食以32$黎講份量真係幾多 加上又唔係炸得好油利 唔錯唔錯

每隔一排都會想食下台灣野咁啱今日去開灣仔就黎呢間大熱嘅文青台灣野朝下聖🥰聽講話呢間長期都排哂隊.. 今日11點9黎到剛好有位✌🏻舖頭嘅裝修行簡約風.. 都幾有特色但d位有少少窄叫左個午巿套餐紅燒牛肉麵($74).. 好快就成個木盤連前菜送到先飲一啖湯.. 碗牛肉湯好濃呀🥰🥰🥰又唔會太咸而且d牛肉好淋同好入味!!! 台灣嘅美道呀🥲🥲🥲仲有配左手工寬麵有d咬口.. 好食👍🏼下次有機會都會再黎(希望都唔洗排隊😛) 下次試埋鹽酥雞

近期討論度極高嘅台式餐廳，店舖分位兩層，下層售賣台式手搖飲品，上層為餐廳及售賣台式手信。裝潢走文青風，播著台灣嘅歌，別有一番味道😌～平日夜晚去都見人龍，但等侯時間都係15分鐘左右～ ⠀⁣𝐈𝐧 𝐦𝐲 𝐭𝐮𝐦𝐦𝐲😋⠀⁣1. 埔里花雕半筋半肉手工寬麵 ($80) ❤️花雕湯底好似係香港嘅台灣菜較少見👀 湯底非常出色😍😍，完全飲到花雕嘅香，而麵可以自選手工寬麵或幼麵，寬麵口感幾好，半筋半肉都炆得好冧！一定會再嚟食依個🤤！⁣2. 酒香椒麻牛肉絲拌麵($58) ⁣拌麵就揀咗幼麵試，都唔錯但我就偏好寬麵多啲😬 椒麻味好勁，食幾啖個嘴已經feel到好麻🤣🤣牛肉絲真係砌到好幼，所以一定唔會韌~跟麵送嘅配菜都好好食🥺⁣3. 凍冬瓜茶($20) ⁣冬瓜茶就同出面一般飲嘅味道差不多～幾好😌📍 尚青商號 灣仔蘭杜街4號文熙大廈地鋪

平日六點幾到，排咗大概半個鐘入到本來好大期望，見到呢排咁多人話好食，但發覺真係overrated ～～先講食物質素～椒鹽排骨雞湯麵 $62個排骨同塊皮一夾就分離，個皮好淋，肉質好鞋口麵條係chewy嗰隻，可以接受但排骨真係好一般～～手工冬菇木耳雞肉餃 $58哇呢隻餃 不得了 味道好淡要蘸醬食先得佢個醬係ok，但個餃子真係唔ok麻辣鴨血煲 $82無香味，得死辣味豆腐有啲臭，但鴨血就正常食完好口渴～～椒鹽鹽酥雞 $56成餐飯最正常係佢其實鹽酥雞浸味都好難整得唔好食浸味道係香的，但炸粉都偏厚，肉質都可以，算嫩服務態度方面～排隊嗰陣問有無得雪蛋糕，staff話無呢個服務咁我地一坐低叫完野食就拿拿聲食咗個蛋糕先啦點知食食下有個中性打扮短髮女侍應行埋嚟話：下，你知唔知我地要收$100切餅費我地回覆話問咗你地同事無得雪蛋糕，以為無喎之後佢話：我地係無得雪，但要收返錢囉咁我地問佢畀碟同叉我地分蛋糕，但最後都無畀我同朋友都好不解，你要收我地切餅費但又無畀過任何service，嗰個中性打扮短髮女侍應態度仲要好串總結呢間唔值得排咁耐隊同食第二次，要好食同揸你食嘅台灣餐廳仲有其他選擇，大家去之前要諗清楚

同朋友排咗大概25分鐘左右叫咗鹽酥雞，奶茶，麻辣鴨血，全部都好好味尤其係個奶茶 好正朋友特別鍾意配搭左蒜蓉既鹽酥雞 真係食到舔舔脷已經想再encore買單都係二百幾蚊都幾fair

前幾次經過尚青商號嘅時候都見到一大條人龍，所以一直都無機會食，直至今日中午再次前往，終於可以一嚐了！由於係星期一中午時份，灣仔區正值上班族放飯時間，所以我地都要等15分鐘左右。餐廳規矩係點餐之後先會安排座位，所以我地喺排隊期間已經諗好食咩，我嗌左麻辣鴨血煲配冬粉(唔想食冬粉嘅話，可以配白飯)，佢係好似一人火鍋咁成鍋俾你，之後由侍應生幫手點火，提示我隔2分鐘之後先落冬粉，直到D冬粉淋哂就可以享用了，成件事就好似自己有份參與個烹調過程咁，特別有滿足感，客人可以自由控制冬粉嘅淋身程度，如果你唔鍾意食咁淋，咁就唔使等咁耐，大概半分鐘左右就可以食架啦~鴨血數量非常多，午餐嚟講一定夠食(特別大食之人另計~)煲入面附有豆腐粒、貢丸同少量配菜，配料十分充足！不過美中不足嘅係冬粉口感一般，個人感覺似米粉，欠缺粉絲應有嘅微彈同煙韌感。跟餐有是日小菜(木耳)同埋一杯餐飲(凍冬瓜茶)，木耳同平時嘅冷盤無咩分別，至於冬瓜茶就令我有意外之喜，因為佢比我想像中要好飲得多！甜甜地帶有少少冬瓜味，同鴨血煲係絕配！店入面嘅裝潢好有年代感，係文青mix復古嘅格調，佢同時有好多以台灣小食為主題嘅周邊商品，擺滿哂成個展櫃，鍾意

今次同另一半去咗呢間餐廳，去嘅時候係放工時間，我哋都要等咗半個鐘頭左右，今次我哋叫咗鹽酥雞，麻辣百葉豆腐，牛肉麵，麻辣鴨血煲，點都唔係好大，座位都會比較迫，不過我哋就唔係坐喺吧枱，算係不錯😀講返嘢食，鹽酥雞真係好好味，而且炸得好鬆軟，肉質得好滑，唔會有啲好乾感覺，重點係好多蒜頭，超正！！😂😂😂好重口味😆牛肉麵d牛肉好大塊有4塊，而且啲肉質都好淋，至於d麵就好好似刀削麵咁，好有口感麻辣鴨血煲，就好多舊鴨血，再有兩舊百葉豆腐同兩粒牛丸，個煲都有啲辣，但都可以接受嘅，可以配飯或者冬粉😉雖然有Menu，但係落單係screen QR code,好方便!P.S:個度淨係收現金，大家記得帶多啲現金去啦😂😂😂

尚青商號坐落於灣仔蘭杜街, 被外子喻為最好味台灣牛肉麵👍🏻街外突然落起大雨, 好在店內有條樓梯俾大家排隊. 排隊不久已經開始截龍, 大概7:45pm. 一排就排咗30min, 排咗咁耐隊, 真係無令人失望. 湯底清到一滴油都無, 好香濃牛肉味🤤 牛肉好腍, 牛筋又軟滑, 重可以配油炸鬼, 吸晒牛肉湯的精華😋酸菜是伴甜味菜, 和一般只供咸酸菜的牛肉麵有別. 其實應該叫最文青牛肉麵, 因為見好多文青排隊. 好想買個老虎布袋, 可惜已經無貨🙈 只有牆上的display.

建議lunch hour冇兩個鐘都唔好去食，淨係排隊都排左40分鐘，等嘢食又等左20分鐘。有空枱又唔比入，話要守防疫條例。點知轉頭又放左人入去坐，咁你同政府有咩分別？講一套做就另一套。嘢食方面，有賣相，但味道好一般，個飯多水到可以煲粥，肉燥冇味，豬扒可接受。唔明點解要加1服務費，除咗送兩次餐外，冇服務可言，落單又用QR code，濫用加一服務費。總括而言，唔會再幫襯。建議去其他黃店，呢間聲稱係黃，裝修連少少黃嘅成份都冇。