尚青商號 (已搬遷) 新店位置

平日午市時段幫襯其實座位唔少不過撞正食飯時間都等左半個鐘先入座兩個人嗌左兩個午市套餐同一個小食———————————————————紅燒半筋半肉牛肉麵（$76）揀左幼麵配埋油條 酸菜同少許配菜牛筋同牛肉都幾嫩口湯底濃而不咸 唔會過份油膩麵質煙韌有彈性唯獨係配菜既油炸鬼有點雞肋 本身唔脆口 浸完湯就更加淋。香菇魯肉飯 （$50）又係配左兩小碟配菜同半隻溏心蛋滷肉肥瘦適中溏心蛋好食醬料味道就中規中矩。椒鹽鹽酥雞 （$38）新鮮炸起熱辣辣外皮炸粉香脆得黎唔會過厚加埋面頭既蒜頭十分香口成碟有成十幾廿粒性價比甚高————————————————-整體黎講 食物賣相同味道都唔錯 價錢合理下次會想試下佢個麻辣鴨血寛粉貌似好吸引

聽到傅珮嘉呢個名除左諗起佢首<<絕>>，仲有既應該一定係佢間台灣麵店，雖然之前個間已經退股，但佢再係灣仔重新出發，開左呢間~尚青商號樓高兩層，下層主要做外賣，上層就係堂食，以簡約為主調，仲有一個角落係擺賣台灣食材，真係好有台灣風味埔里花雕半筋半肉麵比起紅燒牛肉麵湯底，呢碗更多左一陣花雕既酒香，好好飲呀，牛腩同牛筋好味道之餘，每款麵都會跟酸菜、醃蘿蔔、油炸鬼，個酸菜辣辣地，酸酸甜甜，神級的好食呀紅燒半筋半肉麵牛肉麵湯底絕對係靈魂，呢個湯頭味道濃郁帶點甜味，聽說係加左燒過的甘蔗，令湯底甜味更有層次，牛腩同牛筋又腍又入味椒鹽四季豆都幾大碟，但我就略嫌蒜頭落得太多，好重味台式香腸刈包台式香腸甜甜的，再加埋佢既酸菜，同刈包一齊食真係好夾茉莉綠茶茉莉綠茶茶味清香，食左咁多濃味野清清味蕾就岩晒湯底真係十分出色，酸菜亦都係另一個亮點，食得出真係用心製作，真係感受到個份台灣既味道

灣仔人龍台灣菜🇹🇼［尚青商號］喺灣仔同金鐘交界既一條巷仔竟然有一間咁高質嘅台灣菜👍🏼👍🏼門口有兩個大郵筒📮吸引住🤩餐廳一入到去門口好似懷舊嘅士多店 🥫💈入到餐廳即刻好有文青既🌟紅燒牛肉麵🐂🍜（$74）湯底方面牛骨味重 帶有少少甜牛腩唔會太肥 好入味 手工寬麵爽口而且有咬口唔會煮得太淋啱啱好🤤湯麵會配油條、酸菜同涼拌木耳😚記得加埋個酸菜落去成個湯即刻昇華🔝🤩🌟麻辣鴨血煲 🌶🦆配冬粉（$82）相對來講佢哋嘅湯底比較辣啲 入邊有啲花椒 少少麻 食唔到辣嘅人要小心啲啦🥵🔥鴨血滑口又入味 而且唔會有啲奇怪味😚個煲入邊仲有貢丸🐷同埋蜂巢豆腐豆腐索曬湯底嘅精華 好入味🤤🌟椒鹽炸拼盤（蒜香雞翼 甜不辣 椒鹽四季豆 椒鹽百葉豆腐）（$54） 成份野都好香蒜味🧄出到嚟唔會油淋淋🛢個炸粉唔會太厚👍🏼 抵讚雞翼好大隻🤤 椒鹽份量適中甜不辣炸得啱唔啱好🤤入面仲好煙煙韌韌🥳炸豆腐外脆入面仲好滑🥳Ps. 因為餐廳都好旺場所以用餐時間得一個鐘🏃🏼‍♂️🏃🏻‍♀️約朋友仔食依間野就記得留意番喇⏳

在灣仔近金鐘交界，都有好食的東西，其中一間是這個台式餐廳。平時午餐和晚飯時間都大排長龍，所以我都會在上午工作完成後，下午下班下午茶時段來。雖然是樓上鋪，但是地下和樓梯裝修很有台灣特色。這裡用手機掃QRcode落單，幾方便。我食過好幾次，有圖有真相。首先講麵，台式餐廳當然有牛肉麵，有紅燒、麻辣、蕃茄，之前吃過紅燒牛肉麵，OK，台式牛肉有點厚和硬。所以我後來幾次都選擇了乾麵，推介。蔥油拌麵 ($54)，加蝦瑤柱 ($58)，有手拉粗麵：可以選擇幼麵：不夠飽，可以加小食：有一次，炸排骨 ($28)，一般。另一次，鮮蝦紅油抄手 ($46，6粒)，份量充足，紅油很麻，正。又另一次，選了炸刈包 ($28)，好好食，忘記了影相。總評味道：台灣特色，乾麵好味，紅油抄手很麻；環境：店外店內環境好有台味；服務：上菜速度算快，用手機掃QRcode落單，小店只收現金；衛生：可以。

============== 𝐹𝑜𝑜𝒹 𝐿𝒾𝓈𝓉·• 埔里花雕半筋半肉手工寬麵 $78·• 椒鹽鹽酥雞 $38·• 椒鹽蒜香雞翼 (2隻) $18·• 基隆甜不辣 $32💸 人均$115❁⃘𖤣𖥧ﾟ.❁⃘𖤣𖥧ﾟ.❁⃘𖤣𖥧ﾟ.❁⃘𖤣𖥧ﾟ.❁⃘𖤣𖥧ﾟ.❁⃘𖤣𖥧ﾟ.❁⃘𖤣𖥧*ﾟ.終於搵到機會放lunch嚟試試. 1點半左右嚟到, 排左大概半個鐘等到唯一一張6人枱. 各自每人叫左一碗主食, 都幾碟小食, 食物質素好滿意😋✨-·• 埔里花雕半筋半肉手工寬麵 $78 ✰✰✰✰✰首先佢一盤野上枱已經好有儀式感🤣 味道同個麵質連個牛都冇咩可以挑剔, 好啱我口味😛 花雕味唔會太重, 少少清香咁, 所以唔會食食下膩左, 亦唔會蓋過哂個牛肉味. 手工寬麵好有咬口, 但唔會太硬. 另外我好少覺得湯麵嘅肉好食, 佢地嘅牛肉係一絲絲咁, 好濃牛味, 又唔會太韌.-·• 椒鹽鹽酥雞 $38 ✰✰✰✰✰盬酥雞好抵食, $38有好多舊. 個皮好脆雞又juicy 🐣-·• 椒鹽蒜香雞翼 (2隻) $18 ✰✰✰✰✰蒜香味好正! 個皮超熱辣辣同脆～-·• 基隆甜不辣 $32 ✰✰✰✰好煙韌, 外面好有口感, 入面又有魚飯鮮味～咁

呢間鋪平時時間要排好耐隊，所以唯有早點出去外賣間鋪裝修好文青，可惜我不是堂食，不過外賣都有驚喜，外賣袋好特別有創意我點了紅燒半筋半肉 手工麵$76 （送冬瓜茶）＋ 椒鹽鹽酥雞$38D麵同湯分開的，不會浸淋d麵，麵好有咬口，牛肉好淋好入味，好多蔥，好香酒味，不過我覺得牛根就太過淋，冇晒咬口另外鹽酥雞個外賣盒有個孔，不會太易變淋，而且好多蒜頭粒，好脆好香蒜味冬瓜茶都好飲，不會太甜下次有機會的話，要試下堂食先得

好掛住台灣美食🤤去開灣仔就去左哩間bookmark左好耐既台式餐廳🏃🏻‍♀️☑️麻辣鴨血煲 個鴨血係一路食一路煲，暖笠笠。有鴨血、豆腐、貢丸、津白同冬粉。又麻又辣，好夠味，而且個湯底好濃香😋鴨血全部大大件，好滑。所有配料都好吸味，睇落好少但食埋冬粉都夠飽。☑️半筋半肉牛肉麵 手工寬麵麵係Q彈個種，不過就唔太吸味。個湯底十分濃郁，湯同麵一齊食就好夠味。記得加埋個酸菜落個麵到，十分夾。牛肉唔會鞋，但未去到嫩滑。至於牛筋就係好淋個種，兩樣都係十分入味。☑️古早味手工芋圓甜湯雖然只有熱既揀，但其實只係室溫。睇落細細碗，但入面有好多芋圓、仙草同紅豆。芋圓十分煙韌，仙草係比較淋個種。

要去灣仔做嘢，天氣太熱又唔想食飯，又突然想起台灣麵， 於是就去試下呢間近期都幾多人討論嘅尚青商號。果然，呢間舖仔裏面嘅裝修極具台灣風格，食物都係嗰啲傳統嘅台灣菜。由於今次得我一個人食，所以叫咗一碗紅燒半筋半肉麵就夠了。 「紅燒半筋半肉麵」$78聽講牛肉麵係佢哋嘅招牌菜， 加上天氣熱令到我想食碗麵，自然就點咗呢個紅燒半筋半肉麵試下。 整體份量好大碗，湯嘅顏色好深以為好濃，但其實係比較清淡，啲牛筋都幾淋，牛肉亦都淋而且牛味充足，口感唔會覺得煮咗好耐嗰種。 整體嚟講，呢個價錢食到呢個環境，呢個食物嘅品質，仲要灣仔區， 已經算係唔錯，而且有裝修特色，一定吸引到唔少年青人嚟打卡。

今日星期日有事到灣仔，搞掂晒個人餓餓地，就上網睇下附近有咩好打食，見到附近有間台灣野，好似幾正，就去！一入去個門口就有2個斜郵箱，幾有意思，入面放左好多台灣特色擺設，跟住有條樓梯上樓上，今日一去，多人到排到樓梯底，好彩都人來人住，唔係等太耐。佢個餐牌幾靚，質好，無污糟感覺，又可以qr code落單，幾方面自己一個，嗌一個餐就夠，紅燒半筋半肉手工寬面！唔洗等好耐，一黎到熱辣辣，配菜：醃蘿蔔，好正，酸甜岩岩好，唔會太酸！牛肋肉定牛腩：大大舊！唔痴牙，正牛筋：都係大大舊，夠林湯底：甜一齊食落口好淆足🤣🤣🤣不過用餐時間得1hr，真係食完就走，有d美中不足

_____好味指數：🌟🌟🌟🌟抵食指數：🤑🤑🤑話說灣仔新開左一間台灣餐廳，點解會知呢？就係因為佢排晒長龍😂餐廳座位係一樓，但排隊一般排晒成條樓梯同出邊，排咗咁耐希望值得呢個時間✅椒鹽鹽酥雞炸得好香脆，每舊都係啱啱好一口大小，而且有好多蒜蓉，蒜味比較濃，食完個口會有陣蒜味✅台式鹽酥排骨飯排骨比較薄身，口感酥脆鬆化，香口又唔油膩，糖心蛋都好有蛋香味✅滷牛筋呢個好值得介紹，牛筋炆得好腍入晒味，軟滑而不失牛筋口感。不過都係比較多蒜蓉，自己衡量份量食

想不到這家店Lunch time有這麼多人排隊~ 排滿了整條樓梯, 等了30分鐘, 但大家仍然願意等的終於入座, 店裡面環境挺舒服, 乾淨俐落, 採光度足。 而點餐是要用QR code 自助點餐, 很現代化, 也節省了時間。今天嚐試了埔里花雕半肉半筋牛肉麵~ 花雕味不是很突出, 但很香, 牛肉牛筋都非常入味, 而且很大件, 大口大口食得好滿足呀!配菜是蘿蔔, 油條及酸菜, 很台灣風味, 也很好吃。最意想不多的是復刻奶茶加珍珠, 奶茶是烘焙過的, 有非常香的焙茶味, 而且茶濃不太甜, 珍珠很彈牙~推薦大家可以試試!

【外賣系列】高質文青長龍台灣良心店。尚青商號📍灣仔💛______________________________Office hour 搵位好難,呢間長龍店lunch time一定唔例外,唯有買外賣….因為lunch time繁忙時間所以落單同等嘢食嘅時間都比較耐,咁啱人手不足及遇上麻煩客真係搞咗三四個字先落到單,連埋等嘢食真係用咗半個鐘💔有啲嬲…..呢間舖頭嘅花雕牛肉麵真係超好食但係因為想快啲買到外賣,就唯有嗌啲普通啲嘅嘢食啦……______________________________💛𝓜𝓲𝓼𝓼 𝓛𝓲𝓸𝓷𝓷🦁評分：7/10紹興牛燥飯未算十分好味,除了飯外有半熟蛋、涼菜、西蘭花、牛肉燥和雲耳,配料不算太多,但牛燥份量偏多,有牛肉香但偏鹹,用黎送飯就啱啱好,半熟蛋可算係中和左牛燥嘅鹹味,飯嘅份量適中,紹興酒味微淡不明顯冬瓜茶冰涼嘅冬瓜茶偏甜但十分解渴,飲落好清涼消暑,不過份量較細杯,個杯都幾靚,幾鐘意佢裝食物器皿嘅設計回頭率：65% 💛💛💛💛因為繁忙時間人龍真係長得好緊要,真係兩點後先會易啲可以堂食 但牛肉麵真心好好食😋

好掛住台灣鹽酥雞/豬扒，所以黎左尚青食！呢間唔止係台式餐廳，仲有其他台灣野賣，迷你士多咁，例如辣椒醬、王子麵等等。樓下係外賣同野飲，樓上就係堂食區，坐位雖然唔算少，不過想lunch time食就要早好多出去排隊…同同事12點鬆啲去到，都等左半個鐘先入得，野食就等多15分鐘左右，所以要有充裕既時間先好食。🔅台式鹽酥排骨飯 ($60)豬扒睇落好似好厚粉，但食落一啲都唔覺，仲好酥脆，都保留到豬扒既肉質，不過炸粉好易同豬扒本體分離…溏心蛋好靚，時間掌握得啱啱好👍🏻。最鐘意係佢有埋鰹魚碎同埋肉燥黎撈飯，無得彈！🔅椒鹽排骨雞湯麵 ($60)麵唔會太腍，雞湯幾清，唔會似足平時台灣重口味咁鹹。不過豬扒無乜椒鹽味，普通鹽酥排骨咁。💬野食加埋文青風既環境都加分，午市套餐仲附有唔同既小菜或溏心蛋，唔洗加錢就有跟餐野飲，但要加一就唔多抵，因為基本上都無咩service，落單都係qr code自己落…寧願食物上加價都唔係用服務費收多我10%…同埋雖然限左食一個鐘，但排隊真係極耐…如果唔係好想食台灣野應該就唔會想排😂。

D野幾好食堂食都好正常落單送餐都唔會耐鴨血煲有個爐仔烘著好靚好cute夠辣同埋都都好好食呀但點解次次叫外賣條龍好似就唔識郁咁黎過兩次外賣兩次都等咁耐希望可以改善下

今日趁平日時間，終於到訪一直想食的台式餐廳，據說經常大排長龍，所以充滿期望地走入餐廳。天氣太炎熱，先點一個甜品解暑。=仙草芋圓=芋圓份量多，食落煙韌唔會粉，只用仙草配搭，沒有加入其他配料，簡單好食就是台灣風味。解暑後，正式點餐，點了一份主食和一份小食。之前因為疫情但掛念台灣，已經食了很多代購的包裝鴨血，今次試下:=台式麻辣鴨血煲配冬粉=比平時食開的湯底，辣味適中，不會太油/太味精，最特別是食完的後勁有一點點麻感，令人回味。鴨血沒有散開，份量足夠，豆腐和冬粉吸入麻辣味後，口感滿足。=鹽酥雞=雞肉質地嫩滑多肉，炸得香脆，加入蒜香後，整個鹽酥層次提升，份量又多。餐廳裝修充滿懷念風情，設計用心，而且整潔和衛生度算不錯，座位多 (可惜太受歡迎 仍然常常排隊 😂):::5]