尚青商號 (已搬遷) 新店位置

要去灣仔做嘢，天氣太熱又唔想食飯，又突然想起台灣麵， 於是就去試下呢間近期都幾多人討論嘅尚青商號。果然，呢間舖仔裏面嘅裝修極具台灣風格，食物都係嗰啲傳統嘅台灣菜。由於今次得我一個人食，所以叫咗一碗紅燒半筋半肉麵就夠了。 「紅燒半筋半肉麵」$78聽講牛肉麵係佢哋嘅招牌菜， 加上天氣熱令到我想食碗麵，自然就點咗呢個紅燒半筋半肉麵試下。 整體份量好大碗，湯嘅顏色好深以為好濃，但其實係比較清淡，啲牛筋都幾淋，牛肉亦都淋而且牛味充足，口感唔會覺得煮咗好耐嗰種。 整體嚟講，呢個價錢食到呢個環境，呢個食物嘅品質，仲要灣仔區， 已經算係唔錯，而且有裝修特色，一定吸引到唔少年青人嚟打卡。