寿々乃

營業中

休息中

位於跑馬地的 「寿々乃 Suzuno」一直人氣滿滿，主打午市和晚市Omakase，好多介紹都話食材高質，師傅非常專業，今日就和朋友來朝聖，試試佢地既午餐，三個小時絕無冷場大滿足，師傅幽默風趣，每一道菜都花盡心思作詳細介紹👍🏻👍🏻🌟雪月花 せつげっか $ 980▪️先付🦀蟹肉茶碗蒸蒸蛋非常香滑，配上滿滿材料蟹肉絲、蝦仁、香菇、帶子，令整個茶碗蒸更加鮮味🥗▪️季節のスープ築前煮京都蔬菜～蒟蒻、蓮藕、毛豆、紅蘿蔔、香菇、白蘿蔔，食材新鮮清甜🍲▪️海老年糕湯日本人新年的湯~沙甸魚乾做成湯，食材有車海老、雞肉、新鮮年糕、紅蘿蔔、白蘿蔔、魚蛋、新鮮柚子皮▪️刺身五點🐠真羽太配日本酸汁～白身魚口感煙靭甜美🦐白海老～口感爽身黏口，非常鮮甜🐟寒鰤魚～魚油滿滿，甘香肥美🐚岩手縣赤貝～爽口鮮美，沾上新鮮檸檬汁更加鮮🐙日本八爪魚腳～腳的肉質煙靭，吸管部份好彈牙，沾上醬油漬Wasabi，辣勁十足🍤▪️季節のお料理炸蝦丸～用上富山白蝦手打而成，炸得香口，極度彈牙，沾上檸檬汁帶出蝦的香鮮味道▪️握り寿司-八貫🍣 赤矢柄～口感紮實、滿滿魚油脂香🍣金目鯛～特別喜歡魚皮的煙韌，魚肉甜美🍣帆立貝昆布漬～厚身大件好鮮味🍣池魚～好濃魚味

今日嚟食Book左成3個月既omakase!地點都幾方便，近time square，環境舒服！今晚既師傅入行已經30幾年，好有經驗，仲有表演睇添！前菜富有新年寓意，咸方面有芝海老，魚肉配芝士醬同鰹魚昆布漬甜既有甜雞蛋捲，黑豆，甜粟子，唔止味道一流，賣相都好精緻！新年熱湯，有蘿蔔，蝦，年糕（有輕輕炙燒過）同雞肉，配上清湯，仲加左柚子，味道好清甜！刺身五味和歌山真羽太，鮮味十足！熊本鰝鰺，油脂感豐富～白海老，呢度已經係成幾十隻蝦，好鮮甜～水八爪魚，八爪魚嘴好爽！佐賀赤背，海水味十足昆布醬油白子，白子軟綿滑溜～質地有creamy既感覺！炸白海老蝦丸，真係體驗到咩係外脆內軟，蝦既口感軟綿綿咁！壽司10味來自京都既赤貝，味道鮮美又帶點爽厚！來自熱海既金目鯛，味道濃厚！冰見寒鰤，係鰤魚中最頂級的品質，肉質厚實！來自長崎既池魚，脂厚油香！來自青森既帆立貝，大大粒好鮮甜！槍魷魚，肉質爽韌！霜降吞拿魚，油脂豐富，入口有即溶既感覺！另一款吞拿魚，比霜降吞拿魚少左油脂，但魚既鮮甜味更出！吞拿魚最中心既部位-天身，師傅話數量好稀有，無油脂，食起上黎好柔軟！魚味都較重！來自北海道既馬糞海膽手捲，海膽十分鮮甜！麵

好食既Omkase今時今日係香港都要約一段時間先約到，好似今日既呢間壽之乃終於約到，更係要好好享受。 好多謝咁健談既大廚，每道菜都解說得好詳細。 今日既前菜係味漬黑豆，安康魚子肝，白籽，帆立貝，蝦，帶子做既蛋卷。蛋卷比較濃味，好鮮味。小杯昆布鵰魚好可口。雞肉年糕柚子清湯，係廚師比客人既新年祝願。真羽太(石班)，原來係相樸手既最愛。高深魚，有油甘魚既口感。富山白蝦，雖然係細細杯，但已係一大群蝦既份量，好鮮甜。炸沙甸魚，即炸果然可口，真係好想飲返杯啤酒。北海道水八爪魚，醬油八爪魚，吸盤真係好爽脆。白見貝，勁似象拔蚌既鮮甜，赤貝都好新鮮。昆布醬白籽，似係白色既海膽，即燒帶出特別鮮香。富山海佬丸，亦係即炸，真係同一般既蝦丸好唔同，係海蝦獨有既香味，仲有美味既京都青椒。10款既壽司都好有睇頭：熱海金目鵰，魚皮生脆，好可口。冰見賀鮮; 神耐村針魚，新鮮冇醃製清魚，果然好鮮嫩; 長崎池魚，青森帆立貝; 加左紫蘇葉既槍魷魚，好有口感同鮮味; 中拖羅魚腩，超肥美; 大拖 羅加海鹽更增鮮; 油漬吞拿魚腩，廚師推介拖羅由肥到鮮上，果然一流。海膽壽司又勁鮮。麵使湯一般都係後上，食到飽飽地飲都好暖心。最後甜品係

新一年繼續食好野，今日同朋友黎到跑馬地食Omakase，晚市只有一個menu，但份量超級足夠師傅非常風趣，成晚用餐過程十分愉快。先付有粟子，蛋卷，日出魚蛋，黑豆，昆布漬物，師傅話喺日本新年應節食品。車海老年糕湯海老大隻爽口彈牙，湯底鮮甜。刺身五點：真羽太：淡淡嘅魚香味道，加上紫蘇花氣味清新。冰見寒獅：厚身肥美，好似食油甘魚咁。富山縣白海老:味道鮮甜比較黏口。八爪魚:吸盤爽口彈牙加上芥末漬超級好味。白見貝赤貝: 兩款貝類都好新鮮，白見貝沾上鹽鮮甜度更上一層樓。沙甸魚：好香口嘅小食配埋酒一流。季節料理：烤鱈魚白子:師傅用咗60度熱水輕輕焯一焯表面，食落外脆內軟，口感幼滑。海老真丈:自家製炸蝦丸新鮮炸起，師傅再三提點我哋要小心熱，咬落彈牙可口。壽司有赤矢柄，金目鯛，針魚，縞繆，帆立貝，池魚，槍魷魚，中拖羅，大拖羅，醬油漬吞拿魚，赤矢柄第一次食，外型好搞笑，食落好香魚味，帆立貝鮮甜彈牙，槍魷魚入口爽脆，拖羅豐富油香，入口即溶。海膽手卷好鮮甜味道濃郁。甜品係十勝紅豆水羊羹，甜度適中，紅豆味道濃郁，士多啤梨10分清甜。

趁住仲有過年氣氛, 相約老朋友聚舊當然要食餐好, 丫女去過跑馬地呢間食過Omakase, 除咗食物質素水準唔錯, 仲話氣氛好好, 唔會有悶場, 即刻提早book檯今晚同老朋友去嘆返餐。門面設計幾有日系風, 門打開, 座位呈長形吧檯, 闊落舒適, 全場只有十個位, 所以坐滿都唔會應該迫俠。Dinner只有一個menu, HK$1880/位 (另加一), 食物類型同份量都幾豐富。首先送上前菜, 原來係日本過年會食嘅小點, 有芝士魚蛋、蝦、黑豆、粟子、雞蛋糕仔等, 精緻, 擺盤吸引, 其中最中意食雞蛋糕, 軟綿甜甜地。然後送上熱辣辣湯品暖暖胃, 一打開, 原隻超大隻嘅蝦成為焦點, 伴有年糕、魚蛋、蘿蔔, 湯底仲好清甜。係處理食物過程, 師傅同時能帶動整體氣氛, 同客人都有交流, 親切幽默, 令全晚都好enjoy。 到了刺身環節:真羽太: 魚味淡, 我摘了紫蘇花落去, 夾住食有花香, 咀嚼時食到魚筋胳, 爽口。冰見寒鰤: 分別有中腹同埋大腹, 魚質超嫩滑, 有魚鮮香, 大腹魚油仲好豐富。白海老: 一條一隻蝦, 唔洗調味都食到鮮甜, 好creamy小食-沙甸魚苗: 用上好多魚炸整成一片, 好香口

上個禮拜另一半生日，同佢一齊食呢間Omakase ，晚市統一$1880，要預先訂座同畀訂，因為師傅要早一日order啲食材。店內外裝潢非常雅致，吧枱坐到十個客人左右，可以近距離同師傅溝通。師傅十分熱情好客，亦都相當有經驗，喺日本有做過廚師，喺香港亦都做咗omakase九年之長。用膳期間每道菜都會詳細介紹，亦都會講解一啲傳統文化或者菜式背後嘅寓意，信手拈來，除咗食之外同時都了解咗日本嘅文化🎏師傅一嚟就介紹咗條好特別嘅魚——赤矢柄，我都未曾見過呢種魚。咁大條魚淨係片咗魚背備用，其他部分都唔會食，十分矜貴✨✨因為接近農曆新年，師傅準備咗一系列日本新年嘅應節食品作前菜，包括海老、甘粟、黑豆、昆布漬物等等，各有含意，師傅都一一解釋，真係估唔到食餐飯都可以長咁多知識😆😆跟住先上一碗清湯，配料有車海老、雞同紅白蘿蔔，湯頭好鮮甜，配上柚子，非常清爽，係一個好開始。暖完胃後開始刺身環節，首先係啱啱師傅展示嘅赤矢柄（好爽口）、縞鰺（真係師傅介紹先會認識嘅魚，好彈牙，食omakase就係要食呢啲💯💯）、白蝦刺身（好鮮甜，慢慢食，唔捨得食完🥹）、香箱蟹（啖啖肉，蟹腳下面全部都係蟹膏，非常滿足🤤）

今年係同bestie相識既第十五個年頭🥹要好好慶祝🍾呢份得來不易既友誼🫶🏻周年紀念既呢一晚一於食豪啲！食bestie最愛既omakase😍suzuno剩係得一個dinner set $1880🌟記得一定要book位唔接受Walk in❌而且要俾訂金的～因為廚師會早一日order食材，所以每日去食都有少少唔同😋👍🏻套餐分為七個部份：前菜、季節限定食材、五款刺身、料理兩客、10件手握壽司、味噌湯、甜品❤️好欣賞鄧師傅喺過程當中給予適當嘅介紹，認識食材及當中嘅文化，好愉快咁渡過呢四個鐘嘅晚飯時間🙏🏻因為接近農曆新年，所以師傅準備咗日本傳統新年會食嘅賀年食品，個人認為有啲似懷石料理：昆布漬物、海老（代表長壽嘅祝福）、黑豆、栗子、魚蛋等等，都有唔同嘅新年祝福嘅意味🥰非常有心思然後會上一個熱湯，本來以為只係普通嘅味噌湯，點知一打開，係車海老👍🏻雞肉蘿蔔新鮮熬製嘅湯😋非常有鮮味，而且可以先暖一暖胃打底❤️好幸運地，今日有赤矢柄（我形容為一條好似鴨嘴獸嘅魚🙈）師傅即席拎咗一條出嚟，先介紹，然後就切出魚背上的肉，其他部份都唔會食用，非常矜貴🌟🌟一開始先是鰝鰺刺身，口感爽脆彈牙，感覺很fresh🆗唔需要額外嘅

呢間Omakase經常爆場，全場只有十個位亦只做Lunch同Dinner時段，冇翻枱呢回事！讓師傅用最大既心機付出係眼前既客人身上，店內裝飾高檔大氣，外面有個小小花園，感覺清新和舒適，全晚就係一個師傅負責哂成個Show，呢晚比我既感覺除係一餐飯，亦係一個表演，整整四小時，絕無冷場，食得滿足，睇得讚嘆，坐得舒服。今日亦係以新年節慶為主題，每道菜都有佢既寓意，師傅風趣幽默健談 對食物認真，睇住佢見到有唔靚既唔新鮮既食材時自己會默默直接掟落垃圾桶，店員唔小心比錯有蝦既湯比客，即刻換走道歉再比新野前菜 係咸與甜既配塔，非常開胃包括甜既代表金薄黑豆同黃粟子都係清甜可口， 伊達卷 係由雞蛋魚肉組成，充滿卷蛋feel同滑香 聽師傅講係當年伊達正宗打仗勝利後回歸用黎慶祝既食物鯛魚昆布漬 喜慶時見醃製烏魚子生+蘿蔔  咸身，要夾埋蘿蔔一齊食紅白蛋同芝海老都係顏色節日，又壽意綿綿伴碟既南天草則代表長壽 碗物鰹魚清湯 代表事事順利，身體健康清得黎味道濃厚，入口係有幾個層次係入面，配合柚子既清香，海老十分實浄新鮮彈牙，入面仲有年糕魚蛋同埋雞肉呢兩款剌身都正真鯛擁有大海既味道，食完果種鮮味留係口腔入面好耐，配上

第一次食omakase ，朋友同我都想試吓，就揀咗一間位於跑馬地嘅餐廳，因為我哋都係港島返工，呢間餐廳仲好難book要一早book，見到個門口幾靚，好有大自然嘅感覺入到去廚師就同我哋講咁啱有兩台客cancel咗 Booking，所以就變咗我同朋友包咗場，佢一個serve我哋兩個，變咗VIP，餐廳最多serve 到10個客首先前菜就係日本過年會食嘅嘢，有魚蛋、蝦、黑豆等好多唔同款好精緻既小食，廚師逐樣介紹俾我哋，又講吓啲日本名，好用心之後有蝦湯，有魚蛋、蘿蔔、紅蘿蔔日本魚嘅刺身-真鯛，啲魚係日本即日空運送來，所以好新鮮，完全唔腥細白蝦肉，好多隻白蝦疊埋一齊，味道好特別，香港好少食到赤貝廚師好細心咁𠝹開雕花，味道鮮甜，爽口有口感水八爪魚刺身有八爪魚肉同超大吸盤，廚師拎隻八爪魚出黎俾我哋睇，超級長，好新鮮，食落爽脆唔韌，好有口感海老真丈蝦加蛋整成蝦餅嘅物體，好有蝦味，唔錯三文魚子超級新鮮，平時食嘅魚子都冇咁彈牙爽口，廚師仲示範掉落地仲識彈起北海道香雙蟹廚師好細心拆晒啲蟹肉蟹膏蟹子出嚟，放滿蟹殼，超級新鮮最後就係壽司，唔同嘅日本魚片配飯，廚師逐一介紹，最常見嘅有帆立貝、魷魚同吞拿魚，其他就係少

                                                        甚少食Omakase,但一食就覺得呢間係Omakase既天花板。主要係環境、食物、碗碟、師傅都非常之正。環境給人一種寧靜既感覺,有日本庭園、食物質素非常好,師傅又好健談,完全唔似第一次見,聽佢分享左好多野,因為佢係日本有好多遊歷,介紹食物時非常自然,認識左好多關於日本既野。同時感受到佢好熱愛香港、熱愛工作,好正能量。都係食Omakase先會有機會聽師傅分享到咁多自己既野。佢話餐廳不時變換食材。雖然只係得一個menu,但食物都不時變,客人會有新鮮感。就到新年,前菜係好有新年寓意既食物,最中意就係個金粟。海老湯 有蝦同年糕,仲有雕成花既蔬菜,個蝦好大隻,好鮮甜。呢個蛤蜊相當清甜,汁液來自海水,可以飲埋。炸白蝦,鎮店之寶,聽講呢道菜好受歡迎,白蝦既量多,好彈牙,冇諗過會食到呢味咁特別既菜。握寿司 - 十貫青森帆立貝--入口即化,飯既分量唔多,帆立貝好鮮味。新秋刀金目鯛、赤矢柄、關鯖、中拖羅、大拖羅、醬油漬赤身寒獅 季節限定 日本好common但好少係香港既餐廳見到,好厚身,連埋紫蘇

由佢未搬舊舖個陣已經聽朋友介紹過好多次 成日都book唔到 今次托朋友福 終於食到入到去裝修明亮得嚟又好溫馨嘅感覺 因為日本正月通常會食喜慶年菜又稱御節料理去討個吉利 而今次師傅都專登加入咗呢啲元素 等我地都感受吓日本嘅新年習俗📍第一道前菜用咗好多日本御節料理常用嘅食材有寄寓勸奮嘅黑豆好似金黃財寶一樣寄寓財運嘅栗子金團寄寓長壽嘅蝦中間有一個蛋黃醬好似太陽咁 好似日出般嘅紅白魚蛋寄寓學業進步嘅伊達蛋卷咸香送酒一流嘅烏魚子 仲有昆布配以鯛魚係充滿新年寓意嘅一道菜📍接住嘅一個關東風味嘅鍋物入面有年糕同蝦 個湯好清甜 再加上柚子清甜嘅香味 暖得嚟好開胃📍和歌山真羽太刺身 真羽太即係我地平時石斑 肉質較厚實 沾少少醋橘同酸汁 再包住紫蘇花一齊食 味道更多層次 📍熊本縣嘅縞鰺 食落魚皮爽口而魚肉帶豐富油香📍富山縣白海老 食落清爽鮮甜📍北海道赤貝同白見貝食落爽口帶海水鮮味 📍香箱蟹 已經將蟹腳拆好哂放係蟹蓋 望落好精緻香箱蟹其實就係松葉蟹嘅女仔 係日本係期間限定可以捕捉啲蟹膏係實膏食落少少咸蛋黃 甘甜帶淡淡鮮味 仲有有滿滿嘅蟹籽 📍水八爪魚 魚身+吸盤 配Wasabi醬油漬第一次食咁大個八爪魚

之前已經bookmark左呢間omakase，係銅鑼灣A出口行過黎，都係5分鐘就到，位置好方便。一到埗，入面環境令人有種好放鬆既感覺，再加上師傅好friendly咁同我地介紹今日食材，又會搞氣氛，唔會好似平時出面食到咁大壓力哈哈。頭盤已經令我好驚喜，配合番新年主題，師傅準備左日本過新年嘅食物，有伊達卷，好有趣，食落好香甜，好似蛋糕咁! 仲有日出魚蛋，中間係蛋黃醬芝士 。粟子亦都好甜! 而且仲有好好既寓意，食完會身體健康!之後就有個清湯，好清甜，表面有條 柚子，浸落去好香! 入面仲有車海老 同雞肉等等既食材。再黎既就係肉質厚實既真羽太剌身，配上魚肝醬同埋芽蔥! 寒鰤分左中腹同大腹，食落口感細膩、風味鮮甜! 好鐘意食蟹既我超鐘意呢個香箱蟹，蟹肉好鮮甜，我個人仲鐘意配埋佢個醋汁，食落更fresh，D蟹膏，仲好多好濃郁!!富山白蝦做左3食，有小食炸蝦仔，白蝦剌身同埋熱食海老真丈，每道都好出色。令我深刻既有呢到既三文魚籽筋子配蘿蔔蓉， 好有彈性 ，唔洗豉油，面上配埋柚子皮，已經好好食。壽司方面，我個人最鐘意係赤身醬油漬，肉質油潤軟滑，魚味濃郁! 金目雕壽司魚油好突出! 最後會有個味噌蔬菜魚湯

之前係灣仔食過呢間omakase，原來已經搬左去跑馬地，係禮頓中心附近。仲記得之前嚟食嗰陣，啲食材都係好新鮮而且都係用當季嘅食材。今次嚟食都一樣keep到水準!晚餐時段只有 MIYABI Menu 選擇。價錢$1880包括前菜，日本季節料理，5款刺身、2款熱食、10款壽司、味噌湯同甜品。先付(Appertizer): 1️⃣日本賀年食品鯛魚刺身昆布: 好清甜!栗子甘露煮: 甜度啱啱好,好鬆軟另外仲有日式蛋黃芝士醬嘅日出魚板同烏魚子2️⃣海老湯個湯好清甜 另外佢個柚子都好香,出乎地同個湯好夾!呢個湯都係日本新年嘅賀年食品師傅話海老喺日本帶有祝賀長壽嘅意思刺身:1️⃣真羽太:肉質比較厚實👍🏻配搭青檸同埋紫蘇花 更加香同開胃2️⃣鰝鰺:呢款係我最鍾意嘅刺身 佢口感好彈同爽口 而且都好清甜3️⃣白蝦呢個都好出色 白蝦好鮮甜! 4️⃣水八爪魚&吸盤第一次食水八爪魚嘅吸盤 口感超級爽口同彈，好特別🐙其他餐廳都好少見到有呢一款P.s. 連埋醬油漬Wasabi一齊食超級好食!5️⃣白見貝&赤貝爽甜👍🏻季節料理:最值得推介嘅係「香箱蟹」佢係松葉女仔蟹,蟹蓋嘅面頭鋪滿晒蟹腳肉裏面放滿咗蟹膏，蟹籽🤩超級滿足另外佢有個三文魚子，都係季節