食餃子搵到間好嘢🤭呢間餐廳店如其名，啲餃子真係好好食😋食咗幾款都大讚，佢唔止係多汁，簡直係爆汁，而且啲餃子非常新鮮，食得出佢哋嘅鮮味😊 叫左個午市套餐，勁抵食，有小食，主食餃子，甜品同飲品添😈 超級芫茜豬肉餃湯麵，超香芫荽味，如果鍾意食芫荽嘅朋友千祈唔可以放過🥰我哋揀原味大地魚上湯，清甜清爽易入口❤️同餃子好夾🤩小食，就揀咗大地魚湯浸蘿蔔，切得非常精緻，又入味😋甜品係桂花太白拉糕，小小一個，但質素非常好，滿足個甜品胃😛 小心爆汁牛肉煎餅，又係人如其名，真係爆曬汁，而且勁濃牛肉味，一定要食🫡 香菇木耳豬肉餃，好足料又啖啖肉，啲香菇🍄‍🟫正正方方一小粒，增加口感🤭 最後要多個鎮店之寶，韭菜豬肉餃煎餃🥟，又係超級爆汁，入口一咬香汁四射，而且好濃韭菜味！ 食物質素咁高又咁抵食！一定有下次❤️

今晚搵好野食，九龍城呢間意大利餐廳都算出名，食物水準有保證👍🏻同埋都幾地道，D食物風味幾有特色，所以如果咁O岩去開九龍城又想食西餐，呢間係唔錯既選擇❤️ 見到有Free flow drink promotion, 哈哈, 勁開心!!因為黎得呢度食野一定會飲返杯酒，而家人頭計消費滿$500 或是惠顧晚市套餐就得免費飲，真心抵🤩 叫左個晚市套餐，燒法國原條鱸魚，鱸魚鮮嫩多汁，外皮燒至酥脆，勁香口，又保留了魚肉的鮮甜，勁嫩滑! 搭配香草和檸檬調味，提升了鱸魚的風味層次💋 仲想讚一讚個西班牙黑毛豬火腿沙律，黑毛豬火腿咸鮮味濃，香味濃郁，哈蜜瓜又甜又爽脆，夾住一齊食展現出完美既平衡與美味，令人垂涎欲滴😋

發現黃埔嘅日本餐廳都好高質🫡今日同朋友食咗一間好唔錯，餐廳格局係日式居酒屋🏮，坐得舒服，同朋友傾偈真係一流✌🏻 我哋今日食lunch ，食物款式都幾多，最鍾意係佢有自選壽司，有別於其他壽司set，自己喺列表度揀自己想食嘅壽司🥰另外仲有串燒，燒物，刺身等美食🤭 12件自選壽司，每款壽司都好高質，刺身鮮味，完全冇雪藏味👍🏻而且仲奉送沙律同麵豉湯，真係好滿足！ 火炙雜錦魚生飯😋有齊帆立貝、三文魚、左口魚同油甘魚😳全部都啖啖肉好紮實😎 最後黎多個串燒六串，又係可以喺列表揀自己想食嘅串燒，最鍾意咁樣，因為有自主權，自己鍾意食咩就揀咩，又可以享受到優惠🤓開心！特別鍾意厚燒牛舌，牛小排同燒白鱔，香噴噴又多汁，即燒熱辣辣上枱，無得頂👍🏻

呢間力天嘅早餐夠晒多選擇，港式早餐、西式早餐、歐式早餐、三文治早餐樣樣齊，而且味道都好好，住喺附近嘅朋友街坊真係好幸福😳 今次揀咗港式早餐嚟食，料多又夠正，特別係個家鄉蝦米雪菜米粉👍🏻出面真係食唔到嘅味道👅而且鋪滿面頭，食一啖米粉就有一啖雪菜🤩 另外五香公仔麵都唔錯，個公仔麵夠晒彈啦🥰佢哋side dish配埋個炒滑蛋、火腿、芝士牛角包🥐真係勁豐富！而且個炒滑蛋勁香勁creamy,真係滑一滑😊 朋友食完話唔夠飽叫多碗火腿鮑片絲通粉，好香雞湯味，而且火腿鮑包片絲都好多，唔似得出面其他茶餐廳咁好孤寒得過幾塊，果然係掂🫡

上網搵到呢間私房菜，簡直如獲至寶，各方面都做得好出色，唔怪得之大獲好評😎 今晚食飯見到店主親自招呼，店主非常NICE會同我地閒話家常，佢有句講得好好，忍唔住記錄出黎，大概意思係: 營運食店只得一個辦法，就係煮好每一碟菜色，保持品質，推陳出新，正所謂［酒香不怕巷子深］❤️ 我眼見呢度既食客都係熟客仔，食完會再返轉頭應該係餐廳質素非常有保證🫡 入正題，呢幾味菜式都好掂✌🏻 鹽焗雞腳：外脆內嫩，鹽味恰到好處，香氣四溢🤩 惹味蒜香豬串骨：豬肉入味，蒜香馥郁，口感嚼勁十足💋 龍蝦脆面底：龍蝦鮮美，脆面酥脆可口，帶來豐富的口感層次😍 玻璃脆皮乳鴿：乳鴿嫩滑，皮脆如玻璃，質感與味道兼具🤓 士多啤梨骨：士多啤梨酸甜可口，外皮酥脆，內裡鮮嫩多汁☺️ 冬瓜瑤柱海鮮羹：湯汁濃郁鮮美，冬瓜爽脆，瑤柱提升了海鮮的鮮味👍🏻 炒肉蟹：肉質鮮嫩多汁，蟹味濃郁，香氣四溢，炒得剛剛好🤩 認真講句，呢間餐廳已經比我收藏好了，值得推薦🫡

下午經過青衣呢間三點三，適逢肚餓，梗係要食返個下午茶啦😏 坐落都幾舒服，而且夠晒光猛🫡 餐廳都算係幾多款食👍🏻 下午茶梗係要食先有鮮油奶多啦，你睇吓佢塊牛油幾紮實，每一啖都充滿牛油香味，快多士兩邊都好香脆，掂😋 加碼要多個櫻花蝦炒飯，好夠鑊氣，入邊啲配料都唔惹少，每一啖都又送，唔係淨係得飯，好唔錯☺️同埋個櫻花蝦真係特別香，有一刻忍唔住想問吓佢個來貨喺邊😂😂所以真係幾好食🤤 如果下次再有機會經過，一定會再幫襯🤗

今日同屋企人黎飲茶🫖食吓點心，享受下family day🫶🏻 呢度啲點心真係每日新鮮製造，完全食得出！ 而且點心相當多款，搞到我樣樣都想食😳 叫咗好多籠點心，有幾款一定要推介俾大家食😏 蝦餃同苗菜餃，足料又紮實，層皮又薄，好味道👅 鳳爪，醬料非常好食，唔會過鹹🫡 蝦米煎腸粉，超新鮮，係即日製造，點埋花生醬同甜醬一齊食，味道層次極佳❤️ 奶皇包，入邊奶黃勁流心，奶香味十足🤗 蘿蔔酥，外皮酥脆，入邊嘅蘿蔔絲好多，每一口都充滿蘿蔔 最後叫埋個黑芝麻椰汁糕作為甜品😍真係好豐富！ 唔怪得爸爸媽媽咁鍾意嚟呢度飲茶🤗

灣仔呢間居酒屋🏮好不錯！今次係第二次同朋友食啦！一如既往嘅水準👍🏻 鍾意呢度嘅原因係食物款式夠多元化，除咗壽司刺生外，仲有各種燒物，串燒，沙律，天婦羅，時令海鮮，麵食，丼飯同茶漬飯等❤️仲有酒飲，真係談天說地嘅好地方🤩 壽司10貫🍣：每款都好鮮甜美味🤤，特別喜愛佢哋嘅海胆，鮮甜都不得了，其他壽司如吞拿魚蓉，三文魚腩，帶子，魷魚等都好得✌🏻完全對得住個價錢🫡 左口魚刺身：非常鮮美，仲有個秘製醬汁酸甜酸甜，好夾好開胃😘 玉子燒：新鮮炮製，熱辣辣，甜甜嘅滑蛋加酸甜嘅蘿蔔蓉，想像唔到嘅好味🤩 滑蛋鰻魚石頭燒飯：呢個飯超出色，首先鰻魚勁多粒，然後又有洋蔥，野菌，同滑蛋，真係每啖飯都好足料☺️每一啖都有料，好食！ 串燒：牛肉車厘茄串不得了，車厘茄爆汁，成口都係牛肉嘅香濃味，呢個必點🫡另外仲有雞軟骨，燒蘆筍同冬菇🤩冬菇竟然係Juicy，師傅真厲害👍🏻 野菜天婦羅盛：有樣有內涵☺️真係堆砌到成座山咁滿，大大嘅滿足感！而且炸衣勁薄脆，口感層次好分明🥰 仲嗌埋杯特色飲品🍸，杏子鮮橙燒酌梳打，第一次飲，呢個組合好新鮮，味道亦都好出色，推介😚

85度C已經榮升我最愛嘅麵包店🤭既有好味嘅珍珠奶茶，又有特色嘅葡撻同麻糬麵包，仲有好多款式新穎嘅麵包，我真係好鍾意喺度買麵包食😊 今日又俾我經過土瓜灣呢間分店，入咗去大肆搜略一番😂😂買咗好多戰利品出嚟✌🏻 純白方包同葡式蛋塔真係次次都買，因為好新鮮😳再配埋佢嘅黑糖珍珠奶茶一齊食，簡直係絕配❤️ 再嚟叫咗佢哋自家製嘅曲奇餅，特別鍾意食佢嘅雙重朱古力軟曲奇同燕麥葡萄乾軟曲奇🍪朱古力濃郁香滑，好食！ 佢哋最特別係仲有芝士蛋糕🍰，真係儲肥我啦☺️

今日黎到呢間別樹一格嘅火鍋餐廳，食完真係令人難以忘懷，真的好食🤭 湯底多款選擇，我哋就揀咗火焰龍蝦湯底，濃郁鮮美，每一口都能感受到龍蝦的鮮甜，這道湯底絕對是打邊爐的亮點之一👍🏻 再黎就係精選食材，肥牛是我最喜歡的食材之一。呢度嘅牛肉新鮮，且牛味香濃，滾完之後都保持了其原有的鮮嫩口感😋 餐廳還提供多款手打丸，如香菇貢丸、黑松露墨魚丸和梅菜豬肉丸。這些丸子都是店家精心製作的，自家製果然唔同，口感彈牙，味道鮮美🤩 其實餐廳仲有好多海鮮，刺身，小食提供，如果大家想打邊爐，呢度係一個唔錯嘅選擇🤩