寿々乃

營業中

休息中

呢間喺跑馬地的廚師發辦一向都有好多好評!! 今次終於到我試啦🫶多款精心烹調嘅前菜同煮物，印象最深刻係超香嘅炙燒櫻鯛白子同真丈炸蝦丸，第一次食燒過嘅白子，有綿綿嘅口感之餘，焦香味令到個層次昇華🙂‍↕️鄧師傅不時會拎起巨大嘅食材等食客可以拍照📷令到餐飯色香味俱全😚壽司嘅部份，我最鍾意係三款嘅吞拿魚，上嘅次序好特別，先上中拖羅同大拖羅，之後再上重點推介嘅天身，醬油漬過帶出甘甜鮮味，質感滑到筷子都夾唔起😂之後仲有超多海膽嘅海膽手卷！平時啲廚師發板都唔見俾咁多，呢度個師傅真係好闊佬😂😂😂師傅用上最時令嘅魚生每天送到，所以每日食到嘅食材都唔一樣，每次嚟都可以有不一樣嘅驚喜⭐️

今日就同外國返黎嘅朋友去左跑馬地黃泥涌食日本菜. 餐廳師傅精心挑選每日最新鮮食材, 為客人製作精美又好食的食物。餐廳環境清優, 同朋友+師傅吹下水, 就可以嘆足成晚.晚餐Menu 由廚師發辦四款前菜，鯛魚漬、螢光魷魚、黑豆、烏魚子，鯛魚漬味遁清香，魚肉鮮甜大蜆湯配柚子, 大蜆肥身肉厚, 海水味濃, 加上十分鮮甜, 師傅講一粒鹽都無落, 簡單煮就最好味.刺身有縞鰺、纓鲷、明石鯛魚、富山縣海老, 每一款都充滿驚喜.沙甸魚魚苗, 又香又脆, 食薯片一樣, 食完刺身食少少炸物無咁悶.八爪魚刺身: 師傅特製wasabi 汁料，點太多都有D攻鼻, 八爪魚刺身軟綿綿, 吸盤就爽夾脆口.2款貝類：爽甜, 鮮甜味豐富.燒白子, 唔係人人都會食, 但燒香後十分香濃惹味.炸大魚蛋, 正確名就唔記得啦. 師傅話當係炸魚蛋就得, 炸魚蛋爽口彈牙, 滴少少檸檬汁, 更加帶出好食.壽司十貫, 中, 大吞拿, 魚油甘香, 吞拿魚醬油漬,金目鯛爽, 鮮, 甜, 好味, 油脂充足. 海膽手卷, 海膽甘香味無得頂.麵豉湯 + 甜品作為最終章. 是日大確幸.

今日收工同男朋友特登去跑馬地，試一間book mark咗好耐嘅Omakase。餐廳其實位於銅鑼灣時代廣場行大概4分鐘左右，一望見門口，俾人感覺係一間有格調嘅餐廳，裝修唔會好奢華，係行簡約恬靜嘅日式風格。今日都好熱鬧，餐廳差唔多坐滿。好值得讚嘅係師傅，佢除左喺我哋品嚐每道菜前都會講解食材嘅來源同其嘅特別之處，仲好好傾，同客人打成一片，令到成個氣氛好熱鬧開心。今次成個用餐體驗都好正，除咗食物好食之餘，師傅嘅幽默健談令到食嘅時候可以更加放鬆，享受成個氛圍。講返食物，佢先嚟前菜有季節性嘅櫻鱒，有淡淡煙熏味同魚香，唔錯。之後刺身入邊，我最鍾意嘅就係富山產嘅白蝦同埋鰝鰺！前者極度鮮甜，後者就清爽得來有豐富嘅油香甘甜，食材出色。而壽司10貫入邊，每一款都好出色，要我揀我最鍾意嘅，就一定係池魚同埋中拖羅，兩者都好肥美，一擺入口，魚油嘅香味即刻充滿晒成個口腔，好滿足。最後師傅以一個簡單嘅芒果芝士蛋糕同福岡嘅士多啤梨做最後嘅點綴。成餐真係好開心食得好滿足。

今次終於試到間平時幾full嘅omakase，Suzuno。位於跑馬地嘅佢同普通omakase一樣唔大，只有七、八個座位，為求師傅可以盡最大能力了解每一位顧客嘅需求。店舖用咗比較日系嘅設計，相當優雅清靜。今次食嘅係佢嘅晚餐set，當中包括咗前菜：有小食、湯、同刺身等等大概十款小菜，主菜：七、八款壽司，同最後一個小甜品。聽落都知份量非常之足，連我一個男人都食到超滿足！味道方面當然都係無可挑剔，每一樣菜式食入口都令我忍唔住點頭稱讚，不過就唔逐樣詳細講喇，下面揀幾個最令我驚嘆嘅菜式。個湯係用三重縣嘅蜆煲出嚟嘅湯，隻蜆當然就大大隻仲要好鮮甜，估唔到望落清清地嘅湯都充滿咗蜆嘅甜鮮味，仲要師傅強調湯當中係冇加任何鹽，可以話個湯本身都包括住蜆嘅精華依個嚟自北海道嘅海八爪配醬油漬嘅wasabi 都相當好食，尤其許配八爪魚吸盤，口感十足！講鮮味嘅話不得不提係富山嘅白蝦，淨係蝦嘅鮮味已經非常之甜美，配埋豉油或者Wasabi食又係另一番風味。仲有嚟自天草(熊本)嘅鰝鰺，雖然係白身魚，但有豐富嘅魚油味，同時口感亦唔會太肥膩，非常神奇。最後講肥美，不得不提大拖羅同埋海膽手卷，兩都係極肥美，愛食肉嘅人一定鍾意。而

復活節過後, 肚仔都要復一復活, 今晚二人行去左跑馬地黃泥涌食好西. 餐廳由師傅精心主理, 為客人製作新鮮的刺身配搭。餐廳環境優雅, 坐於吧枱可以睇下師傅手勢同新鮮精美食材.Omakase前菜有四款，有魷魚、鯛魚漬、黑豆同烏魚子，每款都新鮮可口, 由其魷魚, 非常鮮味.蜆湯, 大蜆鮮甜肉厚, 師傅話完全無調味, 用大蜆鮮甜煮就夠哂味道.刺身, 好似去左日本咁, 每一款都新鮮, 香甜同埋從未食過架, 今日喺香港可以食到纓鲷, 富山縣海老, 縞鰺, 真係大滿足. 縞鰺好爽口, 有口慼.沙甸魚魚苗, 脆到好似薯片咁, 一D油益味都無.八爪魚刺身 + 吸盤: 配特製wasabi 醬汁，有少少攻鼻，但好有Feel.赤貝同白沙貝：爽口, 清甜, 基本上唔洗沾任何醬料. 因為鮮甜味以經好足夠.昆布醬油燒白子：入口綿綿, 但味道香濃.白海老真丈, 師傅話即係炸魚蛋, 但呢個炸魚蛋爽口彈牙度, 真係無得頂, 熱到差D燙傷條利, 加少少檸檬汁, 更加帶出清新感覺.壽司十貫, 太多好食嘅款式, 真係食到都唔記得啦, 有中, 大吞拿, 魚油甘香, 櫻鱒望落似三文魚但高級同鮮味好多. 魷魚一絲一絲, 爽脆彃牙

呢間廚師發板喺香港都開咗好多年啦，都唔係咁易book位，今日帶咗個朋友嚟食，佢都覺得好好食，最近搬咗嚟新舖位，食物質素依然係咁好，師傅都好用心為客人準備唔同季節嘅材料，對食物嘅新鮮度，無論刺身定係熱食，用料同埋配搭都好講究，有份執着，食物質素依然非常高，師傅仲話食唔飽唔准走啊！份量同埋質素絕對對得住個價錢！前菜都有好多款式嘅精緻小菜，黑豆煙煙韌韌，煙燻櫻鱒包住左啲菜苗夠晒清新，螢光魷魚好鮮配合埋菜之花，春天嘅蔬菜同埋一片百合根，左邊嘅係鯛魚昆布漬，係一個相當開胃嘅頭盤。接下來係一碗充滿海洋氣息嘅湯，師傅用上愛知縣嘅蜆（aka. 蛤), 當中過程一粒鹽都冇落，所有鹹味都係來自海水味，另外仲有柚子皮令到成個湯更加清香！刺身方面都有好多種類可以試到。Sakura 櫻鯛 ，師傅將紫蘇食用花加落醬汁 然後配青檸，感覺好fresh白海老／蝦，係來自富山縣，蝦肉細細地但係好彈牙，亦都充滿蝦嘅鮮味。熊本嘅縞鰺 シマアジ 刺身，夏季盛產，肉質都非常細緻，亦都有啲爽口帶油份，味道好甜美。白海老小食，同頭先嘅香海老一樣不過今次就炸來做小食，脆脆地，炸後啲蝦香味出晒黎。水八爪魚刺身來自於北海道，師傅細心將吸管

Times Square後面近禮頓道地舖有間omakase，dinner menu 有刺身五款，季節料理二品，sushi 10款，麵豉湯同甜品。師傅黃昏六點幾忙於準備剛剛到步食材，七點準時開席。客人總共8至10位，有啲客都同師傅幾熟絡，大家有傾有講。前菜有粟子，魚蛋，烏魚子喻意新年快樂，家族興旺。sashimi 真羽太幾特別，淡淡魚香亦即係石班。之後有肥美啲真羽太肚腩。富山白蝦好鮮甜黏口，兩啖食晒一小碗。北海道水八爪魚加醬油漬 wasabi係我最喜愛。白色透明嘅水八爪魚同埋好似jelly嘅質感係只有這間店食過。貝殼類包括爽口白見貝，赤貝，感覺脆脆的。sushi有金目鯛，澗八 kanpachi，關鯖係懷念的，即係新鮮嘅鯖魚，但只有關鯖先可以生吃，魚香味濃郁。當然唔少得nagasaki 長崎 toro，大 toro。師傅最後上maguro 呑拿魚，呢個次序係其他店舖少見，通常油脂最重係放喺最後。師傅嘅意思係這部份maguro係全條魚最好吃的。

朋友成日都話我帶佢食嘅日本菜冇驚喜，今次終於俾佢讚我揀嘅餐廳，就係依間係跑馬地嘅Omakase，雖然座位唔算多，但勝在師傅夠貼心，會因應客人嘅需要作出調整，例如好似我咁樣壽司少飯😎😎😎熊本深海池魚壽司深海池魚新鮮嫩滑,魚肉細緻，甘甜很自然地散發出來🥳🥳神奈針魚壽司肉厚彈牙,鮮味十足,甘甜在口中綻放🥰🥰🥰槍魷魚 入面有紫蘇葉魷魚Q軟,香氣充盈口腔🤤🤤🤤中拖羅壽司魚生的鮮味跃然於其中🥹🥹大拖羅壽司選用大拖羅最肥美的蛇腹部位,魚肉油亮鮮嫩。拖羅鮮甜充盈口中😀😀醬油漬吞拿魚壽司吞拿魚醃製入味,肉質細嫩。吞拿魚的鮮美在醬油的濃郁中👍海膽手卷鮮甜，冇腥味😍麵豉魚湯暖暖的湯暖下胃🍲福岡士多啤梨🍓配新鮮芒果芝士餅士多啤梨飽滿多汁，與新鮮芒果完美搭配，帶來了甜蜜的滋味。芝士餅的細膩質感與水果的清新風味相互融合，形成了令人垂涎欲滴的美味組合。每一口都能品嘗到濃濃的奶香和水果的鮮美❤️❤️❤️

好耐冇去食omakase ，呢一間要預早兩個月book，所以之前成日都食唔到。 師傅都開咗八年，有水準之餘仲好有良心！ 係我第一間唔夠飽，佢會免費再整多啲嘢食俾你🤣🤣🤣仲要係用高級食材！ 呢個前菜咩都有啲螢光魷魚鮮鮮甜甜，魷魚本身嗰種香味非常開胃。煙燻櫻鱒除咗食咗菜苗嗰種鮮草味仲有煙燻嘅魚香味鯛魚昆布漬佢個漬係酸酸地好似醋，撈落過魚身度，清清甜甜酸酸尾尾好開胃愛知縣 蜆湯 大推介超級鮮甜，師傅話一粒鹽都冇落佢本身湯嘅鹹味來自海水味。淨係加咗1塊柚子皮，有冇去清香鮮甜。 好想encore 幾碗！刺身 櫻鯛除咗魚身本身好鮮甜，好特別嘅位係佢用新鮮紫蘇花加落個醬汁配青檸，食落去淡淡嘅紫蘇味再加青檸，幾有層次。白蝦 三食 富山縣食到呢個白蝦三食好少何咁有心思。 先嚟個白蝦刺身，蝦身好細，所以好鮮甜！逐隻剝晒殼！ 第二食就係炸白蝦，脆卜卜好香口，而且裏面好鮮甜！第三隻就係佢嘅高級蝦丸用40- 50隻白蝦打出嚟，食落去好彈牙，好棉好甜！ 佢嗰種吓香味同出邊嗰啲人工蝦丸完全唔同！熊本 縞魚參 刺身水八爪魚刺身 北海道第一次咁樣食水八爪魚，佢嘅吸管同肉身分開，肉身就比較似魷魚個種黏黏張張，而佢嘅吸管

上星期在跑馬地食omakase 廚師發板，餐廳門口牆上幅畫有大自然感覺，內裡座位和灯光舒服，我們比訂位時間早到， 廚師一面處理食物，一面介紹食材來原地，當天剛運到一条金目鯛，抬高比我們拍照🤣🤣他為人健談，有30多年經驗。這個 menu前菜是日本人過年食品有魚蛋， 栗子，金箔黑豆，比喻新年快樂。海老年糕湯，湯味鮮甜， 配料紅 ，白蘿蔔切成立體櫻花， 功夫了得。真羽太腩（即石班腩）重油香味👏👏富山白蝦二食，生的及炸的，各有不同味道。最吸引是北海道八爪魚的吸管非常爽口，還有赤貝， 愛知縣蜆， 炸白虾丸等等😋😋壽司有十款，有一個海膽壽司， 但我是不鐘意食生海膽 ，廚師好細心竟然弄熟給我，使海膽 味道更濃👍👍甜品是北海道 士多啤梨 ，香濃紅豆糕總括食物新鮮，廚師用心烹調👏👏。下次约多幾位朋友，再試不同時令的魚生

依度晚市供應一個set，係$1880嘅Miyabi，師傅由頭到尾嘅講解都好清晰，而且又會同客人暢談各方面嘅見聞，成個氣氛都好輕鬆😌先付有三款，分別係鯛魚昆布漬、煙燻櫻鱒同埋螢光魷魚，感覺豐富，鯛魚昆布漬嘅調味恰到好處，仲有菜之花、百合根同黑豆作點綴跟住嘅蜆清湯令人印象深刻，依隻三重縣嘅蜆非常大隻飽滿，個湯亦係極為鮮甜，而感到意外嘅係師傅話依碗湯嘅調味全部係來自依隻蜆，無加額外嘅野！之後到刺身，有四國嘅櫻鯛、天草嘅縞鰺、北海道嘅水八爪魚、岩手縣嘅赤貝同白見貝、武士蠔，當中最喜歡嘅係白見貝，爽脆之餘甜味亦慢慢滲出嚟🥢昆布醬油燒白子比生食更加creamy，白海老增丈嘅蝦味香濃。壽司有十貫，大大隻嘅平貝最為搶鏡，貝肉有手掌咁大，口感偏爽，除此之外有唔少時令嘅食材，例如金目鯛、間八、槍魷魚、池魚、櫻鰤，相當新鮮👍🏼中拖羅、大拖羅、即製嘅吞拿魚醬油漬都相當肥美，而且處理得好好，食落唔會有好難咬嘅筋位，最後喺師傅手上接過鮮甜嘅馬糞海膽 。

這間要waiting啲先排到的omakase 終於俾我食到啦🤤🤤🤤估唔到連前菜都令我咁驚喜，前菜選擇豐富多樣。黑豆是其中之一，口感綿密，帶有自然的香氣。烏魚子咸度適中，是很好的下酒小點。鯛魚昆布則展現出鯛魚的鮮美，配上昆布的風味，螢光魷魚也是一道獨特的選擇，色彩鮮艷，帶有嚼勁❤️❤️山松縣的蜆湯，加入了柚子，完全沒有加鹽。柚子的酸甜與蜆湯的鮮美相互融合，帶來了一種清新的口感和獨特的風味體驗。沒有加鹽的處理方式讓蜆的鮮味更為突出，而柚子的酸度則平衡了整道菜的味道，讓人感受到一種清爽😎白蝦是接下來的一道菜，它新鮮而鮮甜。首先享用原味的白蝦，然後再加上醬油，這樣可以更好地品味到白蝦的鮮甜。真羽太魚，即是和歌山石斑配紫蘇花，再加上檸檬汁的調味。這道菜讓人感受到魚肉的爽口口感，紫蘇花和檸檬汁提供了清新的風味，使整道菜更加平衡。縞鰺魚是下一道菜，它的鮮甜和咬口讓人印象深刻。這種魚肉質細嫩，口感豐富。炸白蝦是一道小食，讓人可以輕鬆地享受白蝦的美味。炸至金黃酥脆的白蝦外皮，口感絕佳。岩手縣赤貝和北海道白劍貝，爽甜口感👍👍八爪魚是另一道特色菜，八爪魚吸盤的醬油漬wasabi搭配，為整道菜帶來了微辣的風味，好

呢間omakase我已經Mark咗好耐，之前佢係銅鑼灣逸園中心已經好想食，一直搵唔到機會，今日終於食到，真係超級興奮😍呢間餐廳搬咗嚟呢個地鋪年幾，環境相當唔錯，重點係私隱度夠高，成個格調都好高級❤️前菜：黑豆、唐墨烏魚子, 鯛魚昆布漬, 螢光魷魚醋漬: 擺盤相當精緻日本三重縣蜆做既清湯, 清甜得黎又有柚子既香氣兵庫縣明石鯛: 用師傅調配既酸汁混合蘿蔔蓉,蔥,紫蘇花,魚味更突出熊本天草產縞鰺: 油脂感豐富而且爽口富山灣白蝦: 一杯已經有好多隻小白蝦，清甜爽滑沙甸魚魚苗：魚苗炸得相當香脆岩手縣赤貝+北海道白貝：赤貝煙韌彈牙，白貝味道夠爽甜北海道水八爪魚：魚生同吸盤各具特色，配合佢自家製嘅醬油漬wasabi，好味又過癮昆布醬油燒白子: 用醬油燒過, 增添佢既味道富山縣白海老真象同京都青椒仔: 用蝦, 蛋黃, 蛋白整成炸蝦丸, 口感好出色又彈牙壽司:愛媛縣平貝：呢個師傅當住我哋面前開，真係超級新鮮針魚: 肉質鮮嫩, 味道清甜金目錭：熱水灼過魚皮，食落去多咗一種煙韌嘅感覺櫻鱒：肉味香濃, 富有油脂神奈川池魚：肉質有彈性, 魚脂甘香福岡縣槍魷魚：師傅好細心，方便我哋咀嚼，切開一條條, 甜味滲出黎大分

朋友推介呢間omakase，離Time Square唔遠，位置都幾方便。師傅一人主理，環境雅緻，一共10個座位。今晚師傅精選唔少春日食材，先上頭盤，黑豆嘅甜好襯托到其他食材嘅鮮味，烏魚子配蘿蔔呢個食法幾特別。同其他omakase唔同，食完開胃前菜先飲碗大蜆湯，來自三重縣嘅蜆肉鮮甜無沙，師傅話個湯冇落一粒鹽但都好夠味。刺身有真羽太、縞鰺、白蝦、赤貝、白見貝同埋水八爪魚二食，樣樣都好新鮮，最深刻係水八爪魚嘅爽脆吸管，配埋勁度十足嘅wasabi漬，非常好食👍🏻炸沙甸魚魚苗作為間場小食幾有趣，脆到好似薯片咁～煮物有魚肉同大根，大根煮得好入味海老真丈冇平時啲蝦丸咁熱氣，但食得出真材實料鮮蝦味壽司有針魚、金目鯛、平貝、櫻鱒、池魚、關鯖、魷魚同拖羅等，最後亦有海膽手卷，當中關鯖最有驚喜，鮮甜嫩滑程度完全扭轉平時對鯖魚嘅印象。麵豉湯唔會過鹹，亦有好多蔬菜。甜品有士多啤梨同芒果芝士蛋糕，蛋糕唔甜，面層係芒果蓉好清新👍🏻呢間omakase定價合理，師傅友善健談，係聚腳好地方～

今日嚟跑馬地食omakase, Suzuro開業多年，由樓上舖搬到地舖，門面精緻溫馨$1880的omakase, 份量唔小。前菜有四款，有鯛魚漬、魷魚、黑豆同烏魚子，鍾意佢嘅鯛魚漬調味清淡，食到魚本身嘅鮮甜味。蜆湯隻蜆超大，湯頭只用本身海水嘅鹽分已足夠。刺身方面有真羽太、縞鰺、富山灣白蝦、岩手赤貝、北海道白見貝同水八爪魚，師傅show咗成條八爪魚腳比我地睇，好誇張😂😂😂😂刺身全部都好新鮮，自己以醬油wasabi調味就帶到個鮮甜味出嚟，最鍾意白蝦，爽爽地嘅口感。呢度嘅wasabi係磨出嚟嘅，師傅控制每件壽司個辣度控制得幾好，唔會食到標眼水。一路食嘅過程師傅都有同我地分享一啲日本飲食文化，真係長知識👍🏻壽司最鍾意中拖羅，魚味同油脂平衡出色。食omakase熱食都好緊要，呢度嘅海老真丈炸得好好食，小食沙甸魚魚苗都幾特別。最後嘅麵豉湯同甜品調味合適，唔會過鹹過甜，係好好嘅ending