妹記生滾粥品

營業中

休息中

酷熱警告高掛十多日，胃口反而冇乜減，不過米飯的而且確係食少咗。粥變咗主食...响排檔食粥，邊食邊流汗，仍然自得其樂魚腩經放响銅煲稍爆後再放入粥底，甜上加甜；魚仍新鮮，一D薑都唔使落，仍舊維持水準...老鋪卒之衝出旺角，已响上環開分店，可喜可賀...不過如果真係要食，都係返嚟呢度好D嘞，上環對我嚟講實在比較遠嘞...

最近，我同d同事一齊食lunch，大家都唔知食咩好，食來食去都是同一類。 有一次，我和同事經過上環街市，見到有張poster，寫住妹記生滾粥品(分店)新開張，我印象中雜誌常訪問佢..所以就上去試下喇..上到去我叫左碗魚腩肉丸粥和魚皮..第一啖食落去D粥好綿鮮甜..魚腩好新鮮一D雪藏味都無..肉丸非常彈牙..仲有D魚皮真係好爽口...價錢又合理..雜誌真係無介紹錯..... 三個字平靚正!!!

呢個熟食中心,的環境是首屈一指的殘舊,吹下牛角扇好有懷舊feel,全熟食中心食客不足十人,我都打個突嚟碗肉丸粥先,粥底棉滑,肉丸中有d菜圃粒,都幾好味碗粥內有十粒肉丸仔,都幾抵食

原本睇左今期飲食男女介紹妹記,睇到佢介紹個D粥好似好好味咁!好想去試下,終於今日我呀媽去左妹記到品嚐妹記既粥,仲買左一碗魚嘴魚膘粥&一條油炸鬼返黎俾我食!我呀媽一返到黎就不停咁讚D粥好好味,同油炸鬼好脆!咁我就滿心期待咁食粥,食左第一啖我都覺得好好味,佢D魚嘴都好鮮甜,魚膘都爽口!油炸鬼拎到返黎都好脆!點知食左大約三分之一碗,我見到一隻曱甴係碗粥裡面!之後就冇食到啦!其實我都知街市熟食檔會比較骯髒,但都唔好比我睇到成隻曱甴係到!但冇可否認既係佢D粥真係好好味,但係咁好味都冇用我一定唔會再敢去食!

胃痛的老毛病需不算是折騰，但若痛沒痛的不舒服都幾不安，似乎又是用Nexium的時候。這回來旺角，妹記的生滾粥是不二之選，市政大樓四樓，要乾淨的請不要來，除非你是為食非常的老饕。三點收市，三點一刻才到，高高瘦瘦的阿姐沒有不聞不問之餘還落力招呼，還把已排好的膠椅放下；阿姐絕不是緊張賺你的十元八塊，看出是對每個客人的重視，見微知註。打算點的魚飄粥阿姐說不夠一碗分量，不如加添其他材料，最後就來了碗魚飄魚雲粥，白焯魚皮。做法同出一撤，先爆制後放魚粥，生菜絲一把。這裡的魚粥底較杰身，而魚飄魚雲亦滑漏非常，另外魚飄魚雲的份量可用很多來形容，魚飄最小都有五件，沒有倒胃的腥燥味道；魚雲不是寒寒喧喧的丁兒幾小件，合起來可能是一整個鯇魚頭，吃來吃去都吃不完似的。魚皮夠厚之餘亦不會散散修修，比那裡的好。回想阿姐的那句，小心熱，慢慢食，服務不需懷疑；環境不用提吧，起碼先從窄窄的電梯，經過地下肉檔，二樓菜檔，三樓及四樓濕淋淋的地板及前後三排的其他熟食檔才到步，沒空調，筷子有污績，初初拍拖的拖友是考驗感情的一個關口；價錢是較為經濟，始終等價交換。

I've tried the 肉丸粥here and felt that the taste was very rich and the quality was good!May be the location is in the MK Market... I think that the environment is really bad... If you want to try here, please ignore the hygiene issue

來的原因，只求一碟魚皮、一碗沒記載餐牌的魚膘粥。在場的同事在千不甘、萬不願的情況下被拉到來，烈日下吃熱辣辣的生滾粥，事後想起，怪味十足。熟食檔環境可想而知，勝在迫硤兼而搭檯情況下，靚姐主動端來放袋的凳，環境麻麻誠意搭救。是日最後一客魚膘，來碗淨魚膘，靚姐說味太單調不好，也有道理，改作腩、膘粥。兩個爐頭，一個作長時間生滾，另一個時而生滾、時而贊酒「玩火」。一個煲蓋、兩個爐，一個生滾時另一個變作「有瓦遮頭」。粥底依舊的綿，隨魚膘添加酒香，薄切的魚腩甜而無添加泥味，少有的吃個沒停，近乎要追加的程度。用的非大魚，魚膘較「和味」的細半個碼，膘身膠質豐腴連著爽口的肌肉纖維，愈吃愈滋味，此品從來不會嫌多，若非限量供應的話，定會叫多碗淨膘粥滿足口福。前後叫了兩碟魚皮，妹記蔥、薑絲從來不會少，魚皮雖薄卻爽脆，又是粥的良伴，若非被同事制止，定會「再來一客」．．．check：餐後，早前喊生喊死說不要來的同事，邊吃邊問這裡收幾點:牆上大字寫著3pm。

這間妹記屈指一數,差不多與這間市政大廈共存亡.大大話話,小弟也吃了十多年.士別三日,門面人面依舊,老細由濃密的頭髮,煮到今天差不多甩掉七七八八.多年來,魚粥有魚片同魚腩選擇,要多個魚卜都無,其他的,還有及第同肉丸粥.照舊用生銅煲去爆魚腩,這個魚片肉丸粥,用不著去爆,生滾便成.粥底依舊偏稀,味道鮮甜,絕無添加,以前聽過妹記的粥底,是在大清早開店之前,用魚袋去煲足幾小時.這個傳統是否仍然堅守著,那就不得而知.肉丸內混合了榨菜,多一層爽脆的口感,微辣的味道.當然年來受到新興棧,鋮記等洗禮,妹記似乎再不是單一之選,不過人在旺角,吃粥得兩三間可揀.吃魚粥的話,還是妹記.單是爆魚腩爆到火光熊熊,已經值回票價.

時近年尾，很懷念已逝的雙親，也念起兒時窮困但一家團聚的日子。反正是年三十要買花，便在去花墟之前走一趟花園街，我少時住過的地方，尋回憶。早上八時半，太早了，整條街很靜，在以前住過的大廈徘徊一會，落寞地想起父親最爰吃粥，便到聞名已久的妹記去。記憶之中在住花園街時，還未有市政大廈，這是我第一次到此。要了口碑不俗的魚腩肉丸粥，只見爐邊那位大叔先把魚腩用薑蔥在鑊中快手爆香，然後放入白粥和肉丸加滾。首先嚐一口粥，非常綿、香和有鑊氣，跟着試魚腩，魚肉結實鮮甜(代表新鮮)無半絲腥味，而肉丸亦可口彈牙，由於混入了沖菜，所以十分惹味爽口。一口氣吃完整碗粥，很滿足，但同時勾起永不能陪同父親一起品嚐的遺憾。無論如何，這碗粥在這特別的時刻，豐富了我的回憶。我一定會再去，就算只是為了它的美味，也很值得。

想食好粥,要價錢平,又不介意環境的話,這裡是最佳選擇,不過就限時限刻,到下午二時後便沒有得吃了.今天差不多收市時才到,叫了至愛的肉丸粥,一分鐘便到,只因肉丸一早便用粥滾熟．妹記的粥份量不多，但肉丸郤有大約十粒之多，有拇指般大，又鮮味，又爽口，中間有少許頭菜粒，帶出治味的感覺．粥底綿滑有鮮味．只賣十八元．用心的製作，去那裡找？環境嘛，不須提了．

一直知道妹記的魚粥是十分有名的。不過好日都唔會3時前出到旺角, 所以一直無緣品嘗。直到有一天陰差陽錯地一早出到去, 就順便一試, 當了左件心事。一早決定魚卜做膽, 望下個餐牌, 見到得豬粉腸無豬腰膶, 半推半就地叫了魚卜粉腸粥。碗仔細細, 粥是滿滿的。魚卜不是完整一個, 而是已分屍開幾件的。我覺得咁樣做的魚卜無咁夠魚味, 也嘗不到魚卜那多層次的口感。粉腸就更失敗, 是苦的, 不苦的就不夠粉, 選擇錯誤。整體最好的, 是粥底, 隱約見到魚蓉的, 淨吃仲好食。食食下聽到兩名師奶傾計, "寫到明有及第粥, 就梗係有豬膶粥啦...", 咦, 係喎, 我原來豬兜左。正因那唔識轉彎的腦袋, 搞到我要夾硬哽埋那實在難吃的粉腸。

早己見到好記既好評, 今日終於一試~中午12點, 人不太多. 選了對住火爐既一枱, 為既係直擊魚腩粥既誕生.唸左一分鐘, 就要了魚腩粥, 無他既, 眼見哥哥仔剛從樓下街市拿來既新鮮魚腩, 即洗即劏, 仲唸?右手面既亞叔一手拿起鐵煲, 用上4, 5舊魚腩, 大火爆幾爆.隨即轉入一個銅煲, 加入白粥,起勢滾. 最後放上少量芫茜同生菜絲...未幾, 大大碗魚腩粥即送到面前.粥底頗綿, 由於加上鮮魚, 變得甜美非常.魚腩絕無腥味.正~是日天氣只有10度左右, 一口熱粥暖入心.真係令人回味..**貓貓長得肥肥白白, 大概係經常有魚食吧~

睇戲之前食過快飯，想起有一排冇嚟呢度，就順步走去..依舊叫魚腩肉丸粥，依舊叫碟油炸鬼送粥...味道依舊好，魚腩本身夠新鮮，再加上用銅煲爆炒過，一D腥味都冇，一D薑都唔使落，出色；肉丸質感夠實淨，味道偏鹹，夠晒味...粥底如果可以再綿D就冇得頂...

天氣終於開始凍凍地啦!係時候去一d無冷氣的地方食下熱粥啦~叫左碗及第粥加油炸鬼粥很綿..料亦很多很新鮮..仲要係好多tim~食完後沒有口渴的感覺~喜歡食粥又唔怕去街市大廈食野的朋友值得去試試呀!!

很久前已聽說過這間食店，可惜一直也沒有機會來試，見天氣開始有點涼，在沒有冷氣的食店食粥，也可以接受，早幾日便來試試了。我們叫了魚腩粥、魚片肉丸粥和魚皮。魚腩粥- 魚腩大大舊，肉質嫩滑，唔會煮得過火，魚肉都算新鮮，而且份量唔少，粥底煮得幾綿但味淡，如粥底加入魚肉一起來煮，相信會更加美味可口得多。魚片肉丸粥- 魚片切得太薄，雖然都算幾好，但就食唔出魚的鮮味，而且因為太薄，很容易煮得過韌，還是魚腩比較好一點；肉丸還帶有陣陣豬肉味，一食便知是新鮮做起，而且做得細細粒，一口一粒，幾好。魚皮- 爽滑新鮮，加上麻油等醬，又真係幾好食喎，但份量唔多。本來還想叫油炸鬼，但看到唔算新鮮，還是放棄了。粥的種類唔算多，好在質數幾好，可說是貴精不貴多的例子。