妹記生滾粥品

營業中

休息中

諸位食友說起來,我也想加把口,近來真的發覺它的水準下降了,肉丸不再好味,粥底沒有以前棉滑和香,加上一向不甚喜歡它的哂士偏小又悄悄地加了少少價,份量又不夠喉,最近已少去,初初以為自己錯覺,原來大家都有這樣的感覺,加上檔口沒有泠氣,那麼便更加不值得捧場了,如不加以反省改善,恐怕不會再去了.

以前貴一貴都會食，因為無論叫乜配料都好食。至愛佢地的牛肉粥，超讚！但係我始終都係鍾意係球場隔離的大排檔日子，但係光陰不再，少了份風味，連粥品水準都下降，慘!

無可否認，以前妹記好好味，好味到我返通宵放工返屋企前專登早落兩個站嘆返碗早晨粥品，但俾左個靚仔整配料之後，如肉丸，就開始衰了，肉丸裡的冬菜和肥豬肉越來越大粒，粥底也沒有以前的好，莫非一出名就水準下降係永恆不變o既定律？

終於到花園街買雀買魚,順路幫襯一下這間好評如潮的粥舖. $27一碗魚腩豬潤粥,以此地點算一點也不便宜. 銅鑼灣Sogo後的利苑也只不過$26一碗魚腩粥. 魚腩沒有利苑的滑但十分清甜爽口,豬潤也切得太薄但好爽甜,最重要是粥底是米心粥. 用料控制得這麼好,粥底竟然加味精,點解!!! 點解!!! 點解!!! 應該不會再幫襯. 痛心失望!!! 問了上粥的滑板少年,他也說有落味精,做粥哪位老板也走出來打招呼,十分有禮and very respectful.

又係行旺角，不過今次係自已食D野先。見時間巧合，拿林去呢間收3點的鋪頭試下。注意，係下午3點，你話平時點會有機會去到？同樣叫了魚皮，但魚肚沽清無得食。同樣係生菜頂，都係唔知點咁。魚皮同樣無味，有都係得豉油味。粥底則夠厚，非常唔錯。唔似係傳說中咁響朵。

我前幾日同我女朋友去左食..其實之前成日都想去食丫..但佢收好早..收三點=.=.. 成日都食唔到...咁我叫左魚腩肉丸粥...佢d 魚腩因為爆過.所以唔會散.食落好滑...佢既肉丸都好好味.但我個人鐘意佢d魚腩多少少^^..另外我叫左碟魚皮...好脆好爽...正^^...

二十八度熱到死, 都要去試試妹記的肉丸粥。$18, 有菜有肉, 肉丸都幾多, (肯定有8粒, 或許還要多D)大小適中, 一口一粒, OK,我估肉丸內可能有墨魚粒粒,因此特別香, 特別好食,菜最尾才加入粥,不黃仲有D咬口,最正係即叫即煮,無味精, 食完不口乾。環境就麻麻, 沒冷氣, 有D熱。未試過其他粥,下次會試試!!唔食環境, 食好粥, 必試!!!

星期六在出動前，人在旺角。天氣熱熱的，人也沒有什麼胃口，食碗粥就至適合。吃過金源、新興棧及和味，都要試埋呢度的。在旺角食粥，不來這裡不知去那裡才好。一點左右來到，無咩人。走去問過，還有腩骨，就叫碗粉腸魚腩骨粥多青。開放式廚房，大廚如在表演般一碗一碗粥在整，還有幾位年青人拿著長砲來影。粥果然多青，是蔥段不是蔥花，加上西生菜絲，正合個人口味。粥底綿滑，不稀不杰，剛剛好，亦清香，果然是有水準；粉腸略不夠粉，但全無化學成份，有咬口又不韌，其實除了魚腩，這裡的粉腸都唔錯的；魚腩及骨都下鍋用油略爆炒過﹝請看舖面相﹞，增加風味之餘亦去減低腥味。腩肉鮮甜，又啖啖肉，不過個人更喜歡腩骨，比腩肉更有魚味，但一條魚骨多肉少，通常好快賣晒，所以有得供應都會食。總結而言，比較起佐敦的幾間魚腩粥店，這裡的粥底是高半班，魚腩就在伯仲之間。但如果吃豬潤，金源又好一點。可惜有點咳，如果不是一定食埋魚皮。兩位阿姐服務好好，有求必應，要求加點薑絲，她是盛滿一小碟的拿來，還說不夠再加，李景的上下員工連埋景叔都要來看一下什麼是好服務。埋單27蚊，粥底有水準，喜歡吃粥的不可不試。題外話：試真點，其實這裡的粥底也下少少味精，不過旨

上次食完肉丸粥念念不忘佢既靚粥底朋友仔聽我講到咁好叫我陪佢黎試下叫左個魚腩粥同皮蛋肉丸粥粥底一樣咁甜食完唔會口渴而且比上次杰身更討好魚腩有五六大塊件件都厚肉但略嫌有少少腥(因為我係極度怕腥既人)有好多生菜絲同蔥絲舖面唔錯但個人都係鍾意肉丸粥多d試下一件朋友仔既皮蛋一般貨色無乜特別但肉丸佢都話好好味

今日同屋企人又去妹記試下其他粥.早上時段人少好多,招呼亦比較好.叫左肉丸粥,魚腩粥,粉腸肉丸粥同埋豬魚片粥.今次魚粥底好杰亦好香甜,豬幾滑無根,但肉丸就比較實,粉腸同埋魚腩就一般.整體上ok啦,建議早上去好d.

今朝係度食左碗肉丸魚腩粥$27---粥底不錯!但可再綿再杰一點,肉丸亦可以,挺彈牙!魚腩只是一般,和味(佐敦)d魚粥好過呢度,灼魚皮$13---這個倒不錯!魚皮夠爽夠滑,點魚露食一絶!

中午黎左開飯叫左個肉丸粥粥底勁綿又有魚既清甜味肉丸有咬口又彈牙梅菜混入肉丸中唔會好鹹又香雖然食到有肥肉粒混埋一齊但一d 都唔覺油膩好好食食完成個下午都唔見口渴相信師傅唔多正!!

同太太食完麵,根本唔夠飽,轉頭走上去食粥,畢竟好耐無黎,成日係生記食,咁啱途經,轉食魚腩粥,用油拖過會香D,不過變左無生記咁滑(生記係咁落粥到),再加D蔥一齊食,你會感覺到用魚湯做粥底既粥,能夠令魚味更加鮮甜.,好野!

下晝兩點去開旺角,見呢度咁多食家推介妹記,於是走去試下.去到見到坐好多人,兩點鐘重有咁多人食應該唔慌差得去邊.叫魚腩粥,阿姐話賣完,於是叫魚片及第粥,居然話所有魚都賣完,剩番魚骨,真係誇張!!所以結果叫肉丸粥,肉丸粥一碗有八粒肉丸,肉丸唔係好大粒,但十分爽口,入面重好似加馬蹄同梅菜,令到粒肉丸好好食,另外粥底都煲得好綿.整體來說好正,下次一定要試下魚腩同及第粥先!

魚腩肉丸粥粥底超綿,有魚的鮮味,魚腩新鮮鮮甜,分量十足,成5-6舊,大大舊.肉丸是自製的,細細粒,好好食.另外,仲有鮮魚皮,看上去像是用鯇魚造,加埋薑絲蔥絲一齊食,鮮味爽脆.這裡沒有冷氣,夏天時比較熱, 可以坐近升降機大堂位置,那裡反而有冷氣,不用擔心,很小人出入.其次這裡食物日日新鮮製造,通常下午兩三點島賣完收檔,鮮魚皮更加早賣完,請注意!