妹記生滾粥品

營業中

休息中

自從過左上環上斑之後,好耐無食,早幾日經過,點都要食返碗,老實講,我話過係香港島要去'生記',係九龍要去'妹記','生記'粥底好似係用豬骨'熬',而'妹記'係用鯪魚煎到出油然後加上白胡椒,果皮等煲湯底再隔'渣',用d湯煲粥,嘩,你話要幾多工夫!但平心而論,牛肉無'生記'咁滑,好多蔥頭,個人唔係咁鐘意,不過都好好味,但版主食過話一般,可能大家口味唔同啦!

今日下午要到太子，中午前已到旺角，因為想食粥。十二時許人流一般。最擔心售清的魚皮仍有存貨，看來是太好賣，量產了。要了魚腩粥加魚皮。魚皮分量合格，羌蔥則比佐敦的某魚粥店少。入口，爽脆彈牙如惜，只是這個已值回一天辛勞不快的代價。要說一下，此味其實不是生的，是用滾水略略「桌」過(忘了正字...)，所以魚皮會捲起，但仍不失鮮味。魚腩粥的魚腩下過油鑊，浸在粥內這麼久仍有咬頭，但肉味略淡，不及某魚粥店。下之叫及第或肉丸好了。粥底則是沒話好說的，鮮甜得沒有道理，但又肯定不是師父。棉棉的自是不在話下，只是個人認為水多了一丁點。或者可以叫厚底?油器應該是交來的，沒有叫。我時常對朋友說，在旺角想吃粥，不去妹記，雷公劈!

今早去花墟買花，順道先去各位大家推介的粥店。早上10:00人一點不多。魚腩很肥美，有獨到甜味-不肯定有否煎過，因沒有見到那怕人的生油浮面。但那綿綿的粥一入口感到有些少味精。我希望衹是魚腩的醃料吧了。同是HK21筲箕灣"永祥"的粥絕對比不上。

今朝晨咁早就要開工去廟街補番D相，聽聞呢度粥唔錯，所以就來吃早餐。早早來到，已經坐了不少人，仲有不少是街坊，看來水準不會低到那裡。叫了魚腩粥，係唔錯，粥底煲得好，魚腩又鮮味，可惜今朝有點回暖，如果唔係涷涷地的朝早食碗有份量的魚腩粥，真係會好滿足。21蚊，係有D貴，但食靚粥就要咁上下價錢。見仲有鮮魚皮供應，下次來到一定要試。

諗住食得清淡d, 於是就去o左食粥, 街市地方, 坐得緊係唔會太舒服, 一坐低, 就叫了魚片肉丸粥, 大約一分鐘, 粥就到, 效率超快, 可能因為無咩人o既關係掛, 魚片無咩特別, 不過d肉丸好正, 雖然只係細細粒, 不過好有咬感, 小妹諗應該係自家製的, 粥底都幾綿, 下次幫襯, 會叫肉丸粥算數, 因為起碼平$2

本人因家庭的影響，自己就好鐘意食粥，由細到大經常都食粥，長大後就未食過好味的粥品店，海X 粥店之流就不用多說，送也不去。<br />講番正題，昨夜有個朋友打電話給我，去食碗粥呢，正想拒絕之際，朋友說不會令你失望的，一口答應。<br />今天早上醒來，乘車到旺角，一見，客人不多，不似是長龍店，可能非典的關係啦。<br />一坐下先來一個魚皮，一個字：「爽」<br />朋友說介紹下有三種魚皮：大魚，鯇魚，魿 魚。<br />有足夠的薑絲蔥絲.....正<br />來一碗魚腩肉丸粥...<br />聞說粥底是用兩種魚煲的....好綿...<br />不過我發現多一樣...應該是支竹...<br />魚腩是用油泡過的...有濃濃的酒香....<br />肉丸應是自製的，有口感...<br />不過就沒有冷氣...暑天就一定十分熱。

妹記既粥我由細食到大架~由我細個麥花臣球場附近既大排檔到佢地上到去街市，我都一直咁支持?!!!無他既~因為佢d粥實在好食~我男朋友由唔鐘意食粥，到因為上去食完之後變得之後叫我同佢上去食，你話佢有幾大吸引力呢~佢地d肉丸同埋魚云粥係最出名既，不過呢，其實做得最好都係佢d粥底。唔好以為佢地下午三點就收之後就好得閒呀，佢地其實今日下午就要準備好聽朝要賣既粥架喇~我次次都會食佢地既白粥，真係好好味，仲有就係叫豬潤粥，一定要推介俾大家呀!雖然佢地既環境真係麻麻，但係自問鐘意食粥，但係冇去過呢間既話，咁你就唔可以話自己鐘意食粥喇~!!!真係要去試呀~佢地朝早六點開，多數三點前就賣晒架喇~

妹記的粥真係好味, 請看她的生意好到不得了, 午後兩點便賣完, 我覺得肉丸粥尤其好, 別處吃不到, 份量又足, 比起什麼自稱粥王的好得多, 魚腩粥真是用心做的: 先用羌爆香魚腩, 再用粥滾熟, 這是別家店子不會做的o 可惜沒有泠氣o 但總的來說就是: 好!好!好!

小妹由細到大都係妹記o既fans。呢度粥低超濃超甜，食完次次都鬼死咁口渴；有次我問佢o地係唔係落o左味精，嘩！反應好大，佢o地話真材實料o既俾我話係味精，幾乎連門口都出唔到。呢度最出名o既係鯇魚；不得不試o既有生滾鯇魚腩、魚片粥。若果接受到食鯇魚皮o既，呢度D鯇魚皮好好賣，通常只係留俾熟客。有次呀，我重見到有人食鯇魚生，你都米話唔驚呀！其他o既生滾粥都好足料好好味，好似及第呀、艇仔呀、肉丸呀、滑牛等等。至愛o既重有豬潤同豬肚，無腥味，其他粥店好難食到咁o既水準。呢度無冷氣，夏天o既話底得熱先好去。重有，下午兩三點賣曬D粥就收爐，要試就診早啦！

鯇魚片粥用料正,火路足,令人回味但對於口感淡的我,粥底味道太濃了

這是另一間旅遊協會品評的小食店,雖然係位於市政大樓,但呢度d 鯇魚粥,真係好滑呀~~實為人間美味,粥底都好滑,好味好味,食完可以行出去睇下d 老人家養o既雀鳥,係帶朋友嘆食的好食處.不過好似無夜市喔.

邊個話市政大樓無好野食~ 睇下你識唔識搵啦~ 呢度鯇魚粥係我食過最正的~ 仲有生鯇魚皮好多人聽到都腳軟 但係你夠膽試的話, 包你話正~!!