妹記生滾粥品

營業中

休息中

今天來旺角找吃的，要在旺角吃平東西，真的談何困難，第一站來吃碗粥，而這個妹妹，我也是第一次和它碰面。和女友來到時只有兩三位人客，由於還有很多東西想吃，所以只點了招牌的來吃，就來碗魚腩肉丸粥吧，由於客少，所以等了一會兒也有得吃了。見着伯伯煮粥，其粥真的是生滾的，加了生的魚腩及肉丸，再舀一大匙羹粥，煮沸了就端上我們的桌子上，也舀兩羹望一望，也有四至五大件魚腩，由於魚腩是生滾的，所以魚腩的肉是非常之滑，亦很有鮮魚味，而且一點淡水魚常有的泥腥味也沒有，骨多但不難肚，單吃魚腩是不錯的，可惜的是粥底本身的味道有點假，有味精，其味道是濃得吃不出米香了，粥底雖然夠綿，但此點已經是大大扣分了，至於豬肉丸，總共有六粒，粒粒也很有咬口，而且有強烈的古月粉及豬肉的味道，是吃得過的。一碗足料的生滾粥，三十一元其實也不算太貴，但有師傅就真的不大高興了，所以也真的不大明白為何會咁出名，當然不算是難吃，但一定不是我碗粥，所以這個妹妹，在我心中沒有很高的地位。

肉丸皮蛋粥: 我幾中意食佢既肉丸, 加左d冬菜之類既野, 好好食;皮蛋大大塊落得好重手; 粥底就未必夠綿不過夠甜

六月二十一日天氣炎熱,又到假期,因要往旺角買點東西,想吃一碗粥,便來這邊的熟食檔,坐在一個涼快的位置,叫一碗魚腩粥.二十六元價錢來得有點貴,食粥不趁熱吃就會失去其原味,粥面鋪上生菜,蔥看似沒有魚肉.但其實內部放了數大片的,粥滾得恰到好處,不是稀粥,魚肉來得爽滑,放下去煮的時間來得不俗.一碗也差不多吃不完.吃完也埋單繼續行程

2009年02月22日，08:15是日太座姪女出閣，大魔怪專程回港做姊妹。早上送大魔怪到酒店，便來這裡用靚粥做早餐。要了魚腩粥，火光過後，粥便到位。粥底：鮮甜和綿，魚腩：油爆魚腩，提升了魚的甜味。晨早時段，這魚粥名店，不僅有熟客，亦有不少人慕名而來；祇見長短火齊出，不停拍攝師傅的表演。妹記始終是我碗粥大家請留意營業時間：06:30 ~ 15:00

I'm always breakfast here on Sunday by around 12:00. Mainly winter time because its too hot there on summer time. Actually I don't eat fish 粥 in every where. And I've never eat any fish 粥 in here too. But their 粥底 are already using fish soup too make. So the tast are abit different to others. Will be abit sweeter. In here everytime I'm only order their 肉丸粥, Because their 肉丸粥 are abit different. They having 冬菜&大地魚 inside. Tast very good. And my parents and gf will order their best making 魚腩粥. I'

來了兩次都”pok”空，原來三時半就收工，羨慕不以。星期日下午終可一試。三人分別叫了魚腩粥、及第粥和豬膶粥；油條又淡又乾，而且我在其中一塊發現有隻小甲蟲。不可接受！(地方已頗不潔 -- 這也早預了。)魚腩粥 -- 魚腩新鮮清香，完全不”sang”，但只得五件，不夠多。及第粥 – 足料，鮮甜，肉丸實實的，粉腸乾淨。豬膶粥 – 很爽，大大片的，如果厚些會更有質感，現覺有少少欺場。粥底不太棉，有點兒稀的感覺。奇怪地，每碗都帶少許(丁點)甜味，我不大喜歡。食完後，我們看到師父的煮粥手勢，非常厲害，可以將粥料放在銅煲內，燒至搶火，手快快地再落粥底，前後只約十秒，勁！！

零九年二月上旬早餐要買碗魚粥外賣，看看錶還未到十一點，街市妹記應該仲有魚膘粥吧，電梯修理中，由乾貨店走過肉檔左穿右插才上到來。回暖天，以為吃粥的人少了，魚膘的出現率應該比較高吧，點知靚仔話賣得七七八八了，改雙併吧，最後要了魚膘併魚腩。外賣的特別吩咐師傅粥愈熱愈好，開粥後，起手就下蔥、酒爆魚膘，粥差不多夠熱，溝在一起，過程幾分鐘比煮碗麵仲快。搭了半小時車，打開來小試一口，粥雖然凍了一點，但還算暖熱，魚卜同魚腩帶點老牌味道，粥底吃得出用過魚湯來煲的，是碗煲得夠身的米花粥，談不上綿滑但已是旺角區內最老實認真的廣東粥了。老實的粥品（雖然唔排除有少量師傅），還是會再來的。

我坐正廚房向出的正中位，眼定定望向煲粥師父，心想原來煲粥可以咁熱血沸騰，師父的手勢好快。先將粥灌入爐頭上的鍋內加熱，再將肉類(魚肉除外)放入另一個乾鍋上用爐火燒一會(會見到乾鍋着火)，然後將肉放入粥內上蓋。不一會，我叫的肉丸粥，來到！肉丸細細，可以一口一粒，有馬蹄係入面，幾爽口。粥煲得夠錦，開晒花，真係直得一贊，只是稀了少少，一碗不夠，要來多一碗(真識做生意)。整體都好好，好味道，好快手(煲粥的師父)，食到我都熱血沸騰，因為街市熟食中心無泠氣，不過好值得一試。如果你食慣連鎖店阿姐煲既粥，覺得無驚喜。

昨日刻意早d出門，就係因為要到「妹記」食返碗魚腩、肉丸粥。早上9點半左右到達，這刻熟食檔的人流不多，但「妹記」都已坐有捧場客。我就搵左張靠邊的桌，準備吃我喜歡既魚腩粥、肉丸粥~等左一陣，魚腩粥、肉丸粥到喇，嘩!!! 份量唔少喎~ d魚腩好大件呀，比起新世紀food court既「好好粥麵」簡直係無得比﹗﹗﹗食第一啖已經叫「正」! 粥底好甜，應該係用魚煲既，總之就好鮮甜。魚腩就真係無得頂﹗﹗﹗魚腩好滑，食落去就知d魚好新鮮~肉丸數量又多，味道又係好好，食得出丸內有冬菜，真係好「正」~天氣開始涼，我估我都係時候多d早起，為的就只是兜一兜去歎碗靚粥，然後才工作吧~

見到咁多食評，好似好正，我都成日食粥…所以不得不同小朋友二人試上一試！唔知食咩，最好食及第粥，咩料都有齊…魚腩及第粥﹕粥底 ok ，唔算出色，用料唔係好好，唔太新鮮…失望！粉腸未洗淨，有沙，肉丸同灣仔華記無得 fight.....失望油條﹕5蚊雞，但係唔係一條上，cut 好一碟碟，每碟只有半條，有 d 受騙感覺。收費貴…用料食味一般！唔抵唔特別好食，應該無下次！

旺角工作, 上黎openrice 睇下有咩食見到妹記粥, 原本唔喜歡食魚0既我, 都今日都即刻買返個招牌魚腩肉丸粥試真係好貴, $30魚腩真係無魚腥味喎!肉丸有兩種味, 有五粒左右, 都OK, 不過細粒左但粥底就.... 好稀!! 總體不過不失, 不過唔會再買魚腩粥

隔夜的大龍鳳熱鬧過後,餘韻未散,背著汗水來到花園街熟食中心"妹記",來一碗好粥調理一下.吃過多年,魚腩魚片肉丸吃勻,係未吃過粉腸,早上來個魚腩拼粉腸粥,比別人吃得幸福.例牌將魚腩放在銅煲內,爆到火光熊熊,愛魚腩多肉,嫩滑帶點肥美.用猛火爆過之後,魚本身的腥味草味盡去,留下著魚腩的鮮味.粉腸真是很粉,粉得來爽口.再嚐在大清早未開檔,已經開始煲的香甜爆花粥底.常吃茶記ABC,或"美國餐廳"歡樂早場的你,覺得如何?

見到咁多人話呢度d粥正就去試下.我ordered左豬肝粥.覺得個粥底d味太憹,搶左豬肝本身既味.麻麻地啦.不過試過一次就夠喇,唔會再去.

我是一個大汗的人,今天但給為食蟲佂服了,明知那裡沒有冷氣也要直闖,未坐下己經內心戰鬥,卒之鼓起勇氣,叫了至愛的肉丸粥.過往有些枱擺在電梯邊,可以收到下面寫字樓的冷氣尾,今天都給熟客佔了.出面可能是太熱了,午餐時間只有十個客也不到.十分鐘左右有得食.肉丸是如常的精彩,口感上佳,有豬肉的鮮味,咬口,和別處沒有的大頭菜粒增加鮮味,但粥底綿滑之中郤有少許怪味,是以前未試過的,又說不出什麼不妥,於是草草吃完便埋單走人.已經汗流浹背,秋涼再見.

前幾日 朋友突然帶我去旺角街市我以為是去圖書館..原來係去食野試左:魚片肉丸粥魚皮(凍食)那些肉丸又爽又彈牙...超正那些魚皮 不是炸的..而是灼的...加上少少 蔥茜吃 ..超爽最衰只係開到三點