妹記生滾粥品

營業中

休息中

2011年4月3日，13:10太座的一個失誤，星期天的早上。腳貼著跌打藥的我，跑遍中環、跑馬地、旺角。人餓了，要開餐。到了昨晚摸門釘的老店。午後客人仍不會少。衹老師父不停舞動著銅煲，一碗又一碗的靚粥上檯。要惦念著的魚腩粥。粥底仍舊是綿滑。唐生菜清甜自然，蔥段辛甜。油爆魚腩，仍舊那麼甜美。老字號，總不會叫我失望的。‘題外話：這店算是我在OR粥跡的起點，轉眼又踏上第八個年頭。食店、食友都不停在改變，地球是要轉的麻。

妹記是食粥的首選. 我们好不容易才找到妹記! (妹記是在花園街市政大廈四樓，地方都比較殘舊)我们就点了鱼粥做早餐, 魚片粥: 好足料，生葱絲和薑絲好新鮮，魚片鮮甜在﹐冷天下吃一碗熱粥一种享受!

之前都提過,係港島區食粥,個人會首選生記,而係九龍,就一定係妹記,不過最可惜既係妹記成日早早收檔,想食夜粥根本無可能.話說妹記係以魚湯做粥底,所以帶有一朕魚鮮味,配上魚腩真係絕配,但個人始終喜歡牛肉粥加薑,再灑上大量生菜絲.講真, 廿蚊左加一碗,實在抵食,牛肉醃得不太過份,蘸點胡椒粉豉油一齊食,一流.粥底又綿又開米花,充滿鮮味,不過有時師傅稍重,水準不太穩定,另有生魚皮提供,不過個人怕怕,都是少食為佳.

想起很久沒有食過粥了，可能很多時食完之後非常飽但過了一段短時間就會肚餓的關係，很多時午餐都去了食飯，但又懷念這裡的魚膘粥，見天氣涼涼地就走來這裡食我喜歡的魚膘粥。妹記是在花園街市政大廈四樓，地方都比較殘舊的，可能是樓齡都有二三十年了，充滿了傳統市政大廈的風格，衛生程度一般。早上來到時人客多數會去來到妹記食粥的，因為其他的食店都未開門，而顧客都是一班上了年齡的公公婆婆，想必是老街坊食了這樣多年對這一間店的感情了。望一望餐牌粥的選擇都非常之多，有傳統的及弟粥、肉丸粥、豬潤粥或是魚腩粥，而材料可以任意配搭，還有一些小食例如油條、魚皮和腸粉等等，加上今次我才見到的有咖啡和奶茶新加了。食物的選擇多了，而粥的價錢在熟食中心來講是偏貴的，有時雙拼要過三十元一碗的。來到妹記如果早的話一定要試魚膘粥，所以就叫了肉丸魚膘粥、魚腩粥、油條和魚皮。肉丸魚膘粥($28)見老師傅先用薑、油、酒爆香了魚膘先，然後才將粥放入材料內，這些就是這裡的粥這樣好吃的原因，先爆了魚膘令它們不會腥而更加香和入味，這些都是傳統廣東老粥店的做法，當然魚膘本身的煙煙韌韌的感覺也是一流，而肉丸也是非常好味，爽口彈牙的感覺和食落非常有肉香

天氣突然轉冷，氣溫急降，在這天寒地凍的日子，吃一碗新鮮而熱騰騰的靚粥，最好不過。趁著這日不用上班，決定到來試試這裡得到甚多人讚賞的粥品，順道辦點私事。晨早的市政大廈，熟食中心內其他食店多數還未開業，但這粥店已有不少客人在幫襯中。坐下之後，看看餐牌，以熟食中心的價錢來說，這裡的粥品價錢可算偏貴。不過正所謂「一分錢一分貨」，這裡的粥品既然收費比一般的街坊粥麵店相對地高，相信質素總會有一定保証吧！叫了碗「魚腩及第粥」，盛惠$33，純以位於熟食中心內的一間平民粥店來說，這價格絕不算便宜，幸好這粥原來份量十足，總算物有所值。坐在粥檔前方不遠的座位上，看著這店子老闆忙碌地煮粥，心中不禁想著一句老話：「一粥一飯，當思來處不易。」老闆以純熟的手勢，貶眼間便在耐熱的銅煲內把粥煮好，正好證明了「工多藝熟」的道理。熱騰騰的靚粥隨即送上，這粥的材料貨真價實，大量的魚腩加上每樣最少兩件的豬及第（豬膶、豬心、豬粉腸和肉丸），使這粥的粥料顯得十分豐富，粥上面還下了些生菜絲，為這粥增添一抹綠意。呷一口生滾粥，粥不算十分綿，不過卻帶有一股特別的鮮甜味，與別處的粥底似乎有點不同，也許這店所言以魚湯熬成粥底是真的也說不定。

魚皮（＄１５）：好爽, 一d都唔腥仲要好有鯇魚鮮甜味。　魚腩粥..白白滑滑。啖啖肉.好足料，生菜絲和薑絲好新鮮。

秋風起，去熟食中心都很涼快試左個肉丸豬潤粥　（＄２３）：肉丸起膠應該係手打，都幾好味，豬潤熟得岩岩好，個粥底都ｏｋ有ｄ生菜絲咁。仲同人share左個爽魚皮（＄１５）：第一次食爽魚皮，真係好爽=.= 估唔到魚皮係可以咁爽, 一d都唔腥仲要好有鯇魚鮮甜味!　下次會試鯇魚粥同腸粉

妹記在旺角的粥店排名很高，一直想到此一遊．今天到來，叫咗廚師推介：魚片及第粥　（＄２５）: 好足料，生菜絲和薑絲好新鮮，鯇魚片鮮甜，豬潤爽滑，粥底綿，如果淡少少仲好．腸粉（＄８）: 齋腸加甜醬，麻油和豉油，但芝麻唔多. 粥熱辣辣，街市好似沒有冷氣，食到我不停流汗．

今日老婆話想食粥, 咁上黎CHECK下有邊間好食. 見到話價錢大眾化, 評價又高, 所以行成20分鐘都試下...點咗個出名既肉丸牛肉粥, 老婆原本叫皮蛋瘦肉粥, 但係冇鹹瘦肉, 結果叫咗皮蛋肉片粥.睇個煲係用銅造既, 傳熱夠快. 而感覺比較傳統, GOOD.肉丸牛肉粥 - 粥底夠綿, 肉丸勁彈牙, 好似都有4-5粒, 細粒D但都好正. 牛肉仲有微量血水滲出, 唔係全熟 - 全熟就過硬唔好食, 所以都幾好!皮蛋瘦肉粥 - 老婆話冇乜味.但係用師傅係一敗筆... (因為光顧完之後冇耐就口渴...)

要去旺角買野.又想食得清清地.依間算唔錯的選擇.位置在街市上面.大排檔咁款.多張大圓桌.基本上唔怕無位.仲可以見到佢用火爐煮呀煮.有時仲見到佢地即劏魚.2邊肉起晒.魚頭魚腩魚尾一眼睇晒.流晒口水.外面有露天花圃仔,空氣流通.仲用緊大大把鐵風扇.細個見好多.依家越來越少..前排成個熟食中心大修.家下光左又乾淨左.可惜只開早午市.牆身以前貼左d 報紙.有寫用魚整個粥底出來.粥底好棉.不過這裡叫粥要留意佢有分有冇酒味.像這次叫的肉丸粥是沒有酒味.但魚腩粥有酒味.很香魚卜都要問有冇貨先.因為經常無.魚卜肉丸粥.大約有3到4舊魚卜.好好趙.食得多會好滯.所以依個份量唔錯岩岩好.肉丸一向好食.細細粒.像自己手打..有點似貢丸.一碗有好多粒魚腩粥..白白滑滑.厚切啖啖肉.不過多骨要小心.最正都係用酒煮.好香魚皮我至愛..透明.好爽~搵隻豉油碟加d 豉油胡椒粉.加幾條薑絲幾條蔥.然後一片卷曲魚皮包著大量薑絲蔥入口.正!這裡小小一碟很快食晒.不過小食多滋味.唔使太多..油炸鬼.切好晒.放係到一定是涼的.硬身少少.不過間唔中食下都唔錯.都係放入粥到.等一陣食最好2個人都食左7x 蚊.無法.乜都加左價...

LUNCH時間,唔知食咩好~就坐車去左旺角妹記試一試(因為聽左佢個名好耐)~~是日點了肉丸牛肉粥$23肉丸幾好食,但味道可以再重一些,不過用肥豬肉混合而成,我不喜歡呢!!!!粥底味道頗淡,夠綿但我覺得稀了些魚腩豬潤粥$(忘記了)魚腩一般,豬潤爽爽的,都幾好!!小食方面:魚皮$15很脆很脆,但沒有味道,只吃到薑味~~整體而言,可以去試一試~地方尚算乾淨,有很多風扇(但吃到一半,你會發覺都很熱)P.S沒有冷氣記得喔~~營業時間上午7:00至下午3:00~~~要試記得趁早呀!!!

食妹記既機會真係可遇不可求而家仲有咩食巿可以咁串三點就收鋪?晨早考完試口淡淡見咁岩係附近落車,就上左去妹記叫外賣最愛的豬潤魚腩粥囉到返屋企都仲係熱辣辣其實粥都有好多種,唔係一定要好綿先叫做最好既好多地方都要加腐竹先做到妹記d粥睇落去好似好希,其實好鮮甜唔睇過其他食評都唔知原來鮮甜係因為用魚湯煲粥底真係唔覺有味精個人認為如果淨係魚腩就會太清淡加埋豬潤既香味同粉粉地既質感就岩岩好果幾條生菜仔少就係少左d,但係個少少脆脆既口感就有畫龍點睛既效果(就好似點解魚肉要配生菜差唔多)貴就係貴左d,不過一年都食唔到幾多次,唔差在啦!

由於媽咪唔係幾舒服，所以去完church之後就黎左呢度食粥當午餐。呢度一直都幾出名下，而且知佢只係做到 3 點就收檔，所以遲d黎食都食唔到。我地黎到既時候都係眼見佢呢檔幾乎最多人。呢度真係只有粥，最多俾多個油炸鬼你，無炒麵腸粉其他野，不過今日我地想要油炸鬼佢都話賣哂，咁唯有叫粥算數啦。我地一人一碗，要左碗狀元及第粥同埋腰膶粥，分別係$21同$25，貴唔貴就見人見至啦，普通啦，唔係貴都唔係特別平囉。等左大概 5 分鐘多D就有得食啦，佢既份量一般，唔算特別大碗，不過真係好熱辣辣，要慢慢食先食到。粥底唔算好綿，不過都食到少少米香既。食落去真係幾濃味，唔知佢真係咁香定係味精成份居多，不過食完都未至於會覺得好口乾。反而覺得佢D材料幾好食喎，食及第粥就係貪佢咩料都有，豬肉丸個人覺得幾好食，因為食落去有口感，唔會係好淋，而且有好香既肉味，再加點點胡椒味道既感覺，唔錯。另外豬膶切得幾薄，食落好軟熟，唔會好乾好硬咁。粉腸食落粉粉的，但好乾淨，佢同豬腰都唔會有怪味道，大部份材料都唔錯食得過。佢只係專做粥一樣食品，如果咁都做得唔好咁佢都真係有D問題，不過都真係食得過既，係旺角想食粥既可以考慮黎呢度。

這店雖然位於街市內最頂層的熟食市場內﹐環境當然不可與其他餐廳相比﹐但衛生情況尚算滿意﹐枱枱櫈櫈及地下都蠻乾淨。 在雜誌及電視都已聽聞這粥店的介紹﹐當日亦見到他們將各報章有關他們的報導貼在店旁供食客閱讀。 是日下午來到﹐坐下才發覺他們出名的魚腩已沽罄﹐連油條也沽罄。 因而只點了豬膶肉丸粥。 豬膶三四片﹐肉丸五六粒。豬膶肉質爽口﹐咬落脆脆﹐沒有半點怪味。 而肉丸不是平時打邊爐那款﹐而是自家手打那種﹐但肉丸內混了不少的肥豬肉。 粥底味道蠻有鮮味﹐吃不到很重的味精。因這店下午三時許便關門﹐所以下午來到時很多食物已賣完。但粥品的質素不差﹐冷天下吃一碗熱粥很溫暖﹐但如熱天或尊程來試就不必了。

今天來旺角找吃的，要在旺角吃平東西，真的談何困難，第一站來吃碗粥，而這個妹妹，我也是第一次和它碰面。和女友來到時只有兩三位人客，由於還有很多東西想吃，所以只點了招牌的來吃，就來碗魚腩肉丸粥吧，由於客少，所以等了一會兒也有得吃了。見着伯伯煮粥，其粥真的是生滾的，加了生的魚腩及肉丸，再舀一大匙羹粥，煮沸了就端上我們的桌子上，也舀兩羹望一望，也有四至五大件魚腩，由於魚腩是生滾的，所以魚腩的肉是非常之滑，亦很有鮮魚味，而且一點淡水魚常有的泥腥味也沒有，骨多但不難肚，單吃魚腩是不錯的，可惜的是粥底本身的味道有點假，有味精，其味道是濃得吃不出米香了，粥底雖然夠綿，但此點已經是大大扣分了，至於豬肉丸，總共有六粒，粒粒也很有咬口，而且有強烈的古月粉及豬肉的味道，是吃得過的。一碗足料的生滾粥，三十一元其實也不算太貴，但有師傅就真的不大高興了，所以也真的不大明白為何會咁出名，當然不算是難吃，但一定不是我碗粥，所以這個妹妹，在我心中沒有很高的地位。