妹記生滾粥品

營業中

休息中

聽過什麼叫意猶未盡嗎？既然在旺角轉，先後吃過義順通粉及明記車仔麵，心血來潮下，見尚有時間，竟然跑到市政大廈的妹記。一直以來，上環生記及旺角妹記都是心水之選，當然還有生記的分店及油麻地的新興棧，都是值得跑一轉的好地方。妹記每日未天光已經用魚來熬湯，然後再用來煲粥，好幾個小時下來，那有不好吃的道理，這$30值得比，總好過一碗餐蛋麵，就算用到出前一叮，加杯飲品，已經收你三四十蚊。除了魚腩粥外，牛肉粥都是一個不錯的選擇，用上單料銅粥，火候平均，每個都是特意打造，令牛肉灼得恰到好處，吃起來嫩滑可口，肉味又不會流失，少許血絲都不怕，粥底鮮甜味美，加上大量薑蔥花，更加令人吃得耳仔「郁」。如果不怕死，這裡有少見的鯇魚皮，沾上豉油及薑蔥絲，是難得的傳統風味。$50左右，吃到人家的拿手菜，夠划算了吧！

今日黎左妹記食粥,平時都好少食,不過依到既粥都真係幾吸引,今日叫左及第粥,佢個粥既粥底做得好綿, 米粒都煮到開哂,最緊要係夠哂熱辣辣, 在佢個及第粥就有有豬膶,肉丸,豬腸同埋豬心,食及第粥最好就係因為佢一定係生滾,一定係即叫即煮,因為個D料一煮得耐就老唔好食,佢個豬膶全部都係用黃沙膶,夠哂薄煮既時間岩岩好令佢唔會太硬, 入口口感爽爽地,幾正。肉丸方面就比較上細粒,不過肉質就夠哂結實, 似係手打唔似黎貨;因為佢個豬肉味非常香,仲有少少馬碲粒令佢個口感爽口D,之後就係豬腸,食落無咩腥味,不過唔夠粉,都算唔錯既,最後就豬心,夠哂薄身, 雖然口感偏硬,不過都唔錯喇。雖然係到食粥係唔會有咩服務,不過真係有效率,夠哂快,而且粥既水準絕對比你出面高,所以食落都係抵哂既。 

這家店子光顧不下十數 是日返工經過呢度附近又想食粥 十點幾走上去吃了皮蛋瘦肉粥 粥放落桌子,仍然很滾燙 皮蛋味不太香濃,而瘦肉鹹度僅僅好 粥底入口綿滑沒味精,食完唔會口渴 大排擋型式的地方,無裝修可言,服務一般 十五元，實惠的早餐

以前在上水有一檔賣肉丸粥, 自從倒閉後上水沒有一家粥店 (包括東莞佬) 是可以接受的.這次看病後去了妹記, 點了個肉丸牛肉粥, 因為生滾, 粥底有肉丸的味道, 而肉丸有些類似馬蹄使它更爽口, 一口氣喝光, 只是價錢有點貴, 畢竟這種傳統味道都快失傳......

星期六放工後, 見感冒仍未完全痊癒, 要吃得清淡一點. 突然想起了妹記, 久久未有幫襯, 上次去時又已經收檔, 於是直抵花園街市政大廈. 到達時已經是下午一時許, 正值午飯時間, 周圍都坐滿了食客. 找了個對著檔口的位子坐下, 一抬頭就可以見到老闆熟練地不停煮粥, 十分忙碌! 看看枱上的餐牌, 食品款式仍舊一樣, 招牌貨還加上了星星符號! 不過, 價錢卻隨著通脤增加不少!最特別的是多了日文餐牌, 大抵是因為有日本雜誌介紹, 方便遊客點食物.以往每次都是吃肉丸粥, 今次搞點新意, 試試另一招牌貨: 及第粥($29).這裡吃的粥粥底很綿, 所有米粒都爆成米花, 而且熱辣辣的, 在寒冷的天氣下吃特別滋味! 及第粥的材料有豬膶, 肉丸, 豬腸和豬心. 材料全是生滾的, 即叫即煮. 豬膶： 全是黃沙膶, 薄而不硬, 入口脆脆的, 很好.肉丸： 一貫大小, 偏細粒, 但肉質結實, 是手打貨色; 豬肉味香濃, 有馬碲粒所以很爽口, 仍舊美味!豬腸: 用的是粉腸, 勝在沒有腥味, 不過粉不多, 個人偏愛粉多一點的, 所以覺得一般.豬心: 切薄身, 不過口感偏硬, 一般而已.侍應很忙碌, 禮貌一般, 不

First meal in Hong Kong! Landed around 6 am on December 25, 2013 and after dropping off my luggage, this was the first place I hit up. Took the MTR and found my way upstairs from the Fa Yuen street wet market, up to the cooked food stall. There are other stalls around, but Mui Kee garners 80% of the foot traffic.They have been featured on multiple TV/youtube clip interviews, and of course discovered by local media personality food reviewer types.This family run business has been doing it for at

我是大陸人，住在北京。在香港旅遊的時候住在先施大廈，去之前用Openrice蒐了一些飯店，然後比對Google Map，髮現這傢是離先施很近的“好評食肆”。於是訢然前往。地方略隱蔽，在一個菜市場的樓上。當天我們去得比較晚，9點多，人比較少。老闆孃很熱情，乾練，上菜速度很快，上菜師傅雖然不太懂漢語，但是也是很積极地溝通，滿足了我們的要求。點了魚片及第粥，祕製肉丸粥和油條，上菜速度极快——因為已經是做好的嘛。魚做粥底，非常鮮明，而且用薑絲中和了腥味，更加提鮮，粥的米已經熬得化了，非常地糯香。魚片及第粥裡麵除了魚片還有好多豬肝，腸等料，很新鮮很嫩。再說肉丸粥，應該是手打的丸子，彈性和嚼勁是機打不可比擬的，大愛。油條微失望，也可能是我們去得太晚，是冷的。但是我太太喜歡把油條泡在粥裡，同時給油條加熱，給粥降溫，倒也津津有味。這是我在香港喫的第一頓飯。我心中香港的初味道，鮮香而溫煖。 

去到做甲果度叫我等,我拿拿聲走去對面食碗粥. 妹記聽咗好多, 次次去旺角都唔記得佢, 如果唔係就係同D唔食粥既人一齊.今次我要食魚片粥和斎腸.粥底夠味, 魚片好新鮮, 要讚係佢既胡椒粉係靚貨, 好香.我見人人都叫腸粉, 我自已又鍾意食, 就算食唔晒都要叫. 嘩佢D麻醬不得了, 係靚麻醬, 好正, 好肥.我越坐就越多人坐低食, 大家都好識路識食.

奶奶今早帶我去這家粥店，生滾既魚腩粥真係非常好食。粥底好鮮甜，魚腩都非常新鮮好味再配上細細粒既肉丸非常好咬感。魚皮脆脆地一點都唔腥。老爺推介豬什，好似幾乾淨，都好夠味道，好食。

今日一家三口出城行街, 去咗久違嘅妹記食粥. 想當年喺附近返工經常幫襯架. 兩碗及第粥 $29.00--魚湯粥底鮮甜又夠綿, 生滾料充足, 肉丸都有三粒,  另有豬潤,粉腸, 豬心.肉丸結實, 味似雲吞嘅豬肉饀, 豬潤剛熟唔鞋口, 好味!爽魚皮 $22.00--名副其實, 夠爽!埋單$80.00

放假天，與太太偷得浮生半日閒，兩人走上花園街街市，嘆一碗晨早生滾粥....來得這裡，點的只不然是魚粥....不過有時吃得多也想加點變化，所以就先為比較少來幫襯的太太叫碗魚腩肉丸粥，自己則要了及第粥....呷一口粥，用上魚湯熬製的粥底依舊鮮甜沒妖邪味，食完後喉頭一定不會作怪；軟綿度亦很足，一直用匙羹不斷從表面"片"來吃，吃至碗底亦沒有出現水汪汪的情況....這粥底，真的是十年如一日的有穩定水準....比較少吃這裡的及第。豬膶稍嫌太薄身，被燙熱的粥底灼過後很快便會淥至過老而變苦及硬，所以給大家的貼士是一定要趁熱吃；其餘的豬腰及心等咬落甚爽脆而無怪異味，十分新鮮；粉腸食落真的帶點"粉"在內但很可惜的是藏着些許苦味....粥內依舊沒發現有任何一片薑存在，這裡對自家找來材料的鮮度依舊是信心十足，同樣是十年如一日，恆常不變....太太很糠慨的給了一件魚腩及肉丸我試。前者依然鮮軟毫無腥氣；後者質地帶微彈滿有肉香。下了少許大頭菜粒去吊味就更是神來之筆....有粥在此，又怎能沒有油條來陪襯 ? 儘管吃到的只屬交來的貨色，淨食的話是又凍又韌的，但將之放入熱騰騰的粥後吃，就頓然成為上品了....

自己常跟朋友說，港島區的粥店首選上環生記，而九龍區就一定是旺角街市內的妹記。生記以豬骨湯熬粥底，但妹記卻是以魚類來作粥底，兩者風味截然不同，一個是肉香，而另一個是魚鮮。今次點了豬心牛肉粥，檔主用｢單料銅煲｣煮粥，火力猛而溫度平均，粥料亦容易熟，但豬心雖然鮮，但仍有血水，根本未熟，唯有泡入熱粥之內，稍後再食，而牛肉就恰到好處，嫩又滑，加上粥底鮮甜，米又煲至開花，真的好味。

22/3/2013我對「妹記」產生興趣是由於電視節目。這套節目是以老闆第一身的角色去介紹自己的食店，主要係人情和溫情的飲食節目，食物都是其次，使到我對其粥品甚有興趣。第一次想食妹記係一月份，可惜的是原來妹記三時就收工，只怪自己沒有查清楚！後來看食友的食評先知　兩點半就開始收工架啦。　希望大家睇清楚時間。輪椅使用者可於快富街的正門入口，內裡只有一架Lift 可以直達熟食中心。另外，通菜街有一個車入口，係用黎比貨上落的。果度有一條斜路，就會有兩架LIFT，而其中一架都可以直達熟食中心。（PS 記住睇清楚層數，可能會有混淆）上到熟食中心，妹記佔了一半的位置。阿姐都好熱情幫我搵位，我叫左碗豬潤魚腩粥。阿姐就問炸兩要唔要？　　我就諗好少機會出黎食粥，就試埋。從節目中得知，妹記生前將其廚藝傳授給白頭髮叔叔。而這位叔叔就將佢廚藝傳給與妹記有血緣關係的親人。可見他們的關係何其親～看白頭叔叔功架之際，我的炸兩不出１０秒就迅速上枱！？　　原來炸兩是一早炸好並剪件。心想，必定不好吃。果然，完全不行。不脆也不熱，只好留在浸在粥中。很快，我的粥也到了。很大的一碗，用匙羹拌一下，發覺料非常的多！粥也十分綿！看節目

媽媽帶我去花園街熟食市場，細個果時有黎過,感覺好熱少少污X不過依家去覺得OK乾淨，好多把大風扇，雖然天氣未算熱但都感覺良好。叫左個生魚皮真係好爽爽爽爽，沾少少豉油好味! 好似$25乎仲以左個生魚片見到師傅即時切出黎，魚質新鮮，配埋個油就GD，可惜今次刀工麻麻......魚片好碎令口感差左好多。我叫左個肉丸粥粥底夠綿，肉丸亦唔係外間果D咁膠質，肉味保持得住^^內臟亦處理得幾乾淨

一向認為一碗好味的粥不簡單，粥由白米煮成，看似平凡，吃下一碗煮得好的粥令人有舒服和溫暖的感覺。妹記是旺角的老店，每天只開到下午三點，晚上不開，要吃到就要留意時間。妹記在旺角街市熟食中心，環境如大排檔，沒有豪裝，只有簡單的枱椅，對於求簡單一碗粥的我已足夠。 我要了一碗鮮滑牛肉粥 （＄27），妹記的粥底很綿滑，鮮牛肉切得大小剛好，看到表面牛肉的紋理，沒有落很多生粉去“拿”而破壞牛肉的纖維，咬下不覺靭，食落有肉味，看得出老店師父的功夫。見到旁邊有人食魚腩粥食得津津有味，下次一定要試一試看和上環生記比較誰好。