大滾友火鍋 (紅棉大廈)

營業中

休息中

冬天成日都想打邊爐，大滾友係荃灣開左分店，咁近我當然要去試下啦✨🔥食物🔥1️⃣冬瓜瑤柱鍋$198: 成鍋都係煙霧離漫感，好有氣派👏🏻d煙唔會散得超快，有足夠時間俾你拍片影相😆除咗好多瑤柱及冬瓜之外，材料仲有蝦/蟹柳/雞肉/芽菜😳估唔到咁豐富，而且味道都唔錯！個湯底超清甜，飲咗兩碗先開始打邊爐👍🏻2️⃣手打鮮牛丸四粒$68: 口感同平時有d唔同，鬆軟唔痴牙，牛味濃郁。3️⃣牛骨髓$68: 一碟份量都幾多，滑溜溜口感好正😋鍾意食牛骨髓嘅人一定唔可以錯過！4️⃣伊比利亞橡果豬$168: 口入肉質好嫩滑，沒有豬臊味。5️⃣海蝦6隻$88: 擺盤好吸引，新鮮彈牙👍🏻💥環境💥以宮廷做賣點，無論裝修，餐具，擺設都好友古色古香感覺。

元朗好出名既高質打邊爐，係荃灣開左分店，即刻去試下！！❤️櫻唇半開卜卜蜆鍋 食極都仲有大量新鮮蜆肉既湯底，好清甜好高質🧡肉丸拼盤 款款手打丸丸都好新鮮，其中既鵝肝墨魚汁墨魚丸，爽口彈牙仲真係有鵝肝係入面!! 蟹子鮮蝦丸，蝦滑好彈牙再加埋蟹籽，咬落有唔同口感特別jengrrrr💛黑松露蟹肉餃 成個餡都係蟹肉，再加上少少黑松露，好有誠意既水餃rrrr 💚雜菜拼盤 蔬菜好新鮮，有好多種唔同菜，索晒卜蜆既湯底，超甜!!💙自家製竹蔗茅根 打邊邊解熱氣最岩既竹蔗茅根，好清甜～而加個壺都係有龍有騰雲，襯返晒成間鋪頭既裝修

讚1.雞湯底足料，無味精，夠鮮甜，又唔油，功夫係度既彈1.價錢同份量唔成正比係最大問題，花膠雞湯底上檯，真心我食咁多間唔同地方既火鍋，都無見過呢種湯底時雞係已經熟左咁上檯，仲要係冰鮮雞，感覺似係拎隻油雞打邊爐咁。其他嘢食都物非所值，墨魚丸半份賣$48，入口係無墨魚鮮爽感，蘿蔔帶甘味，成餐食落無一樣嘢係值得返轉頭，都未計Asahi一杯係賣$88！就算係中環尖沙咀都未係咁既價2.水準平平，即炸腐皮炸得唔脆，雞件無雞味同油香，美人腿有渣3.服務係混亂，坐低剔完紙先話係掃Code，上菜又漏嘢4.環境逼狹都係小事，近德華公園果個門口係每隔十五分鐘就有客想推開出去煲堂，問題係度門既動靜好大，成餐飯嘈到爆唔建議

今日好想打邊爐，一search就search到有間新開嘅大滾友係荃灣，見佢有咁多特色鍋就吸引咗我過嚟😂 其實你搭巴士嚟荃灣大部分車都會經過呢到，佢係千色匯附近，香港遠東絲麗酒店🏨格離💁🏻‍♀️ 我8點45嚟到諗住無乜人，點知全間都坐滿人，新開已經咁厲害👍🏻 我等到大約9點20分左右先入到去食，所以我超級建議你book枱，唔好walk in😂 我叫咗嗰特色卜卜蜆鍋 $198，係湯底嚟，所有嘢都好入味🤤 平時唔食芽菜嘅我都覺得好好食☺️ 料就唔係叫咗特別多😜 只係牛同丸，兩個人驚食唔哂手切頂級安格斯牛肉 $398 - 牛肉好香好滑，食得出質素，好有牛味，有幾塊有少少入口即溶嘅感覺🤩手打鵝肝墨汁墨魚丸 $68 & 手打鮮牛丸 $68 - 兩個丸都係每日新鮮做，鵝肝喺墨魚丸入面食落真係好有驚喜🤪 鮮牛丸都好正，外面好難食到！跟住我仲貪得意叫咗個類似小食嘅-脆炸黑松露午餐肉 $78- 可能因為我好鍾意食黑松露，而佢又係第一個嚟到，真係好好食😜 鍾意黑松露嘅要試吓😙加埋醬介($22/p)同叫咗罐汽水🥤($20)，加埋一，$961，略貴，但你見到佢裝修就會明點解佢收呢嗰價，一大班人嚟就會平啲，因為嗰湯底

#荃灣🥶氣溫驟降即係又到瘋狂打邊壚、火鍋的時候! 之前去元朗試過大滾友, 知道荃灣開咗, 齊齊試! 由於大家夜晚都有嘢做, 所以就來個 #hotpot lunch🐄酒香陳年花雕浸牛肉 $128 ~ 大愛! 超濃花雕味, 濃濃酒香! 即使放落湯淥完食入口都仲有濃郁酒香! 牛肉肉質細嫩, 入口即溶, 油花滿滿, 激讚!💃欲拒還迎 – 十月芥菜潮汕豬骨煲 $268 ~ 足有6大件豬骨, 煲得好腍! 湯底濃郁唔口渴, 滿滿的芥菜好惹味! 如果有埋手套會更好! 🐖爽脆豬潤 $58 ~ 很厚身, 新鮮唔腥, 淥至剛熟, 入口軟滑!! 🐥陳年花雕醉雞 $88 ~ 同樣是滿滿的花雕香, 雞肉嫩滑, 唔肥!🦀蟹黃餃 $78/4粒 ~ 餡料超豐富飽滿, 一絲絲蟹肉, 入口啖啖蟹黃香味, 外皮薄, 好鮮味及滿足! 🍯蜂蜜菊花茶 $68 ~ 淡淡的菊花香, 連器皿都別出心裁! 🎺場內有大流聲機, 播放五、六十年代歌曲, 但……要細心聽, 笑到我哋癲咗! 🤣😂

位於荃灣的大滾友是一間火鍋店，內裏裝修非常古色古香，龍紋鍋爐、青花瓷器的餐具、聖旨點菜等，打卡一流🌟餐廳主打雞湯白花膠鍋，提供和牛刺身、手打滑丸及新鮮即炸響鈴等火鍋小食，十分吸引🥳👏🐓 黑胡椒蜆雞湯鍋黑胡椒蜆雞湯鍋使用新鮮番薯蜆及沙白蜆，黑胡椒香氣撲鼻，再加入玫瑰露酒炒香，非常惹味🤤蜆肉有濃濃黑胡椒味之餘又不失鮮味，炒得亦有鑊氣，好正😍👍食完蜆，加入雞湯底即變火鍋食法，享用其他食材👏🥩 日本九州A4和牛拼盤一份拼盤包含7款來自不同部位的牛肉，分別有牛五花、牛小排、牛胸腹、腹協肉、腹心肉、牛肋肉及封門柳背，十分豐富🤩🥩 靚和牛只需要輕輕一焯，入口肉味一湧而上，肉質軟嫩，有入口即溶的感覺🥰 牛肉吸盡雞湯底精華，建議不需蘸上任何醬汁，細味品嚐👏

元朗出名大滾友開到黎荃灣，岩晒我～餐牌望落定價偏貴，但午市用Openrice 訂座邊爐低至68折，真係好抵！醬料九宮格 每位$22麻辣涼拌小青瓜幾好味，忍唔住都食左幾多！同集團旗下嘅火鍋都以浮誇見稱，今次叫嘅冬陰功湯底仲識噴煙泰式冬陰功湯底 $198色彩繽紛，絕對可增加食慾。天地一號 $20飽暖思牛肉系列酒香陳年花雕浸牛肉 $128 份量都幾多，牛肉軟稔又有淡淡酒香～牛黃喉 $78爽彈脆口，淥幾秒就食得豬頸肉$58卷成一朵玫瑰花，睇唔出有接近10塊甘多，肉質爽彈。芝士泡菜餃 $68自家制，皮薄爆餡好香泡菜味芝士腸$32突然想食，估唔到有甘多條薯粉$22 份量都幾多

早前食過元朗分店,覺得好好味,咁岩荃灣開左新分店就再帶友人去食。呢度既火鍋湯底有好多種,每款都好吸引,最後簡左最愛既鴨血麻辣鍋。鴨血鍋裹既鴨血有10幾塊,鴨血的口感爽滑彈牙又唔腥,唔會好硬實鬆散果種,所以我好中意!-極上牛肉刺身肉質新鮮嫩滑,入口即溶,好中意佢個刺身汁,同行友人唔中意食生野,擺落火鍋淥幾秒,口感依然好嫩滑-牛黃喉次次食火鍋都必點,中意佢個新鮮爽脆既口感,QQ彈彈,爽脆可口！-大滾友肉丸拼盤呢款真係勁岩每款都想試既我, 拼盤有齊5款口味,款款都好好食,其中最驚為天人既係鵝肝墨丸, 鵝肝既香味好突出,而且係勁爽口彈牙！！-蟹黃餃個餃皮勁薄皮, 蟹黃味都好突出, 蟹黃饀好豐盛, 粒粒飽滿！- 黑松露墨魚滑超特別，估唔到黑松露同墨黑滑係咁夾，濃濃既黑松露香，爽口彈牙既墨魚滑，一試難忘！

荃灣新開既火鍋店，之前聽元朗朋友介紹已經好想試，最近仲開到黎荃灣，點可以錯過。 最近仲做緊新張優惠，全單78折，趁新開仲未有好多人發現唔使排長龍，必要滾一滾。晚餐8，9點左右去到，環境很舒服，枱跟枱之間有足夠距離，裝修有格調，宫廷中式調，menu設計都好有心思，有本聖旨入面有個qr code俾你入會，原來入左會仲有多d折，正呀喂。服務態度很抵讚，上鍋時店員會貼心提示小心熱，又會提示食材煮的時間以免過熟。湯㡳有好多款都好吸引，今日點左卜卜蜆鍋，上鍋時很吸引，仙氣般之鍋，未上菜已經流口水，湯底用的是沙白蜆，應該有兩三斤，蜆肉很多很新鮮，二人一鍋食極都食唔完。見隔離枱既花膠雞湯鍋都好正，mark定下次要試。其餘再點了幾個酒香陳年花雕浸牛：牛味濃，烚完都食到花雕味，證明醃嘅時間夠長，仲有銀牙底。手打鵝肝墨汁黑魚丸：外表黑蚊蚊，食到爆汁鵝肝，墨魚丸彈牙，充滿墨魚味，粒粒墨魚水感無得輸。蟹皇餃：一烚就透出蟹黃嘅鮮橙色，賣相好吸引。鯊魚唇：烚完軟滑夠淋，充滿膠質感，好似補充咗十倍骨膠原。羊肉片：鍾意食羊嘅一定要試，好重羊味，羊肉片厚薄適中唔會韌。非常滿足，物超所值，食過番尋味，荃灣打邊爐top li

大滾友終於係荃灣開咗分店，以後去滾就更加方便🥳連花牌都仲係度，新開幕優惠特別多，對我來講方便就更重要，地鐵行過嚟都係十分鐘左右，裝修格局同元朗果間都係宮庭式😎先來個花膠雞湯底，大大塊花膠，真料實料，呢個一定架啦，食開就知道，先滾佢七、八分鐘，再嘆個入味靚湯，花膠入味又滋補，正👍🏻之後再放入雞件，又滑又嫩，呢個湯底冇得輸🥰手切本地牛頸脊，嘩！又靚又厚，肉脂分明，夠哂睇頭😋無花無假，睇下幾咁靚😜大滾友肉丸拼盤，鮮打牛丸、蟹子鮮蝦丸、蟹子墨魚丸、豬肉丸、墨汁墨魚丸，精華中嘅精華，好好味，好有水準👍🏻👍🏻👍🏻再來餃子拼盤，料靚非常正，物超所值😋😋疏菜拼盤賣相精緻，分量足夠，健康好味😋食得開心又滿足，自己手機📱QR code落單，永無甩底，唔怪之得佢新開已經咁旺場，真心推薦👍🏻

見到有講新嘢~走左去試☺️員工服務態度好👍👍好細心先知原來今日第一日開張但會再介紹朋友再去~環境好舒服~坐得好闊落湯底超足料 仲可以飲埋湯有好多特別嘅材料所有嘢都好新鮮