大滾友火鍋 (紅棉大廈)

營業中

休息中

今次分享我們去左荃灣大滾友吃火鍋，他們最出名的花膠雞湯湯底真是非常鮮味和好香濃。今次已經是第二次在這裡吃啦，每次黎到都每人最少飲番兩湯碗的花膠雞湯先，我的朋友話好好飲，更加飲左三碗😱飲夠我們先正式落雞入湯底。今次我們點了一隻雞，好大隻，四人吃非常足夠了。今次我們主力吃他們的手切牛肉，比較喜歡，因為真係有質素既，所以點選「大滾友牛肉拼盤(大) $528蚊」，我個人覺得是一分錢一分貨。雖然價錢有少需昂貴，但是他們每塊牛肉都好淋，尤其安格斯牛柳粒都好淋。如果他們可以出埋建議涮涮的秒數，更好，唔洗擔心過火，非常適合小下煮的我我們更點選了「牛骨髓 $78蚊」，我們太中意食，條條又長又大條，好正。我們為吃得健康和更飽一點，點選了䈑筍「$58蚊 和 日本稻庭烏冬$38蚊」我們也點選了他們新推出的小食，即叫可即食不用煮，就是「特色蝦滑(4條) $108蚊，賣相做到非常有特色，即叫即製，熱辣辣上枱，好香脆，蝦滑仲好彈口好爽口，值得打卡和試吃一下，真是不差的🥰最後我們也點選啤酒，他們啤酒有三個不同的牌子，就是藍妹，Stella Artois 和 Hoegaarden，我們揀選了Hoegaarden 330

【👑大滾友（荃灣）｜皇宮內打邊爐🍲】打邊爐都可以好宮廷體驗，大滾友材料精緻，好鍾意佢哋煙霧彌漫嘅opening, 好似瞬間返到古代咁，好得意😎.🪄香滑豆乳濃湯鍋花花做成豆腐形狀，好精緻，滾一陣就熔於湯中，特別是用了哈密瓜做湯底，瓜味撲鼻，滾熟後口感似木瓜，好滋潤。.🪄牛肉拼盤(細)和部位都有幾塊，啱晒想試多部位又怕太飽嘅狀態，我最鍾意牛頸脊同牛仔粒，好重牛味。.🪄牛胸尖唔係度度有得食，今次真係好香牛油脂肪，仲要滾完後保持爽口鮮甜！讚！.🪄鵝肝墨丸黑鼆鼆其貌不揚，咬落超彈牙，每粒丸都釀咗份鵝肝，帶出矜貴感覺，亦見到白色墨魚粒粒，好味！.🪄伊比利亞橡果豬薄切火鍋剛剛好，快熟又香滑，豬味夠但又唔會太大臊味，食得輕鬆。.🪄大滾友雜菜拼盤雜菜新鮮，3人食都足夠，我最鍾意紫色淮山同埋萵筍片，同湯底好夾。.🪄啤酒🍻火鍋天作之合，啤酒款式多選擇，夠晒凍！.🪄火焰焦糖豆腐花臨走都要預肚食，店員灑上黃糖，點火讓糖面焦香，再放入小碗品嚐，見到火焰我就好開心😁

今晚 同皮姐一齊慶祝拍拖周年紀念呀帶佢去咗荃灣區 享受最愛嘅打邊邊呢嗰度環境好古色古香 古代庭園中國風枱面放置咗好多中國嘅擺設 好華麗喔入到去唔算光猛 成件事真係好有氣氛枱面 有九宮格調味醬汁配料盤任您調可以自由配搭 乾淨得嚟又夠晒衛生啦我哋最中意個雞湯 認真煲得好入味哇絕對係健康首選 暖胃之餘有營養價值-醬芥（$26）-玲瓏浮凸花膠雞湯鍋（半隻） ($328)揀咗 大量三黃雞熬製而成 再配合厚身花膠香濃雞味之餘 仲可以補充骨膠原 美顏首選-大滾友牛肉拼盤(細) ($428)賣相好華麗 成個拼盤好豐富 有手切外裙肉 本地手切牛頸脊澳洲和牛金錢展 美國頂級雪花肥牛 牛黃喉 牛肉粒同牛舌花每款牛肉嘅口感 好獨特 一個價錢 可以品嘗晒唔同牛嘅部分份量嚟講亦啱啱好 牛肉嘅質素 性價比高 今次真係大滿足喔-手打蟹子鮮蝦丸(4粒)（$72）皮姐嘅至愛 鮮蝦味濃郁 食落好爽口同彈牙-伊比利亞橡果豬 ($228)賣相好肥美 肉質食落好鮮嫩入口特別鮮美而油花分佈亦好平均 肉肉達人嘅強烈推介-大滾友雜菜拼盤（$118）賣相好豐富 有萵筍 油麥菜 金菇菜 娃娃菜仲有粟米 新鮮蕃茄 蓮藕片 紫淮山 唐生菜份量

約咗朋友入荃灣打邊爐，揀咗呢間大滾友。呢到最大嘅賣點除咗嘢食嘅質素唔錯，重點就係d湯底同菜品全部都視覺效果十足，啱晒打卡。香濃豆乳蜜瓜龍躉雞湯鍋 $328湯底叫咗餐廳新出嘅豆乳鍋，湯頭除咗有滑溜豆乳同鮮味雞湯，仲有大大個蜜瓜同龍躉片，一加湯就營造出煙霧彌漫，好似仙境花海咁嘅境象，打卡呃like一流。因為加咗蜜瓜個湯底非常鮮甜，打邊爐之前可以飲一碗。三重芝士腐乳牛丸(四粒) $72呢款芝士腐乳牛丸都幾特別，分別有芝士同腐乳兩種唔同嘅鹹香味，牛丸彈牙。大滾友牛肉拼盤(細) $428打邊爐點可以冇牛肉，我哋叫咗個細嘅牛肉拼盤，入面又曬牛嘅唔同部位，好似係手切外裙肉、手切牛頸脊、黃喉片、金錢𦟌、牛舌同牛柳粒，當然唔少得仲有頂級雪花肥牛。牛肉款款油花分佈均勻，肉質腍嫩，肉味香濃，黃喉同牛舌口感爽脆。伊比利亞橡果豬 $228我哋另外仲叫咗碟伊比利亞橡果豬，唔似普通豬肉，肉質非常之嫩口而且冇渣。新鮮鮑魚(兩隻) $98海鮮方面我哋叫咗鮮鮑魚，size都唔細，食落新鮮，口感爽彈。大滾友雜菜拼盤 $118蔬菜拼盤都好豐富，有齊生菜、油麥菜、娃娃菜、蕃茄、粟米、萵筍、金菇、木耳、蓮藕等等。用豆乳雞湯浸嚟食

餐廳周圍嘅裝飾同擺設充滿中國風，瓦頂同埋磚牆等格局誠意十足，情調滿滿，打卡一流📸。我哋點咗以下湯底同埋火鍋配料：🚩玲瓏浮凸花膠雞湯鍋（半隻）🐓🍲鍋底滋味濃郁，鮮嫩雞肉同花膠交融，湯頭誠意熬製，清甜滿溢，鮮香撲鼻。熱騰騰嘅湯汁融合濃厚嘅雞肉香氣，帶黎極大滿足。🚩大滾友牛肉拼盤（細）拼盤豐盛，份量十足，包括牛舌片、手切牛肉、牛胸油、牛肉粒等。每一款肉品都口感獨特，一個拼盤滿足曬唔同口味，超值！🚩店長推介伊比利亞橡果豬🐖豬肉肉質細嫩多汁，入口鮮美滋味濃郁。豬肉油花分佈均勻，充分豐富左湯底嘅味道。🚩手打鵝肝墨汁墨魚丸🦑口感彈牙鮮嫩，濃厚鵝肝香氣同埋墨汁嘅風味完美結合，令人回味無窮。🚩新鮮鮑魚鮑魚肉質鮮美彈牙，帶有淡淡海洋風味，令火鍋更豪華滋味😋。🚩大滾友雜菜拼盤內含多款新鮮時蔬，例如蕃茄、蓮藕、金菇、生菜、娃娃菜等。係火鍋時候解膩良品！🚩自家製足料竹蔗茅根🎍清新香甜，帶有濃郁竹蔗風味同埋淡淡茅根嘅清香。每一口都充滿著大自然嘅味道。

前排同朋友慶祝生日🎂簡左荃灣依間火鍋店！估唔到係千色店後小小原來仲有野食～又估唔到原來我朋友之前食過🥴朋友話進步左好多，而我覺得菜色豐富同埋好多都好靚好有儀式感。-香濃豆乳蜜瓜濃湯鍋🍈第一次食有水果既湯底，好特別又幾好味，我飲左好多碗😂佢成個蜜瓜上，仲要配合乾冰的效果，視覺與味覺的雙重享受，豆乳香濃，而入面原來配有魚，都好滑身！下次都仲想叫依個湯底🤣-大滾友牛肉拼盤🥩總共有7個唔同部位既牛！牛肉質地鮮嫩，油花分布均勻，口感極佳，而且雖然係小份但份量都唔小！-金屋藏嬌和牛墨魚丸🍥口感彈牙，讓人驚喜，食得出係自家手打，真材實料。-大滾友菇拼盤｜海帶苗｜豬頸肉-雪茄蝦滑🦐比佢賣相吸引而叫😂 滑嫩的蝦肉包裹著啡色香脆的外皮，真係好似真雪茄，幾得意！-陳年花雕醉海蝦🦞酒香四溢，蝦肉鮮美，值得一試-自家製足料竹蔗茅根🧃清新爽口，令人耳目一新，個壺賣相好特別，好似返左古代

今次同朋友去咗荃灣嘅「大滾友火鍋」，一入到去就俾宮廷風裝修吸引住，好似穿越返古代咁，打卡一流！😍 枱面有九宮格醬料盤，仲有中國風擺設，坐得舒服之餘，影相仲好靚。湯底：香濃豆乳蜜瓜龍躉雞湯鍋，一上枱已經仙氣飄飄，侍應捧住個龍頭金鍋出場，超有儀式感！湯底用咗豆乳、蜜瓜同龍躉魚熬製，味道鮮甜得嚟帶少少瓜香，仲有大大塊無骨龍躉肉，肉質結實彈牙，未打邊爐已經飲咗兩碗湯！大滾友牛肉拼盤（細）：雖然叫「細」拼盤，但份量一啲都唔細！有齊手切牛頸脊、和牛金錢𦟌、雪花肥牛、牛舌、牛胸尖等7款部位，每款都油脂分布均勻，牛味濃郁。最正係牛胸尖，滾完依然爽口，牛油香爆棚！手打鵝肝墨汁墨魚丸：外表黑鼆鼆，但咬落超彈牙，入面仲有鵝肝醬，矜貴得嚟又惹味。秘製香草醋凍蟶子皇：用香草醋凍住上枱，鮮甜得嚟帶微微酸香，完全冇沙，爽脆到爆！ 黑松露午餐肉：煎到外脆內軟，松露香超濃，完全唔似普通罐頭午餐肉！ 桂花蚌：大大碟，新鮮爽脆，同個湯底超夾！ 飲品：叫咗自家製竹蔗茅根，清甜解膩，仲用古風茶壺上枱，好有feel！火焰焦糖豆腐花:最驚喜係呢個甜品！店員會喺豆腐花上面灑黃糖同酒，然後點火🔥，瞬間變成焦糖脆面，視覺效果滿分

❤️‍🔥🔥夏天都好鍾意食打邊爐🍲，荃灣有一間超型格嘅火鍋店：「大滾友」 。門牌非常chill。九宮格醬料任君選擇，打卡一流！｛無靚湯底點打｝我覺得呢一個湯底係一個藝術品🖼️。娃娃菜同埋龍躉魚肉晚配搭而成。娃娃菜剪成一大朵貌似荷花，味道非常香濃情，湯頭🍲呈奶白色～牛肉拼盤（細）兩個人點細既牛肉拼盤，份量剛剛好，每款食少少🤏。最鍾意食❤️白色薄片的牛胸爽，肉質彈牙，質感好獨特。海鮮控：大元貝，澳洲帶子兩樣都想食❤️‍🔥個人鍾意大元貝，非常新鮮及彈牙。但帶子片片開三薄層都非常嫩滑。卜卜蜆都好多隻，而且佢係冇沙同埋鮮甜，非常好食🤤火燒豆腐花：飯後甜品🍮好滿足😌！用火槍點火，👀望住佢燒一陣，表面質感即刻唔同晒。味道唔會太甜，質地又滑身！

.火鍋霸主！】小編成日幫襯嘅信心保證！ 真心喺大滾友打邊爐真係會食到上癮🤤！每次佢哋出新嘢我都衝第一去試，從來冇失望過！今次專登為咗個新湯底「🍈蜜瓜香滑豆乳濃湯」再去，結果堅！係！無！得！輸！.💚 必試新品：香滑豆乳濃湯 + 哈密瓜提鮮 湯底一上枱就聞到超清甜嘅蜜瓜香🍈，飲一啖：豆乳滑到似絲綢＋果甜超Refresh！完全唔膩，涮海鮮同肉類簡直昇華晒！另外湯底有埋龍躉片🐟魚片厚切又彈牙，滾兩滾就食得，點少少秘製豉油💦食到停唔到手！ .💛即炸「黃金鹹蛋黃響鈴」上枱熱辣脆到嗦嗦聲！鹹蛋黃多到漏沙，直接食又得，浸湯3秒吸滿蜜瓜豆乳仲正，脆中帶綿，鹹香x甜湯嘅撞擊，食過返唔到轉頭！.🥩 大滾友牛肉拼盤 -佢哋嘅牛拼盤份量足又靚料，安格斯牛小排油花靚到反光✨，本地手切牛仲有濃濃牛味！涮蜜瓜湯底竟然出奇夾，清甜湯底帶出牛肉鮮味，唔使點醬都正！😎.💰人均消費～$ 500.🍽味道：4/5🏙環境：4/5👨🏼‍🍳服務：4/5💧衛生：4/5💰價錢：4/5.📍 大滾友火鍋 (紅棉大廈) (荃灣)荃灣青山公路 - 荃灣段125-133號紅棉大廈地下A&B號舖

喺呢度打邊爐，簡直令人食過返尋味😋我哋選擇咗一間主打新鮮食材同特色菜式嘅火鍋店，由海鮮到肉類到甜品都唔錯。首先櫻唇半開特色卜卜蜆鍋，等到新鮮嘅蜆「卜卜」聲，熟就食得。蜆份量好多，超抵食！之後大滾友牛肉拼盤好豐富，拼盤包含咗唔同部位嘅牛肉，例如油脂分佈均勻嘅牛頸脊、juicy嘅牛柳粒、口感爽脆嘅牛舌等等。每款牛肉都各有特色。手打嘅墨魚丸口感彈牙，加入鵝肝後，更加香。海鮮方面，選擇蟶子皇同埋珊瑚蚌桂花蚌雙拼。蟶子皇肉質鮮甜。珊瑚蚌同桂花蚌嘅雙拼，都幾鮮味。飲品仲叫咗自家製足料竹蔗茅根。最後，火焰豆腐花滑嫩，火焰後面上有焦糖更好味😋

大滾友嘅花膠雞煲一向出色，太耐無食今次就嚟到荃灣呢間分店開餐，通常都係大埔食多呢間分店就第一次嚟。餐廳位置都幾方便喺千色百貨旁邊嘅地舖，餐廳有唔少懷舊擺設，例如花朵流聲機，聖旨等等，不過就少左張龍椅。湯底都係叫返佢個皇牌花膠雞湯，湯底真材實料，未加湯前侍應會被你睇吓湯底啲花膠，雖然係半隻雞，不過雞肉嘅份量真係幾多。細牛肉拼盤兩個人食啱啱好，唔同嘅牛部位都可以試到，每款部位口感同牛味都唔一樣，一次過滿足晒牛肉控嘅口味。呢個龍躉片必點，比想像中大份好多，肉質新鮮嫩滑，自己平時唔鍾意食魚都超級鍾意食呢個。自己都好鍾意食呢間嘅餃子同丸，一嚟大大粒勁足料，二嚟當然係味道唔差，餃子拼盤呢個款式幾好一份有八粒，每隻口味有兩粒。另外兩款蝦滑都唔錯，尤其係蟹子蝦滑，食落有口感之餘非常有蝦味超級正。

打邊爐除左食靚料之外足料靚湯底同樣非常重要🤤🤤飲碗靚湯係超級正既事這一間打邊爐個湯底真係無得頂😍一飲愛上玲瓏浮凸花膠雞湯鍋（半隻）個湯超級😍🤤一開始會飲左湯先再加料落去打邊爐個湯勁濃厚 超鮮甜甜 好好味🤤我飲左勁多碗同埋會繼續加返湯嫁👍🏻飲多多都唔怕🤣大滾友牛肉拼盤（細）手切吊龍，本地手切牛頸脊，澳洲和牛金錢展，美國頂級雪花肥牛，牛黃喉，牛肉粒，牛舌樣樣都好食🤤牛味濃 新鮮好食深海龍躉片新鮮 肉嫩細滑 啖啖肉🫶🏻蟶子皇（四隻）🫶🏻🫶🏻新鮮啖啖肉三重芝士腐乳牛丸😍😍特色丸類 芝士加腐乳 特別無得輸自家製足料竹蔗茅根好清甜 但唔會過甜🍹fresh👍🏻

熱辣辣真係真係好中意打邊爐🫣🤗睇住出面熱辣辣，再係冷氣地方下打邊爐🍲，心情特別愉快😁，今日又黎到荃灣呢間環境靚靚食物Yummy既火鍋店湯底當然係期間限定到揀🤭叫左龍皇酸香湯，花開又富貴，打卡一流。用新鮮龍躉片為主料，無骨啖啖肉，柔嫩滑美味，仲有酸菜，湯底濃厚而不膩，酸酸辣辣帶鮮味，一絕👍🏻大滾友牛肉拼盤（細）牛魔王叫呢個就岩架啦😽，咩都有齊，手切吊龍，本地手切牛頸脊，澳洲和牛金錢展，美國頂級雪花肥牛，牛黃喉，牛肉粒，牛舌花，款款都好高質海鮮類叫左日本廣島蠔 同 沙白蜆蠔勁大隻又肥美，食落夠鮮仲大粒唔縮水，好滿足，仲有手打蟹子鮮蝦丸同韭菜豬肉餃，都唔錯，有肉有菜先夠健康🫶，就叫左油麥菜，菜心苗同索下啲湯精華打邊爐上火既必配飲品，自家製竹蔗茅根都夠清甜

#🐒😋今曰收工就同娘親去左咗荃灣嘅大滾友打邊爐係門口已經覺得好有宮廷風 入到去再配埋啲音樂好似身處於古代咁 環境已經贏一半食物方面 職員建議可以先飲咗花膠湯先之後先落雞打邊爐 但隻雞煮完都好嫩滑除咗必點嘅牛肉拼盤之外 今次都叫咗小量海鮮雙蚌新鮮好味 隻鮑魚有都有我半隻手掌咁大呀最尾記得食埋個豆腐花呀 好好味嫁── ✦── ✦ ── ✦ ── ✦ ──ʚ #花膠雞湯鍋 (半隻) ɞʚ #大滾友牛肉拼盤 (細) ɞʚ #金屋藏嬌和牛墨魚丸 ɞʚ #珊瑚蚌桂花蚌雙拼 ɞʚ #鮑魚 (2隻) ɞʚ #脆鯇腩片 ɞ── ✦── ✦ ── ✦ ── ✦ ──

每次糧尾想打邊爐都就住就住，今次終於吾洗擔心啦！依家做緊優惠6:00 前交枱正價產品仲可以有68折！好抵食！餐廳嘅裝修同埋餐具都古色古香，打卡一流。💙玲瓏浮凸-花膠雞湯鍋（半隻）呢度有好多款湯底都好吸引，今日想食養顏滋補嘅湯底！滿滿的花膠鋪晒喺個鍋表面，然後職員會喺你面前加雞湯，再提你可以飲咗啲湯先再落雞煮3至5分鐘就食得。今日隻雞比較肥，肉質都算嫩滑，個湯底勁鮮甜。💙龍蝦墨魚丸四粒龍蝦口感偏韌，墨魚🦑粒幾彈牙，如果味道清淡啲會更好。💙秘製香醋凍蝦子皇兩隻💙大滾友牛肉拼盤（細）呢個牛肉拼盤真係好豐富，可以一次過試晒所有牛，包括安格斯牛小排、手切牛頸脊、牛舌、牛柳粒同牛展等等，每款都入口鮮嫩充滿好濃嘅牛肉味。💙深海龍躉片每一塊都好大片而且好鮮甜😍😍💙芋絲💙水蓮作為水蓮控一發現有水蓮梗係即點😚😚