大滾友火鍋 (紅棉大廈)

在荃灣的街角，藏著一間火鍋界的寶藏——「大滾友火鍋」。踏入店內，彷彿穿越時空，置身於古代宮廷。青花瓷器、龍紋鍋爐、乾冰仙氣，視覺與味覺的雙重盛宴就此展開。首推「櫻唇半開特色卜卜蜆鍋」，蜆在滾湯中逐一打開，發出「卜卜」聲響，猶如奏鳴曲般揭開序幕。湯底以蒜蓉、辣椒、雞湯熬製，鮮香撲鼻，蜆肉肥美，入口即化，令人回味無窮。緊接登場的是「日本廣島蠔」與「深海龍躉片」，海味澎湃，鮮度滿分。蠔如海中珍珠，龍躉片則厚實滑嫩，輕涮即熟，鮮甜盡現。「山水滑豆腐」與「大滾友雜菜拼盤」則為火鍋添上清新一筆，豆腐如水般柔滑，蔬菜吸湯入味，平衡整體口感。麵食方面，「蘭州拉麵」手工拉製，筋道十足，吸湯力強，是湯底的最佳載體。而「手打鮮牛丸」則彈牙有勁，牛味濃郁，每一口都充滿職人精神。壓軸登場的「大滾友牛肉拼盤（細）」如寶箱般呈現，手切牛肉層次分明，油花分布均勻，入口香滑，令人驚艷。飲品方面，自家製「竹蔗茅根」熱凍皆宜，清熱解膩，為整場火鍋之旅畫上完美句號。整體而言，「大滾友火鍋」不僅是一場味蕾的饗宴，更是一場文化與美學的交融。無論是朋友聚會、家庭聚餐，還是情侶約會，這裡都是理想之選。在火鍋的熱氣中，品味生活的溫度。…查看更多

前排出咗個大伏！😫 公司食飯去咗間人均$450任食火鍋，點知啲牛肉超肥又無牛味、湯底好淡，激到大家一肚氣。今次專登搵返間高質嘅慰勞自己，去咗「大滾友火鍋」朝聖，果然無令人失望！✨成間店行傳統懷舊宮廷風🏮，雕花木窗掛滿大紅燈籠，未食個環境都贏曬～👑❇️ 玲瓏浮凸花膠雞湯窩 半隻 $328個湯一滾起成鍋金黃色😍，睇見都流口水！店員姐姐好貼心提我哋先飲湯再落雞件。湯底真係冇得彈，飲落超濃郁，仲有七至八塊手掌咁大嘅花膠，滑嘟嘟又厚身，feel到滿滿嘅骨膠原～💫半隻雞份量十足，最驚喜係中途加湯都係加原煲花膠湯，唔係求其俾清湯，食到最尾個湯都仲係咁濃！🔥❇️ 珊瑚蚌桂花蚌雙拼 $158個人偏愛白色嘅桂花蚌，口感特別爽脆鮮甜，輕輕淥兩淥就食得，正啊～❇️ 大滾友牛肉拼盤 細 $428實物比想像中大碟！🐮 拼盤有齊七款唔同部位，牛肉味好濃，如果可以喺拼盤入面標示係咩部位會更加好！📝❇️ 牛舌 $118特別要讚佢哋嘅牛舌👅，切到花瓣咁薄，淥完依然保持到柔軟口感。😋❇️ 豬頸肉 $78呢個真係相機食先！📸 上枱時自帶乾冰效果，豬頸肉砌成朵玫瑰花，未食已經贏晒～打卡必點！🌹❇️ 手打鮮牛丸 $72一食就知係手工打，彈牙到可以打乒乓球！🏓 肉汁爆棚，唔點醬都夠味。❇️ 火焰豆腐花 free最後嘅高潮！🔥 店員即席表演火焰秀，豆腐花淋上酒點火，視覺效果滿分～豆花滑溜帶焦糖香，食完熱辣辣火鍋嚟碗冰火豆腐花，完美作結！…查看更多

💨過咗中秋，天氣開始轉涼啦，又係時候瘋狂打邊爐，為食🐑呢排同朋友去打邊爐，先混醬！❗️新品✨極力推介✨「翻雲覆乳」🤍【香濃豆乳蛋瓜龍躉雞湯鍋】$328一上枱仙氣縈繞，原個哈密瓜鎮坐金湯！清甜瓜肉融入濃郁豆乳湯底，搭配厚切龍躉塊——肉質彈牙，啖啖鮮甜無腥味，湯底喝得到天然甘潤～💛罪惡爆擊❗️【即炸黃金響鈴】$78鹹蛋黃控必點！酥脆響鈴裹滿金黃蛋黃沙，咬落「咔嚓」聲伴隨鹹香風暴，就咁食已上癮，輕涮三秒半脆半軟更惹味！🐃【大滾友牛肉拼盤（細）】$428嚴選手切本地牛頸脊油花如雲，安格斯牛肉濃郁爆汁，爽脆牛黃喉嚼感十足！薄切牛肉輕淥五秒，蘸上自調醬汁完美昇華～🥢邪惡雙雄：【秘製涼拌爽口魚皮】$48酸辣醬汁配脆爽魚皮，開胃首選！【酥炸小菇菇】$58薄炸外衣鎖住菇菌，香口不膩！🍹清新平衡：【自家製竹蔗茅根】清甜潤喉，完美中和火鍋濃重感！‼️壓軸戲劇性甜品🔥【火焰豆腐花】點火瞬間藍焰舞動！嫩滑豆花融合焦糖黃糖與酒香，入口即化豆香縈繞，為盛宴畫下驚嘆號‼️✨呢度質素幾高，如果成班朋友一齊share都唔貴，下次可以再過嚟打邊爐！…查看更多

大滾友火鍋店，荃灣分店， 環境舒適， 佈置古色古香有氣派，掛上大紅燈籠及古樸木屏風 ，滿滿濃厚中國風 。半隻花膠雞湯鍋花膠和雞件都份量十足 ， 先將肥美三黃雞及厚身的花膠片放在湯裏， 煲滾後，金黃的雞湯， 已經傳來陣陣香氣， 令人垂涎， 先飲一碗雞湯，鮮甜美味，用來做火鍋湯底 ， 令火鍋配料更加鮮味， 雞件十分嫰滑， 花膠Q 彈， 滿滿的骨膠原， 女士的至愛。牛肉拼盤 (細)份量十足有: 🔹️頂級安格斯牛肉🔹️頂級雪花肥牛🔹️新鮮牛展🔹️牛手切本地牛肉🔹️牛黃喉🔹️牛肉粒🔹️牛舌花每款牛肉好新鮮， 油花滿佈， 顏色 艷紅，安格斯牛肉及頂級雪花牛肉 , 油脂豐富，放入湯中灼熟一陣即可， 入口軟嫩，咀嚼間釋出油潤肉汁。手切本地牛肉及新鮮牛展， 不但軟腍鮮嫰， 仲牛味突出。 牛舌花及少有的牛黃喉，爽脆帶嚼勁， 口感一流。白鱔片雪白的白鱔片， 肉質爽口Q彈 ，鱔片的油香， 充滿口腔，沾上豉油， 帶出鮮甜的鱔香。打龍蝦墨魚丸4粒墨魚丸入口Q彈嚼勁， 啖啖龍蝦的鮮甜， 鮮味十足。半熟五花肉肥瘦相間的五花肉，色澤粉嫰，肉味香濃， 肥而不膩 。即炸響鈴六條響即炸響鈴， 放在湯中灼幾下， 完全吸嗦雞湯的鮮香， 別有一番滋味。鮮鮑魚新鮮肥美的連殼鮑魚，口感紮實嚼勁，鮮味十足。自家製竹蔗茅根 竹蔗水是打邊爐最佳拍檔，清甜又下火，喝後清熱又潤喉 。火焰焦糖豆腐花店員將酒倒在嫩滑豆腐花上， 再燃起火焰， 相機食先， 加上黃糖， 每一口滑不溜口，豆香誘人， 簡單而滋味!…查看更多

最近發現食到好西係真係想同大家分享同朋友去左間好宮廷feel嘅火鍋就係喺荃灣嘅大滾友 性價比高架！淨係湯底已經有7款去選擇！我哋揀咗櫻唇半開 特色卜卜蜆鍋 ($218)原本唔expect有好多蜆 點知！ 多到食極都食唔完 仲要每隻都好肥美鮮嫩咬落去有d彈牙 同湯底嘅清爽相得益彰整體味道不會油膩 大人細路都岩😛火鍋料方面 選擇都好多 以下我叫嘅每樣配料👇🏻1.大滾牛肉拼盤（細)牛肉片油花分布均勻 入口時肉質鮮嫩帶有自然的甜味 唔需要太多調味就感受到肉香2.手打黑松露墨魚滑墨魚漿裡加入黑松露 口感滑嫩彈牙每一啖都能感受到墨魚的鮮與松露的獨特香氣 令傳統嘅魚滑提升咗一個檔次🤌🏻3. 即炸黃金響鈴炸物表皮酥脆 放入火鍋後外皮吸附湯汁口感豐富 外脆內軟 激欣賞佢嘅黃金比例 VG!4. 大滾友雜菇拼盤包含多款菇類（香菇、鴻喜菇、金針菇等）清爽又帶有天然甘甜 能讓湯底更添鮮味5. 黑松露午餐肉口感上保留了午餐肉特有的緊實與微微油潤感入口鹹香濃郁 而黑松露的加入令呢份庶民感十足的食材多了一層高級的香氣6. 自家製足料竹蔗茅根天然竹蔗與茅根的清甜帶來草本氣息作為餐後飲品十分解膩清爽的尾韻讓這頓火鍋有了完美收尾😌這一餐火鍋不單止配料豐富食材品質與特色都令人滿意 整體體驗完整又平衡如果你係火鍋愛好者，大滾友絕對值得一試！…查看更多

坐下就有杯welcome drink百香果梳打送上，潤一潤都唔錯。🫕香濃豆乳蜜瓜龍躉雞湯鍋$328賣相超打卡，煲底舖滿龍躉件，中間放咗大大個蜜瓜，紹菜做花托，放咗3朵豆乳白玫瑰，店員即席將豆乳濃雞湯倒入鍋內，溢出白煙仙氣滿瀉，先飲啖湯頭帶濃郁雞味，等到蜜瓜煲到稍為軟腍，湯頭變得更柔和清甜。🥢大滾友牛肉拼盤(細) $428拼盤有6款之多，有封門柳、本地手切牛頸脊、和牛牛展、牛肉粒、牛舌及花雕酒浸牛肉，全部都好新鮮，當中最鍾意嘅有3款，牛肉粒有口感肉味濃郁，牛頸脊軟嫩中帶嚼勁，花雕牛肉酒味濃郁，口感煙靭。🥢手打蟹子鮮蝦丸(4粒)$72 蝦丸爽彈juicy，可以叫4粒，啱哂人少少。🥢日本廣島蠔 $118大大隻，蠔肉超新鮮，爽滑鮮甜。🥢脆鯇魚腩片$118食得出係好新鮮，腩位口感爽脆彈牙，魚味濃郁又鮮甜。🥢珊瑚桂花蚌雙拼$158珊瑚蚌爽彈，口感之選，桂花蚌爽脆，鮮嫩之選，一次可以試哂兩款蚌，啱哂我哋。🍺藍妹生啤(330ml)$58火鍋與生啤嘅配搭當然不可缺少，冰火配搭。🍯講到冰火配搭少不了呢款豆腐花，在冰凍嘅豆腐花上點火，係我哋最愛嘅結尾甜品，係會員嘅福利嚟㗎。🧂醬介每位$26OpenRice 訂座19:30前埋單仲有78折添，好抵呀。…查看更多

依家天氣開始凍，最適合打邊爐！！我地食左好多野：牛肉拼盤、慢煮牛肩胛、手打墨魚鯪魚丸同自家製竹蔗茅根，份量對兩個人嚟講都好夠飽🥩✨大滾友牛肉拼盤牛拼盤一上枱成個圓盤鋪滿唔同部位，油花紋路睇落已經好治癒，輕輕涮幾秒就好嫩，牛味香而不羶。😋 食落啲部位口感由爽到嫩都有，牛黃喉脆脆的、牛舌帶少少嚼勁，好啱慢慢燙住食。✨慢煮修長牛肩胛 呢個牛肩胛切到長長條，邊位帶少少脂肪，入口先係軟腍跟住又有少少纖維感，唔會粉開。🥹 擺耐少少喺鍋入面都唔會變鞋，蘸少少沙茶或者麻辣湯已經好惹味。✨手打鯪魚墨魚鮮蝦丸 丸類真係成餐嘅驚喜，咬落去係實淨彈牙嗰種，魚香同海味好突出，中間間唔中會食到蝦粒同墨魚粒。🦐 湯底愈滾愈濃，後期再夾嚟食都仲保持到口感，完全唔會散。✨自家製足料竹蔗茅根 成壺上枱，顏色金金地，入口係清甜先行，之後有陣茅根同甘草嘅草本香，好解辣又去油。🧋 打完邊爐飲幾啖，唔會有好脹好滯嗰種感覺。🎶🎶🎶 A cozy hotpot night that started with sticker shock but ended up feeling like a secret jackpot meal — rich beef, bouncy handmade balls and an earthy sweet herbal drink made everything taste extra comforting. 🥰 The whole experience felt unhurried and warm, like a slow, steamy dinner that quietly refills your energy after a long day. 🍴 大滾友火鍋 📍 荃灣青山公路荃灣段125-133號紅棉大廈地下A&B號舖📞 23832268#大滾友火鍋 #comfy_荃灣 #荃灣美食 #荃灣好去處 #香港美食 #香港打卡 #香港餐廳 #好好吃…查看更多

🎸大滾友四人套餐 $1988🐥花膠雞湯鍋半隻湯好飲、雞好食感覺是真材實料煲雞肉都幾滑一嚟有花膠雞湯飲(˶‾᷄ ⁻̫ ‾᷅˵)可以再加湯（唔係普通火鍋清湯） 之後先再加花膠同埋雞入去最後就打邊爐🐮大滾友牛肉拼盤（細）上盤時出曬煙XD多款牛肉（有牛舌、牛肉粒等等餐牌冇寫，我唔知有咩款🙈當中有一碟用酒醃過嘅，比較重味🐷伊比利亞橡果豬近呢幾年成日見到嘅伊比利亞豬小知識：伊比利亞豬係嚟自西班牙嘅～好耐以前查過，但已經唔記得咗🦑海鮮拼盤4人盛非常打卡able😆勁大隻貝XD蟶子好好食～鮮甜唔嚡🦐櫻花蝦豬肉丸（8粒）少見有櫻花蝦嘅丸幾重櫻花蝦味🤣🦆鴨血有陣香料味🤔朋友覺得似滷水味🥬唐生菜 好好味，吸曬湯精華，似食緊上湯生菜🥬油麥菜索曬湯again, 但無生菜咁好食🔔黃金響鈴（4件） 即炸熱辣辣我哋後期先浸湯食外淋內脆^^🐟自家製炸魚皮 浸完湯都係硬的⋯係硬到咬唔開🤣🤣❄️日本稻庭烏冬 索曬湯底好正🍹自家製竹蔗茅根（1壺） 可以揀冷熱程度👍🏻唔會好甜估唔到食甜品會有表演環節（好似枱枱都送的🪖）火燒豆腐花好有feel黃糖燒完有少少似焦糖燉蛋嗰種脆皮可以黃糖任落！11月活動優惠：睇吓身份證號碼有幾多個1可用$11揀紅蝦刺身/伊比利亞豬/生啤/油甘魚刺身/海鮮精選等等朋友身份證有2個1我地揀左紅蝦刺身超級肥美(⁎⁍̴̛ᴗ⁍̴̛⁎)叫呢個餐冇額外收醬料費及加一服務費👍🏻任坐唔嬲餐廳裝修、碗碟都係行宮殿風就連個煲都有龍頭做柄🤣非常有儀式感Ps自費 多謝你睇到呢度🤍有興趣嘅朋友快啲share比fd一齊去啦！٩(๑>∀<๑)۶…查看更多

天氣凍最適合打邊爐🍲這次來到大滾友! 同朋友一齊滾滾滾～Openrice仲有Lunch 68折優惠!這次試了新湯底“豆乳蜜瓜龍躉雞湯”蜜瓜甜味融化在湯底中 都幾特別然後必食當然是各種“滑”點個3拼可以一次過試3款口味個人最喜愛就是黑松露滑😍牛肉控就要叫份牛肉拼盤！一次過有4-5款部位 大滿足💕《餐單供參考》※ 香濃豆乳蜜瓜龍躉雞湯鍋 ($328)※ 大滾友牛肉拼盤（細） ($428)※ 手打蟹子鮮蝦丸四粒 ($72)※ 滑捋捋三拼 ($178) 手打蟹子蝦滑 手打黑松露墨魚滑 瑤柱乾貝滑※ 淮山 ($58)※ 西洋菜 ($48)※ 自家製足料竹蔗茅根 ($78)※ 醬料 ($26)‧˚₊‧┈┈┈┈┈┈┈┈┈┈┈‧₊˚‧💰Total: $1009 ($252.25pax 10%/無服務費)📍大滾友火鍋店🏠荃灣青山公路- 荃灣段125-133號紅棉大廈地下A&B號舖 （到訪分店）元朗鳳攸南街9號好順利大廈一座地下G4-G5號舖大埔舊墟直街4-20號美新大廈地下B2號舖…查看更多

最近天氣開始轉涼，最啱就係約埋朋友去打邊爐啦～今次試咗元朗呢間大滾友火鍋～餐廳地方闊落，環境乾淨舒服，坐得唔迫，啱晒同朋友慢慢邊傾邊食🥰 佢哋嘅「玲瓏浮凸花膠雞湯鍋（半隻）」真係勁正。雞湯用三黃雞熬足六個鐘，聞落已經香氣四溢，湯頭濃郁但唔膩，飲完口腔仲留住雞味香。花膠厚滑又爽口，雞肉煮完好滑，而且份量好足，整體滋補暖胃 「大滾友牛肉拼盤（細）」：裡面包括有封門柳、本地手切牛頸脊、和牛牛展、牛粒、牛舌、花雕酒浸牛肉。每款都切得靚又厚，輕輕灼幾秒就嫩得出油香，個人最鍾意牛舌同封門柳，油脂分布靚得黎唔膩，花雕酒浸牛油亦很特別，食落帶淡淡酒香。 「手打鵝肝墨汁墨魚丸」都好出色，丸身彈牙，咬落中間有鵝肝，好特別，唔似坊間普通丸咁單一。 「脆炸芋頭魚」好有驚喜，用芋頭蓉整成魚形，炸到外脆內軟，放入湯滾兩秒掛湯食，香得嚟又有芋香～👍🏻 第一次食。另外啲蔬菜類同典型海鮮火鍋料質素都唔輸蝕，「冬瓜片」清甜爽口、「淮山」好爽脆、「日本廣島蠔」粒粒飽滿肥美、「白鱔片」滑溜冇腥味，全部新鮮高質。另外自家製竹蔗茅根，清熱解辣又解滯，一啖落肚感覺冰凍舒爽～最後記得食埋火焰豆腐花，豆味香濃，而且仲可以打埋卡。整體食材高質、服務好、係幾有誠意嘅火鍋店。…查看更多

細細個就聽過「打邊爐最緊要係個湯底」呢句說話😌😆呢間充滿玩味嘅宮廷風火鍋店，入面有個香濃蜜瓜龍躉雞湯鍋，簡直係我嘅至愛，一試難忘😍😍🥘香濃蜜瓜龍躉雞湯鍋 ($328)估唔到未開始打邊爐，第一樣嘅打卡食物已經率先登場🤭🤭🤭湯底嘅擺碟勁吸睛😍蜜瓜切到成朵花咁樣，豆乳用咗玫瑰花造型，灑上玫瑰花瓣🌹一淋上雞湯仲噴哂煙，未食已經嘩嘩聲😂😂😂龍躉魚骨熬湯，加埋豆乳同蜜瓜，滾起清甜鮮美，大家都飲返兩碗先開波，估唔到作為湯底嘅龍躉，數量都幾多，咁高質嘅湯底，真係值得一讚😆😆🥩大滾友牛肉拼盤 ($328)🪹新鮮鮑魚 ($78)🐚沙白蜆 ($78)🦀日本蟹柳 ($38)🦐手打蟹子鮮蝦丸 ($72)🥛蜂巢冰豆腐 ($58)🥬娃娃菜 ($42)🍜日本稻庭烏冬 ($38)🌽新鮮甜粟米 ($38)🍹自家製足料竹蔗茅根 ($78)…查看更多

呢度嘅服務周到環境係走一個氣派古典宮廷風🤣主要係個鍋底真係非常出色優秀蜜瓜甜，湯底鮮🍈龍躉肉連皮，足料有膠質試過返唔到轉頭唔會想食其他鍋底千祈唔好覺得佢唔鹹唔甜熟咗嘅生果其實別有一番風味豆乳配合雞湯感覺滋補但又唔會太厚太重口味反而係幾清甜湯滾起一定要飲返兩碗湯食晒啲龍躉先好開始打邊爐鍾意食魚嘅人真係唔可以錯過細嘅牛肉拼盤已經氣勢如虹🤣除咗牛頸脊同封門柳等等之外個花雕浸牛肉都非常值得一試！配料方面一樣相當新鮮唔會有種冰鮮雪藏嘅感覺特別係個手打鮮蝦丸真係好彈牙！最後嘆埋個火焰豆腐花雖然係有啲浮誇不過係幾滑溜㗎有興趣可以打電話去留枱順便問吓有咩優惠😆我都係食完先知原來六點前埋單有額外68折一家大細去都經濟實惠…查看更多

為外國朋友慶祝生日，特別訂咗「大滾友」火鍋店用餐，我朋友好喜歡呢度的古典裝飾和青花瓷餐具，給他感受到濃厚的中國文化氣氛。我們點咗個名叫「翻雲覆乳」鍋底，賣相非常吸引，打卡一流，香濃的豆乳蜜瓜，味道清新又不失豐富。再配合龍躉及雞湯頭，添加了大量新鮮豆漿和蜜瓜，令整體味道層次分明，豆香四溢，十分美味😋大滾友牛肉拼盤是我必選的火鍋料，封門柳、本地手切牛頸脊、和牛牛展、牛肉粒、牛舌，肉質鮮嫩，口感也各有特色。花雕酒浸的牛肉更是增添了獨特的香氣。另外，手打鵝肝墨汁墨魚丸鮮甜彈牙；而大滾友醬鈴拼盤最吸的是鹹蛋黃響鈴，即叫即炸，外酥內嫩；蜂窩冰豆腐吸收晒湯汁的精華；豬腰爽脆、豬頸肉口感清新，火焰豆腐花作為最後壓軸甜品，令整餐體驗非常之開心🥳…查看更多

一大班朋友聚餐或慶生，想搵餐廳？喺荃灣千色店附近，有一間中國宮廷式火鍋店 - 大滾友。 店內裝修好似穿越咗古代， 古色古香， 好華麗😍 越多人食，可以試到更多款式。餐廳食材高級， 味蕾絕對得到享受!1）半隻花膠雞湯鍋 - 雞件份量好多， 上枱時，店員會將金湯淋落花膠中 ， 滿滿的一盤，滾起時可以先喝鮮甜嘅湯。而三皇雞只需要煮大約三分鐘， 肥美新鮮，入口嫩滑。花膠係湯不停煮， 會令湯底更濃郁 ！驚喜位係去到火鍋中段，店員會加入金湯，令湯底不會溝淡。 不似其他火鍋店只加入清水或豬骨湯🤩🤩2）牛肉拼盤（細）- 有封門柳、本地手切牛頸脊、和牛牛展、 牛肉粒、 牛舌及花雕酒浸牛肉 。每款牛都色澤紅潤， 好新鮮， 脂肪分佈均勻。只需放湯數十秒， 入口嫩滑，好有牛味，必叫！👍🏻3）大滾友餃子拼盤（八粒）- 有菲菜豬肉餃、黑松露蟹肉餃、蟹黃餃及牛肉餃，花樣多多。 每款餃餡料飽滿， 肉汁爆滿，香氣十足！4）金屋藏嬌和牛墨魚丸 - 金黃色， 墨魚丸包住和牛，墨魚打得有細滑，口感彈牙5） 珊瑚蚌 - 橙黃色的珊瑚蚌，新鮮爽口6）瑤柱乾貝滑 - 兩大條，上枱時儀式感滿滿，食落肉質爽彈， 食到粒粒乾貝7） 贈送甜品火焰豆腐花 - 好驚喜。 現凡開通會員，即可獲贈。 將酒放進豆腐花，打上黃糖，再用火槍一燒。 十分滑溜，好重豆香味，滋味十足！ …查看更多

同家人打邊爐，佢地見到呢間都幾多讚，不過我本身因為個價錢比較貴，對佢有少少偏見🙈但係！食完都明白同理解點解佢哋收呢個價錢，同埋都真係值得🥹🙈👍🏻首先，呢間火鍋店裝修行宮廷風格，紅燈籠同木屏木凳風氣派十足，連個爐都有兩個龍頭係到🙈 一嚟到就跟人頭送咗個百香果梳打俾我哋飲，甜甜地又清爽，唔錯。自家製足料竹蔗茅根 $78
清甜，飲落爽口暖胃，一壺都夠飲（可能因為冇乜味精，我都唔覺得好口渴）婀娜多姿-養眼花膠筒雞湯鍋 $468
店員教我哋倒咗啲半生熟雞肉落去，然後等雞湯滾起，先飲一碗雞湯暖吓胃，然後先再食其他嘢（雖然之後加湯都係雞湯，但係冇第一次咁濃郁同埋始終有其他食材擺入去冇一開始咁鮮）。呢碗雞湯不得了，連我老竇飲完都忍唔住話好飲🤩🤩 雞湯金黃濃郁，極鮮甜同埋好香雞味，一定好滋補！雞肉嫩口唔嚡。花膠筒就散熱住乾冰咁到場，Q彈厚實。大滾友牛肉拼盤（細） $428
牛肉拼盤煙霧裊裊上枱，賣相精緻，每款肉質都顏色鮮嫩juicy帶有牛香☺️封門柳 - 肉纖細嫩鮮甜本地手切牛頸脊 - 咬口有彈性，牛味濃郁和牛牛展 - 軟嫩得嚟有勁牛肉粒 - 快熟又熟得均勻牛舌 - 爽脆帶彈性酒香陳年花雕浸牛肉 - 浸酒牛肉軟腍，花雕酒味香濃，淥熟咗牛肉都仲食得出花雕味，賣相紅潤誘人，所以我哋再encore咗一碟🙊手打蟹子鮮蝦丸四粒 $72
十分彈牙Q彈！內餡蟹膏蝦肉juicy爆汁大滾友雜菜拼盤 $118
都有幾多唔同款式嘅菜，配牛肉解膩一流澳洲帶子片$ 98新鮮！好有口感好有彈性！😍酒香陳年花雕浸牛肉 $138
份量都唔少🌝韭菜豬肉餃四粒 $78
正常，皮唔算厚，不過其他更加驚艷我吔😆最後仲會送甜品！火焰豆腐花！有得睇火之餘，豆腐花豆味道香濃，黃糖同糖漿都可以自己調節份量，呢點做得幾好👍🏻賣點食材高質、環境氣派、服務態度良好、湯底好飲！價錢就…有錢咪成日去，冇乜錢咪草錢去，我會覺得值嘅！btw我地有打少少底先嘅🙊好味度：9/10…查看更多