大滾友火鍋 (紅棉大廈)

營業中

休息中

咁耐無打邊爐，趁今日收早，一於約埋同事一齊撐枱腳！去咗位於荃灣既大滾友火鍋，鄰近千色匯，交通夠哂方便～裝潢走中國風，好多打卡影相位，非常之有特色！落單掃QR code，夠環保！醬料用九宮格上，任君選擇。有多款特式湯底，最後揀咗雪白誘人龍躉片木瓜魚湯鍋，大量新鮮龍躉片配原個木瓜，一上枱好吸晴！湯頭鮮甜味美，啖啖滋補，忍唔住飲咗兩碗～龍躉片好嫩滑，原個木瓜夠清甜，好正！大滾友牛肉拼盤(細)可以試齊五款唔同嘅牛部位!包括安格斯牛肉、牛頸脊、牛舌、牛肉粒、牛𦟌同牛黃喉，擺盤相當有心思，牛舌仲砌到成朵花咁添～絕對係影相打卡位之一！最鍾意牛頸脊，有適量油花，入口鮮嫩爽滑，牛味濃郁！花膠大大塊花膠，一大碟份量十足好抵食！口感爽滑有嚼勁，膠質豐富。手打鵝肝墨汁墨魚丸 第一次試手打丸係有鵝肝，好驚艷～墨汁墨魚丸有粒粒墨魚，咬開仲有粒香濃鵝肝，邪惡得黎好惹味！食落爽滑彈牙，味道濃郁，勁正！紫淮山味道微甜，入口爽脆，有降血壓、血脂和血糖，健康又好味。菜心苗細嫰又翠綠，味道好鮮甜！

作為一個男人，最鍾意梗係去.....打邊爐～難得開返晚市，所以拿拿臨約埋朋友去打個邊爐先～餐廳裝修成宮廷風格，茶壺同個鍋都有龍既裝飾，連宣傳單張都用聖紙包裝，非常有心思～朋友唔食得辣,所以今次食健康d揀左芫荽山湯鍋（$148），味道清清地，別有一番風味極品四國牛肉拼盤（$498）包括日本和牛、澳洲和牛、韓國牛頸脊同本地雪花肥牛。淨係擺盤都好有氣勢，四種肉各有特色牛味濃郁，有油脂豐富比較豐富，亦都有肉味較濃既，4款我都咁鍾意食伊利亞橡果豬($168)食完牛到食下豬～脂肪分佈平均，而且肉質好淋牛柏葉($78）好爽口，配埋芫荽再點少少豉油食一流新鮮鵝腸（$88）打親邊爐通常都係食漂過既鵝腸多，新鮮既真係少見，鵝腸口感好脆，仲帶d肥膏既脂香蟹黃餃6粒（$98）咬開係橙黃色，好香既蟹黃味龍被餃6粒（$98）好飽滿，食得出龍蝦既鮮味台式米血糕（$58）口感煙韌響鈴拼盤（$88）有3件原味同3件咸蛋黃味，咸蛋黃味既可以唔使浸湯就咁食，入口咸香酥脆，非常惹味。美濃水蓮（$68）第一次食，原條太長,餐廳好同心提供埋較剪，水蓮入口好爽脆，味道清甜竹蔗茅根（$68）個壺好搶鏡，最欣賞佢唔太甜，解渴一流

去開荃灣做野，夜晚順便約住附近既朋友DINNER，佢話好想打邊爐，推介呢間大滾友火鍋。晚飯時間幾乎全場滿座，好彩朋友一早BOOK左位！中國風既裝潢充滿特色，無論燈具、座位定擺設都好特別呢～配合埋懷舊又經典既歌曲，成餐飯都食得好開心！落單掃QR code即可，圖文並荗，方便又環保。落完單後就奉上九宮格醬料，可以自行選擇喜愛既醬料。特式湯底有好多款，選擇困難既我揀咗勁耐，最後就揀咗雪白誘人龍躉片木瓜魚湯鍋！乾冰效果上枱勁有FEEL，大家即刻影相打卡～大大片龍躉片，仲有原個木瓜，賣相一流！雪白色既魚湯鍋營養滿滿，飲落鮮美又滋潤，龍躉片鮮嫩美味，木瓜熟度剛好，夠哂香甜！極品棉花魚肚入口軟冧冧好軟棉，有豐富蛋白質，養顏滋補！三重芝士腐乳牛丸重口味之選，三重芝士濃厚香滑，咬開彈牙牛丸仲有香濃腐乳，層次豐富！蟹黃餃橙黃色既餃子好飽滿，咬開係鮮甜蟹黃豬肉，香氣四溢～鮮秋葵秋葵好翠綠，入口鮮香又爽滑，具降血糖、血脂同抗氧化功效，仲富含膳食纖維添架，好健康～大滾友牛肉拼盤(細)兩個人叫個細拼盤就岩岩好，可以試齊五種牛既部位！有安格斯牛肉、牛頸脊、牛舌、牛肉粒、牛𦟌同牛黃喉～擺盤精美，影相一流啊～推介鮮嫩爽

其實可能只係我依啲外人覺得隠世，對荃灣人可能覺得方便，琴日去荃灣探朋友，佢帶我去，佢話未第五波疫情前，佢會周不時去滾吓，主要係用料正👍。湯底有勁多選擇，有最吸引嘅花膠雞湯鍋同養顏花膠筒雞湯鍋，鎮店之特別卜卜蜆鍋同埋深受大家歡迎嘅椰子雞番薯蜆濃湯鍋同麻辣鴨血鍋。而我同男朋友就最鍾意食嘅胡椒酸菜魚鍋（$288）。酸菜魚湯底個湯底好濃，除左有大量酸菜，芹菜，豆卜，木耳之外，唔少得主角龍躉肉，切得厚身，啖啖肉，魚質實淨，湯底飲落酸帶微甘，簡直一流。飽暖思牛肉，依度有勁多款牛選，無論本地牛定係入口嘅都有唔同嘅選擇，我地選左款特別啲嘅酒香陳年花雕浸牛肉$128，陣陣酒味，就算放落鍋之後先食，都仲有酒香味之餘，牛香味仲更加出，正！爽脆豬潤$58鍾意食豬潤唧朋友我祈唔好錯過，食薄好軟帶爽，淥耐左都唔會硬，份量又多，簡直係食過痛快！另外一樣唔可以錯過嘅食材係即炸黃金響鈴，件件大大條，外層舖滿美味嘅咸蛋，而且係佢地自己炸，唔係現成的，好美味！酒後亂性飲品，餐廳作依個名好正，原因佢地都有好多酒品，例如1664同Asahi 生啤同大吟釀等等，唔飲酒嘅可以選擇自家製竹蔗茅根，蜂蜜菊花茶，我地就飲加多寶同Coke

上網見到好多人推薦呢間打邊爐，就約咗朋友去試吓荃灣呢間大滾友火鍋打邊爐，古色古香嘅裝修，環境同氣氛又唔錯。我哋今晚就叫咗個芫茜山湯鍋 ($148)，健康之餘又可以食出材料嘅鮮味，芫茜皮蛋有好多而豆腐都好滑，湯底清甜。店員加湯用長咀煲加湯 加湯後又唔會令湯底變淡。飲品方面就叫咗自家製足料竹蔗茅根 ($68)，打邊爐必備，下火一流又解膩。極品四國牛肉拼盤 $498牛肉新鮮，油脂分佈平均，肉質軟嫩，食落牛味好濃又唔鞋。牛柏葉 $78牛柏葉十分爽口，但唔好煮過頭，就會變鞋身。伊比利亞橡果豬 $168豬肉切成薄片，好快熟，入口爽口彈牙。新鮮鵝腸 $88彈牙又爽口，每條又肥瘦均勻。蟹黃餃(六粒) $98蟹黃味濃又足料，爽口又無乜太肥膩嘅感覺。龍蝦餃 (六粒) $98每隻餃都足料夠大粒，相當飽滿，味道濃厚滋味。台式米血糕 $58香濃煙韌。大滾友響鈴拼盤 各三件 $88響鈴及鹹蛋黃響鈴，個人覺得聽落好正好邪惡，外層嘅咸蛋黃做得好好，仲要係即叫即整，非常酥脆甘香，直接就咁食都得。美濃水蓮 $68翠綠新鮮，口感爽脆清甜。

終於開返晚市堂食了，期待了很久，作為荃灣人成日搭車經過千色店附近都見到依間大滾友打邊爐，晚市堂食第一餐😚「大滾友」的環境裝修得古色古香，好有宮廷風格，而且地方很大，有宮廷屏風做阻隔，令人好放心咁聊天每張枱有皇上下令的聖旨，打開才發覺是宣傳單張，有玩味得來又有氣派😙店員端上九宮格調味架給我們，有成九款火鍋醬料，搭配火鍋配料真的是錦上添花點左主打既花膠雞鍋湯$298 半隻 足足有半隻半熟肥雞，店員好細心咁幫我地剪開花膠筒，記得唔好咁心急落火鍋配料住，飲碗花膠雞湯先，雞湯煲出黎鮮黃色，再落鮮雞件輕淖三分鐘，完全係濃縮左雞既精華，雞湯濃郁雞件嫩滑，花膠筒好厚足料，湯頭十分滋潤濃稠，份量好多我地差點吃不完🥹手打蟹籽鮮蝦丸，蝦丸有4粒，粒粒都很有份量，蝦丸放滿粒粒蟹籽，增加左口感同鮮味，蝦丸彈牙充滿鮮蝦味☺️珊瑚桂花蚌雙拼，一次過有齊珊瑚蚌同桂花蚌，岩哂我依啲貪心既人，焯幾十秒就食穿得，很爽彈有口感萵荀嫩綠新鮮，配埋雞湯很夾作為食肉獸既我們當然要試下店家的靚牛，叫左個極品四國牛肉拼盤$498，一次過有齊哂四個國家不同的牛肉品種，有日本飛驒和牛，澳洲和牛，韓牛同頂級雪花肥牛每款牛肉紋理好靚，四種口感各

✨櫻唇半開特色卜卜蜆鍋 $198一上枱就啲乾冰煙霧發出黎好靚，煮左一陣啲蜆已經卜卜卜咁開晒，入面超多蜆之外，都仲有大量芽菜同埋芹菜，啲蜆完全無沙好鮮味，職員會俾個盆我地裝殼，啲蜆多到成個盆都滿晒🙈✨大滾友牛肉拼盤(細) $398有五款唔同嘅牛部位，雪花肥牛、牛脊、牛舌、牛柳粒、牛𦟌同埋黃喉，擺盤有心思，牛舌砌到成朵玫瑰花咁，又睇得又食得👍🏻最鍾意就係肥牛同埋黃喉，肥牛好軟嫩，黃喉就非常爽脆，牛味唔算太重✨蟶子皇 $188都幾大條喎，而且味道鮮之餘口感都幾彈，唔錯✨牛骨髓 $68一啲都無腥味，口感非常嫩滑，同嫩豆腐嘅口感差唔多✨勁辣跳舞牛丸 $68牛丸入面食到有香料味（花椒，辣椒），味道恰到好處，唔會太辣✨菜苗帶子餃 $78帶子餡好飽滿，餃肉咬落好彈牙✨美濃水蓮$68呢個我好鍾意食，本身帶有少少蓮花香味，口感好爽脆👍🏻👍🏻✨自家製足料竹蔗茅根 $68清甜解渴，一啲渣都無👍🏻九宮格醬料醬芥$22/位

開始容許返多過二人堂食後最佳既活動莫過於係打邊爐🍲早排見到大滾友有優惠一於約咗朋友仔一齊去食♡醬料$22/位 用QR點單 上菜速度都幾快宮廷式裝修 餐具同醬油同樣都好精緻 坐得好舒服🔺極品四國牛肉拼盤 $498太耐冇返家鄉日本🇯🇵 難得出嚟食就揀款單價高又望落唔錯既肉 (打邊爐最緊要係牛肉好食😋 拼盤包括左四款牛肉 有澳洲和牛 韓牛 日本飛驒和牛 同埋頂級雪花肥牛𝗃𝖾𝗇𝗀 四款牛肉都頗有牛味 雪花肥牛就肥咗少少🤏 一次過可以食到四個國家既肉真係唔錯🤤🔺紫菜腐皮卷 $68見到唔少人都會點哩款炸物 跟風都嗌埋先侍應都好貼心係上菜時提我地要盡快趁熱食一啖咬落去 勁脆 食落卜卜聲 正 🔺薯粉 $22大大兜 好索湯 一餐邊爐既結束最好就係食返個粉🔺美濃水蓮 $68爽口清甜 絕對係打邊爐必點既品項🔺花膠雞湯 $298花膠幾滑 半隻雞份量都唔少 雞件本身都半熟 飲落好順口同暖胃 雞肉嫩滑 有雞味😗

今日同bb去左荃灣大滾友食火鍋 我地首先叫左個酸辣魚湯底😋 湯底一來到我地面前 真係嘩左一聲 佢個湯底真係非常足料 用左新鮮厚身魚片淆製而成加大量酸菜 ，非常美味可口 。首先點左食呢個酒香陳年花雕浸牛肉 一級鮮牛肉既鮮味 配上陳年花雕既酒香 簡直係最完美配搭 。蟹黃餃$98有六粒 蟹黃餃好有蟹肉同蟹粉鮮味 佢地真係用新鮮蟹拆成蟹肉絲炮製 ，有心機。鬼馬油炸鬼 都好好食 ，蟹籽同手打蝦膠釀入油炸鬼配搭得天衣無蓬😋😋而大扇貝都好鮮甜 好多扇貝的肉汁， 我都叫左日本稻庭烏冬  爽口彈牙 好食過超市買既多多聲 😋😋之後講手打鵝肝墨汁墨魚丸 話明手打喎 睇得出入面D師傅落足心機去整 用特級鵝肝再配頂級新鮮墨魚去渣出既新鮮墨汁 再用墨魚折肉，之後用人手打成膠加墨魚粒，手功十足桂花蚌都好新鮮 爽口彈牙，即炸黃金響鈴 好有咸蛋黃味 咬下去鬆鬆脆脆，依餐我俾滿足，晚餐有得堂食未必係必然，今晚實在感恩！

終於放寬堂食啦即相約好友食火鍋，好開心啊環境以宮廷式裝修，有華麗的餐具和佈置，增添古色古香既感覺店員先會送上醬油調味盆，用宮廷九格的形式叫左個雪白龍躉片木瓜鍋大大件龍躉片放係原個木瓜上面，湯頭好鮮甜，令人想飲多幾碗大滾友牛肉拼盤（大)有牛舌，牛黃喉，骰子牛肉粒粒，牛頸脊、安格斯牛肉等牛肉質素唔錯，有肉汁豐富，油脂帶甘香酒香陳年花雕浸牛肉花雕浸牛肉，食完回甘有花雕酒味，幾特別大滾友餃子拼盤蟹粉餃好有驚喜, 蟹粉味特濃，必試!台灣米血糕香軟Q彈彈的口感，個人超鐘意仲叫左手打蟹子蝦丸，三重芝士腐乳牛丸蟹子蝦丸比想像中更加彈牙，芝士腐乳牛丸第一次食，味道好特別叫到一枱都係野，湯底和食材都好出色，超滿足！

今日慶祝母親節搵左呢間大滾友 食完真係滾 6人台只得一個爐冇得揀鴛鴦鍋 首先嗌渣菊花茶溝左水完全冇味 牛舌輕輕淥下都好un 芋頭難食 卜卜蜆有沙 牛頸脊偏un 雞子個人黎講覺得酒味太重 海蝦冇乜肉 帶子偏細粒 蠔一夾就爛唔新鮮 其他野食正常$500一位黎講好多都好食過佢 呢個價錢唔會再食佢

之前食過同一集團北角嘅分店，突然掛住佢個卜卜蜆鍋，今次就近近地收工去荃灣食多次先！原來星期一至日，晚上六點前離座有68折！可惜我收工收7點😅醬介$22/位九宮格醬料任揀櫻唇半開特色トト蜆鍋 $198上枱煙霧離漫，除咗有大量蜆之外仲有大量芽菜。開頭兩個人好努力食蜆，完全無沙👍🏻成個兜都裝滿晒蜆殼😎大滾友牛肉拼盤(細) $398雪花肥牛，牛脊，牛舌，牛肉粒，牛𦟌，黃喉擺盤幾靚，尤其是牛舌砌到成朵玫瑰咁🌹我最鍾意嘅係黃喉，印象中應該係我第一次食好鍾意個質感，爽到不得了😋蟶子皇 $1884大條蟶子王，味道鮮美口感彈牙牛骨髓 $68呢個又係我第一次食，其實食落係無乜味架，但個口感好搞笑，淋到不得了，好似入口即溶咁，但係又有少少粉粉地，滑捋捋😂勁辣跳舞牛丸 $68呢個真係咬開有麻辣嘅味道👍🏻菜苗帶子餃 $78好飽滿嘅帶子餡，咬落幾彈牙美濃水蓮 $68呢個都係我第一次食！今晚真係試咗好多新野😂食落有淡淡嘅菜味？😂好爽脆嘅自家製足料竹蔗茅根 $684個字 : 清甜解渴

終於都可以出去食晚飯，第一餐就揀左食打邊爐。呢間火鍋店一入門口就俾佢個黑膠碟機吸引住，以佢地的裝修都好有中國宮庭的風格。玲瓏浮凸花膠雞湯鍋，他們的鍋是有龍頭的，非常有氣勢。花膠同雞件的份量也很多，湯底味道鮮甜，最岩開始打邊爐之前飲返碗。鳳尾鮮蝦雲吞，這款雲吞比平時出面食到的特別，這裡的雲吞是有蝦尾的，雲吞內除了有蝦肉，還有豬肉，蝦肉彈牙，味道鮮甜。沙白蜆，蜆的份量都幾多，每粒的肉都脹卜卜而且鮮甜。唐生菜，這個湯底再加上生菜，生菜吸收了的的味道，很美味。大滾友牛肉拼盤(細)，牛魔王的我當然要食牛肉，這個拼盤來的時候還有煙效，非常適合打卡!包括有牛肉粒、安格斯牛肉、牛舌、牛黃喉、雪花牛肉等7款，牛黃喉爽口，牛肉粒牛肉味濃，而且好juicy，安格斯牛的味道也很濃，牛舌整到好似玫瑰花咁，幾厚切，味道香濃。

宮庭裝修好有氣派，周圍都可以打卡影相。加上有皇帝聖旨、杯、壺做影相道具，真係好開心丫🥳入到店，侍應即刻幫我哋洗杯洗碗消毒，亦都拎咗九宮格調味盤，服務同安排都好細心❤️打邊爐個湯底好緊要，同朋友商量完之後揀咗朝三暮四（豬軟骨蕃茄湯鍋）$198，湯底足料濃郁極品四國牛肉拼盤$498牛肉包括有：日本飛驒和牛、澳洲和牛、韓牛頸脊柳、雪花肥牛，四種牛口感各有不同，好有特色。日本廣島蠔$88、大蜆$88兩種海鮮都好鮮甜味美，日本廣島蠔完全沒有腥味，而且啖啖肉芝士泡菜餃（4粒）$68微微泡菜味同芝士好夾，食完一粒又一粒😋芝士獅子狗$68、大滾友響鈴拼盤各三件$88、蓮藕片$32、萵筍$38、娃娃菜$36、茭白筍$$58，呢d 都係打邊爐唔可以缺少，必叫🤤埋單先知原來而家有68折優惠，好驚喜🤣

一可以出去食晚飯，朋友們很多都揀選了火鍋，今日也不例外!這間位於荃灣千色店附近的火鍋店，他們的裝修以中國風為主，什有氣派!餐牌上有多款湯底和火鍋配料供選擇，而這裡落單是用手機落單的，很方便!玲瓏浮凸花膠雞湯鍋，因為兩個人的關係，所以點了半隻雞!花膠和雞上枱時跟湯分開的，店員先落花膠，待水滾便可以先飲湯!湯的味道很鮮甜，令人想飲多幾碗!雞的份量也很足，雞肉嫩滑鮮甜!櫻花蝦豬肉丸，豬肉丸內同面頭都有櫻花蝦，食落有啖啖櫻花蝦的香味!鮮淮山，這個湯底這麼鮮甜，配上淮山很match!淮山吸收了湯的精華，而且食落爽身，非常美味!滑捋捋手打蟹籽蝦滑及手打黑松露墨魚滑，蝦滑和墨魚滑都好爽口彈牙，前者加上有蟹籽，口感更豐富，而後者有淡淡的黑松露香味，味道更正!厚切午餐肉，午餐肉的擺盤很美，午餐肉有炸過，所以可以即食或再落湯食，午餐肉炸到外層脆身，很惹味!自家製足料竹蔗茅根，這個壺非常靚，好有氣派，飲品不會太甜，很清熱解渴!