大滾友火鍋 (紅棉大廈)

營業中

休息中

想有皇帝級嘅享受?就去大滾友滾返一鋪! 荃灣區來講算係首屈一指的精緻火鍋店!宮廷式裝修，仲有一卷聖旨超有架勢! 食物質素唔止掂，賣相亦都落足功夫！真係要準備定相機啦！🔸麻辣卜卜蜆湯鍋 $218先講一下湯底，用一個龍頭大鍋承載的紅噹噹湯底，湯底唔算勁辣，點到即止不會蓋過海鮮香。成煲滿晒的新鮮沙白蜆，蜆肉飽滿鮮甜，加上吸收麻辣湯好鬼惹味。唔係講笑真的超多蜆肉，火鍋食到最尾聲，仍然能撈出一勺又一勺白蜆！抵食呀！溫馨提醒下，一上枱的時候冒泡又冒煙，好有氣勢！記得把握時機打打卡！🔸大滾友牛肉拼盤 $398又是另一駕勢之選，一睇就知新鮮高質嘅牛肉，要麼扇狀排開，要麼接成玫瑰花🌹還冒着輕煙，吃飽前先飽眼福！我超欣賞這拼盤的種類，每款牛肉各有不同的嚼感，吃着很有層次🐮頂級安排斯牛小排 - 成碟之冠，充分油脂入口溶化🐮本地手切牛頸脊- 脂肪較少，好有咬口🐮牛展- 肉質結實不肥不膩🐮美國頂級雪花肥牛- 卷狀的肥牛，滾湯一灼，成卷放入口，感受油花和牛味衝擊！🐮牛黃喉- 個人好鍾意，口感非常脆🐮牛肉粒- 唔好煮太熟，口感軟腍🐮牛舌花- 呢個牛舌真心正！脆彈Q嫩🔸桂花蚌$128比想像中大的一碟！爽口彈牙，食完咁

我又再嚟食啦，呢期大滾油出咗個新湯底椰子雞番薯蜆濃湯，湯底料好多好足料味道都好鮮甜，我諗係蜆肉嘅鮮味出到哂嚟，湯底一嚟到已經飲咗兩碗湯，靚湯推介呀😍火鍋料我揀咗手切頂級安格斯牛肉，waaaa個油花靚到，落去淥一陣就食得，牛味香濃個蜆湯都幫到手提鮮咗啲。嚟到呢度必食就係鬼馬油炸鬼，再配呢個湯底兩重口感真係好正好鍾意兩次嚟食啲服務都好貼心好好，而且環境闊落去坐得好舒服，之前仲有個冬蔭公湯底都係好推薦㗎

呢個位置之前係西餐廳 ，因為結業， 開咗呢間火鍋店， 門面都幾特別，因為就係千色店旁邊地鐵附近，所以都幾方便。 知道呢度收費唔平，但係話食材新鮮，所以都諗住試下 ，佢本身元朗都有間分店。門口仲有一張枱擺咗呢張 “聖旨” 同卡片。裏面唔算大，基本上四人枱多， 裝修落咗D心思，都幾特別，打做中國宮廷式設計。侍應服務都好好，一坐低，已經搵啲熱水幫你淥啲碗筷。 個九宮格就放蒜，辣椒粒，葱， 芫茜。。。等，中間個壺仔係豉油。我哋叫咗個卜卜蜆煱湯底 @ 198，因為之前朋友食過我去好多蜆肉，好味。 果然真係都多亦新鮮。 火鍋呢個盤都好精緻。叫咗豬膶，鵝肝墨魚丸 (好彈牙，唔錯。不過就細粒D)呢個海鮮拼盤都好味😋 細 @ 498即場網上做會員，就送呢個 $ 58 響鈴， 佢面頭係鹹蛋,待應叫我哋不用浸湯，直接食，係有啲失望, 因為好油。呢個牛都好食，@ 348 不過就係得面頭個堆，下面全部冰，個器皿都幾浮誇㗎。😅黑松露蟹肉餃子 @ 98 六粒 ， 味道都好濃，飲品每罐 22元。呢個水蓮未食過，見網友推介話，唔係好多食店有得食，所以都試吓，侍應話唔駛淥咁耐，轉色就可以食啦，味道都可以，好爽㗎。基本上呢

Because my friend in Tsuen Wan recommended this restaurant to me, I will try it this time. Mainly in Chinese palace style decoration. As soon as I got on the stage, the clerk took the initiative to help us wash all the tableware, and it was very heartwarming. I like spicy food, so I ordered Left Red Lips Flame - Spicy Duck Blood Pot. The hot pot soup base is good for punching, and the smoke is full. The duck blood is so fresh and tender, the soup base is full of numb flavor, and the oil content

又黎食大滾友喇🤤🥥椰子雞蕃薯蜆濃湯鍋（$298）第一次試呢個湯底，好特別！雞湯帶有淡淡椰子香，湯底嘅料都唔少架！🐂手切頂級安格斯牛肉（$398）超級推介安格斯牛肉，數量絕對唔少，每一塊都唔係薄切，有一定嘅厚度，有咬口而唔韌，絕對對得住呢個價錢！🧆手打鮮牛丸（$68）新鮮彈牙，牛味濃，手打果然係唔同啲！鬼馬油炸鬼（$68）蝦滑同油炸鬼出奇地夾呀😙淥一陣就好食喇！淥得太耐就冇左油炸鬼嘅口感架喇！🍶自家製足料竹蓆茅根（$68）打邊爐又點少得竹蓆茅根呀！個壺好有特色，竹蓆茅根飲落唔會好甜。

好耐之前喺元朗試過呢間火鍋店覺得幾有特色，尤其佢個裝修同埋餐牌。每次都要玩：「聖旨到，奉天承運皇帝詔曰」，先再落單我哋見咗椰子雞番薯蜆濃湯鍋，係開始打邊爐，我已經飲咗一碗淨湯落肚，新鮮椰子味配上清甜雞湯，再加上湯底下有唔少番薯蜆，清甜湯底再加上蜆嘅鮮味，下次可以再戰呢個湯底啊，建議大家都先飲一碗！手切頂級安格斯牛肉，牛肉同之前一樣，都係咁新鮮，每次質素都保持到！另外，鬼馬油炸鬼幾得意，用新鮮炸好嘅油炸鬼 包住啲蝦滑 上面仲鋪滿左蟹籽 好脆卜卜！

老公同佢啲老死一講起大滾友就好開心，唔知係因為個名定係因為呢度嘅一流服務，同埋高質食物啦～次次都唔帶我黎食，今次慶祝結婚周年，終於黎食返餐好既。估唔到呢度裝修咁宮庭式，環境同格調都係一流。店員好細心先幫你用熱水清洗餐具QR code落單後上菜都算快。記得要係食物到齊之前先混好自己需要的醬料，連醬料都好整齊放係九宮格內。湯底好多款，諗來諗去最尾揀咗卜卜蜆湯鍋。整鍋都係蜆。湯底好濃味亦有鮮甜味，忍唔住先飲左二碗。火鍋配料方面價錢都唔貴，食物份量都比較多。價性比高。餃子拼盤同手打丸拼盤都可以一試。餃子皮薄餡料多，真係幾好。下星期已經約咗朋友收工嚟食，9:30後入座仲有全單八五折

荃灣有間打邊爐都幾出名 - 叫大滾友火鍋😌係元朗都有分店，裝修古色古香，充滿心思，店員好快就送上盛載醬芥的九宮格比我地，設計精美又整齊😆湯底-椰子雞番薯蜆濃湯鍋超級足料雞湯🤩用上三黃雞製成，愈煮愈濃稠，飲第一啖湯頭，雞味好濃，冇味精淨係飲到雞既鮮味手打鮮牛丸手打丸類每日都係新鮮整，牛肉既牛味好突出，真係好正🥰手切本地牛擺盤好華麗😍牛肉好大碟，色澤紅潤，入口肉質相當軟嫩，唔需要蘸上任何醬汁都夠鬼馬油炸鬼油炸鬼上面蟹籽好似唔洗錢咁，比勁多，啖啖都食到脆卜卜口感竹蓆茅根打邊爐當然要配竹蓆茅根，清一清熱氣同降火

一坐低侍應會幫我哋用滾水洗碗洗筷子，然後放低調味料，餐廳以QR code落單，網頁內有圖片供參考玲瓏浮凸 花膠雞湯鍋🐓（半隻）侍應會幫手將配料放入湯底，將花膠剪成適量大細，然後等湯底沸騰，就可以飲用，湯底甜濃有雞味半隻雞就自己落，唔怕會煲過火肉質變老大滾友牛肉拼盤（大）牛肉拼盤包括唔同種類嘅牛肉部位，當中我認為最出色嘅係牛頸脊同牛胸脥，兩款都好有牛肉味，又香又夠冧👍🏻其次係牛黃喉，爽爽地好似軟骨切成薄片咁而花雕酒牛肉好香酒味，甘甜鮮味牛栢葉就夠哂爽口瑤柱乾貝滑一份有兩支，彈牙程度高，瑤柱味幾重幾香總體嚟講都幾好食，高質火鍋鋪👍🏻

餐廳以古色古香嘅宮廷做主題，木系裝潢夠特色。入座後店員親自準備熱水幫忙洗碗，乾淨又衛生。醬料位位$22，有九宮格醬料自由調配。玲瓏浮凸·花膠雞湯鍋 (半隻) $298店員幫忙剪碎花膠，提示湯滾起先飲湯食花膠，湯底濃郁，唔覺意就飲左幾碗。花膠份量足，膠質up up up，雞件新鮮好嫩滑。脆炸芋頭魚 $58罕有火鍋店有芋頭魚，酥脆外層芋蓉香味十足，當小食可以，沾湯底食又得。紫菜腐皮卷 $68有六件頗大件，炸皮外皮酥脆，用好多新鮮腐皮捲住紫菜，沾醬汁食為佳，食完相當飽肚。日本廣島蠔 $88廣島蠔鮮甜軟嫩滑，4件份量不算多，但一件一口好滿足。大滾友餃子拼盤 八粒 $128心多多樣樣想試就揀拼盤，餃子飽滿餃皮通透超薄，四款餡料各有特色。黑松露蟹肉餃蟹肉混入豬肉，松露味不會過濃，可以一試。蟹黃餃蟹黃香氣四溢，蟹肉飽滿，必食之選。韭菜豬肉餃韭菜滿滿， 韭菜愛好者表示很滿足。自家製炸魚皮 $68一咬酥脆可口，作為小食很不錯。

同朋友2丁友行完荃灣千色，掃完貨當然要醫下肚，於是就去咗附近嘅呢間火鍋店大食一餐場內皇宮佈置，以宮廷為建築題材，當中仲有聖旨🤣🐓玲瓏浮凸 花膠雞湯鍋（半隻） $298-店員會將花膠剪開 然後放入湯底待湯底滾後再慢慢加入半熟黃油雞-雞湯湯底可以直接飲用 湯底濃郁-雞肉多又嫩 加埋湯底👍🏻👍🏻🐂大滾友牛肉拼盤（大）$498-牛頸脊 牛胸脥 牛黃喉 牛舌 花雕酒牛肉 雪花牛肉 牛肉粒 和牛片-款款都好重牛肉味-牛頸脊重牛香又嫩口-和牛就油膩較重較香口-牛舌爽口-花雕牛肉嫩得嚟又淡淡酒香滲出-牛黃喉極之爽口🐃牛栢葉 $78-牛栢葉爽口 唔會靭🦪瑤柱乾貝滑 $98-乾貝滑相當彈牙-瑤柱味幾重幾香-1份有2枝🥬唐生菜 $38-生菜吸哂湯底嘅精華 相當惹味總括而言，食物有質素，環境舒服有氣派，服務及上餐速度都好好👍🏻可以再嚟

【Background】宮廷式火鍋店「大滾友」喺荃灣開咗分店喇！除以滿清王朝嘅概念作裝潢，令一眾顧客喺享受火鍋之餘，更有置身於宮廷中嘅感受😆勁爆足秤材料嘅特色加上多款獨家特製火鍋湯底一直受大眾熱捧🥳────────────────────【泰式冬陰功湯鍋 $198】以泰國菜為base所製成嘅湯底，加入大量菇菌，西芹，芫荽，蕃茄，香葉，香茅，沙白蜆熬煮😍味道酸酸辣辣，好有泰國風味，加上沙白蜆既加持，令本身好濃郁嘅湯底添加十分嘅鮮甜，就咁飲湯都好正！.【魚唇 $88】魚唇其實係翅群，含豐富膠質及蛋白質且非常珍貴，口感軟滑帶彈性，掛上泰式濃湯食，好正👍.【滑捋捋雙拼 $118】自家製手打蝦滑墨魚滑，單款$88，加多$30就有兩款， CP值更高🥰手打蝦籽蝦滑：入口彈牙，蝦香味突出，粒粒蟹籽增添口感😎手打黑松露墨魚滑：口感帶嚼勁，食到粒粒墨魚肉，加入黑松露，味道更富層次感😆.【黑松露午餐肉 $78】約有1cm厚的午餐肉，炸至酥香脆口，滿滿嘅黑松露肉香，真係邪惡至極😈.【炸枝竹 $38】口感爽口，有嚼勁之餘吸湯力強，同酸辣冬陰功湯好match~.【菜苗餃子 $78/4粒】手作餃子粒粒飽滿，食落好似

🇭🇰Hong KongAverage expense pp: HKD$400-500+📍Address: 大滾友，荃灣因為我荃灣嘅朋友同我推介過呢間餐廳，所以今次就嚟試吓。主要以中國宮廷風裝修為主。一上枱店員就主動幫我哋洗所有餐具，幾窩心。鍾意食麻辣，所以點左紅唇烈焰 - 麻辣鴨血鍋。火鍋湯底好適合打卡，煙霧彌漫。鴨血好新鮮嫩滑，湯底麻香味十足，又可以兼顧到油份唔太重，幾出色！我哋仲特登嗌多咗兩碟鴨血，因為太好食。食材方面用料新鮮。，鵝腸係一般坊間少見新鮮個種，口感脆口爽身、仲有本身油脂香。萵筍又脆又香！鍾意食內臟嘅我哋，點左豬肚、豬潤，難得豬潤煮完爽脆淋滑，無腥味。脆魚鯇係必叫，每日新鮮攞貨，所以肉質結實、清爽脆口！稻庭烏冬就真係用番日本個隻，口感細滑。

經朋友介紹，來試試呢一間荃灣既火鍋店。疫情關係，店內十分注重衛生，剛坐下就有店員主動幫忙，係你面前用熱水為食具消毒殺菌，食得相當安心！以QR code落單，餐牌一覽無遺，價錢清晰，最重要係更加衛生👍🏻又環保♻️！店員十分快手，一洗完食具，配料九官格即時出現，絕對高效率👍🏻👍🏻。落左單無幾耐，湯底就到，不得不讚呢間店鋪效率好高，但佢地又唔會限時，我地都坐左成2個幾鐘。湯底有好多款，但見網上好多人都叫呢款椰子番薯蜆雞湯，果然冇令我地跌眼鏡，好明顯好舒服既新鮮椰子水味配上雞湯，真係一流！🤟🏻再加上湯底下有唔少番薯蜆，十分適合呢個清甜既湯底。食火鍋點小得響鈴，響鈴似自家製！食落唔太油，又吸到大量湯汁，高質！我地分別叫左牛丸同蝦丸，呢間小店既丸類都好明顯係自家手製！蝦丸十分彈牙、牛丸食得出牛肉質感，十分滿意！！👏🏻大力推薦呢間既丸類。諗唔到食邊款牛，但款款都想試試。決定叫個牛肉雜錦拼盤，每一件牛都十分出色，特別推介都係A5和牛片，大大塊既油脂配上淡淡牛肉，食落好似食緊綿花糖，好正！同樣地，太多菜類選擇，都係決定叫個蔬菜拼盤，樣樣都試下。蔬菜全部都好新鮮👍🏻特別d有紫色既番薯片，好睇又健康。最尾最尾

朋友好鍾意打邊爐，今日就約咗佢嚟荃灣呢間大滾友試試～一入座先提供精緻調料架溝醬～湯底叫咗椰子雞湯，味道真係超香濃，飲到唔捨得落料打邊爐😂😂😂齋飲湯底都飽咗三成，估唔到咁好飲，我地仲嗌咗好多野食🫣見到人地個大堆頭嘅牛肉拼盤我地跟隊叫咗個，擺盤精美肉質都唔錯；呢個係大size嘅，我地仲試埋呢度獨有嘅陳年花雕浸牛肉，淥完都有陣陣酒香，幾特別～手打丸類我地試咗蝦丸同牛丸，都係新鮮彈牙～再加埋脆卜卜嘅即炸響鈴同埋雜菜拼盤仲有稻庭烏冬真係飽到傻😂😂😂所有食物質素都好高，湯底亦唔算太貴，嗌得咁癲埋單都係$1300左右，收斂少少嘅話其實人均$400-500都搞得掂，非任食火鍋嚟講性價比算唔錯了～