大滾友火鍋 (紅棉大廈)

營業中

休息中

荃灣千色店附近新開的手工邊爐，難得今日放假，去試下先～款式都算多，手工邊爐黎講價錢算合理～九宮格醬料，連芝麻同麻油都有，正湯底方面，我地叫左櫻唇半開．特色卜卜蜆鍋 $198一大鍋蜆肉，湯面有一大堆芹菜、蒜粒、辣椒粒，愈煲愈惹味的湯底；蜆肉新鮮鮮甜，最緊要係無沙，蜆嘅數量都好多，點食都仲有好多係個湯到煲緊，所以湯頭愈煲愈甜，正酒香陳年花雕浸牛肉 $128好香酒雕味，但又唔會蓋過牛肉本身的鮮味，有功架蟹黃餃 四粒 $78勁好食！入面啲蟹醬係滿到爆，而且好香蟹膏味，蟹迷唔可以錯過日本廣島蠔 $88大大隻的日本蠔，鮮甜，抵食薯粉 $38係爽身的薯粉，幾夾個湯底油麥菜 $38大大份，好新鮮自家製足料竹蔗茅根 $68一大壺，清甜之選店員幫忙加湯，好特色疫情期間，全單68折，勁抵，要再黎食過先

呢個冬天真係好凍咗好多，長期都想去滾一滾，做下大滾友!😈 我講緊嘅係去打邊爐~😜 上網見到呢間火鍋店，午市做緊68折優惠😯，即刻book嚟食下!😛 餐廳環境好有氣派，好有宮廷嘅感覺，坐位都好闊落，最特別係每張枱都放有皇帝用既聖旨，同埋餐牌都設計得好搞笑，而且湯底和食材都好出色! 😎👍🥘 玲瓏浮凸 · 🐣花膠雞湯鍋 - 半隻 (原價: $298; 折後: $203)煲一陣就可以飲下佢個湯底，雞味真係超級濃郁，非常清甜!😍 忍唔住未打邊爐前已經飲咗2碗!!!😋😋 大家一定要試下!😙 仲有半隻半熟三黃雞分開上枱，俾大家可以慢慢落淥嚟食，原來半隻都好大份，足夠三人食!🤣🤣 雞肉煲5分鐘就食得，肉質好嫩滑，仲有大量花膠，店員會剪開一塊塊，煲一陣就食得， 爽口嫩滑，滿滿的骨膠原，好滋補!😌火鍋配料: 1. 🐮酒香陳年花雕浸牛肉 (原價: $128; 折後: $88)牛肉片用花雕酒、紅棗和杞子浸住，好滋補!😝 牛肉滾幾秒就食得，入口好香花雕酒味，肉質嫩滑!😋 之後可以將酒倒落火鍋入面，令到湯底更加鮮甜!😎2. 🐙手打鵝肝墨汁墨魚丸 (原價: $68/4粒; 折後: $47/4粒)墨魚丸用墨汁整，全黑

湯底超正打邊爐。大滾友呢間新開嘅打邊爐餐廳位於荃灣青山公路地鋪， 荃灣城市廣場隔離， 揸車嘅朋友泊荃灣城市廣場行去都係一至兩分鐘， 地點好方便🥰餐廳裝修古色古香， 連卡位、爐同埋餐牌都帶有中國風， 落單係掃QR code， 突然間好現代化🤣🤣 落咗單之後侍應會係你面前用熱水幫你清洗所有嘅餐具， 呢種服務好少見，好窩心，尤其是疫情期間，尤其重要👍👍🌟椰子雞蕃薯蜆濃湯鍋一上枱就聞到椰子雞既香味， 之前深圳好興椰子雞煲， 如果要比較，呢個好味好多倍😋😋 裏面啲雞肉好嫩滑， 配埋大約有十隻大嘅蕃薯蜆， 淨係飲個湯都值回票價🥳🌟大扇貝廚房即劏嘅扇貝， 新鮮度十足，最緊要係清洗得乾淨， 連殼放落去都冇問題。 🌟伊比利亞橡果豬大約有十大片， 真係一分錢一分貨， 豬味濃，冇筋👍🌟桂花蚌一上碟就覺得好新鮮，因為夠光滑， 分量都足， 呢個記得唔可以煮太耐呀。 🌟大滾友肉丸拼盤手打丸一共有十粒共五款， 包括墨魚丸、蝦丸、墨汁鵝肝丸、櫻花蝦丸同牛丸。 特別推介櫻花同鵝肝， 出面好少食到而且味道好特別😋🌟鳳尾鮮蝦雲吞一共有四大隻， 每隻都有原隻蝦喺裡面， 賣相一流，口感都幾好😋其實餐廳提供好多好特別既鍋底， 我

呢間火鍋又係啲好有氣派、所有嘢無論係擺盤、餐具、環境同服務態度等等都係好有質素🎃雖然價錢唔會係任食咁抵，但反而食得開心好多，每一啖都係享受😌.🥘湯底(花膠雞湯鍋) $298超級足料而且個湯底真係好清甜，絕對可以當湯咁飲😋估唔到啲花膠都幾靚，大大塊有咬口，雞肉都幾嫩滑🤤份量好多，叫餸個陣記得預埋湯底啲料😼.🥬火鍋配料 ($28 - $348)今日意外收穫係平時食開讚岐烏冬要$38/隻，呢到$28炸🤣當日最推薦蝦滑、手切本地牛肉、手打鵝肝墨汁墨魚丸同埋即炸黃金響鈴😚其實差唔多全部講曬出嚟，個丸真係好好食，咬開入面堅係有鵝肝係到😈.💰人均消費: ~$500.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

元朗分店喺開飯人氣唔少。不過，今次去咗新開嘅荃灣分店。聽朋友講可能剛開業，水準有啲距離，午市樓面得一個人，好靠自律性，期望不久會有改善嘅服務態度。好在裝修尙可，聖旨入面有個qr code俾我哋落單，玩Gimmick。花膠雞湯鍋$298 （半隻）平時會試下湯底，不過今次湯底偏向濃味， 飲咗少少就要食下雞。🤣🤣海蝦六隻$88、大扇貝四隻$98😯尚算新鮮，性價比一般。紫菜腐皮卷$68、即炒響鈴$68🙂口感尚算香脆，不過不失。鮮淮山$38、冬瓜片$32、日本稻庭烏冬$28定價偏高，食物質素一般。

這間大滾友火鍋之前在元朗分店食過覺得它們的湯底不錯，知道荃灣開了分店就過嚟試下。這裏的環境敞堂裝修很有古色古香風味，入座後店員即時為我們清潔食具，非常細心，之後就用QR code落單快捷方便！消暑冬瓜瑤柱鍋上枱時已經覺得好吸引，材料有鮮蝦、冬瓜、瑤柱、蟹柳和素翅，煮滾後我們每人飲了兩大碗，湯底非常清甜鮮味十足，冬瓜粒吸入湯底精華非常美味。半熟五花腩這個都是第一次食的，每一片都切得好薄，肥瘦比例適中，由於是半熟所以食落有少少微焦的香味，好香口。日本廣島蠔蠔肉大隻又肥美，蠔味香濃，滾熟後粒粒都脹卜卜，爽口鮮甜。手打蟹子墨魚丸墨魚丸爽口彈牙，食到細細粒的墨魚肉，加入蟹子粒增加口感。菜苗帶子餃餃子皮薄餡料豐富，帶子清甜加入菜苗一齊食味道配搭得不錯👍

邊爐之外，配菜都好緊要！hot pot must try those ingredients,豐富配料超好味，蟶子皇時令海鮮更加可以打邊爐！🔥蟶子雖然一年四季都可以吃到，😍但宜家呢個季節嘅蟶子😚就最好吃，因為佢哋經過成個冬天，🥰會特別肥嫩飽滿，上到嚟蟶肉爆殼，食落肉質鮮嫩😋，味道超好味。鬼馬油炸鬼，空心香脆嘅油炸鬼好好味，🥢食落脆口，加入蝦滑同魚滑，彈牙之餘，🐟都有魚肉嘅鮮甜味，面頭粒粒晶瑩嘅脆口🦀蟹籽，

鹹蛋黃好好食！平時已經係蛋黃控，🤤今次試到即炸響鈴好特別呀~既可以索到湯汁，😘可以品嚐湯底，更加濃厚鮮味，因為悉心即炸，所以特別脆口。🥚金沙更帶出沙質感，鹹香滋味。花膠雞湯鍋🐥養顏之餘，雞湯香滑，而且雞味濃厚好滋味，🍲花膠厚肉膠原感重，可以飲更加湯底好香。🫕珊瑚，桂花蚌雙拼🦑海鮮打邊爐好推薦，因為可以輕輕碌就熟，🐙更加可以保持肉質嘅鮮味。桂花蚌脆口，🐟好彈牙，新鮮爽口，味道好正。珊瑚蚌吃起身，🥢非常清新，而且好飽滿，🐚超有勁道，

呢一間嘅邊爐，同friends試過，dinner time好正！🐤椰子雞蕃薯蜆濃湯鍋，我覺得值得一試，個鍋好靚，🤩上到檯時，更加有煙霧feel，精心好特別。😍🥥椰子湯好滑好香，椰子味濃郁，蕃薯粒味道香軟，🍠薯香更添濃厚，🥢蜆好鮮味，粒粒蜆肉飽滿，🥰少見湯底選擇，味道好滋味。極品四國牛肉 🐮牛肉好新鮮！而且集齊四個國家品種，所以選擇好多，🥩鮮美牛肉味好香。自家製足料竹蔗茅根，同鬼馬油炸鬼，好味！

日前經過見新開火鍋店裝修得古色古香，同舊同事提議試新火鍋店，大家試過都讚。坐得舒適、食材新鮮好味、服務良好、餐牌玩味十足。火鍋湯底揀咗花膠雞，未放配料淨飲個花膠雞湯已好好味。蔬菜拼盤份量足、響鈴仲有3款選擇、牛拼盤真心覺得非常唔錯，值得下次再光顧。

今日去食，其他野都幾好味，除咗呢個超唔抵和牛拼盤，份量少，每塊都超細塊，仲唔係特別好味，仲要698，本身下午有68折，唯獨呢個牛話本身特價左無折喎，下次都唔會幫襯。

🌖櫻唇半開·特色卜卜蜆鍋 $198卜卜蜆以有龍頭🐲嘅鍋上菜，鍋內飄出陣陣輕煙，夠曬派頭，打卡必備！卜卜蜆其實仲有香辣口味，不過愛海鮮多過肉嘅我為左品嚐海鮮嘅鮮味所以就叫清淡version。卜卜蜆（沙白）份量十足，一鍋有成二三十隻，其中兩隻比較難開口，所以比例上黎講都幾新鮮；開口嘅蜆全部都無沙仲好鮮甜，質素都幾唔錯👍🏻。不過因為所有蜆幾乎係同一時間煮熟開口，進食速度難以跟上，所以後期嘅蜆肉就會有點過熟難咬浪費左🥲，建議店家除左提供放殻嘅盤以外，可多提供備用盤放置已煮熟/待放涼（e.g. 原隻有殻鮮蝦、粟米）嘅食物。🌖大滾友海鮮拼盤（細） $398海鮮拼盤嘅食材每樣都有四至六件，內容包括鮮蝦🦐、蟶子、帶子片、蚌、蜆及蠔🦪，蟶子味道鮮甜，係各種海鮮中突圍而出。🌗手打鵝肝墨汁墨魚丸（4粒） $68墨魚丸夠彈牙，內裡包住鵝肝夠特別，但略嫌有腥味兼且同墨魚唔係太夾，不過創意度真係滿分💯。🌗蟹皇餃（4粒） $78蟹皇餃真係超橙😮！橙到令人懷疑係咪加左紅蘿蔔😂，不過食到一絲絲蟹肉（仲夾雜左少少蟹殻），真係真材實料嘅。提提大家，平日晚市9:30以後火鍋配料半價，如果你係夜鬼，呢個着數就係屬於你！

大滾友is my favourite！火鍋店！！元朗分店已經食過兩次，開到嚟荃灣，都決定叫黎捧下場！環境好闊落裝修又靚！係千色店旁邊都容易搵。呢度既湯底好多都好正，好難揀今日好想食大量蜆最抵食一定係特色卜卜蜆鍋所以今次係荃灣分店決定再食🤤🤤🤤卜卜蜆上枱等多一陣 等d蜆開晒口先食得有好多隻蜆，兩個人食極都仲有咁又隻隻都新鮮！食唔哂最好夾起左先食物上枱都有乾冰見到呢份牛肉嘩一聲🤤仲好好食！推介手切牛頸脊！

#double👧🏽👧🏻吃在荃灣【荃灣|湯底出色火鍋店😋🍲】...#🥭👧🏻又到打邊爐嘅季節啦😆今次👧🏻去咗間裝潢偏中國風嘅火鍋店 店鋪不算大 下午時分客人亦不算多 可以慢慢享受🥢店員服務態度都好好👍🏼🔻「玲瓏浮凸」花膠雞湯🐥(半隻 $295)湯底好足料！香而不膩👍🏼啲花膠超大塊 舖頭好細心 會俾你影完相 再幫你剪細塊🤩雞肉嫩滑唔嚡口🔻大滾友牛肉拼盤<細> ($398)一上菜有點驚艷到😍好靚 加咗乾冰做裝飾🧊牛肉有分唔同部份 如果店員可以詳細介紹返就好啦 牛柳粒口感好好😋嗰朵好靚嘅玫瑰花🌹係牛舌 好爽口🔻菜苗帶子餃🥟<6粒> ($98)餃子好爽口 好似一粒好爽嘅肉丸用餃子皮包住咁🤣🔻滑捋捋雙拼($118)手打蟹子蝦滑+瑤柱乾貝滑 蟹子蝦滑幾有有口感🤪🔻大滾友響鈴拼盤<各三件> ($88)黃金響鈴蛋黃味重🤤值得一試！好邪惡啊🔻紫菜腐皮卷（$68）腐皮卷咬落去層次感豐富🔻大滾友雜菜拼盤🥬($88)🔻自家製足料竹蔗茅根🎋 ($68)竹蔗茅根唔會太甜 好抵飲👍🏼有6杯左右既份量－－－－－－－－－🍴餐廳：大滾友火鍋 (荃灣店)📍地址：荃灣青山公路荃灣段

冬天不得不去暖下個胃，去了一間可能大家都聽過的火鍋店 - 大滾友。後生的可能喜歡吃任食，現在的本王不太喜愛任食了。這裡湯底有很多選擇例如芫茜山等，每個湯底也吸引，最後在養身的考慮下選了一個胡椒豬肚雞湯鍋，本身已有豬肚及雞肉上枱，煙霧離漫十分養眼，胡椒味夠足，少許醒神暖胃，豬肚洗得很乾淨，本身點的時候也擔心會否有「壓」味，雞也鮮嫩，不過本王建議大家先吃掉湯底的肉否則後來就會變老了。我們點了不多食物，兩揸飲品包括自家制竹䉀茅根，挺不錯，還有菊花茶。會有龍頭特色，可惜影衰左無post到了。食物方面點了黑松露手打墨魚滑，松露味濃，手打滑很有口感比起手打肉丸更出色。大滾友肉丸拼盤，有不同丸鵝肝墨汁墨魚丸味道還好，個人偏愛櫻花蝦肉丸，十分新穎配搭但意外的夾。另外點了響鈴雙拼，即普通響鈴及咸蛋黃響鈴，個人覺得聽來很正及邪惡，但我覺得咸蛋黃的張力影響了整體響鈴原身脆口感覺。大滾友牛肉拼盤中有牛舌，普通肥牛及白色應該是牛黃喉，十分爽口，像鵝腸，但更爽呀，多數是每樣5件，唯獨花式牛肉，是未溶雪的不是太好吧。全餐最出色的一定是蟹粉餃，蟹粉味特濃還會在口內留下味道，不過一起即逝，必試！打邊爐真的很難形容，其後