喬居酒屋

營業中

休息中

每個月一次放低囡囡同老公2人世界既日子又黎啦!!!每次最期待就係呢一日!今次食左我地2個都中意既串燒, 係OPENRICE見到呢間新開就黎試試佢店子雖少但星期日full house!!! 芝麻雞翼好耐冇食過啦~外層炸到脆卜卜但內裡keep到juicy口感, 真心good good店子雖小, 但食物質素真心得! 推薦既野食真你好多~私心推介佢地既燻煙五花腩, 慢煮鵝肝, 雞心喉管, 黑糖燒菠蘿, 日式炸白蝦仔, 燻煙芝士燻煙芝士 & 慢煮鵝肝都係廚師既私心推介, 但係食完真心力推平時我係個唔中意食鵝肝既人, 擁住一個試下既心情, 鵝肝好cream入口即溶既口感真係同我認知既質感, 最重要係唔覺得勁重肝味~ 配埋廚師特製既清新白蘿蔔, 成件事食落去好夾overall 係勁好食, 連我唔中意食鵝肝既人都想再encore!!!燻煙芝士 同 燻煙五花腩都係重燻煙香, 燻煙芝士係串燒店真係第一次食, 芝士燒得好香~而燻煙芝士既smoke味頗重, 單食會有d咸但做佐酒小吃真係一流之作! 燻煙五花腩都係濃味者首選, 煙燻味重但唔會覺得太over, 五花腩燒完迫左油脂, 所以食落唔會覺得油膩, 推日式炸

呢間新開嘅隱世居酒屋位於太子花園街嘅一條小巷內，環境好細，有兩張bar枱同二人枱，開放式廚房可以望住主廚即叫即燒，食物方面無論係賣相同味道都頗有特色，值得bookmark！店員推介鱸魚，用厚厚嘅一層鹽覆蓋，賣相吸睛，打卡一流，出面未見過，唔使額外調味已經好好食，魚肉散發著淡淡鹽焗香氣，鮮甜原味，一定要叫🐟 薰煙芝士同樣係驚喜之作，香氣四溢，hidden menu，must try item🧀豬牛雞都有唔少款色，比較創新嘅有士多啤梨同蘋果豬肉卷，集合甜酸鹹，好特別、正常option有牛小排、手羽先 、免治雞肉棒，個人喜歡鹽焗雞同蒜香牛肉蔥卷，前者一口一粒，嫩滑多汁、後者口感豐富，性價比高，讚👍平時食蒜香燒茄子都係帶皮嘅，唔講唔知原來唔帶皮嘅先係日本正宗食法，入口滑溜，十分juicy，上面仲有滿滿蒜蓉，惹味無窮！呢度嘅前菜同甜品都係自家製，睇得出小店嘅心機🙈

呢間居酒屋隱身於小巷，座位唔多，有吧枱同兩張二人枱。佢哋唔止得串燒、炸物，一品料理同飛機貨刺身。當晚連魴鮄、喜知次、日本鱸魚都有。✨煙燻芝士 $38 芝士係自家燻製，比起平時食Rolf個款芝士零食味道細緻好多。而且燒到外層好香，裏面好軟熟。有特式又好味。✨唐揚雞軟骨 $58金黃酥脆好啱餸酒，炸粉特別薄所以冇咩油膩感。✨唐揚涼瓜 $58用嘅係沖繩涼瓜，所以幾乎冇苦味，反而覺得甘甘地同埋好多汁。✨芝麻雞翼 $48新鮮炸起脆卜卜，又脆又多汁。✨雞頸肉 $38雞頸肉其實嫩過雞腿肉，而且細細件可以燒得比較香。✨手羽先 $38雞皮特別薄同脆，雞肉好多汁。✨牛舌芯 $68牛舌彈牙多汁，用黑椒調味特別夾。✨蒜香牛肉蔥卷 $58有啲似鐵板燒會有嘅燒牛肉。半熟嘅牛肉幾嫩滑，包住炸蒜同蔥花。✨黑糖燒菠蘿 $38菠蘿又甜又多汁，表面嘅黑糖仲脆脆地。最後仲有抹茶mousse🍵。味道好清香！

🍡煙燻芝士第一次用串燒方式去食煙燻芝士，味道濃郁，煙燻味係口中散開，芝士既質感滑嫩🍡牛舌心肉質又嫩又滑，口感彈牙🍡黑毛豚肉五花腩肥美既脂肪融化口裡，肉質鮮嫩，一口咬落去爆汁，再配上柚子胡椒醬汁，味道更加突出🍡雞軟骨外酥內嫩，脆脆既質感🍡雞肝外層微微焦香，內裡嫩滑細膩口感，完全冇腥味，配上醬汁去烤，超軟綿綿🍡免治雞肉棒配初生蛋自家製免治雞肉口感細緻，搭配初生蛋有濃郁蛋香& 醬油，加上芝麻口感更豐富🍡慢煮鵝肝一試難忘！鵝肝味道超濃郁，入口即化，夾著鰹魚汁浸過嘅白蘿蔔，唔會油膩，口感清新🍡京都炸豆腐外皮酥脆，內裡軟嫩，搭配鰹魚汁，好香口🍡美國牛小排肉質鮮嫩多汁，肉味濃📍喬居酒屋 太子花園街239號嘉慶苑地下C號舖

❤️第一次到訪呢間位於太子小巷入面嘅串燒居酒屋新店剛剛開張 店舖空間唔算太大特別之處係可以坐喺吧枱 望住師傅即場烹製美食😆全程師傅都會好細心介紹食物 同埋推介食法感覺相當溫馨 重要係全晚食到嘅串燒都好高質～-首先我哋試咗兩款招牌水果串燒波子提子豬肉卷 第一次食呢個配搭 豬肉卷油香四溢包住嘅提子甜度都好高 入口爆汁感覺好Juicy士多啤梨豬肉卷 食落酸酸甜甜嘅味道會有埋煉奶點 估唔到一啲都唔伏 仲幾特別添-燻煙芝士 未擺入口已經聞到勁香木味 香到入口好似食緊肉咁🤤免治雞肉串配日本蛋 師傅自家製 加入咗雞軟骨令口感更豐富 配埋蛋汁一流汁燒雞肝 雞肝好creamy冇腥味 醬汁甜甜地牛舌心 食串燒必點 肉質keep 到嫩口 好味！-鹿兒島五花腩 肥瘦均勻 層次分明 肥膏位食落黏口富有彈性😋即燒梅頭扒 全晚最難忘的菜式😍 睇住師傅由生整到熟 冇經過事前醃製 燒出嚟嘅肉質好滑 油脂分布恰到好處 加埋個醬汁成碟非常出色當晚同朋友食完已經一致決定會再回訪 ！估唔到喺香港竟然有性價比咁高嘅即燒串燒居酒屋👍🏻好味評分😋：5🌟/5🌟🌟抵食指數🤑：5/5 🌟🌟餐廳環境 🤪：4/5🌟🌟價錢💰：～$300 @1👩🏻

係位於太子新開嘅串燒店😝❗️佢地老闆好有心，諗到好多特色串燒同小菜，魚湯烏冬、芝士豆腐、慢煮鵝肝都係必食✨😽，店內環境細，適合2人聚餐🍻：-1️⃣「士多啤梨豬肉卷🍓($48)」之前食過荔枝豬肉卷，果味香甜爆汁😝❗️今次變咗士多啤梨，多左種入口即溶嘅感覺，鹹甜組合正！~ Strawberry with pork belly roll 👍🏻-2️⃣「牛舌心👅($68)」超級爽口，而且重牛香味🤣~Beef tongue👍🏻-3️⃣「慢煮鵝肝🪿 (4件) ($98)」係汁煮嘅嘅口感💁🏻‍♀️，有鮟鱇魚乾嘅味道，香甜入味🤣~Sous vide goose liver👍🏻-4️⃣「迷李魚湯稻庭烏冬🍜($68)」佢好高質嘅魚湯，用咗四至五個鐘熬製而成，完全係奶白色，一定要飲哂個湯，稻庭烏冬彈牙🤪～Fish soup with udon noodles 👍🏻-5️⃣「免治雞肉棒配日本初生蛋🇯🇵🍗 ($42)」雞肉棒嫩滑，配蛋黃個口感更加和諧👯‍♀️~Chicken minced stick with Japanese egg 👍🏻-6️⃣「炭燒芝士豆腐🧀️」(隱藏餐單 Hidden menu🤫)超！好！食！超香煙熏香味嘅芝士~Gril

今日去完花墟，經過有條巷仔掛滿左燈籠，望真啲原來入面有間日式餐廳，咁有特色，就去試下喇餐廳只係得10個位，師傅係bar枱位煮食，店員好殷勤咁介紹佢地既signature dish，我地就叫左以下食物：波子提子豬肉卷豬肉燒到香脆，食既時候要攤凍啲因為入面有粒爆汁提子！白鱔店員大推，白鱔燒到外脆肉嫩，不得了！牛舌芯軟稔既牛舌芯，配芥末醬又有另一番滋味蒜香牛肉葱卷牛肉嫩口又juicy，包滿葱同蒜！免治雞肉棒配日本初生蛋自家制免治雞肉棒，配蛋汁又滑又香燒明太子一般燒明太子都係配青瓜，佢呢度配左醃蘿蔔，好清新可口

早幾日諗住去太子行下花市買年花，本身夜晚諗住求其食啲嘢啦，點知比小編搵到呢間隱世居酒屋🤭舖頭面積雖然唔係好大，但係店員嘅招待非常友善熱情，顯得更加有親切感😚整體嚟講，絕對稱得上係一間精緻又高質嘅串燒店😋.🐖黑毛豚肉五花腩 $42五花腩真係每次食串燒必點！呢一間都燒得非常之好食，肥瘦均勻🤩一食入口，五花腩嘅油脂入口即溶😎.🍍黑糖燒菠蘿 $38每次食串燒基本上小編都一定會叫燒菠蘿，好食嘅燒菠蘿真係好甜好甜，仲可以當甜品😳酸酸甜甜嘅味道真係令人哋越食越開胃😚.💰人均消費: ~$300.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

🔺喬居酒屋位於太子的一間隱世日式居酒居💁🏻‍♀️新店營業 主打日式串燒 聽老闆講遲D會增設omakase😯所有材料由日本進口 更能食到日本風味🤭.進店後先送上自家製作嘅漬物🍢食材新鮮，每款都十分美味！！最喜歡係牛蒡&白蘿蔔😋好想encore🤌🏻燒物方面 推薦波波提豚肉卷!🍇爽甜的提子令豚肉卷更juicy～估唔到呢個配搭咁夾！另外牛舌、原條鰻魚、牛小排也值得一試👍🏻每款燒得剛好，唔會過晒火

味道：⭐️⭐️⭐️⭐️⭐️呢間居酒屋嘅位置超穩世 係一條後巷入面🏮食材新鮮同時每樣食物都超有心機咁去炮製🎋 前菜：柚子蘿蔔、蓮藕、牛肉🐮❶燒雞泡魚乾 $68食落無平啲啲咁乾身 口感煙韌 油脂清香 非常鮮美🐡❷燻煙芝士 $38芝士質地柔滑 帶有細膩既煙熏味🧀❸雞腎 $32 雞腎口感爽嫩 無任何腥味👍🏻❹雞皮 $32雞皮燒得好香脆 食落一啲都唔油膩😈❺燒雞軟骨 $32脆嫩有嚼勁 肉汁仍然保留住🍗❻芝麻雞翼 $48雞翼炸至金黃色 外脆內軟 肉汁爆棚🫶🏻 ❼免治雞肉棒配日本初生蛋 $42將雞肉餡捏成長條棒狀烤製而成👅 再沾埋蛋汁一齊食 食落口感軟綿 沾上蛋汁後令肉汁昇華〽️❽黑毛豚肉五花腩 $42豬腩肉肥肉瘦肉層次分明 充滿油香 肉味香濃🛢❾牛舌心 $68牛舌肉質鮮嫩 口感彈牙 一咬落去簡直牛味爆棚🐄❶⓪波子提豬肉卷 $48呢個配搭真係第一次食 薄切既豬肉包住新鮮既青提🙊食落幾fresh 減低咗燒豬肉帶嚟嘅油膩感🐷❶❶唐揚雞軟骨 $58雞軟骨即叫即炸 上枱熱辣辣 食落外脆內嫩🔥❶❷炸芝士年糕 $28芝士年糕外皮煙韌 咬落去嘅時候芝士就慢慢咁流出🧀再夾住紫色一齊食 食落層之又豐富咗🫦❶❸蒜香燒茄子 $25

晚上去咗呢一間喺後巷比較隱蔽嘅居酒屋廚師係一人主理，而Menu嘅款式都幾多京都炸豆腐，層炸粉幾薄身芝士年糕，燒年糕中間有芝士漿外層配有塊脆紫菜明太子飯團係燒過嘅，係飯焦口感，好脆身肉類串燒叫咗黑毛豚肉五花腩牛舌心、免治雞肉棒配日本初生蛋仲有汁燒雞肉蔥串、雞頸肉同波子提豬肉卷黑毛豚肉五花腩，油脂香幾豐富波子提豬肉卷中間配一大粒青提子青提子好清甜配埋豬肉卷燒有甜有鹹味蔬菜類串燒叫咗牛油燒粟米日本燒番薯、蒜香燒茄子同燒翠玉瓜蒜香燒茄子去咗表面紫色外皮食落好方便，幾細心燒翠玉瓜燒得幾Juicy，調味適中整體食物水準唔錯，值得一試

捐窿捐罅搵食，喺太子一個隱蔽位置搵到間高質居酒屋🏮放咗工同同事/朋友飲酒🍻食串燒就啱晒勒！ღ黑毛豚肉五花腩 $42五花腩口感爽脆多汁，油脂層次分明ღ美國牛小排 $68肉質鮮嫩多汁，牛味濃郁———ღ鹽燒雞肉串$36｜汁燒雞肉蔥串 $38雞肉好嫩，用咗鹽燒汁調味軟嫩嘅雞肉加上清脆嘅蔥段再用汁燒，好惹味ღ唐揚雞軟骨 $58雞軟骨炸得酥脆 ，口感彈牙有咬口ღ蒜香燒茄子 $25｜黑糖燒菠蘿 $38茄子軟嫩，面頭放咗炸蒜，蒜香味十足！菠蘿🍍加上黑糖再用火槍燒，香甜清爽ღ芝麻雞翼$48｜櫻花蝦炸豆腐 $58芝麻雞翼燒到外皮金黃，香脆惹味面頭鋪滿櫻花蝦，入口香脆，豆腐外脆內嫩滑，加上櫻花蝦，口感更有層次!ღ燒雞泡魚干$68口感煙韌，咬落鮮甜滋味，越食越香ღ迷你魚湯稻庭烏冬$68魚湯好奶白好香濃，滿滿骨膠原，食完個滑捋捋烏冬，連啲湯都飲晒🤤

在太子的繁忙街道上，在一個小巷中尋找到一間新開的居酒屋小店，引起我們的好奇心，店內座位不多，感覺和師傅很接近，比較親切和容易交流，令人想起日本的深宵食堂，店內食物以串燒及炸物為主，整體質素很好，火喉控制佳，也有用心，會自己製作前菜包括柚子蘿蔔、鹽水青瓜、牛舌，甜品也是自家製，值得推介。燒手羽先$38燒手羽先即燒雞翼，能考驗到師傅的基本功，我覺得這裡的燒得很好，燒到皮脆肉嫩，又不油膩。燒雞頸肉$38 燒雞頸肉是鹽燒的，雞肉的肉質細緻而爽滑，鹽味恰到好處，不會過鹹或過淡，能提起雞肉的鮮味。燒牛舌心$68牛舌心是牛舌中間最嫩的部分，是高級享受，牛舌厚薄適中，有一定厚度咬下去才有爽口的感覺，它烤得剛好，口感彈牙而鮮美，沾上一些芥末醬，更能增加層次感。櫻花蝦雞胸沙律$68本來選牛油果，因為牛油果未夠熟所以轉櫻花蝦，沙律份量比我們想像的多，有很多爽脆的沙律菜、青瓜、蕃茄，雞胸肉切得薄而寬，口感軟嫩不粗糙，灑上大量櫻花蝦，附上小碗的日式沙律醬汁可隨個人喜好添加，整體清爽而開胃。蒜香牛肉蔥卷$58 選蒜香牛肉蔥卷是因為個人很喜歡這組合配搭，覺得很絕配，將牛肉和蔥捲在一起，烤得香噴噴，蒜香和蔥香相互融合

✒懶人先睇總結.❀食物：​串燒選擇多，酒類方面可以點一枝的sake或特式啤酒🍻❀服務：師傅好熱情，所有串燒都係席前即點即燒，保證熱辣辣🔥❀環境：店舖位置不多，有好似omakase的吧枱位置。係隱蔽小店形式～❀價錢：2人埋單 $712.80.✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐.太子轉角的小巷裏掛滿滿天燈籠，更有朋友以為我去咗日本😂！走近一看原來係新開的居酒屋，店內位置不多，大約只容納到十幾人。.店內的位置以吧枱為主，除了可以近距離欣賞廚師燒串燒，亦可以保證串燒熱辣辣上枱。包括off menu items都可以問一下師傅推介～.🎈前菜 落座後師傅會先在面前的小碟上放上漬物。師傅介紹漬物是自家製的，三款包括柚子蘿蔔、鹽水青瓜及煮蓮藕。.🎈Off Menu Items👉 煙燻芝士 ($38)獨特煙熏香氣，外面帶有焦香感，裏面是軟心芝士。.👉 立鱗燒 ($138)立鱗燒一般在鐵板燒店比較常見，估唔到小小一間居酒屋居然都有提供立鱗燒。比較特別嘅係伴碟仲有爆米花，不是粟米爆係真係米爆出嚟🤣.🎈串燒👉 士多啤梨豬肉卷 ($48)店內獨有✨ 一咬下去就係燒熟的士多啤梨，好似果醬咁幾特

臨近新年去左太子花墟行花市，買靚花！買完之後問左住太子既朋友有咩好西介紹！佢就介紹左呢間既隱蔽又好有日本特色既居酒屋！呢間居酒屋系條幾窄既後巷入面，入面只有10-12個位，因為位置吾顯眼，所以人吾算多。櫻花蝦豆腐 $58炸日本豆腐，外脆內軟滑，夾埋紫菜同脆卜卜既櫻花蝦食，最緊要配埋特製既蒜蓉醋汁，味道有少少似柚子味，醬汁調較得幾好，而且特別！芝麻雞翼 $48一份2件，師傅話佢地用日本既雞翼，所以雞肉味會較為重，個人覺得炸得非常好，雞皮好脆口，帶微微芝麻香，入面雞肉仲好juicy。因為坐係廚師席前，可以睇到廚師燒串燒，即叫即燒，感覺好似去左日本既居酒屋食野。波子提豬肉卷 $48第一次見用水果配豬肉，薄薄既豬肉片包住波子提，食落吾算好甜，會比較juicy d。蘋果豬肉卷 $38另一款揀左豬肉片包住蘋果，相比起波子提，蘋果就無咩汁，蘋果味亦吾太突出，但口感會爽脆d。鹽燒雞肉串 $36雞肉串燒到禁上下，就見到廚師落鹽，有啲似睇緊廚藝表演。雞肉吾會燒到好黑，味道以咸味為主，未算太食到燒香既味道。美國牛小排 $68牛小排肉質軟嫩，價錢比較進取。免治雞肉棒配日本初生蛋 $42免治雞肉棒既醬汁好夾生雞