喬居酒屋

營業中

休息中

星期日同朋友相約喺太子一間居酒屋小店食吓串燒傾吓偈🏮小店位於小巷內，可以坐室內或者室外，店小但坐得舒適。酒盜芝士 $48————————————酒盜係一種醃漬物，主要成份來自海產，入口非常濃郁鹹香，配芝士好夾🧀再配上清爽嘅青瓜中和酒盜芝士嘅濃郁感🥒雞胸脆骨 $34————————————除咗非常爽脆嘅軟骨部分，仲燒埋軟骨連住嘅肉，又係好有咬口，非常香口。雞腎 $34————————————口感脆彈有嚼勁嘅雞腎，唔會過韌，韌度剛剛好。雞頸肉 $38————————————雞隻經常轉動頸部，令肉質具彈性又有嚼勁，烤過後保持到原有嘅肉汁。雞心 $34————————————因為心臟嘅肌肉組織不斷活動，形成雞心嘅彈性，咀嚼嘅時候感受到特有嘅爽彈口感。煙燻五花腩 $68————————————燻到表皮有少許焦香，腩肉油脂同筋嘅部份口感少許彈牙，非常香口。荔枝豚肉卷 $48————————————燒過嘅豚肉片外皮香脆，配上整粒清甜嘅荔枝，真係好夾，減低豚肉嘅膩感，令味道層次同賣相都更加豐富。燒醬油飯團 $38————————————外層燒得好均勻咁脆脆哋形成飯焦，加上紫菜，香口又滿足🍙黑糖燒菠蘿

今晚朋友帶左我黎佢平日成日會去既打躉餐廳~佢話鍾意呢間日式小店唔多人, 飲下酒食下串燒好正喎餐牌有多款日式食品~例如小食, 刺身, 串燒, 海鮮等, 選擇都唔少....我地2人點左枝甘口既Sake~Sake屬偏甜口味~~ 有淡淡米香同自然既甘甜味~口感清新圓潤, 入口清爽俐落, 令人回味無窮好靚既杯丫海膽刺身半板 $230海膽刺身好新鮮, 入口即溶, 鮮味十足~~加埋少少Wasabi同醬油, 味道更加突出, 每一啖都好滿足！爽埋紫菜食有多重口感~~手羽先 $42/串手羽先即係雞翼啦, 即燒上枱仲熱辣辣, 燒到外皮脆身, 肉質嫩滑~雞胸軟骨 $34/串外層有少少焦香, 入面仲好爽脆, 加埋少少鹽調味, 味道簡單得嚟又好食!!雞軟骨 $32/串咬落去好爽脆又有嚼勁雞頸肉 $38/串外脆內嫩, 肉汁好豐富, 勁好味~~雞皮 $34/串唔算係好脆卜卜, 保留到雞皮既彈性~~雞腎 $34/串燒得唔會乾又唔韌, 而家好爽脆

#pb食在太子 #pb日式系列 太子窄巷內日式串燒店🍢今次想介紹一間日式串燒店😋 佢位於太子花園街一條窄巷入面 雖然位置唔方便 但都有唔少人會黎飲下酒、食下串燒👍🏻 店內環境唔大 只有9-10個位 坐滿人會好窄、好迫🤪 店內外裝修都好似日式居酒屋 師傅即場燒串燒 然後拎到客人面前😍.佢嘅串燒款式好多 有牛、豚、海鮮、雞、蔬菜等😋 價錢$22-$248不等 唔算好平🤪 除左串燒 佢仲有沙律、佐酒小食、炸物 主要都係送酒為主👍🏻 飲品方面 佢有大量日本清酒 岩哂鍾意飲酒嘅人🥰推介❤️🔹話梅漬蕃茄🍅呢款前菜好開胃👍🏻 蕃茄仔被話梅酒浸到好入味 味道酸酸地😋 而且蕃茄仔水份好足夠 咬到好juicy😍🔹雞心喉管🐣師傅將連住雞心個部分切出黎分開燒 幾特別😍 細細粒但口感好爽口 就算唔太鍾意食內臟應該都會接受到👍🏻🔹手羽先🐣好大隻雞翼😍 外皮微微燒香 咬落好juicy 油脂即刻爆出黎🤪 佢嘅肉質好嫩滑 好好食😋🔹燒牛小腸🐮佢用左味噌去燒 食落味道甜甜地 味噌味完全遮左牛小腸嘅臊味👍🏻 腸入面仲有少少肥膏 油脂豐富🤪.其他食物（正常發揮🤪）🍢🔹雞心🐣🔹雞皮🐣🔹雞頸肉🐣🔹雞胸軟骨🐣🔹油甘魚鮫🐠.整體✨ 呢

之前社交平台睇過谷導介紹喬居酒屋鍾意捐窿捐罅嘅我記咗入腦長假期經過太子酒吧街靜英英忽然醒起轉角有驚喜21:00-24:00 深宵串燒套餐抵食喎！Asahi + 7串 $228私心推介頭3位🌟燒雞心㗋管：係我鍾意嘅爽脆口感❤️🌟燒吞拿魚下巴：外脆內油·滑·香！🌟阿波美手羽先（燒雞全翼）：大大隻！雞肉好滑！大廚同經理熱情好客叫客人點歌我哋同隔籬枱熟客生客都極易搭訕😂互請sake斟吓乾吓乜都傾吓10幾座位嘅巷仔小店就係咁輕鬆好氣氛

朋友介紹，有日放工去咗呢間太子嘅隱世小店隱世係因為佢係一個好唔起眼嘅街入邊嘅一條巷仔入邊一間好細嘅舖，室內好似10個位左右，室外好似有一至兩張枱。當日去嘅時候有四台客，有啲食食吓都出咗去食，店員會同大家飲酒吹水，氣氛唔錯。空間係有啲迫，但係都有樣好，食物唔會一次過上晒，一路食一路上一路可以慢慢傾偈，所以啲食物新鮮熱辣更加好味。因為只係兩個人去，所以坐咗喺枱仔冇坐喺Bar枱 。我哋嚟到嘅時候叫咗個小食，同埋一個刺身拼盤。個小食係炸蝦仔，鮮味送走一流。刺身拼盤新鮮，佢哋都係揀時令海鮮，拼盤有白子有驚喜 。跟住再嚟咗個螢光墨魚，個墨魚如果就咁食會有少少鹹，但係送走就啱啱好跟住嚟咗一啲串燒，推介雞翼同埋一個店主介紹嘅雞肉，係特別位置，好爽脆好好食在下面啲串，連埋雞皮燒好好食，即刻加多一串仲有個串燒鰻魚都好肥美非常滿足的一個晚上 。註：唯一美中不足係本身點咗個梳打水，店員誤解咗係要有味嘅Cocktail，因為嗰杯太甜有少少影響咗整體感覺

#20250330 📝📍 喬居酒屋 @kyou_izakaya 太子花園街239號嘉慶苑地下C號舖➖➖➖➖➖➖➖➖➖➖➖➖➖➖➖➖➖#煙燻五花腩 $68#黑毛豚肉五花腩 $42💭 估唔到五花腩都可以有咁唔同既整法，唔講真係食唔出係同一個部位，煙燻版有啲似厚身版既煙肉，陣咸香味比較濃🥓至於黑毛豬個版本就口感爽彈，完全食唔出有肥肉既質感🐷.#荔枝豚肉卷 $48💭 見到餐牌其實係得蘋果同士多啤梨版，師傅應該係會因應果排啲生果揀最合適果款，今次就有幸試到荔枝🤩一咬荔枝係咇汁咁juicy，再加上佢受熱過後非常之甜，好味道👅.#雞肩 $48💭 今次尼食認識左好多雞既部位，雞心、雞尾都已經唔特別，第一次見有雞胸脆骨、雞心喉管，試左雞肩肉質好滑好淋身，而且啖啖肉好似食緊雞髀肉咁🍗.#阿波尾手羽先 $42💭 食串燒唔係唔食雞翼呀😏佢個雞翼係連埋個雞翼尖，最正係佢應該係燒之前有先風乾過隻雞，所以食落個雞皮又薄又脆，咬開入面又keep到juicy唔鞋，好惹味🐔.#牛舌心 $78💭 牛舌心唔係牛舌咁簡單，佢係牛舌最中間既位置，所以食落去係好淋一啲都唔會韌，不過面頭又有少少脆口，簡單用鹽調味已經夠好味🐮.#鵝肝

識得捐窿捐罅，有陣時就會發掘到驚喜，同朋友去花墟行逛，貢貢下響一條巷仔，竟然搵到特色日式燒烤店？！朋友最鍾意去燒鳥店，所以即刻入去坐低食返幾串！先嚟個冰凍嘅蕃茄沙律～🍅🥗佢個sauce好特別，有少少水牛城雞翼嘅feel～透心涼🥶為以下落嚟嘅串燒作好準備～🍢🍡佢真係乜嘢雞嘅部位都可以提供～雞心：爽口彈牙雞頸肉：每次食燒鳥都一定會點嘅～因為雞頸旁邊嗰兩條肉，係肉質最好嘅地方！仲有超脆嘅雞皮同雞尾，油份充足，甘香～師傅應該加咗少少料酒去燒，所以非常芳香！仲有雞軟骨、雞翼、雞胸脆骨……都好有水準，只係用少少岩鹽同埋酒，已經可以帶出串燒最好嘅味道！估唔到五花腩都好有水準，肥瘦均稱，口感一流！翠玉瓜用咗少少牛油去燒，香氣四溢～呢度原來仲有宵夜套餐，可以按你需要，點唔同數量嘅串燒，配埋啤酒或者清酒都可以～見到出面嚟咗幾個西裝哥哥，嘆返兩杯…吹下水…放工鬆一鬆…實在一樂也！！

藏身於太子花園街的小巷內，喬居酒屋真係一間低調但有驚喜的日式燒物小店。呢次嚟食撞到老闆，好熱情又健談，員工亦用心介紹每款燒物，親切又有溫度。食材水準相當高，黑毛豚肉五花腩脂香四溢，外層燒至微焦，口感嫩滑。牛舌心則有嚼勁，肉味濃厚。明太子飯團外層微脆，內裡飯香配上明太子的鹹香，味道剛剛好。吞拿魚下巴燒得恰到好處，魚肉細嫩多汁。白鱔魚皮微脆，魚肉嫩滑，鮮味十足。雞肩燒得剛剛好，香氣四溢，口感有層次。荔枝豚肉卷則係驚喜之選，荔枝的果香與豚肉的鹹香完美融合，味道獨特。食材、味道，甚至人情味都值得推薦。宵夜仲要好抵食！記得早啲book位！

📍位於太子嘅居酒屋小店，主打串燒同位置唔多，分咗 indoor同outdoor座位，去到夜晚九點之後仲會有特價set揀。揀咗幾款雞串試吓先～雞心($34)、雞翼($42)、雞皮($34)同雞軟骨($32)都淨係用咗鹽燒。燒得啱啱好尤其係雞翼外皮脆口，但係入面雞肉嫩滑又多汁。免治雞肉棒配日本初生蛋($42)碳燒香味十足，牛小排($68)牛肉味幾濃。燻煙五花腩($68)入口真係好香煙燻味，不過份量較少。蘋果豬肉卷($42)第一次試，燒完嘅蘋果都仲幾爽口同卷埋嚟食酸酸甜甜幾特別。燒翠玉瓜($26)用牛油燒夠juicy。

《太子隱世居酒屋🏮—喬. 居酒屋💚 ！》店舖位於太子花園街既一條窄巷😜有大大個招牌💪🏻所以唔會好難搵 餐廳比較細 大約10個位左右 你都可以揀坐出邊 裝修店外店內都好古色古香 充滿日式風味 🇯🇵 款式有好多 💴 價錢由20幾蚊到二百幾蚊都有 有豬🐷牛🐮雞🐔海鮮🐙🦑蔬菜🥬小食🥔🧀另外仲有一個大酒櫃提供清酒🥂🥂所有串燒都係即叫即整👀師傅得一個👤所以等嘅時間會耐啲 欣賞佢店員服務態度都好好🤍💕笑容好燦爛1️⃣ 🤍🐷 黑毛豚肉五花腩 $42（10/10）💓五花腩超好味！肥瘦適中💕‼️油脂豐富💯 師傅淨係用鹽調味已經足夠 🧂 2️⃣ 🐔🍗 手羽先 $42（9/10）大大隻雞全翼！個外皮脆卜卜 燒到好焦香😻金黃色‼️‼️每一啖都有汁滴落嚟 雞肉好嫩滑 調味唔會過鹹好入味！3️⃣ 🐮🍖 牛舌心 $78 (6/10）得三舊價錢有點貴😿但唔會嚡口 可惜落得過多鹽😿有啲過鹹 4️⃣ 🥓 🍄‍🟫 煙肉芝士大蘑菇 $68 (8/10)蘑菇冇話好大嚿 但係欣賞佢上面嘅煙肉🥓芝士🫕🧀好正 cream cheese嘅味道加上焦香嘅煙肉配上多汁嘅大蘑菇👍👍🍄‍🟫5️⃣ 👍🪿燒鵝肝 $88 (8/10)大大嚿鵝肝入口即化 油脂超級豐富 好彩佢有

收工男朋友帶我去太子呢間位於小巷的神隱居酒屋，巷內沿途都掛滿燈籠，好似去左日本咁🇯🇵店外有bar枱供客人把酒暢談，而店員都好熱情招待好好客☺️店內位置不多，但亦因此感受到滿滿的人情味，而食物亦都即叫即燒慢慢送上，令在座客人都有時間一路品嚐美食一路傾偈暢飲🍻我地嗌左幾款串燒小食：日式油醋番茄，酸酸甜甜好開胃。🍅雞軟骨，香脆可口，好適合送酒。🐤雞胸脆骨，肉嫩多汁，脆骨部分好好𡁻口，好少可以食到。🐣雞皮，每一口都係滿滿香口的油脂，但一點肥膩感都冇。🐥吞拿魚下巴，第一次食到呢個位，每一啖都係滿滿的魚油香，肉質嫩滑，一試愛上😍煙肉芝士大磨菇，磨菇鮮嫩多汁，加上厚厚的煙肉芝士，十分之perfect match🥰

鋪頭：喬居酒屋地址：太子花園街239號嘉慶苑地下C號舖​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ ​1️⃣呢間食串燒為主，叫左以下串燒都好出色：雞翼、雞皮、雞尾、雞心、雞胸脆骨、雞軟骨、美國牛小排、五花腩，其中最出色係雞翼&牛小排，唔會放太多調味，反而食到食物本身嘅原汁原味，雞翼真係好香，同埋牛小排係香嘅牛味同埋好腍，真係好食過喺日本食到嘅串燒（呢句憑良心講），同埋都算係香港食過最好食嘅串燒​2️⃣酒盜芝士呢個幾好食，唔會太鹹​3️⃣沙律好fresh，菜/蕃茄洗得好乾淨👍🏻同埋個沙律汁酸酸甜甜好開胃​😋總結：食完已經想推薦比其他朋友食，串燒真係好出色

新年同朋友食飯兼拜年, 想搵個地方傾下偈, 佢提議去呢間居酒屋, 話之前食過好隱世. 好啦, 既然佢話食過就比佢話事, 不過個人唔太喜歡咁細間既食店, 因為好似坐到好迫, 而且完全聽到隔離唔識既人講野, 佢又聽到我講野, 心理上唔係咁好.按時到達唔滿人, 但唔知點解都唔比bar枱我地坐, 要我地坐細枱, 感覺仲更加窄.睇下餐牌, 不外乎豬牛雞呢D寸燒, 同普通寸燒鋪一樣.日本和牛扒, 個份量都幾細同埋薄, 燒到好柴, 好似食緊十成熟一樣, 好似浪費左日本牛.牛舌心, 燒到好硬好韌, 好難咬開, 要成78蚊3粒, 即係廿幾蚊1粒, 咬唔開都要成舊吞左佢.波提豬肉卷, D豬肉片又係燒到好乾好乾, 得粒提子最正路.之後再要左幾寸豬五花腩同雞之類, 但係全部都燒到好乾好柴皮, 完全無肉汁.個朋友話之前黎食唔係咁, 唔知點解差成咁, 佢話下次都唔會再黎食. 

太子少少隱世嘅居酒屋🏮～因為得10幾個位，基本上唔訂枱都食唔到。喺呢度可以食到啲得正宗居酒屋先食到嘅雞串。平時都好少食雞頸、雞尾。但呢兩款喺居酒屋都係必食。雞頸特式係口感好嫩滑，雞髀肉完全比唔上。雞尾就係肉連皮，肉嫩而且皮脆重油香。雞心喉管係比較爽口同有𡁻勁嘅部位，如果唔鍾意雞腎嘅內臟味又鍾意有咬口，呢款一定啱食。吞拿魚鮫魚肉嫩滑，油脂豐富，兩至三個人share啱啱好。黑糖燒菠蘿酸甜清新，脆脆嘅黑糖味道好香，做甜品啱晒。雞心喉管🔹手羽先雞軟骨🔹雞頸肉雞尾🔹雞腎免治雞肉棒配日本初生蛋黑糖燒菠蘿 吞拿魚鮫

係太子搵到呢間位於花園街嘅隱蔽日式居酒屋，估唔到係太子都搵到咁有特色嘅居酒屋。係條窄窄嘅巷仔內竟然都有居酒屋存在，試試佢先！ 入得居酒屋食串燒就真係唔少得，因為我比較鍾意食雞類串燒，所以一口氣叫左唔同雞嘅串燒食，分別有雞皮、雞腎、雞尾、雞腎、雞心、雞肝、雞心喉管及雞頸肉，大部分都係$32及$38。所有串燒都係即叫即整，用心製作，所以等多陣都冇問題！串燒一律食得出係高級食材，燒得香噴噴，自己再加鹽食就更正啦。仲有蒜香燒茄子$48及燒明太子飯糰$38，由廚師親手為你遞上，絕對係以最高速嘅時間送到枱上！居酒屋雖然唔大，人與人之間就會比較親近，約埋三五知己暢飲一番，傾下密計都係一個幾唔錯嘅選擇！