呢間餐廳係灣仔嘅樓上鋪 餐廳主打海鮮嘅多國菜 野菜沙律落左啲柚子汁 配搭左糖漬車厘茄，幾開胃嘅前菜 然後嚟左濃蝦湯，飲落去都幾濃蝦味 入口唔算好Creamy個種，味道唔錯 是日海鮮點左蟶子，蟶子肉質處理得幾好 入口唔會好鞋，都冇沙 另外叫左油浸三文魚配蕎麥麵 三文魚中間嘅肉質好Soft 配左蕎麥麵同啲蕎麥麵湯汁清清地都唔錯 Misu丼係餐廳主打 入面有刺身大蝦同切角魚生 大蝦肉質正常，飯粒偏濕 最後嘅朱古力雪糕加左啲粟米片 朱古力味都偏濃

放工同朋友嚟左呢間日本菜酒吧 首先嗌左兩杯酒 AOAO SANGRIA Champagne代替紅酒，感覺好Fresh 而另一杯係Whiskey Base with Earl Grey 叫左三款前菜小食 第一款係AKAGAI 將赤貝同蘆筍配以辣醬調味，刺身爽口 第二款係SHREDDEDCELTUCE SALAD 將萵筍切成條狀，遠睇幾似蒟蒻麵 汁底係鰹魚片高湯 表面加左啲三文魚子同蘿蔔泥 整個配搭幾清爽開胃 最後一款係CARAMELIZED PUMPKIN 焦糖南瓜再加杏仁同肉桂煮 南瓜表面層焦糖好脆口 然後叫左兩款幾有特色嘅主菜 CHARCOAL GRILLED EEL 職員會放嚿炭係鰻魚魚皮表面 熱力再令魚皮更脆 魚肉偏向彈牙，魚皮幾厚身，唔錯 A4 WAGYU CUTLET CHARCOAL SANDO 和牛油脂幾香，炸皮好薄 再配埋竹炭麵包同啲醬食啱啱好 整體食物水準唔錯，值得一試！

好耐都冇食德國菜喇 呢間德國菜係銅鑼灣都幾就腳 設有戶外用餐區，飲杯野都幾方便 叫左杯Tom Yum Goong既Cocktail 味道幾香，有啲啲香茅味，而且都幾辣 叫左份香濃薯仔湯配雞肉 入口有啲薯粒碎，幾Creamy 主菜叫左份紐倫堡豬肉腸配酸椰菜 餐牌寫豬肉腸由德國入口 食落唔會死咸嘅，正常發揮 配埋酸椰菜少少酸，幾開胃 另外仲叫左個四式芝士德式Pizza 四種芝士夾埋都幾香 唔會食完有個種好漏好滯既感覺 整體食物質素唔錯，可以一試！

天氣又凍返，最啱就係食雞煲打邊爐 同朋友去左銅鑼灣既同撈同煲 餐廳裝修好有特色 滿滿本地懷舊色彩 首先嗌左個火焰醉雞煲 職員首先倒左酒再用火槍 真係同名一樣滿滿火焰 然後好細心幫你炒埋 食落有醉雞味同幾香口 邊爐嗌左本地手切牛肉 牛肉紋理好靚，食落幾軟腍 黑栢葉彈牙爽口 田園拼盤有齊娃娃菜生菜皇帝菜 仲有粟米同蕃茄 即炸響鈴好香脆，唔算好油 大檸茶真係超大杯 藍妹啤酒配戰鬥碗飲落特別有Feel 最後仲送啫喱同懷舊糖不甩 整體食物水準唔錯，可以一試！

上星期去左尖沙咀依間居酒屋食晚餐 一黎嗌左杯Suntory 生啤 已經會送花生一碟，正 而家仲限時買一送一
另外嗌左杯冷泡荔枝紅茶 有荔枝清香，唔太甜 串燒就嗌左3款
首先係五花荔枝肉 估唔到荔枝同五花肉幾夾
孜然羊肉就正常水準 鹽燒雞肉大蔥燒得唔錯 特別係大蔥好Juicy 小食嗌左日式炸豆腐 外脆內嫩，而且炸皮好薄
主食有雜錦魚生丼
有齊三文魚、吞拿魚、油甘魚同蟹籽 個人比較推介三文魚，夠肥美
另外仲有牛肉豆腐野菜鍋 湯頭唔會太甜，更加食到食材原味 上菜速度幾快，而且服務好好，值得一試！

朋友話想食鐵板燒 就帶左佢去之前食過既龍亭 Omakase套餐有幾個選擇 朋友未食過就揀左個入門級 分別有沙律、兩款鐵板海鮮 一款鐵板肉類、炒飯同是日甜品 另外嗌左枝月桂冠甘濃梅酒 沙律有煙三文魚、魚子醬、沙律菜 羽衣甘藍、車厘茄同龍珠果 食落味道幾開胃 兩款海鮮揀左鮑魚同扇貝 每款都有兩隻 比較推介鮑魚，口感唔錯 肉類揀左日本黑豚豬扒 已經切好一條條，食落好方便 配埋酸甜菠蘿汁同蒜香牛油 令豬扒味道更豐富 炒飯炒得乾身，粒粒分明 另外嗌左份焦糖多士，燒得好香脆 配埋是日甜品紫薯雪糕一齊食好夾

Weekend去左東涌喜來登 隔離呢間中東菜餐廳 餐廳裝潢幾有特色，配色柔和 好似係度假村食Lunch一樣 叫左杯Passionfruit Yakult 同Hibiscus 熱情果Mix左益力多同檸檬汁幾開胃 Hibiscus味道層次幾多，酒嘅後勁都幾強 前菜叫咗Mix Cold Mezze 係將啲煙燻茄子蓉、鷹嘴豆蓉 仲有炭烤紅椒合桃蓉同薄荷乳酪 搽喺啲中東麵包上面食 個人最鍾意煙燻茄子蓉 少少辣味又幾香口 仲叫左Chargrilled Octopus 即係係炭烤八爪魚鬚 配咗橄欖粒同埋蕃茄乾 八爪魚烤得幾嫩口 配菜味道都幾酸 好啱加落啲中東包夾住啲蓉一齊食 最後叫左份Mix Grill 係好有中東味道嘅烤雞肉同羊肉 會有原肉同肉丸串燒 個人幾鍾意原肉嘅風味 雞肉唔會烤到乾晒 而羊肉味道係香口個種 一次試哂五款肉串 好啱多人Share一齊食 整體食物質素唔錯，值得一試

放工同朋友嚟左呢間位係中環既印度餐廳 前菜叫左Tandoori Octopus 係燒八爪魚配粟米同Yogurt 八爪魚肉質幾軟淋，外層烤得香口 另一款係Keema Pav 係碎羊肉夾左薯仔蓉 仲放左幾粒開半邊既鵪鶉蛋 配住口感似炸中式饅頭質感嘅包 外面香脆，入面軟淋淋 碎羊肉落左啲印度香料，味道有驚喜 主食就叫左Garlic Naan薄餅 配埋Chicken Tikka Masala 仲有Saag Portobello，即係大啡菇配菠菜蓉 係好傳統既印度主菜食法 Chicken Tikka Masala醬汁辣味幾強 不過同埋Naan一齊食就好夾 最後叫左個印度甜品Moong Dal Halwa 類似中式既綠豆糕 表面落左啲腰果同開心果碎 整體環境有格調，食物同服務唔錯，值得一試

晚上去咗呢一間喺後巷比較隱蔽嘅居酒屋 廚師係一人主理，而Menu嘅款式都幾多 京都炸豆腐，層炸粉幾薄身 芝士年糕，燒年糕中間有芝士漿 外層配有塊脆紫菜 明太子飯團係燒過嘅，係飯焦口感，好脆身 肉類串燒叫咗黑毛豚肉五花腩 牛舌心、免治雞肉棒配日本初生蛋 仲有汁燒雞肉蔥串、雞頸肉同波子提豬肉卷 黑毛豚肉五花腩，油脂香幾豐富 波子提豬肉卷中間配一大粒青提子 青提子好清甜 配埋豬肉卷燒有甜有鹹味 蔬菜類串燒叫咗牛油燒粟米 日本燒番薯、蒜香燒茄子同燒翠玉瓜 蒜香燒茄子去咗表面紫色外皮 食落好方便，幾細心 燒翠玉瓜燒得幾Juicy，調味適中 整體食物水準唔錯，值得一試

今日同朋友去左西環海旁食串燒 餐廳裝修都幾骨致，好有小店風味 大推燒黑豚五花腩，燒得啱啱好 咬落有少少油香，而且好爆汁 就算唔落任何調味都好好味 燒雞翼外脆內軟，肉質夠嫩 燒鰻魚就調味夠 而且無咩骨啖啖肉 同埋外皮都燒得好香脆 另外燒翠玉瓜都好推薦 燒得好Juicy 雞皮餃子就好香口，用嚟送酒就啱哂 仲嗌左個雞湯野菜牛肉鍋 先食左野菜，雞湯帶出蔬菜原有甜味 最後先將牛肉同洋蔥擺落去煮 吸收埋蔬菜既甜味，牛肉同洋蔥好夾 最後用燒菠蘿做尾聲，Perfect!