南華軒

營業中

休息中

油麻地既南華會呢個地方真係好少去，但有朋友約我食飯去呢個地方食，因佢平時會同佢屋企人一家大細去食，仲要食物質數都唔錯，仲要係有懷舊菜式。一來難得約到朋友出來食飯，二來真係要試下可以再同屋企人食多次。【懷舊蝦多士】多士炸得好乾身，完全不油膩，用上原隻大蝦去殼放上面，蝦肉鮮甜爽口，味道新鮮。【茶壺功夫湯】用茶壺逐小份量倒出品嚐，又可以保持茶壺裡頭燉湯的熱度，逐小逐小飲更能品嚐湯中的精髓，湯頭清澈，味道清甜，姬松茸味道清香撲鼻，加上大量豐富材料，所有精華都濃縮在小小的茶壺內。【黃金吊炸雞】店家招牌菜，雞肉肥美鮮嫩，外皮炸到金黃色，每一口都有雞油滲出，滋味又香口，伴碟蝦片都絕不馬虎，全部新鮮即炸，所以非常香脆。【上湯蕃紅茄淮山浸時蔬】上湯浸蕃茄、淮山、絲瓜等等，食落新鮮清甜，特別喜愛淮山的爽脆口感，最後連上湯都可以飲埋，味道仲好鮮甜。【甜品】無豆既紅豆沙好少地方可以食到，師傅要一邊煲一邊去除紅豆外皮，入口沙沙的口感非常特別，甜度不算太甜，不錯不錯。

上星期跟公司同事去打波，發現原來場地隔離有間中菜，而且還有做私房菜，於是跟同事們決定打完波食埋晚飯才歸家。餐廳除了主餐牌外也有好幾款套餐選擇，最後我們選擇了4人晚飯優惠套餐，千多元價錢不太貴，而且已經包了茶介等等。懷舊蝦多士炸到金黃熱辣，入口不膩，用原隻新鮮大蝦，蝦肉爽口彈牙，多士香脆可口，超正。茶壺功夫湯店家用了茶壺奉上，茶壺好處可以keep住溫度，令到功夫湯無咁易變凍，湯底材料豐富，有姬松茸、冬菇、雞件，瘦肉等等，味道芳香撲鼻，入口香濃清甜，補身又夠滋潤。黃金吊炸雞炸雞特點為皮脆雞肉嫩，味道鮮美，特別是用滾油不斷淋於雞身，令到外皮酥脆金黃，雞肉保持鮮嫩多汁，滋味滿分。生炆龍躉班頭腩龍躉皮膠質豐富，充滿骨膠原，用上肉絲，枝竹，薑蔥一齊炆煮，味道香濃鮮甜，魚肉爽嫩可口。

有邊個會知道係南華會一個打波嘅地方竟然隱藏了一間美味的餐廳就係要來過既朋友介紹才知道這裡入口比較神秘要行入衛理道再行上斜路入左南華會再轉左才見到餐廳門口這裡入去就對睇菜單價錢合理我地一行四人，叫左六樣嘢食朋友一早訂左黃金炸雞，叫我哋一定要試試果然皮脆肉嫩 啖啖卜卜聲 雞肉仍然嫩滑師傅掌握火候啱啱好 😋😋😋😋😋另外蝦多士都係多士香脆 蝦肉彈牙燉雞湯用茶壺來裝 用茶杯來飲又幾特別是補湯的味道😋😋😋爆炒龍躉魚塊 魚鮮皮脆😋😋😋蕃茄湯浸時蔬有驚喜 酸酸甜甜 又食到平時少食的瓜菜餸菜都很美味，我哋眼闊肚窄怕食唔曬但甜品一到 是有檸檬味的蛋花馬蹄羮十分開胃 清甜轉眼便食清光最後埋單 $1188，每一二百幾近三百物超所值！

這裡如果唔朋友帶去自己真係唔識路搵食，今天就係朋友訂了場打波跟住食飯一次過方便，朋友由細到大都係附近讀書長大搵食，所以知道這裡有間係南華會網球部內有間餐廳，今晚由他發板，幾個波友都十分滿意！這個懷舊蝦多士，多士炸得十分香脆，中間蝦肉釀理多士內一齊炸，但入口又唔會太油膩！另一個就係茶壼功夫湯，一人一份用了茶壺上湯，茶壺內放滿了材料有燉到軟林嘅雞腳、螺肉粒、野菌、瘦肉等，倒入茶杯上品嘗，湯底唔會覺得肥膩，入口清新！做完運動又可以補充水份！而這個大家都十分喜歡嘅黃金吊炸雞，上面放了印尼蝦片伴住隻炸雞，炸雞炸得十分入味香脆，炸雞炸得皮薄香脆，雞肉十分嫩滑，雞肉還十分入味！另一個就係生炆龍躉班頭腩，大大碟之餘，最緊要班頭腩肉夠晒彈牙，滑脫脫嘅魚皮充滿骨膠原，十分好味！大家對於以上組合十分滿意！準備下次相約打波後，可以照板煮碗再來！最後還有傳統紅豆沙送上，大家都覺得十分好味！口味夠晒傳統，真係有大酒樓嘅質素！

青春回憶，當年成日跟同學嚟打波，眨吓眼就20年，咁耐無返過嚟，去開君頤峰豪宅探朋友，跟住決定一齊落嚟食個晚飯，懷舊一下！懷舊蝦多士手工之作，跟着傳統以蝦膠製成的蝦多士，原隻蝦多士是酒樓懷舊的上等菜式，鮮蝦和麵包香氣撲鼻，鮮蝦彈牙，麵包香脆可口，味道甘香，是我們的童年回憶。茶壺功夫湯最近個人好乾燥，最啱飲碗湯潤一潤喉嚨，南華軒的茶壺功夫湯 有驚喜！燉螺頭用料十足，以紫砂茶壺原盅燉煮而成，用餐感覺很好。紫砂茶壺質感給人矜貴的感覺，熱力平均而且傳熱快，鎖住湯料的各種營養。第一啖已經品嚐到香醇又鮮濃的味道，以紫砂茶杯一口一口慢慢喝，享受人生就是這樣。黃金吊炸雞🍗香氣撲鼻～皮脆肉香～吃了一口雞髀肉大快朵頤！吊炸雞表皮炸的金黃色～薄脆無比～秘制醬料令雞肉吃起來充滿鹹香～配上蝦片一起吃～好吃到停唔到！生炆龍躉班頭腩滿滿的骨膠原，鮮甜肉滑，食過返尋味。上湯蕃紅茄淮山浸時蔬吃完一輪美味的肉，再吃一點色彩繽紛的蔬菜，感覺更加清新怡人。鹹魚雞粒炒飯套餐以外再加了一碟炒飯，火候控制得好，香氣四溢，鹹香滿滿，炒飯粒粒分明。甜品每位再送一碗紅豆沙，完美的句號。

今晚同幾個老友在油麻地南華會網球部打波兼食飯。 疫情放緩晚市重開大家都表現 興奮！又可以打完波大家聚埋吹吹水啤一啤喇！ 而” 南華軒”更以全新面貌正式開業。 內部裝修雅緻充滿懷舊氣息！真係令人耳目一新！ 主打傳统粵菜，均由廚師團隊烹調。淨睇廚師嘅名氣已可見一班！ 大家聚埋都為餐飲業打打氣！ 我哋預訂左餐廳推介嘅全新四人套餐 1,188元 免加一水滾茶香！套餐包括一餐前小食，三餸一湯，甜品等。茶壺功夫湯非常欣賞！好有型格！啲湯好滖熱！真係香氣四溢！雞脚，瘦肉，螺肉，姑菌同松草花等。好鮮甜滋潤！虾多士好耐冇食過咁大隻蝦嘅蝦多士！又香又酥脆！食住蝦多士飲啤酒真係爽！招牌吊炸子雞炸得顏色好靚！雞皮卜卜脆。雞肉好滑味道好！旁邊伴碟嘅蝦片都好香脆！生炆龍躉班頭腩好新鮮！班頭腩好彈牙味道調得好好！上湯蕃紅茄淮山浸時蔬成碟顏色好靚，湯好清甜淮山爽口！好清新！紅豆沙好幼滑，係隔左豆渣純豆沙，真係好精心嘅烹調！

疫情放寬後, 相約了幾位好友及介紹了他們到神秘餐廳食私房菜, 油麻地 南華會 “南華軒”, 幾位朋友都食到喜出望外!竟然真有隱世廚神 (劉師傅). 我們在佐敦地鐵行大約 10分鐘左右就到達了南華軒, 這裡是球會餐廳, 晚上就設有預訂的私房菜, 如果對食材、烹調、味道有要求的朋友來說就最啱啦! 餐廳裝修簡潔清新, 食懷舊FEEL感覺一流, 店員服務細心滿意.今晚預訂了四人套餐 $1180上湯蕃紅茄淮山浸時蔬健康美食之選，食材新鮮，湯底味美，簡單直接。懷舊蝦多士酥脆又軟彈的蝦多士，個人覺得列入香港文化小吃之一就最合適，也是童年回憶的食品，由細路到大人都喜愛吃的小食。👍🏻生炆龍躉斑頭腩充滿膠質魚香龍躉斑頭腩，炒出鑊氣，惹味十足，湯汁浸透入枝竹等，煲內食品可全數進吃😋😋。南華軒招牌吊炸子雞脆皮炸子雞，肉質鮮嫩有水份，有雞味，稱得上招牌菜，一定有當中玄機🤗。茶壺功夫湯湯料有雞腳、螺肉、瘦肉、蟲草花等多種食材熬製而成，味甘香甜，最好係不油膩，而且熱騰騰的出來，透過功夫茶方式🫖飲用，有特色之餘還可以保持湯的溫度。茶壺功夫湯遠年陳皮紅豆沙陣陣飄香陳皮味浸滿在懷舊的紅豆沙中，給我品嚐到沒有渣的感覺，因為

除銀行公會外，南華球會最近也新開設中餐館，由粵菜名廚劉順祥師傅主理，引入多款中華菜色，最近推出四人套餐$1188免加一，價錢實惠。懷舊蝦多士原隻大蝦伴白麵包炸至鮮嫩金黃色，蝦肉開邊爽口彈牙，多士香脆酥香，香口惹味。茶壺功夫湯 師傅以紫砂壺熬製食材四小時而成，包括響螺、雞腳、雞肶、蟲草花、松茸等等，滋潤養顏又養生。湯頭清徹不油，鮮湯順滑香甜，肉香及菌香夾雜，濃而不膩。生炆龍躉斑頭腩師傅以龍躉下巴肉入饌，連骨生炆。龍躉膠質豐富，魚皮煙韌，香肉鮮嫩肉滑。配上炆得軟彈入味卻不爛的腐竹，別有一番風味。南華軒招牌吊炸子雞推薦菜色，師傅以三黃雞低溫煮熟再淋上十五分鐘香油至雞皮呈金黃色。雞皮薄而香脆，雞肉卻飽滿柔滑多汁，鮮香肉嫩。上湯蕃紅茄淮山浸時蔬最後吃上清甜時蔬，整晚飯流程及菜式拼搭得宜，完滿不膩收桌。紅豆沙整體來說，酒家價錢吃上私房菜質素，不油不膩卻濃郁好味，是不錯晚飯選擇。

從前經常在油麻地衛理徑經過，都有見到這間"南華會"都不以爲然。今次有朋友邀請到這裡打網球兼晚飯，感到好新奇…… 面有餐廳的？！應是普通的 canteen吧！ 抱着好奇心態今天第一次來到了球埸，朋友告知用餐的地方。 開波前內進參觀一下，衹見餐廳內光線充足整潔，沒有花巧的裝潢而是衹採用了懷舊的格調，紅色光管的"南華軒"老招牌非常耀目，坐位也不多衹有幾張大圓枱和一兩張四人枱與一間容納十多人的廂房，坐位有限所以朋友早已訂了位。牆上掛著的都是家傳戶曉的粵菜菜式，均由厨師團隊精心烹調。朋友表示今晚要請我吃的是真功夫的懷舊菜！一行四人打完波坐下點了啤酒 @ $ 58 買二送一餐廳環境寬倘自在不拘謹，加上一口冰冰凉的啤酒大家心情相當舒暢！最近餐廳推出了一份;優惠四人餐 $ 1,188~ ( 免加一 )送甜品，更享有餐酒買一送一優惠套餐包括以下精選菜式;茶壺功夫湯熱騰騰鮮味飄香的出場……賣相風雅！ 什有瞄頭！壺湯斟出茶碗上呈現清澈顏色，湯料有雞脚，瘦肉，螺肉， 松茸菇和蟲草花。味道鮮香濃郁，餘韻十足！令人回的一壺好湯！懷舊蝦多士~啖啖肉的虎蝦爽口彈牙，多士炸得鬆脆而膩，入口輕盈！沾上酸甜醬

這天跟朋友來南華會打網球，打完波當然要搵食，最就腳便是在網球場旁邊的《南華軒》，朋友話包我食過番尋味（原來非會員也招待）！餐廳地方不算太大，但環境乾淨舒適，一盞盞紅色吊燈充滿懷舊味道，最入面更有一間包房，適合一班好友歡聚！Happy Hour 12-7pm 買二送一，打完波飲番兩杯都唔錯！餐廳主打懷舊粵菜，並提供不同人數的套餐，甚至私房菜，滿足不同口味！我們一行四人人食最新推出的［優惠四人餐$1, 188 ］（免加一）剛剛好，包括甜品及享有餐酒買一送一優惠，超抵！懷舊蝦多士～蝦肉鮮甜爽滑，多士酥脆香口不油膩，沾上惹味甜酸醬，口感豐富！生炆龍躉斑頭腩～以枝竹為配菜，班頭腩炆嘅火候亦恰到好處，食落嫩滑唔韌，並帶少許膠質黏感，令人回味！南華軒招牌吊炸子雞～非一般的炸子雞可比，皮脆肉嫩，香脆得來又好留到肉汁！茶壺功夫湯～湯頭以雞腳、蟲草花、瘦肉為主材料， 配以螺肉一起淆製而成， 整體口味清新淡雅。上湯蕃紅茄淮山浸時蔬～時令蔬菜特別鮮甜，風味清新，為了凸顯食材鮮味，烹調手法保持簡單。遠年陳皮紅豆沙～ 餐後甜品紅豆沙食得多，去衣剩沙的紅豆沙則非常罕有， 甜度適中，甜而不膩，第一次吃光整碗紅豆沙一間

餐廳屬南華會旗下的私房菜，可以一路睇住人打波一路食晚餐，係一個新體驗黎，加上室內裝修現代中帶點懷舊的紅A燈，滿有香港特色餸菜方面，蝦多士香脆，隻蝦好大隻；之後仲有足料靚湯，同茶壼裝住然後倒出黎，好有風味！加上本身老火雞湯底既上乖質素，好睇又好飲。魚肉鮮甜夾大件，而雞肉雞皮超脆、肉質好嫩滑，熟度剛剛好！仲有一個上湯時蔬，啲瓜瓜菜菜係新鮮同健健康，最後有甜品🍮，好滿足！餐廳食物屬中上之選，誠心推薦！

南華會踢波我就知，但原來有好野食！第一次來南華軒品嘗中菜「炸蝦多士」熱辣辣即叫即炸，鬆脆可口，蝦非常大隻，爽脆彈牙，麵包炸到好脆，咬落卜卜聲，好食😋係好花功夫同花心野整嘅小食，依家都好少地方搵到「功夫湯」功夫茶就飲得多，第一次飲功夫湯，熱辣辣嘅茶壺入邊裝住嘅係濃厚嘅豬骨雞響螺湯，非常特別，雞湯濃厚清甜，非常足料，係一個好有趣而且特別嘅飲食體會，好有中華特色「黃金炸吊雞」真正皮脆肉滑，即叫即炸，雞皮脆到咬落卜卜聲總結：每款菜式都屬中上級水準，味道什佳，菜式足料大碟不吝嗇，性價比不錯，會再來😋

南華軒，懷舊粵菜，不是每家都可以呈現正宗的傳統懷舊粵菜，但師傅多年入廚經驗，憑著巧手可以呈現正宗懷舊粵菜。裝潢用上紅罩燈更添幾分懷舊色彩，另外鐵閘及吊牌菜單也別具特色。今天朋友邀請來這邊用膳，在九龍衛理徑6號南華會網球部內，如不是朋友帶我來，我也不知這裡有個這麼特別的餐廳。今次朋友介紹了幾道招牌菜式。招牌炸子雞南華軒招牌吊炸子雞特別使用正宗吊燒手法炮製，風乾一晚，人手淋油。外皮金黃香脆，皮下油脂層不油膩，肉汁鎖緊在內，略帶蒜香，味道香濃惹味，入口雞肉嫩滑多汁，配上蝦片更香口。山炆龍躉斑頭腩用上花尾龍躉，龍躉的魚腩脂肪肥美肉質嫩滑，炆過後魚肉還保持鮮嫩口感，調味剛好帶出魚的鮮味，可以稱得上皮爽肉嫩。傳統蝦多士師傅經驗老道，把油溫控制恰好，蝦和麵包的不會過火，炸香原隻蝦肉口感彈牙，表層配上芫茜及金華火腿，增添不少鹹香味，配上醬汁更可解膩感。滿足的一餐，可以在這邊好好享受美食。

友人見我這段日子經常屈在家中，每日心情都悶悶不樂，所以今日決定要請我去食餐好。的確，他每次帶我去的飯店我都從沒有去過，總有新意….今日來到位於油麻地南華會網球中心內的一間飯店。老實說，如果不是他帶路，我也不知道原來這裏有間飯店。裝潢相當有特色，霓虹燈招牌、通花鐵閘、雞蛋燈等等，滿有懷舊色彩，當然最緊要是有一系列懷舊粵菜，好吸引。**********************先上懷舊蝦多士，件件金黃，非常靚仔。香脆可口的多士配上原隻爽彈鮮味的大蝦，再加上少許金華火腿絲，好味得很。吃時再蘸些酸醬，更添美味。**********************再來一道山炆龍躉斑頭腩，除了有大大件的龍躉斑頭腩外，還配有支竹、肉絲和香菇絲，同樣炆得入味。每件龍躉斑頭腩都連帶又厚又油潤魚皮，滑嘟嘟兼富有膠質，好正！而魚肉就相當鮮嫩，非常鮮味，簡直令我停不了口。**********************友人極力極力推介，即使明知食唔晒都必點的招牌吊炸雞出場啦! 還記得小時候，每次出席飲宴令我最期待就是壓軸的炸子雞，但重點不是雞，而是不同顏色的蝦片，哈! 好可惜….近好幾年，炸子雞仍在，但蝦片就不見了! 估不

早前吃過了上環的潮州私房菜後，是日老闆又帶我們同事來到衛理徑南華體育會網球中心品嚐私房菜。 原來這裏的主廚劉師傅已有超過 20年入廚經驗，曾於亞洲各地的工作，擔任主廚一職。這間南華軒是位於南華體育會網球中心內， 如果不是老闆識飲識食，我們也不想到這裏有私房菜。內裏裝潢充滿香港懷舊特色。近門口位置設有小食部，應該是為打網球的會員提供購買小食飲品服務。姬松茸茶壺湯經老闆介紹下，松茸湯是這裏其特色菜式之一。松茸湯是用茶壺盛載的，倒進茶杯的時候，姬松茸的香氣撲鼻而來，湯底呈現金黃色的，味道鮮甜，松茸濃厚。懷舊蝦多士蝦多士炸得是金黃色的，口感香口酥脆，毫無油膩感，蝦味香濃。新鮮菠蘿咕嚕肉咕嚕肉層面金黃色的，每顆咕嚕肉都掛上了薄薄的 糖醋汁，口感外脆內嫩，味道酸酸甜甜，十分開胃。可見劉師傅的廚藝了得，功架十足。南華軒招牌吊炸子雞炸子雞當然是這裏招牌菜式，外皮炸得爽脆可口，雞肉新鮮嫰滑，甚富彈性，雞味濃厚。遠年陳皮紅豆沙湯圓最後壓軸的是紅豆沙湯圓。紅豆沙中甚有陳皮的鹹香，甜味恰當好處。湯圓煙韌潤滑。吃過了美味的 菜餚後，再來一碗紅豆沙，當然十分滿足。整體而言，餐廳位置稍稍離開市區，感覺帶點心曠神怡，