匠山

營業中

休息中

有朋友試過呢間新都城大街嘅日式小店，評語唔錯，今日終於可以嚟試吓，店舖唔算大，但都坐得幾舒服，食日本嘢梗係食吓魚生先，雖然都係簡簡單單嘅三文魚，油甘魚，甜蝦，海膽6分出，但每樣嘢都食得出好新鮮，三文魚油甘魚都係厚切，好滿足，再嚟試吓朋友介紹嘅鵝肝壽司，真係同平時喺酒店食嗰啲鵝肝爭好遠，佢面頭香脆，但係入邊完全保留返嗰種軟糯，不過真係驚膽固醇，食一件就要忍口🥲，老闆介紹有新鮮嘅生蠔，叫咗兩隻試吓，真係未見過咁飽滿，師傅話係日本室津養殖，入口真係好鮮甜，忍唔住encore一次，其他叫咗啲串燒試吓，水準都唔錯，就算一啲好平凡嘅食材，例如翠玉瓜，燒完出嚟都竟然keep到豐富嘅瓜汁，真係睇到佢哋嘅用心製作，食得好開心嘅一餐，兩公婆去食，都係俾啲日式放題多少少錢，但真係完全唔同層次，又多一個食堂😋

之前見過呢間小店，但冇機會試，趁呢晚想吃日本菜訂位一試。食物質素整體幾高；性價比ok（單份食物不算便宜，但用料大份 n 新鮮）；廚師先生和侍應小姐態度好好，仲會不斷幫手補茶（仲係好香既果茶），見到間唔中有街坊返黎幫襯傾計。不過小店都有既通病係環境會窄少少，但影響唔算大，坐得都ok。

一家大細搵嘢食時經過呢間匠山見餐牌都多選擇 價錢唔貴望落環境又坐得舒服諗住入去試下想不到有意外驚喜首先食物選擇多由壽司定食、熟食套餐、茶漬飯，到魚生飯、串燒、拉麵都有我地叫咗五色魚生飯、壽司烏冬定食同和風牛肉飯（不過魚生飯同牛肉飯我地撈完先記得影相📸️原本上檯時賣相係靚啲嘅）前菜係脆魚皮 好好味魚生新鮮 壽司握得幾好個烏冬特別好食 湯底味道濃郁食物味道不錯 飯仲可以免費加大飯整體性價比偏高環境方面帶住一家大細都坐得舒服店員服務好 有禮貌推薦👍👍👍

咁岩係馬鞍山呢邊做完野，發現間日本料理小店，諗唔到食乜好就去試下(平時少嚟馬鞍山既我都聽過馬鞍山係美食沙漠😂😂😂)點知嚟到好有驚喜👍叫咗海膽壽司🍣份量好足，海膽新鮮好鮮甜燒比目魚🐟啲比目魚鮮甜仲要超級滑，表面燒到脆脆地入面仲係好juicy同好滑，好味到停唔到口，食完先醒起唔記得幫佢影張靚相😂可惜網燒M5牛小排都好好味🥩仲叫左其他刺身壽司都好新鮮估唔到無意中都撞到間咁驚喜嘅日本料理，品質高親民價錢👍

呢間日本料理一向都有食開，食物質素不嬲都覺得幾好，啲刺身新鮮同好厚身！鵝肝壽司係必食推介，大大件厚切鵝肝外脆內軟燒鷄皮都係驚喜之一，燒到外皮脆卜卜內里都仲keep到好juicy咁岩朋友新屋入夥 House warming ，就試下叫佢地個到會，預早同老闆溝通，老闆好好人知道我地有小朋友，明明餐牌無炒鳥冬都特登做俾我地，人多食物有時可能會有特別request 都好有耐心盡量滿足我地，服務評分真係要俾佢地滿分！價錢仲超級優惠下次party都要再叫！

同屋企人一齊去食，食物質素好好，鵝肝壽司件鵝肝又厚又大件，我最愛嘅花之戀壽司除咗樣靚之外啲三文魚好厚身蟹籽又多！仲有劍魚腩同三文魚腩刺身都係超厚切😋啲壽司刺身真係真材實料唔馬虎，有驚喜😄女女仲細唔可以食生野，叫咗左口魚火炙壽司俾佢地加個豬軟骨拉麵，佢地食到舔舔脷話啲豬軟骨好好味又唔硬，火炙左口魚都超好味😄老公就話燒鷄皮好好味，唔會太乾，出面脆脆地中間仲保持到有肉汁嘅感覺，食完又再encore，攪到連啲小朋友都話唔好執輸😂店員服務都好好，好有禮貌同會主動詢問小朋友使唔使茶轉水，呢樣係比較貼心嘅😊十分滿意👍大家已經諗緊下次再嚟食乜好🤣

物超所值，新鮮，服務態度友善，唔錯👍🏻杯果茶幾特別。材料好多好大件，海膽，鵝肝壽司最大舊最讚。價錢先親民。中午有lunch優惠餐set. 見到好多老師同學生幫襯。

一家三口 想食日本野, 試下小店係GOOGLE MAP搵附近的日本餐廳「匠山」從馬安山運動場步行過黎, 大約8分鐘----- -----午餐有SET, 不過想試其他野, 叫左。匠山特上刺身飯。鵝肝海膽飯。牛肉烏冬刺身飯魚料新鮮, 厚身 唔係薄到紙個種 (笑)海膽非常非常新鮮, 特別讚 !牛肉烏冬不過不失, 都係咁啦好飽食唔哂, 高性格比, 非常滿足的一餐----- -----女侍應親切, 傾下偈 原來頂手半年左右全場唔夠十張檯, 當時2:00, 客人凋零, 得兩檯一定會再黎, 加油 !

自從匠山開店後，我都幾常幫襯佢地，尤其佢地嘅外賣魚生飯，性價比唔錯，同埋想多啲幫襯小店，但己經發現最近幾次食物表現開始有啲變差。今日我都係買左個三文魚魚籽飯，一開頭已經覺得魚籽冇咁新鮮，口感唔爽脆又乾，d飯都比之前硬身，然後食食下發現三文魚竟然有黑點，而且三文魚食落都唔新鮮，最後都係擔心唔知係咪蟲卵所以成盒扔左。本身諗住馬鞍山有間唔錯價錢又親民嘅日本菜小店係幾開心嘅，所以都幾常去幫襯，但而家令人感覺失望😓

愛爾蘭生蠔🦪$38/1食落口好新鮮清甜，唔錯。三文魚頭🐟$88/1肉嫩，個皮燒得剛剛好同好香脆，值得一試。雞腿肉🐤(2串) $40OK, 不過不失。炸雞軟骨🍗$42炸得夠香脆。燒雞泡魚魚干🐡48好軟熟，十分香口。值得支持既小店，我認為下次應該會再次encore

2點幾還有午市優惠就試試看店員很友善 服務態度好匠山特上海鮮丼刺身每款各2片 很新鮮 不錯👍🏻份量很大碗 最後都吃不完 抵食鰻魚飯醬汁夠， 鰻魚很香 也是不錯還有鯖魚 很大條 不會有腥味之前有吃過其他鯖魚不好吃 這間味道不錯 好吃

Lunch想同同事試下新野，就入咗去食日本菜，佢吾係商場入面，所以吾係經過都未必知Lunch時間都多人，我哋叫左兩個lunch set，北海五色魚生飯同吉列豬扒拉麵，魚生飯有玉子、三文魚、帶子、蟹籽、呑拿魚同油甘魚，同事話魚生都幾新鮮我就食拉麵，吉列豬扒即炸，上枱仲熱辣辣，要等陣先食😂咬落去吾會太乾，又吾會係好薄，個拉麵湯底都幾香，個麵吾會太軟Overall，價錢合理，可以再試

今日食左牛油果沙律🥑，小小刺身，燒三文魚腩冷面及幾款燒物，其中，燒物水準令人眼前一亮😍，牛扒，金菇牛肉卷及豬肉卷都燒得好好，不太乾，有肉汁但亦燒得夠香，其中的A4牛扒，$198大元，份量眼望好少，但燒烤程度掌握好好，外面少燶，中間仍然粉紅，都算值回票價🥰，同老闆建議，燒功咁好，最好有燒飯團🍙。咁好的燒物，唯一憾事係無酒🍻送⁉️因為未有酒牌，唯有寄望下次！😓而油甘刺身都夠厚同新鮮，但刺身及壽司類，附近競爭對手都高質，未必能夠跑高一線！如果有酒飲，不仿下次再來！

難得入到馬鞍山，同朋友游完水餓到可以食得落成隻牛，聽朋友講新舖開張即刻入去試新野！因為我唔太食得落魚生壽司，所以就嗌咗啲小食同熟食！首先極力推介 芝士吉列豬扒！！！！外面炸到金黃色，豬扒啖啖肉！又唔會太乾都仲食到juicy嘅肉汁～重點！每塊豬扒入面嘅芝士都有好香濃嘅芝士味。簡直係邪惡之選😈😈啱晒食肉獸同芝士愛好者嘅口味😆另外仲嗌咗炸雞，香脆唔厚粉，送到上嚟熱辣辣～份量適中，點醬食一啲都唔油膩！😋😋仲有其他小食都唔差～咁都唔可以淨係食肉嘅，朋友嗌咗個溫泉蛋雞絲沙律同米紙卷。沙律分量都好大，夠多沙律醬可以撈晒所有菜，啖啖都可以食到蟹籽！米紙卷入面都唔算好乾身，口感都幾特別幾清新。整體食物有質素，環境舒適，超滿足～下次會再約朋友嚟再encore!👍🏻😆

好少入嚟馬鞍山，有日入馬鞍山搵朋友食飯，附近商場都是大型連鎖食肆，來來去去都好似係得幾個選擇，行過經過見到小店開張，入去試下。有驚喜⋯⋯！佢嘅火炙壽司🍣質素比得起大型連鎖店。魚生新鮮。呢個價錢有呢個質素好抵食除咗刺身壽司之外，都有熟食選擇，可以叫少少串燒，多人嘅話可以嗌照燒雞飯之煩一齊分享唔食魚生壽司嘅朋友都唔使擔心，佢仲有串燒，lunch set 都好多選擇。飲品方面，特飲有少少偏甜，可以叫佢少甜。當日12點去到， 12:30就坐滿咗啦。上菜時間唔算太長。終於唔使喺馬鞍山食大型連鎖餐廳，又多個健康選擇