匠山

✨Blingbling 美食推介📍 馬鞍山匠山☺️超高質抵食日本餐廳💠💠💠💠💠💠💠💠今日順路入左馬鞍山食lunch~ 行下行下見到呢間好精緻既日本餐廳，所以就試下~ 假日lunch time超旺場~ 而且有多款lunch sets, 無論係刺身/壽司/魚生飯/滑蛋飯等等都有！😍實有一款岩你食😉 呢度lunch set既價錢超級抵食！最平既定食set只係$65! 而且質素好高‼️必定會回訪😍另外店員超級細心，見我地叫得多野食，仲主動幫我地拍多張枱添☺️~ 🦀蟹子沙律蟹子分量超級多！堆到成座山咁😍 青瓜好新鮮，咬落爽口清甜，係好滿足既開胃小食☺️我地叫左兩個lunch sets，另外再追加左一份雞軟骨~ 🐟刺身定食有五款厚切刺身：三文魚、吞拿魚、油甘魚、帆立貝同甜蝦，全部刺身都非常新鮮，加埋厚切，口感大滿足啊😍😍套餐仲有湯同前菜，性價比極高‼️‼️🍣赤坂壽司盛12件壽司拼盤：三文魚腩、吞拿魚小卷、劍魚腩、三文魚籽、toro蓉等😍 沒件壽司都好鮮甜，而且分量一d都無吝嗇，三文魚籽多到就黎滿瀉😆配細烏冬，湯同前菜，份量超多，各式魚生新鮮好食，係午市定食既絕佳選擇‼️🥢炸雞軟骨 好大粒，而且每粒都好脆，正啊😆🌟項目評分環境氣氛 💎💎💎💎💎/5服務質素 🌸🌸🌸🌸🌸/5食物質素 😋😋😋😋😋/5性價比 💰💰💰💰💰/5 [‼️全日唔收加一‼️]✨另外餐廳貼心位：生日唔收切餅費 而且仲有有Sake同生啤（好似唔覺馬鞍山區有提供生啤既日本餐廳!!）日本直送刺身（限量供應）：逢星期五返貨📍馬鞍山鞍誠街8號MOSTown Street新港城中心大街(3期)地下G-3/57號舖(有少少入，請穿入內街，仁安診所隔離）…查看更多

去咗馬鞍山新港城探朋友，朋友話街坊狂推嘅一間日式小店「匠山」，好味又抵食，叫埋我一齊去。午市時間非常受歡迎，見到店長都會同食客閒談幾句，睇嚟真係好受街坊捧場。就算係週末，匠山亦都有午市定食，價錢上真係夠晒親民。◐ 1. 壽司定食配烏冬呢個set真係抵食到喊！六件壽司樣樣厚切，有三文魚、吞拿魚、油甘魚、帆立貝、北寄貝同三文魚籽壽司。每款壽司都非常新鮮，夠晒鮮味！跟餐嘅烏冬亦都非常好食，湯底同烏冬嘅軟硬度做得一流，完全係遠高於預期水準，超級推介。◐ 2. 蒲燒鰻魚飯定食一上枱就聞到炭燒香！鰻魚又厚又大塊，外皮燒到脆卜卜，咬落去「咔嚓」一聲，鰻魚肉仲keep住嫩滑，啲秘製醬汁甜得嚟帶啲山椒香，送飯一流！◐ 3. 左口魚裙邊火炙壽司、三文魚壽司、油甘魚壽司匠山嘅壽司做得咁出色，真係要額外追加多幾件。匠山做嘅左口魚裙邊壽司真係一試難忘！魚邊炙到半溶狀態，入口即化仲有陣焦糖堅果香，個口感似食緊魚油cream咁滑，咬口感完全同出邊嘅壽司店唔同！再返兜三文魚同油甘魚壽司，食過返尋味。◐ 4. 炸雞軟骨最後再叫份炸雞軟骨爽一爽，日式小食無得輸。平心而論，匠山未必有高級omakase嘅排場，但勝在夠「貼地」——刺身新鮮、份量足料、價錢親民，知道餐廳逢星期五會有日本直送嘅刺身魚，已經約定下次同朋友搵個星期五過嚟一路飲Sake ，一路食刺身了～…查看更多

上training意外地發現有馬鞍山居民，佢感歎而家食嚟食嚟去都係個幾間～ 我就覺得我要食勻哂先定斷到係咪🧐 上個禮拜就去咗唔喺商場入邊、我又未幫襯過嘅👉🏼 匠山 🇯🇵➿ 汁煮凍鮑魚 ($68)推介🌟 鮑魚處理得入味而保持到彈性，再切成薄片～ 佐酒不錯😆➿ 燒墨魚餅($49)墨魚餅幾彈牙，又有墨魚粒粒，口感唔錯！➿ 比目魚西京燒 ($88)味噌嘅甜味滲透肉質嫩滑嘅比目魚，令到唔食魚嘅鐵飯腳都食得津津有味～➿ 匠山特上刺身飯 ($128)刺身飯有吞拿魚、三文魚、油甘魚、帆立貝、甜蝦、三文魚籽、吞拿魚蓉，全部都好新鮮肥美，飛機貨番真係唔同啲，好滿足啊‼️➿ 溫泉蛋豬軟骨烏冬 *轉咖哩湯底 ($101)渴底由豬骨湯轉咗日式咖喱湯，甜味同辣味都好溫和，同豬軟骨都幾夾！烏冬又好彈牙～➿ 手打蜂蜜綠茶 ($38)味道好rich❗️手打嘅好處就係檸檬味道足🍋 檸檬、蜂蜜、綠茶嘅味道都好平衡～➿ 巨峰蘆薈梳打 ($28)呢個價錢，仲要咁大杯又足料，抵飲！🍇🌟 有服務但唔收加一，太親民了！…查看更多

有朋友住馬鞍山，介紹咗呢間性價比高嘅日本餐廳俾我，我就約人去試下。兩個人叫咗8樣野食，有齊沙律、串燒、刺身壽司、炸物，每人都只係2百幾蚊，亦都唔駛收加一服務費。⭐蟹子沙律⭐鹽燒牛舌 （2串）⭐雞腎 （2串）⭐翠玉瓜 （2串）⭐帆立貝刺身（6片）⭐左口魚裙邊火炙壽司（2件）⭐劍魚腩火炙壽司（2件）⭐軟殼蟹米紙卷（6件）⭐炸雞軟骨價錢好抵，但食物質素絕對唔差。串燒燒得啱啱好，一啲都唔乾，而牛舌同雞腎唔韌兼juicy。刺身亦都好新鮮，如果星期五，去更加食到日本直送嘅魚生。呢度仲有生啤同sake飲，同朋友慶生又免切餅費，亦都有包場服務，所以係一個同朋友聚會嘅好地方。…查看更多

每次去馬鞍山探朋友，通常會去佢食堂「匠山」。食物質素好，而且冇服務費，確係超值！佢哋每星期都有飛機貨返，次次都有驚喜。天氣咁熱，冷麵係必食！麵條爽滑彈牙，配埋廚師特別調配嘅冷麵汁，好好食。三文魚、吞拿魚、油甘魚刺身新鮮，厚切有口感。食半客已經飽飽地。燒茄子加咗好多木魚絲，味道同一般燒烤店完全唔同，食落有啲新意。米紙軟殼蟹卷係必推！佢用咗好多青瓜絲代替壽司米，食落更加清新同健康，食幾多都唔會覺得有負擔。匠山越嚟越受歡迎，今晚嚟到都等左一陣間，下次再嚟馬鞍山，可能要早少少先得。…查看更多