唐揚魷魚鬚

今次第一次同朋友黎到呢間日本餐廳小店支持下，叫左唐揚魷魚鬚($58)、汁煮凍鮑魚($68)、明太子油甘魚卷($78)、溫泉蛋($12)、匠山刺身冷麵($98)、匠山特上刺身飯($118)、白桃蘆薈梳打($28)、薄荷青檸特飲($38)、因為小店嘅關係，鋪頭空間唔算大，所以座位數量有限，過多一陣仲坐滿晒人，黎食嘅話穩陣D BOOK定枱😉呢到有唔同款式嘅SAKE提供，同埋呢區好少見有得嗌嘅生啤都有，正😎明太子油甘魚卷 ：將佢地卷起做細卷嘅SIZE，一口一啖啱啱好，明太子嘅鹹香鮮味同油甘魚嘅鮮甜完美結合，一啖之間，滋味爆發😋汁煮凍鮑魚 ：而家天氣咁熱，食凍鮑魚最適合不過，上碟時見D片數都唔少，幾抵食👍🏻將鮑魚用汁煮嘅方式再冷凍佢，保持鮑魚嘅鮮甜同口感，令人回味無窮🤤唐揚魷魚鬚 ：魷魚鬚炸至金黃酥脆，外脆內嫩，非常香口惹味，配上沙律醬黎食，另一番風味😁匠山特上刺身飯 ：擺盤幾用心，一碗非常豐盛嘅刺身丼飯😍有三文魚、三文魚籽、吞拿魚、吞拿魚蓉、油甘魚、帶子、甜蝦、玉子等食材，新鮮刺身魚片鋪滿喺飯上，刺身睇落有光澤，食落去新鮮肥美，每一啖都係享受🤩匠山刺身冷麵 ：至於朋友熱得濟，所以揀左呢款刺身冷麵黎食，分別有三文魚、吞拿魚、油甘魚、帶子、甜蝦、玉子、蟹籽、蟹柳等食材，同樣地放到滿一滿😎將新鮮刺身、冷麵、同埋特製冷麵醬汁一齊撈埋黎食，清爽開胃又美味🤤溫泉蛋 ：一個簡單但美味嘅小食。煮得啱啱好，半液體狀，食嘅時候啖啖蛋黃流出，唔錯👍🏻白桃蘆薈梳打 ：呢杯飲品清新怡人，白桃同蘆薈嘅組合，好適合消暑飲用😉薄荷青檸特飲 ：如果你鍾意清涼嘅飲品，呢杯薄荷青檸特飲絕對唔會令你失望。薄荷同青檸嘅香氣，飲落去好爽，令人精神一振🥰雖然係日式小店，但食物種類都唔少，味道水準極高，聽職員講每逢星期五有日本直送刺身魚供應，夠晒新鮮，有驚喜🤩而且呢到仲要免加一，更加抵食👍🏻同埋見生日慶祝仲會免切餅費，非常之有人情味🥰值得再黎ENCORE同支持補MENU…查看更多

老友係西沙公路村屋原居民，約我食晚飯，揸車嚟沙田車站接我，見面問老友係咪帶我去食海鮮大餐，？佢話有海鮮有驚喜。驅車前往馬鞍山新港城3， 餐廳位於新港城中心大街三期地下 G-3/57號舖。馬鞍山日式料理小店：✨匠山✨老友話：呢到有Sake及區內少有供應嘅~生啤，逢星期五有日本直送嘅刺身魚限量供應，今日揸車下次才暢飲吧！餐廳裝修擺設日本風格好舒服，店員親切招待介紹食物。我點了杯薄荷清檸特飲，其他老友發辦，點了🍥北寄貝刺身好新鮮，肉厚而爽脆，味道甘甜。🦑唐揚魷魚鬚外皮炸得好脆，火喉剛好內裏魷魚鬚保留彈性，如果配生啤的確一流。🍤吉列炸蝦米紙卷薄薄的米紙包住青瓜絲，吉列炸蝦即制而成，多重口感，冷熱在口內交融，清新爽脆。🍲吉列豬扒烏冬豬扒分碟上可保持久香脆，豬骨湯底加上煙韌彈牙嘅烏冬，可口暖胃。🍣壽司拼盤點了多款壽司，玉子香甜蛋味濃，帆立貝鮮甜火炙香燒，七味蟹棒風味十足。老友仲話呢到豁免生日切餅費，包場搞生日會亦得，最後埋單唔使5舊水，原來免收加一，今餐多謝老友好介紹，請我食餐有海鮮有驚喜的晚餐，我覺得這小店值得更多人認識。…查看更多

馬鞍山雖然人稱美食沙漠，但其實你識捐窿捐罅，都會搵到一啲臥虎藏龍嘅小店，就好似呢間餐廳咁，佢的確係將自己收得比較埋，但出品又真係幾有特色㗎😚三文魚腩刺身 $68呢到相當知道食客想食到啲咩，坊間真係好少搵到咁超級厚切嘅三文魚刺身😍 而且亦都有係刺身表面介花，食落口感同滿足感都爆棚🥰帆立貝火炙壽司 $48火灸壽司係呢到嘅主打，所以我哋都叫咗幾款嚟試，帆立貝都幾大粒同厚身，食落幾滿足三文魚腩火炙壽司 $45三文魚腩就夠哂厚，魚油都燒哂出嚟，食落油香幾重👍🏻唐揚魷魚鬚 $58份量都唔少，炸到幾香脆，食落有少少舊式茶樓嘅味道，點返個日式醬，又唔錯喎😎鹽燒牛舌 $88正常厚度，調味係偏重手嘅，食落的確係幾香嘅鹽燒赤蝦 $98蝦味濃，口感紮實，蝦殼都燒到脆口，可以連殼食軟殼蟹米紙卷 $85卷物係日料入面好常見，但呢個卷物同越南菜做咗少少Cʀᴏssᴏᴠᴇʀ，用上軟糯嘅米紙包住酥脆嘅軟殼蟹同新鮮嘅蔬菜，食落的確係另一番風味，爽脆得嚟帶點軟糯，又唔會咁飽肚👍🏻巨峰手搖烏龍茶 $38巨峰提子同烏龍茶嘅味好夾，又唔會好甜，飲落清爽舒服😚餐廳有Sake同生啤供應，飲住酒食個串燒都幾爽🥴 逢星期五仲會有限量供應嘅日本直送刺身魚🤩值得一提嘅係，呢度無收加一服務費 ，今時今日好少日本餐廳唔收加一🫢 聽店員講，佢哋仲豁免咗蛋糕切餅費，生日嚟慶祝都開心啲🤭…查看更多