最近牛大人新出左🥚「夢王祭」🥚 日本頂級雞蛋 X 極上和牛套餐🫡 每位可以揀夢王生雞蛋 / 醬油溏心夢王蛋 撈牛肉食又得 成粒啪又得🥰 ▫️120分鐘極上和牛吃到飽 ($328/位) 基本八款湯底任你揀 近排仲有全新湯底 醍醐蕃茄酸辣鍋🍅 三椒酸菜鮮魚鍋🐟 今次做孝順仔同老媽子去食 就揀返台灣鳳梨雞鍋啦 鳳梨加上苦瓜 食落甜甜的好開胃 小食仲可以揀三色鮮蔬夢王脆蛋 ▫️牛肉類 澳洲和牛M5牛肩卷 佢個肉味濃又唔韌 油脂比例適中👍 安格斯牛小排油花較多 鍾意一口肉一口啤酒嘅就啱哂！ 和牛牛丸依舊咁出色 一入座就醒你每人兩粒 即刻胃口大開😍 ▫️自助區 醬料區都幾齊全 隔離仲有台灣麵、米粉 想食啲飯仲有真滷牛肉飯😃 飲品方面我首選一定係自家製冷泡茶 不過老媽子話想啤啤佢 佢地竟然有少爺手工啤🍻 $58一杯又ok喎 試哂Pale Ale同 Pilsner☺️ 最後Movenpick + Haagen Dazs雪糕都試埋🍨 依家到6月23號之前仲可以試埋夢王布丁🍮 賣哂就冇架啦！

觀塘真係多左好多野食😍 特別係新開左一排嘅YM2 就係2樓角落頭就搵到Black Coffee啦🖤☕️ 仲記得之前大熱天時都要去旺角間分店 排長龍😍 佢主打窩夫burger同埋甜品 觀塘呢間空間雖然唔算好大 兩個staff又要沖咖啡又要煮野食收錢一腳踢 真係抵讚👍 ▫️慢煮手撕豬窩夫漢堡配雜菜沙律🧇 ($98) 午市都整得好快手 慢煮手撕豬夠腍又juicy 味道甜甜地 配上窩夫一齊食 上層比較脆身 中間夾住生菜🥬 下層窩夫就較軟身 但唔會好油膩 ▫️香煎口水雞扒三文治配雜菜沙律 ($78) 呢個口水雞扒一直念念不忘😌 雞扒好多汁 竹炭三文治配合黑色主題 食落唔怕個包淋哂 口水汁真係令我流哂口水🤤 ▫️三重朱古力窩夫配朱古力雪糕 ($98) 食甜品總會有第二個胃🤤 呢個必點三重朱古力窩夫🧇🍫 啱啱整起好香脆 入面嘅朱古力醬慢慢流出黎 中間配個香濃朱古力雪糕 真係每啖都係滿滿朱力😍😍 ▫️髒髒提拉米蘇 ($68) 唔夠喉？一定要試埋呢個Dirty Tiramisu 酒味好香濃 面頭滲上可可粉 食落又creamy又有啲crunchy感覺 仲有黑朱古力威化脆餅 真係好邪惡呀🤪🤪 ☕️ Flat White / Black Sugar Hojicha Latte ($42 / $44) 想咖啡味濃啲 Flat White就啱哂啦 另外呢杯黑糖焙茶Latte 飲落好似珍珠奶茶嘅味道 又唔會太甜 唔飲咖啡可以試吓呢杯

今次介紹馬鞍山有間出色嘅日本料理 鋪頭位置喺係新港城大街嘅內街入面 一間頗隱蔽嘅位置 叫野食用手機落單 亦有小店 每日推介寫喺黑板 老闆同店員用心介紹同推介 好好傾👍 服務一流！ ▫️精選清酒一壺 ($98) 老闆超貼心咁安排咗京畿嘅4割5分清酒 產地係山田錦 呢款酒順口帶甜 適合配刺身同壽司 ▫️汁煮凍鮑魚 ($68) 必點推介！先將鮑魚汁煮後 冷凍後薄切 口感超嫩滑又入味😍 ▫️三文魚、帆立貝刺身 ($56 / $58) 三文魚絕對係厚切 肥美！ 帆立貝好鮮甜 ▫️火灸三文魚腩壽司 / 左口魚群邊火灸壽司 ($45 / $45) 口腔內充滿咗入口即溶嘅魚油滲入壽司飯中 有種說不出嘅幸福感☺️ ▫️軟殼蟹米紙卷 ($85) 另一必點推介 米紙卷內包有炸得脆脆嘅軟殼蟹及新鮮嘅青瓜粗絲🥒 面頭放上沙律醬 七味粉及蟹籽粒 豐富嘅味道 清爽嘅口感！ ▫️精選清酒一壺 ($98) 老闆見我地之後叫咗d燒物 介紹左另一款適合佐燒酒嘅清酒比我地 係50精米步合 有點熟成嘅感覺！ ▫️鹽燒牛舌 ($88) 牛舌面頭撒上香料調味 燒得香噴噴 爽口彈牙！ ▫️蒜片炒牛柳粒 ($198) 牛柳粒十分juicy,牛味香濃 炒得恰恰好！ ▫️赤魚一夜干 ($88) 呢條魚燒成金黃色 魚肉質地結實 咸鮮味超出衆！ 小店不設加一服務費 如果嚟食生日飯 仲唔收切餅費添 絕對係一間值得支持嘅良心小店嚟 臨走老闆都好熱情咁話我地知 每逢星期五都會有日本直送嘅限量刺身🤫

晏晝去咗波鞋街買波鞋 順便嚟幫襯下呢間 Pause It☕️ 餐廳採用落地玻璃 簡潔俐落 有一種悠閒嘅氛圍 ▫️Cappuccino ($40) 綿密嘅奶泡 咖啡豆係較Nutty嘅味道嚟 香滑 ▫️Ice Americano ($36) 啡香而且爽！ ▫️雞肉墨西哥餅 ($68) 內餡豐富 有芝士、雞肉粒、墨西哥辣椒加上醬汁 餅皮香脆 配上sour cream 帶點奶香同埋酸酸地 胃口大升😍 ▫️蕃茄醬菠菜芝士意大利雲吞 ($88) 雲吞皮煙韌 芝士味濃 蕃茄醬汁連車厘茄🍅 一齊煮 味道酸得嚟帶有蕃茄嘅鮮甜 夾埋完全唔膩 ▫️鮮茄龍蝦汁香煎大蝦螺絲粉 ($128) 大蝦煎得好香口 蝦肉爽口彈牙 螺絲粉同濃厚嘅鮮茄龍蝦汁🥰 Pause It仲有印花咭 每杯飲品有一個印花儲滿就送杯咖啡飲品 我決定要吸滿佢先😁

好耐無食茶餐廳啦😍😍 我最愛茶記之一依然係四寶食堂 下午茶時間都好多人排 性價比高 係值得等的🫡 ▫️瑞士汁雞髀配菠蘿油 ($44) 係菠蘿油呀😍 菠蘿包好軟熟 加上大大塊牛油好邪惡🤤 雞髀醃得夠入味 忍唔住加左$15叫多個 麻辣撈公仔麵🤩 食第一啖口水已經出哂黎 配個雞髀非常夾呀🤤 杯茶走都好出色 茶香濃滑👍 ▫️經典粒粒花生醬西多士 ($38) 厚切西多士 又食多一大舊牛油啦🤣 熱辣辣炸起 一定要即食！ 中間可以再多啲花生醬😄 ▫️喜哥葱油豬扒太陽蛋飯 ($65) 厚切大豬扒從來都無令我失望😌 食落好腍香又有啲脆邊😮 佢個葱油完全係成碟飯嘅靈魂 撈埋個太陽蛋 我要求添飯🤤

當咖啡遇上酒精 ☕️🥂 一樣令人提神 另一樣則令人癡醉 兩者互相平衡 其實係天作之合😌 位於南昌Town Place嘅 Dio Cafe Bar 正正做到呢一點 特色Cocktails充滿住東南亞風味 有別於傳統Cocktails 更著重創意 ▫️Sour Guava 🍸 以台灣風味作為主題 用左Tequila做Base 配上番石榴汁、Sherry帶出清爽口感 杯邊加上梅子粉、辣椒粉同九層塔 入口好清新 酒感唔會太重 作為第一杯好合適 ▫️Cyclone Bitter 🍸 調酒師瞬間帶我到日本沖繩 呢杯以苦瓜同菠蘿🍍嘅配搭 味道微甜帶酸 仲有淡淡柚子香 ▫️Cold Brew Gardenia Tea🍸 香港代表有呢杯梔子花cocktails 以Gin作為Base 花茶調製而成 入口會比較清淡 但又不失酒感 仲有蜜桃甜酒嘅味道 ▫️Sticky Rice🍸 泰國代表當然一定係芒果糯米飯啦 White Rum再加上甜品 基本一定無問題👍 入口香甜 好易入口 加上表面層椰奶奶蓋 大推呢一杯👍 ▫️Salted Soy Milk Martini🍸 概念來自上海特色早餐食品鹹豆漿 Vodka加上大地魚粉、苦精 比較大膽嘅創意 鍾意試新野嘅朋友可以trytry🤣 ▫️Stardust Penicillin 酒感最重嘅一杯 來自馬來西亞嘅斑蘭味道 配上開心果醉 味道偏酸 表面一層奶蓋 令到口感更加creamy

放假去咗圍方睇"但願人長久"❤️ 真係好值得睇👍🏻 散場出黎肚仔已經咕咕聲 所以極速搵野食 就係咁比我搵到間正野😃 門面半開放式設計 牆身貼上藍底 金雀嘅牆紙 有Feel👍 ▫️麻辣鴨血臭豆腐拌麵配紫菜貢丸湯及地瓜酥 ($56) 你無睇錯 係真係有咁多野食🫵 地瓜酥外脆內Q軟 鴨血香辣軟滑 麻辣拌麵個人首推😍😍 香濃嘅辣汁配肉碎蔥花及酸菜 麵質軟硬適中 非常惹味 枱上仲有酸菜任添 ▫️紅燒牛肉麵拼古早滷肉飯 ($58) 呢度嘅茶餐完全滿足到我 樣樣都想食嘅人🤣 牛肉麵嘅湯底香濃 牛肉軟腍 滷肉飯配有溏心蛋 肥肉有油香 好惹味！ ▫️士林鹽酥雞 ($48) 熱辣辣又香脆 曬上鹽酥粉 好香口 ▫️古早起司肉鬆芋泥蛋餅 ($62) 蛋餅煙煙韌韌 餡料幾足料 三樣野加埋味道都幾夾架喎 ▫️鮮鳳梨水果茶 +$18（套餐加配） 水果茶入面有波蘿碎同橙角片 唔會太甜 ▫️愛文芒果起司奶蓋 +$22(套餐加配） 奶蓋香滑有鹹香 ▫️芋泥三色芋圓 ($46) 心思思想食埋佢嘅甜品 大大碗足料😮 芋圓Q彈 仙草爽滑 芋泥有嚼勁 加埋花奶 出色👍

超想推介呢間喺沙田嘅Butlery😍
店面以橙色為主調 非常吸睛
店內採用莫蘭迪綠色配上白色 簡潔明亮
樓底高空間感十足！👍

▫️白酒忌廉汁煮青口 ($79)
廚師貼心地配上兩片多士
沾上好creamy嘅醬汁 配上新鮮藍青口
胃口大開😃

▫️香煎三文魚蟹籽伴開心果青醬長通粉 ($152)
午市套餐配餐湯+飲品 抵食！
是日餐湯係南瓜湯 好香滑 一啲都唔揸流
長通粉係我鍾意嘅口感 煙韌感🥳
三文魚上面鋪上蟹籽 好有層次
開心果青醬味道幾特別 帶少少甜味
整體味道平衡 唔油膩

▫️煎牛排配焗蔬菜、肉汁＆香蒜青醬 ($192)
上菜時香噴噴😀 熱辣辣勁吸引！
牛排一件件放喺焗意瓜同珍珠筍上面
再配上蒜蓉青醬 滿滿油香😌 肉嫰！
仲有香脆薯條 真心推介！👍

▫️Tiramisu Pancake ($122)
提提大家Pancake 制作時間需要半小時⏱
可以提前落單 等叫起
靚女侍應見我地差不多食完主餐時
貼心提我地可以起埋甜品 人美心善🥰
Pancake係值得等架 超鬆軟又有濃濃蛋香 味道不太甜 所以加埋咖啡糖漿就剛好🥞


🥰值得大讚餐廳嘅服務 人手充足
侍應們態度有禮及勤快！尤其在門口等入坐前 餐廳經理笑容滿面😄
熱誠地安排入座 用餐體驗極度滿意！👍

古今🍣 銅鑼灣呢間古今Kokon主打創意日本料理店內係日式簡約裝修 空間感十足 都坐得幾舒服👍 仲有獨立房間 成班朋友包房一齊食都好正 叫野食先！款式都幾多選擇喎🤤 頭盤、燒物、串燒、刺身、壽司、拉麵應有盡有 佢地嘅招牌菜係創意卷物 就試下佢有幾創新先！分別嗌左兩款卷物 ▫️火焰海膽卷 ($187) 海膽再加上蟹柳都係我嘅至愛😌 加上蟹籽增加豐富嘅口感 滲出淡淡嘅鮮味 ▫️東京爆脆 ($98) 紫菜飯卷內包住上有脆漿嘅吞拿魚及蟹柳咬內外軟內脆 都幾特別 再配上日式燒汁及帶點微辣嘅沙律醬汁 值得一試 ▫️埼玉網燒牛舌 ($78) 網燒牛舌大件爽口 牛味同油香都幾突出

上次去台灣旅行之後就好耐 無食過芋圓啦🥰 經過顯徑見到有個招牌 寫住‘芋圓屋’ 就同班芋圓控fd子試下🤤 地點比較隱世 要跟住箭咀行入去 夜晚8點幾去食要等一等位 ▫️開心。大滿足 ($60) 一碗有齊三色芋圓、紫薯波、愛玉凍、珍珠、西米、寒天晶球、仙草凍、三色椰果啲料多到爆😳 超級豐富又足料！ 同個名字一樣 食得好滿足🤤 自家制芋圓好煙韌 配上椰汁花奶底 店員落單時會主動問客人需唔需要少甜 好貼心！ ▫️點紅點綠 ($46) 原粒紅豆+綠茶芋圓 再配上黑糖水晶同西米 佢個紫薯波用上紫薯茸 味濃香滑！ ▫️綠茶控 ($48) 綠茶控咪走雞😂 大推綠茶芋圓👍 綠茶凍好爽滑 加埋桂花凍帶出 淡淡桂花香 仲有得食麻糬 ▫️寒冰愛芒 ($45) 大大粒新鮮芒果粒 配上芒果沙冰 好fresh！芒果夠哂甜 忍唔住整多杯 ▫️芒果沙冰 ($38) 滿滿芒果粒攪成沙冰 飲完成個人都好爽😄 呢間小店食材新鮮又足料！一定會再黎👍