最近行完銅鑼灣sogo感謝祭去咗試一間日式串燒店，以下係1串價錢，每款2串起計，建議大家約埋朋友嚟食 😆 開心share ❣️推薦❣️ ❣️牛舌厚切$78 // 真。厚切 多汁軟嫩但又爽口彈牙🤤 ❣️荔枝豬肉卷$38 // 欣賞佢既豬肉唔會得肥膏，亦唔會薄到乾爭爭 ❣️法國鵝肝多士$88 // 厚切鵝肝🤤入口即融，油脂豐腴 ❣️鹽燒雞翼$32 ❣️自家製免治雞肉棒加日本蛋$42 // 雞肉混合雞軟骨整成棒狀，係日式串燒店必食之選，沾滿蛋漿令口感更滑溜香濃 🐷豚腹$28 汁燒脆豬耳$38 // 唔係好多串燒店有，當佐酒小食唔錯 🐓日本雞尾$38 // 半肥瘦咁 鮮味多汁 日本雞大腿肉蜜糖芥茉汁$38 🦑柚子芥末墨魚串$38 // 墨魚爽口有嚼勁😝 燒飯團（三文魚）$35 味醂魚乾$83 日本芝士年糕$28 🥃ginger high ball $88 🔷店員友善，會不斷幫手加水，上菜會逐串介紹食物；如果想熱鬧啲可以坐bar枱同師傅、經理邊傾邊飲😆 另外都有見到同朋友聚會嘅坐埋一邊

沙田既朋友推薦新城市廣場既高質燒肉，我已經回訪過，都係好滿意🫶🏻 🔷環境🔷 風格係高尚日系風，空間大，座位闊落 最重要係張枱夠大，唔使玩俄羅斯方塊咁樣調位放食物🤣 職員服務親切有禮🫶🏻 枱凳乾淨，唔覺得有油煙🫶🏻 2次回訪都想食牛所以揀咗⬇️ 🔶雅黑牛和牛盛合（二人用）$998 🔶 和牛盛盒包括6款唔同部位既和牛： ・塩味牛舌 ・和牛腹前小排 ・黑毛和牛内橫膈膜 ・和牛西冷180G ・特上牛胸腹肉 ・黑毛和牛上肋骨中肉 全部顏色好靚 牛胸腹肉、和牛赤身個啲就彈牙有嚼口 橫膈膜個啲就又嫩又有牛味 🔶推薦🔶 ❣️和牛西冷 // 油脂好豐富，而且口感柔嫩 🔶必點🔶 ❣️黑毛和牛大判燒 // 會附上日本蛋; 牛肉油脂細緻平均，食落超軟嫩! 記住沾蛋漿食，加倍香滑🤤 我覺得成餐食肉 esp.和牛 就太油膩，所以會另外叫碗冷麵，會食得舒服啲，又一定夠飽肚 以上個2人餐我地4人share + 叫一飯一麵就超級飽😆 🔶KAKURA 冷麵🔶 冷麵表現正常，有啲青瓜、泡菜等配料 最重要係湯汁唔太酸，麵條唔會黐埋❤️ 清爽解膩 🔶紫菜飯🔶 有一堆紫菜鋪鋪面，飯有燒肉汁，配燒肉食好滿足🥰 🔶甜品🔶 係我最討厭既杏仁奶凍🤪今次我都只係食雪米糍，朋友話杏仁奶凍好香滑😆

最近係新蒲崗新開一間潮州菜，新開環境乾淨，仲有 VIP房，唔怪得開左冇耐已經坐滿！絕對可以滿足一班潮州菜愛好者 - 王朝特色醉鵝肝 人氣TOP 1 !!! 有口感，而且花雕味道濃郁；油脂比較豐富，肉質柔軟細嫩，食唔停口 滷水鵝片併盤 夠哂大碟，肉質嫩稔，鵝香味十足 花膠雞煲翅 翅吸收左雞湯嘅精華，淋上芡汁，再配上雞絲提鮮，每啖都係充滿花膠膠質嘅感覺。我自己會建議跟多碗白飯，係送飯佳品 蠔餅 即叫即炸，係幾有層次嘅酥脆感，特別香口！必點之選！

今次在灣仔試完依間地道意大利菜餐廳 後即刻介紹俾同事*V* ✨由來自羅馬的意藉廚師主理，Set lunch 包一款主菜，賣點係有30多款意大利前菜自助任添😍 仲有餐湯、咖啡/茶，有需要可以加錢要甜品，最平既set由$358起🫶🏻 🔶任食前菜 🇮🇹前菜由”Borgovivo”供應 (供應意大利菜來港的公司) 夠正宗！款式多，有啲好少見既地道意菜🫶🏻有誠意 ੈ✩🥓cold cut有莎樂美腸//各款意大利火腿 ੈ✩海鮮方面有🐙//🦀//魷魚仔//青口//螺// 煙三文魚 ੈ✩🧀多款芝士e.g. 水牛芝士// 布拉塔芝士// 雜錦芝士拼盤 ੈ✩🥗羽衣甘藍//火箭菜//生菜//意式矮瓜、紅菜頭//大量醃漬蔬菜🥒 自由度高 ❤️推薦❤️ ✿ﾟ帕馬火腿配哈蜜瓜🍈 同時間食到鹹香同果甜🫶🏻 ✿ﾟ八爪魚沙律 ✿ﾟ意式蛋批🫶🏻比較少見，可以一試 ✿ﾟ翡翠螺好鮮味好大隻 店員會不斷補充食物，食到最後半個鐘都見到有refill，絕不虎頭蛇尾，抵讚中 🔶主菜 🍝 龍蝦小黃瓜扁意大利粉 HKD448 番茄醬好豐富濃郁，配合新鮮龍蝦肉，意粉煙靭又掛汁，開胃又滿足 🥩 碳燒意大利肉眼牛扒配陳醋HKD398 碳燒香撲鼻而來，牛扒有筋有脂肪，牛味濃又口感柔嫩，最終就係配合醋汁火箭菜去減低油膩 🔶意大利麵包布丁配雲尼那雪糕及朱古力醬 HKD58 叫咗一個甜品share都覺得好足夠了 麵包布甸奶香奶香🍨配上雪糕冰火兩重天 🔷環境 餐廳樓底高，空間開揚又光猛，有歐式吊燈 & 皮椅梳化，裝潢主要係暖色木系 一行入去就覺得華麗有氣派 ✔️有戶外位置俯瞰灣仔景色 📺室內有個大屏幕播放意大利風景 加上侍應都友善，整體感覺好休閒好chill，又唔會嘈吵，約人傾生意/小聚都好適合 🍷酒吧夠大好有feel 🎞️牆身掛滿不同海報 + 名人合照

石門都開咗韓燒啦！仲要係真韓國人主理，全程坐喺度等Oppa席前燒肉，簡直係懶人首選呀😆 🐮🥩烤牛排骨 一條牛排骨成500幾蚊🫣 但份量都唔少，條骨同烤盤差唔多大// 店員會剪開啲肉，方便大家加埋配料+生菜+醬料一啖放入口🫶🏻 牛肉多汁滑嫩，好香好好食！ 🐮牛五花肉 原本以為五花肉會好油好肥，但烤完之後有d似吉x家個隻牛肉，但當然係牛味重好多，比起牛排骨會light d，用生菜包住食就啱晒❤️ 🥚雞蛋羹🍳 朋友推薦，睇落正正常常，但一食就知香濃軟滑//佢非常足料，大家小心，好易眼闊肚窄🥹🥹 🥘🍚黃油炒飯 OMG!! 食到最後勁飽但都忍唔住食咗半碗飯，飯焦+ 仲整咗個貓貓樣so cute🥰 ♨️環境 坐得舒服但冷氣真係要加強！ 雖然唔會覺得好重油煙，但有啲位會覺得唔夠涼爽，坐喺個爐旁邊更加熱 🍺餐廳有汽水等幾款飲品，但未有酒牌 大家可以去對面7-11買酒帶入餐廳飲🥰 (1分鐘路程好方便) 味道： ❤️❤️❤️❤️❤️ 環境： ❤️❤️❤️🤍🤍 CP值： ❤️❤️❤️❤️🤍 用餐體驗： ❤️❤️❤️❤️❤️ bookmark：🔖 🔖🔖🔖🔖

朋友介紹依間馬鞍山小店，平日晚市都幾多人，我6點幾早到，不用book位直入 環境乾淨闊落，店員友善又細心，食物款式都幾多，而且價錢都唔貴，平得嚟又有番咁上下質素，會回訪🫶🏻 🦀軟殼蟹米紙卷（6件）$85 見幾多人叫，個卷物外層係用米紙包住軟殼蟹+配菜// 軟殼蟹酥脆唔會太多油 ，加埋米紙軟軟糯糯，唔錯❤️ 後來見網上其他食客都有推薦米紙卷，似乎都算係必食之選 帆立貝火炙壽司（2件） 左口魚裙邊火炙壽司（2件） 火炙壽司款式都幾多，必食左口魚邊，燒到啲魚油逼晒出嚟，油脂滿溢🤤帆立貝都大大件🤭 花之戀壽司（一件） 劍魚腩刺身（4片） 汁煮凍鮑魚 店員介紹話每日限量供應，係用特製醬汁煮成，幾有誠意既小食❤️ 🦐鹽燒赤蝦（2隻） 大大隻，蝦肉唔會霉，咬落去彈牙肉實，燒得好香口 🐮安格斯牛柳（2串） 汁燒墨魚仔（2串） 匠山刺身冷麵 胡麻醬味比較突出，刺身有起碼8片，其他配料有蛋絲、蟹柳等等，唔會單調 薄荷青檸特飲 手搖烏龍茶百香果味 特別又好飲，鍾意佢整得靚又唔會過甜

成日聽朋友介紹呢間居酒屋，同埋上網見人食即席燒和牛，今次特登出銅鑼灣試下🤭環境方面坐得幾舒服，燈光昏暗有情調，朋友話旺角分店會有多啲位，我當日平日夜晚去銅鑼灣分店，唔使book位都即刻有得入 🐮申子海膽和牛燒 雖然定價唔低但係見好多枱都有叫，不愧係招牌菜！😳💸把心一橫試試佢！ 好彩和牛油花真係好靚🤤未食都知唔伏🤤 揀好生熟程度之後，師傅會席前用燒槍烤和牛然後將佢包住粒日本蛋🥚同🍚 卷好、切完分俾食客 我揀咗7成熟，塊和牛被燒得逼出油花，滲落同蛋漿融合嘅白飯🥰 入口油香滿溢，又有滑捋捋既蛋漿平衡油膩感😍 而且上面仲有海膽&黑魚籽點綴，有鮮甜味令成件事更具層次😍 🦀極上蟹膏蟹肉燉飯 因為怕唔飽，我地叫咗個燉飯 🤤 個飯底應該係用海鮮湯一齊煲過，非常入味，相信就咁食都會好好味，更何況加埋大量蟹肉蟹膏蟹籽🤤 好鮮甜呀 👅極上鹽燒牛舌芯 好食！完全冇牛臊味，厚切有口感，但係食落非常之滑+有牛味，爽口又彈牙🥰 🧀🍣申子前 比較特別既小菜，分三個細碗，盛有煙三文魚芝士卷、日式海膽魚子凍豆腐、酒盜芝士，送酒一流，又有豆腐平衡返食完肉嘅油膩感 🍹巨峰提子Highball & 巨峰乳酸梳打 晚市飲品買一送一，酒精飲品都計，可以揀兩杯不同款式

這間餐廳素食款式多多，運用素肉配搭時蔬，間唔中真係要食得清淡啲，依到啲素菜賣相吸引外，味道都有返咁上下水準！而且有多款創意料理，夠哂IGable📸 - ✨意大利香草風味酥皮pizza 餅底薄身香脆，面層一層厚厚的芝士，拉絲及帶煙靭的口感 * ✨意大利香草忌廉天使麵 依個係每次必點~ 忌廉汁夠哂creamy ~ 利用植物肉片炸成嘅炸豬扒好香口，醬汁味道濃郁👍🏻配搭天使麵口感剛剛好！完全唔覺自己食緊素 * ✨黑松露蘿蔔糕 蘿蔔糕炸得外脆內軟，配上黑松露醬、甜醬同辣醬，不可錯過 ✨黑松露鮮蘑菇忌廉湯(奶) 口感滑溜，黑松露味好香氣撲鼻😋 ✨ 香菇竹笙菜胆翅湯$68 有香冬菇、竹笙、菜胆、翅等材料，味道不錯👍🏻

成日見人打卡，今次仲唔輪到我去食！ GARIGUETTE首次喺海外設分店，將拿破崙由傳統方形改成圓形鏤空，口味有甜有鹹，有10幾款口味，仲有香港限定口味！ 餅皮勁薄脆😍用自家研發既專利機器壓製，以短時間高溫烘烤，加入糖同杏仁燒過，keep到口感鬆脆+餅皮香甜，有驚喜！ 🍓🍵宇治抹茶忌廉x士多啤梨 上面一層下面一層圓形既千層酥 非常酥脆 京都宇治抹茶製成既 cream香濃而不會過甜膩，士多啤梨嘅酸甜可以平衡返啲cream，最鍾意佢有粒粒麻糬+紅豆蓉！每啖都有唔同層次，食晒成個都唔覺得悶❤️ 🇭🇰奶茶忌廉芒果拿破崙 芒果肉份量好多，啖啖都食到😍 不過忌廉就食唔出好濃既奶茶味🤔反而芒果味突出，酸酸甜甜，作為芒果控我表示滿足☺️ 💰如果去日本旅行，我唔會用一至兩個鐘頭排隊食一個甜品🤔 所以喺香港就食到，價錢$120-$170左右，定價高d我都覺得值得嘅，畢竟已經慳埋排隊嘅時間成本 📸見到好多顧客都係慕名而來，幾個人買一個就share打卡🤣 店內有10個座位左右，可以坐低慢慢食，唔怕企喺街跌到周地餅碎🫡

以前食過幾次，今次總係覺得有啲嘢唔同咗，唔知係咪轉咗手呢🤔 晚市分為三個套餐，最平$200幾落樓，今次我食最貴嘅$400左右：M5和牛+帆立貝、虎蝦、生蠔、魚腹 // 比其他餐多咗啲海鮮，價錢只貴$50，我覺得都可以接受 食物種類比起其他同類店舖唔算超豐富 但勝在食物都夠特別，唔會淨係得丸同普通菜😂 🐮🐷🐓任食牛、豬、雞 最貴既餐有澳洲M5和牛、安格斯牛小排、每人兩客牛舌心 // 和牛唔會超級多油脂，每人食幾塊都唔會即刻覺得油膩，另外SRF極黑牛反而多啲油脂唔會乾爭爭 任食海鮮類🦐🦪🐟🦑 熟蠔、帆立貝、鮮甜海蝦 全部大大隻，當中蝦同埋蠔我哋都叫咗幾轉，其中有一至兩隻蠔有啲腍，其他全部都新鮮，洗得乾淨，食幾轉已經回咗本☺️ ❤️特別推薦豬肉乾 // 輕輕燒熱燒脆已經好好食😍😍