勝博殿日式炸豬排

營業中

休息中

同朋友係CWB行街行到咁上下,緊係要上下openrice搵下附近有咩美食啦~咦~吉烈豬扒, 岩晒心意喎日本炸物一向係小妹最愛,由其係吉烈豬扒, 配埋沙律醬真係一絕,上到去, 環境好好呀, 坐得好舒服食野緊係要坐得舒服做大前提啦,唔係食都食得唔安落啦 D套餐有大中細揀,岩晒女士們啦, 而且椰菜,漬物,飯,湯都無限添加,好貼心呢~最後叫左2個小既特上級炸豬柳套餐一人一份先滋味架麻,椰菜絲有得配柚子汁同沙律汁, 好好味丫,食炸物一定要配埋椰菜絲清清熱氣呢,主菜黎到喇,咦~唔見沙律醬既? 問問侍應, 佢好快手就拎左2碟仔他他醬俾我,好好既服務態度 豬柳炸得岩岩好, 好鬆軟唔鞋口,而且肥瘦又係岩岩好,食落去一D都唔肥膩 呀! 好幸福呢,反而......白飯就一碗都食唔晒, 浪費左呢 總結黎講, 今餐真係十分滿意 同埋多謝朋友請客 XD

被此店的人氣指數吸引，星期二晚上到此晚飯。八時許也要等位，「人氣食店」當之無愧。入口通道為一狹窄樓梯，上落需要小心，除此之外，新修店子裝修舒適。點菜後，侍者立即送上椰菜絲和青瓜等小吃。椰菜絲切得夠幼。菜蔬混和兩個醬汁，即柚子醋和芝麻醬後，變得更加好吃。給豬排磨芝麻，顆粒粉碎之間散出芳香陣陣，食指不禁大動！試過「元祖三色豬柳卷套餐 · 花」和「味噌豬排」。個人不喜歡炸豬排中間夾有肥膏，每逢遇上這個情況都甚覺掃興。，這店的炸豬排正合吾意：肉身廋無肥肉，雖然肉質不是吃過的最嫰，但炸漿功夫甚佳，不單薄入口也不會脫開。「元祖三色豬柳卷套餐 · 花」共有三款豬肉卷，侍者提醒要趁熱吃芝士卷，半熔內涵，結實中層和脆皮一網打盡，痛快之體驗！露筍爽口清新，加上脆皮豬肉卷也非常好吃。紫蘇烏梅第一次試吃，味道未必個個喜歡。味噌豬排的醬汁令人想起南乳，這是另有一番體會。白飯OK夠暖，質素可以。值得一提的是「紅豆綠茶雪糕」，苟蒻體積大小不一，猜想是自家製的，味道淡口，但加上紅豆和雪糕，後果令人鼓舞！侍者服務良好。幾年來，幾間炸豬排連鎖店陸續進軍香港，開業初時之水準一般都很好，只可惜食物質素大都無以為繼。今日一嚐的

近來香港開左好多間吉列豬扒專門店，之前去過旺角一間，覺得唔錯。一向都對吉列豬有興趣既我，決定再去試下其他吉列專門店。於是星期日就同honey去左銅鑼灣既勝博殿，之前睇過其他食評，好似係新開不久，唔使點排隊，so就一於黎試下。果然唔使點等位，大約5分鐘左右就入得，店舖以純木為主題，幾有日式感覺。打開菜牌，見到有d套餐竟然有分大、中、小唔同size，果然切合我地呢d想咩都試下既人。而且呢間d飯同椰菜絲都係可以任添，太好了,因為我對椰菜絲既渴求非常高，可以任食實在太好了~~我地最後叫左特上級炸豬扒套餐+炸豬柳套餐(小)飯有兩款揀,糙米/白米飯，我同honey一人叫左一款，可以對比下。試完之後,我竟然覺得糙米+白米飯一齊食先係最好味~~haha主菜方面，兩種豬對比之下，必定是特上級的更好食，肥瘦均勻，食落唔會太油,炸粉也唔會過多，正正正。豬柳其實都好好味，唔會硬，而且因為是卷起才炸的，食落唔會覺得好薄冇質感，good~~~綜合黎講，我覺得呢餐非常唔錯，最重要既係女仔又唔驚太飽，男仔又唔驚食唔飽,正正正。下次有機會都會再黎食過~~~

本身約左個2個朋友仔去食銅鑼灣鼎泰豐的, 但實在太多人了, 又肚餓, 所以就即上open rice睇下附近有咩食, 見到勝博殿呢間野評價唔錯, 有個朋友又話想食日本野, 所以就即刻飛奔去了去到等左一陣就有位喇, 裝修唔錯, 都幾大下, d位都ok 舒服, 而d侍應服務態度都好好ar~3個女仔叫左元祖三色豬柳卷套餐‧炸蝦同豬柳定食等左冇耐, 前菜就上喇, 大盤椰菜絲, 青瓜等,不過一般啦, 我食左dd, 不過原來食完仲可以添, good而d 飯都ok, 唔硬唔dry 仲有醬油, 沙律醬, 黑白芝麻俾你磨成粉末, 都幾特別, 不過我都係愛沙律醬多d之後主菜就上喇, 三色豬柳卷分別有芝士、露筍和紫蘇烏梅做料, 芝士半溶, 好正, 但露筍就普通左d, 而紫蘇烏梅我就唔太like , 個味怪怪地, 但朋友話ok~ 如果可以全部係芝士就好喇豬柳定食: 好新鮮, 熱辣辣, d 皮好薄好脆, 一d都唔dry, 有肉汁, 雖然d肉質唔算好嫰, 有dd實, 但整體都ok~ 炸蝦定食: 同豬柳定食一樣, d 皮做得好好. 唔錯!我下次一定再返去再encore元祖三色豬柳卷套餐的芝士卷><ps

今晚去左銅鑼灣開左冇幾耐既勝博殿都系出名吉列豬扒打開菜單,套餐有分大中細size真系為女士而設椰菜,漬物無限添加連椰菜都好好味椰菜可加上柚子汁/芝麻醬我較喜歡柚子汁, 酸酸地好開胃用埋黑白芝麻, 香味更濃...我既炸豬柳同味噌豬排都非常好味仲有白飯同麥飯供選擇!味道唔錯,而且勝博殿既價錢平好多又唔洗等位,服務亦令人滿意一定會再去

每次跟朋友提起要去食日式吉列豬排時，大家總是會走到Tonkichi排長龍，幾經辛苦後才能品嘗美味的吉列豬排。幸好.. 最近有另一家日本出名的炸豬排店「勝博殿」終於來到香港啦！我和朋友各自叫了一個定食：鮮嫩炸豬柳套餐(小) 及 雜錦炸物套餐點餐後不久，店員預先奉上奉上漬物、椰菜絲沙律、還有黑白芝麻。肚餓的話可以食住沙律等主菜來，幾貼心。漬身有青瓜和白蘿蔔：青瓜醃得不錯，有淡淡的醋味之餘，亦不會蓋過青瓜的甜味。漬蘿蔔也是高水準，蘿蔔的清甜味道經過漬之後更加突出。椰菜絲沙律：椰菜絲切得非常幼細，沙律汁有柚子和芝麻兩款選擇，個人覺得這裡的芝麻汁做得十分出色。(漬物跟椰菜絲一樣，都是可以無限量添加的啊！)鮮嫩炸豬柳套餐(小) ($128)：炸漿這裡是做得非常之好的。 一咬下去時非常鬆化，也不會太厚， 而炸粉也不會和肉"皮肉分離"。隔油也做得好，令炸物不會變成"面脆底淋"，而豬柳是切薄後捲起再炸的，非常有水準。 。雜錦炸物套餐 ($138)：雜錦炸物有炸蝦、一口炸豬柳、忌廉蟹肉餅。炸蝦不錯, 吃得出蝦很新鮮，而且炸功了得，令蝦不會太油或太乾身。極度推薦的是忌廉蟹肉餅，超好吃！很香的蟹肉味，再加上適

肚子不滿足，在銅鑼灣四處行逛尋找下一個目標，經過食店林立的亨利中心，我們駐足細看水牌，最後卻把視線轉到地庫的勝博殿，剛好有一對情侶走進去，我們也就不由自主的跟了進去。其實剛開幕的時候略有耳聞食友們的評價，好壞參半，所以一直提不起衝動去試，今天正好給我們機會去嘗嘗。沒想到地庫原來這麼大，以淺色木材為主，很傳統的日式裝修，檯與檯之間的空間感足夠，梳化的座位很舒服。因為之前已經吃過一些東西，是有點擔心如果一人一個餐會太飽，本想點一個餐之外再多加一款單點炸物，可是這裡的規矩是，由於飯、漬物、麵豉湯和椰菜絲都是無限量供應的，所以如果兩個人share一個餐的話，另一位要加$58。在計算過價錢之後，還是選了兩個餐：特上級炸豬柳套餐(中)和元祖三色豬柳卷套餐。首先送來一大盤椰菜絲，吃吉列我最愛就是這些椰菜絲，不論拌上柚子汁或者芝麻醬，同樣清新美味。但這裡的椰菜絲相比起擁有神級地位的「Tonkichi」的，還差一點點。椰菜絲不夠凍，口感不夠爽，而且一開始就端出一大盤，到後來剩下的椰菜絲呈室溫狀態，爽脆度持續下降，我想份量要減一半差唔多，反正客人想要吃的時候再加也不遲。附上的漬物是大白菜和青瓜，青瓜非常爽

行街行到好累事但入左間日本野到食飯,第一次食,但感覺都好好.服務唔錯,唔洗點等好快就有位.前菜的青瓜切得薄,又好有芝麻味,好好味!!芝士卷好正!熱辣辣送上黎,好香,d芝士仲流出黎.d炸物ok,佢個皮做得幾好,好脆.炸豬排就一般,唔係好夠肉汁.蔥花蘿蔔蓉炸豬柳好正!!冇諗過+西抽汁可以中和返炸野肥膩ge感覺,整個感覺好清新!整體好滿意e間野ge食物同服務,環境感覺好好,坐得好舒服,有機會會再去食過,唔錯!

一位很有我心的同學生日，我預早兩天約她來慶祝，同學不吃牛，但想吃日本菜，我選了這間想吃多時的食肆。這裏的套餐，包括有味噌湯，椰菜絲和白飯，麥飯等，還是任食的。我們商議後，選了兩款分吃，但食物來之前，我們要先擂好黑白芝麻備用，之後用來加醬吃豬柳的。元祖三色豬柳卷套餐‧花 $148 一碟有三款口味，露筍，紫蘇烏梅，芝士。薄薄的豬柳捲著餡料，上了麵包糠炸，外層鬆脆，先試了件露筍的，新鮮爽口，蔬菜的清淡中和了豬柳的膩，醮點些加了芝麻的豬扒醬，益添味道。第二件紫蘇烏梅，一啖咬下，冷不提防突如其來的酸味，真的很酸，令人髮根顫動，然而細嚼下，與豬柳亦算匹配。而包著芝士的一件，芝士已溶了，香味與豬柳混和，亦是相得益彰。個人來說，不太喜歡吃豬柳，嫌其太精瘦，欠缺油脂香。炸雜錦海鮮套餐 $178 有兩隻炸蝦，兩件帶子和一件忌廉蟹肉餅，都是上了麵包糠炸，炸蝦是大蝦，雖知不是游水蝦，無鮮味，但也算合格，肉質不霉，帶子肉質較普通，不過不失，沒驚喜，而最差要算是忌廉蟹肉餅，只嚐到濃濃的白汁，蟹的味道不強，也許蟹肉份量不多的原故，看來下次還是吃其招牌菜炸豬扒較穩當，至於麥飯，口感比白飯糯，多了點麥香，配炸的食物也

姑媽請我食生日飯, 帶我去左呢間餐廳第一次黎,覺得幾唔錯~一入到去,入眼既環境好舒服前菜有青瓜同生菜,好清新,好爽口叫左炸蝦、豬柳外脆內軟的,而且肉質唔會乾,岩晒我心水,相信平時少食炸物既人都會中2另外仲試左芝士卷,賣相好吸引~個芯仲係流質的同食軟心既感覺差唔多而佢既芝士味又唔會太濃淡淡的岩岩好最後飲埋個麵豉湯入面有菇,口感幾特別整體黎講野食都幾好味~

行完街,朋友介紹食呢間見唔使等位就簡左呢個,入到去環境幾好,裝潢別致,亦見衛生叫完野食後,唔使幾耐就送到,侍應服務唔錯一大碟菜絲好爽口,仲有得免費任添!飯我要左白飯,個人認為軟硬適中,好啱我嘅口味炸蟹肉忌廉薯餅好好味,好creamy,好新鮮,而且真係見到d蟹肉係入面!至於豬排及炸蝦,兩者都炸得十分好,唔油膩豬排一d都唔乾,juicy,肉質鮮嫩炸蝦好彈牙,唔霉,証明新鮮下次再同朋友黎!

難得去銅鑼灣果邊做野,前一晚當然先上黎睇下有d咩好食。見到勝博殿有咁多好評,而且有我最鍾意既炸野,所以第二日做完野就去左呢間食野。入到去,見到d擺設簡簡單單,反面令人感覺好舒服。知道佢最出名就係豬排,就同個朋友叫左黎食...炸既時間岩岩好,不會搞到太乾或者5脆。唯一既問題就係裡面既肥豬肉 都有5少,身為女仔當然5多鍾意,不過真係好好味(惟有之後幾日食少d肥野,費事月尾發現自己肥左5少)而呢間既特別之處就係比既5單只有白芝麻介有埋黑芝麻,睇落都幾吸引,於是同個朋友快快手手磨好佢,聞落又真係幾香。總結而言,水準的確5錯,服務態度又好,呢個價錢都算幾抵

又多一間日式炸物餐廳加入戰團;在台北我食過, 很高水準;本港的又會點?12點一開門就入去坐下了.地方好舒適, 我們坐卡位;見門外poster 係老虎.蝦, 就叫個老虎蝦2人餐喇.都好快上.食個菜先, 個芝麻醬似沙律醬, 個人都係覺得, 都係柚子好味.蝦都好大隻, 不過略為唔夠新鮮, 大豬o個隻蝦, 一夾, 個頭自己甩左好采, 我隻頂住. 仲影倒相. 不過, overall , 作為招牌菜色, 都係有點失望.不過略油一咬d油會必出o黎.要加油喇.明太子豬柳卷也好特別, 豬柳唔韌, 值得一試.忌廉蟹肉餅, d 忌廉同蟹肉已fuse埋一pat. 再炸. 好creamy.豬柳- 冇蝦咁油, 好脆皮; 不過有1/5係肥膏. 服務很好, 都好主動, 一讚.要脫穎而出恐怕仍要加油.

新開的日本連鎖炸豬排店，據說店子本店在銀座，晚市不設電話訂座，和友人伉儷三人準六時（晚市開始營業時間）到達，順利入座。檯上白色大壺內是蘸炸豬排、海鮮的醬油，玻璃瓶子內的是芝麻沙拉油和柚子沙拉油，芝麻沙拉油一般都很好吃，而這柚子沙拉油也很不錯，酸香清新一點也不帶苦澀。黑色小瓶內的是芥末醬。定食附漬青瓜和津白絲，青瓜極爽脆，可無限量添加。服務生另外會送上爽甜好吃的椰菜絲，也是無限量添加。定食還附味噌湯和飯，飯可選白飯或麥飯。問：飯是否用日本米？答：係，日本米，在黑龍江種的！！！（吓？噢....）那白飯下的水過多，濕了少許，而且沒有米香，不像在吃日本米飯。懷念在日本溫泉旅館早上吃的熱飯，香甜好吃。和其他日式炸豬排店一樣每人奉上一碗黑白芝麻，磨一磨令香氣更釋放，加點醬油後蘸炸豬排/豬柳等同吃，可更添滋味。豬排有分特上豬排和普通豬排，問服務生小哥有什麼分別，小哥：特上豬排是日本豬肉。問：啊，會不會很肥呢？小哥：不會。三個哈日港燦當然毫不考慮點特上豬排。小哥：要不要加大，多約 50g？嗯，三個人食喎，加大啦，免得不夠吃嘛。豬排上檯一看，唔肥就有鬼，幾大塊肥膏！另一端的豬排，完全是肥肉！不肥的豬排肉

早在Openrice見到勝博殿評分不錯想食好耐, 今晚終於在男友慫恿在黎試食喇冇訂位, 預左都要等啦落到basement見到都幾好多人(around有8-10)等位唔知係咪冇得訂檯呢?食店貼心準備有把風扇放在門口等待位置, 涼風吹送等耐D都冇問題 等等等... 等左接近30mins終於有位!店內坐位set得都算寬敞, 唔會好迫店員大部分都好親切，見我地揸唔定主意，主動上前問我地有冇野可以幫到我地絕對唔係嫌你揀咁耐都未揀到咁之後亦有講解部分定食特點，值得一讚最後我地點左一份元祖三色豬柳卷套餐，同一份鮮嫩炸豬柳套餐 (大)之後店員遞上芝麻、生菜絲、漬物等生菜絲、漬物、飯待係可以免費無小refill但我嫌勝博殿的芝麻醬較為平凡，柚子醬則太酸 唔洗等好耐，兩份定食差唔多同時送上另外定食的飯可以自由選擇要白飯，定係麥飯！我選擇了麥飯，男友則要了白飯麥飯煙煙韌韌，嚼勁十足！我先嚐了炸豬柳，真係好鮮嫩，外皮亦好脆！感覺上冇其他食店的炸物咁油膩好彩我地點ge係大份，因為大份其他都唔算好多 如果嗌細未必夠食之後再試埋豬柳卷，我地點左兩件露筍，一件芝士 (可隨意選擇要邊三款豬柳卷，亦可重複選擇)豬柳卷相